url
stringlengths 15
13.9k
| timestamp
timestamp[ns, tz=UTC]date 2022-01-16 09:34:17
2024-11-15 05:05:59
| content_language
stringclasses 895
values | content_type
stringclasses 2
values | text
stringlengths 29
187k
|
---|---|---|---|---|
https://zh-yue.wikipedia.org/wiki/%E4%BC%8A%E7%94%B8%E5%9C%92 | 2022-01-23T18:23:15Z | zho,eng,nno | text/plain | 伊甸園係《聖經》記載上帝啱啱造人類嗰時,人類所居住嘅樂園。
話說上帝耶和華用泥創造咗男人亞當之後,將亞當安置喺伊甸園。隨後,上帝又使亞當睏覺,攞出亞當嘅一條肋骨,嚟造女人夏娃,同亞當相伴,上帝就吩咐佢哋管理伊甸園。
伊甸園中有各種唔同嘅樹,結出各種果實。亦有生命樹,同埋知善惡樹。上帝告誡佢哋,各種果實都可以食,唯獨知善惡樹嘅果實唔可以食。但後來夏娃俾蛇(撒旦)引誘,食咗知善惡樹嘅果實,又將呢隻果實遞畀亞當食。最後,蛇、亞當、夏娃都俾神懲罰,亞當、夏娃兩人俾神驅逐出伊甸園。神又安排基路伯喺伊甸園嘅東邊,拎住旋轉嘅火劍,守住通往生命樹嘅路。
《聖經》記載,有一條河由伊甸園流出,分散成四條河,分別係比遜河、基訓河、幼發拉底河、底格里斯河,因此伊甸園大概喺兩河流域附近。
一九九四年,喺土耳其東南部,有一位牧羊人發現巨石,經過考古學家挖掘,證實係一座巨石陣遺址,距今大約一萬二千年。由於巨石陣嘅位置,同《聖經》所描述吻合,因此有人認為嗰座遺址就係《聖經》記載嘅伊甸園。
呢版上次改係2021年8月30號 (禮拜一) 14:05 嘅事。 |
https://zh-yue.wikipedia.org/wiki/%E4%B8%80%E6%B0%A7%E5%8C%96%E7%A2%B3 | 2022-01-28T20:37:12Z | zho,eng | text/plain | 一氧化碳(Carbon monoxide)係一隻無色無臭無味嘅氣體。佢個符號係CO,即係一個碳原子加一個氧原子化合而成。
佢通常係燒碳化合物嗰陣,燒得唔完全而產生嘅。雖然係副產品,但係佢仍然可以用來燒,燒嗰陣重會有藍色嘅火,最後變做二氧化碳。
一氧化碳對人係有毒,無色無味,殺人於無形。不過現代技術之下,係好有用嘅化合物。
最早研製出一氧化碳嘅係法國化學家 de Lassone(喺1776年)。佢通過加熱氧化鋅同碳,製成咗一氧化碳。但由於一氧化碳響燃燒嗰陣,會產生同氫氣類似嘅藍色火焰,de Lassone就搞錯咗咁話佢整到氫氣。響1800年英國化學家William Cruikshank先至證明一氧化碳係由碳元素同氧元素組成嘅化合物。
一氧化碳響水中嘅溶解度好低,但好易溶響氨水度。
空氣混合爆炸極限係12.5%~74%。
一氧化碳亦都可以當係燃料噉用。
當一氧化碳濃度響空氣入面達到35ppm,就會對人體產生損害,成為一氧化碳中毒或者煤氣中毒。血液變成「櫻桃紅色」,係一氧化碳中毒嘅癥狀。
呢篇一氧化碳係有關化學嘅楔位文章,重未寫完嘅。麻煩你幫手充實佢。 |
https://www.sundaymore.com/tag/%E6%89%8B%E7%9B%B8/ | 2022-01-18T04:06:40Z | zho,eng | text/plain | 2022年虎年5大行業前景|有齊「呢兩條」手相=天下無敵 今年3個行業最辛苦!
7種指紋透視性格特徵 一指即了解一個人:斗型紋=行動力強、箕型紋=易相處!
15個幸運吉痣位置你要知 胸懷大痣代表桃花旺?
女生掌相17大全「掌紋定富貴」 麥玲玲:手小有少奶命、三峰起=有樓收租!
好運睇掌色 美滿姻緣掌相話你知! |
https://zh-yue.wikipedia.org/wiki/%E7%A1%9D%E9%85%B8 | 2022-01-21T12:39:17Z | zho,nno,bel | text/plain | 硝酸係一種具有强氧化性嘅强酸,分子式係HNO3。
硝酸做氧化劑嘅時候,還原產物一般係一氧化氮或者二氧化氮。硝酸見光容易分解出氧氣同二氧化氮,所以要放喺啡色嘅試劑瓶裏面。
佢其實係種強酸,溶水之後會完全電離,出硝酸根離子同氫離子。由於一個硝酸分子電離後只會出一個氫離子,佢係個一元酸。
佢會同鹼發生中和反應,出硝酸鹽同水。
呢篇硝酸係有關化學嘅楔位文章,重未寫完嘅。麻煩你幫手充實佢。
呢版上次改係2022年1月17號 (禮拜一) 05:33 嘅事。 |
https://www.jetsotoday.com/kangs-healthyland-new-customer-jetso-201911/ | 2022-01-25T10:29:59Z | zho,eng,jpn | text/plain | 【玩樂】熱薑驅寒舒筋按摩 + 深層補水護理療程只需 $228!姜美一直愛錫住您!推出秋冬暖身補水護理!幫您驅寒去水腫,再深層同您補水 令你面部光漾麗人。秋冬轉季,而現在香港天氣一時又濕一時又乾一時又寒,皮膚開始發出警號 臉仔好乾好痕!而身體又濕又腫又攰,再加上冬天寒氣入侵,手腳特別冰凍。
幫您全面由內到外調理好,快啲預約喇!心動不如行動!立即預約體驗啦!
1. 以上優惠只適用於18歲或以上之姜美養顏館女性新客戶。
2. 客戶請預約先享用此優惠。
3. 如有任何爭議,姜美養顏館保留最終決定權。
4. 每人只限使用一次新客戶優惠。 |
http://cityuge.swiftzer.net/comments/1989 | 2022-01-29T00:37:43Z | zho,eng | text/plain | 如果你本身多cre,對Business又唔係太大興趣,想學野既,就絕對唔好reg呢一科,簡直就係浪費你精神、腦力同時間。
首先講一講啲Workload。
Group Project就係一堆Business常見既Topic,例如How different types of consumers create new demands咁,全部用scrapbook形式去做。
至於Individual Assignment,第一份就係scrap book形式,比較易既,扣到題就高分。第二份就係Final Assignment,即係佢所謂既Exam。要用12Font Size/Times New Roman/Single Line Space/Regular Margin黎做3-10頁紙。
Present好輕鬆既,唔需要好拘謹,有啲特色就ok,例如做roleplay咁。
跟住就講下呢一科有乜問題。
第一點,亦係最大既問題,就係個professor比既Project Guildline,全部唔清唔楚1999,send email問佢佢就將個問題簡單複雜化,覆我地個篇野仲長過個Guildline,好地地一句講哂既野佢用二十句,英文屎過中學生,要睇幾十次先明成句句子講乜,又成日轉Standard一時一樣,將班學生耍黎耍去。最好笑係佢同自己個助手一啲共識都無,問完佢助手跟佢助手既advice做,結果比個professor ban左砍掉重煉,助手自己都O哂嘴唔知點解。
第二點就係個Professor既處事手法。最好既例子就係佢擺份又長又Chur既Individual Assignment係Exam Period,攪到全世界忙到Hihi,我就考哂試,Sem Break前一日都要通頂坐係到十個鐘唔郁趕呢份毫無意義既Paper。比埋啲Requirement又奇奇怪怪,夾硬迫人Cite六篇上堂用過既Articles,個個人Topic都唔同,有啲Articles點Cite都Cite唔到落去,加上成堆Articles其實唔係好關個Project事,浪費哂大家時間,就係為左迫大家睇下佢揾返黎既Articles。最火係Exam Period要大家特登九點半死返City親手交比佢,成個Process懶係Pro咁,叫呢個交功課既過程做Exam。點解唔用Blackboard,點解唔用Online Submission,點解一定要收Hardcopy?釣哂成班考緊試學生九半返去十分鐘就散水返屋企,呀佢真係以為個個都住Hall架喎,好好玩咁話?
最後一點,就係個professor經常會轉Standard,除非你上堂好專心每一句聽哂,如果唔係你一定比佢耍到。例如Final Assignment,guildline sheet入面一邊寫要交3-10頁,但佢無啦啦又講要交5-10頁。之後個啲12Font Size/Times New Roman/Single Line Space/Regular Margin全部只係得Word有得Set,點知交Hardcopy前一刻,我同班Friend已經係地鐵中途,佢send email黎叫全世界要用Google Blog做,Dafuq?
總而言之,呢一科我就建議大家唔好reg既,絕對係一個伏。 |
https://gongjyuhok.hk/articles/1618?shared=email&msg=fail | 2022-01-23T09:17:33Z | zho,eng | text/plain | 以前我好少會儲野,因為一直都冇呢個習慣,我呢份人中意睇書、聽歌、打波,但係對儲野真係冇乜自覺。有人會儲郵票,我要寫信時先會買郵票;有人中意儲舊銀紙,我就話有錢當然要洗左先。只不過呢排無意中得到幾個女皇頭銀仔,我無端端竟然生出想儲起佢地既諗頭。
呢件事真係夠晒莫名奇妙,我嘗試去猜度自己,發現除左係自己一貫既懷舊情結作怪外,更多左一種回應當下既欲望──當下香港咩狀況?心照啦。呢種回應算唔算係戀殖呢?未必係,我唔係香港土生土長既人,我六歲落黎香港,好彩融合得快──其實融合呢個字眼係咪好準確呢?我自己覺得搬到人地地方住,要落地生根,自然而然就必須守人地規矩。一路以黎,我都以香港人自居,對於我未經歷過既香港殖民年代,有我老竇一直無意中做既口述歷史黎補遺。
我老竇六十年代偷渡黎香港,係佢既年代,碟頭飯八毫子一碟,新蒲崗住板間房見證租客同包租婆個女暗通款曲,係黃金戲院打工獲老闆賞識到後來幫呂志和做事,佢既歷史離不開衣食住行,更加離不開我手上既女皇頭銀仔。三個女皇頭分別係七九同八零年鑄造,係我搭車買野時無意中找番黎,熟悉既洋紫荊變成一個頭戴環飾既女人,佢好似想對我講一啲野,定其實係我想咁呢?
不曾熟悉既女皇,遠在萬里方外;曾擁有過既歲月,係銀色表面反光既一刻睇清睇楚,呢段歷史對我黎講到底有咩意義?我知道呢段歷史唔係純然地好,佢有黑暗醜惡既一面,聽老竇講過唔少;好似六七暴動個陣,佢係新蒲崗打工,明明唔係暴徒都照俾警察毆左幾棍。但係拎呢段歷史同今天做對照,我只會覺得可悲,似乎今日香港墮落得太快喇,跌到最低,令人喪失信心。以前我未曾想像過有一日要面對咁多個警察,仲要係凶神惡煞,殺人父母咁樣。我係彌敦道同龍和道個晚見得太多呢種面目,我唔打得,我都會驚,更可怕既係呢種恐怖會植入記憶之中,例如七月二號晚我係遮打聲援左成晚,當我再次黎到遮打道個時,當夜記憶同眼前畫面不禁重疊起黎。我驚訝自己竟然會有呢種時刻,第一次被怵目驚心既記憶佔據心靈,以前我都會有呢啲時刻,但個啲係快樂既記憶。
記憶同歷史互相追逐,玩緊一場令人時而痛心,時而窩心既遊戲。女皇,你見到依家香港既狀況嗎?你有咩感覺?你願意用我既眼睛代行觀察嗎?遮打革命以黎我固然見識唔少醜惡既嘴臉,不過另一方面我都俾好多朋友既支援,同佔領區見證既好人好事感動,或者我地未必係完全墮落得晒,某啲價值崩壞既同時會有新既價值替代,或重建往日一啲被忽視既價值。
擲個公字,如果係女皇頭面我就寫呢篇文出黎。我總希望三個沉默既銀仔會俾到答案我,不過答案只有自己先至會尋找到。 |
https://fitz.hk/category/life/local/ | 2022-01-18T08:17:36Z | zho | text/plain | 沙頭角碼頭於今年第二季開放,確實開放時間要視乎疫情。……
政府早幾年提出「河畔城市」嘅概念 ,話要活化幾條市民稱為坑渠嘅「河道」……
要遊歷香港有好方法,最近有網民就依九巴70號嘅路線,由上水徒步行到佐敦……
彩榮路體育館於12月29日正式開放,呢個係觀塘區第9個室內體育館……
新建成嘅彩榮路體育館將於12月29日啟用,為區內第9座室內體育館。……
政府將12月19日 (星期日) 定為「免費乘車日」,市民可全日免費搭乘陸上公共交通工具……
ViuTV新節目《香港秘密搜查官》啟播,第一集節目以探索「維多利亞港最深水域」為目標……
南大嶼山擁有多個著名旅遊點,包括天壇大佛、大澳漁村、梅窩等…… |
https://zh-yue.wikipedia.org/wiki/%E9%8A%80%E6%A8%BA | 2022-01-21T00:24:24Z | zho,por | text/plain | 銀樺(粵拼:ngan4 waa4;學名:Grevillea robusta)係山龍眼科銀樺屬嘅常綠喬木,原產澳洲昆士蘭同埋新南威爾士等地區,而家喺全球嘅熱帶或亞熱帶地區都可以搵到。
植株高30尺(10米,3呎),主幹比較直,細樖時有白軟毛。葉互生,羽狀深裂,長15~20cm,闊12~18cm,裂片7~10條,葉綠,細樖時淺綠,背面有銀白嘅絲毛茸。花屬總狀花序,一般生喺梗頂或葉杈,花瓣橙黃色;花柄細長兼光滑無毛,長10~15mm。子房光滑冇毛,有柄,花柱長,柱頭樣似盤噉;每年夏初開花。果屬蓇葖果,闊而歪,長20~24mm,啡黃。籽四圍有翼。
植株啱喺高溫同高濕地區生,喺18~28℃地區嘅葉質泥最明顯。
植株多數用嚟做公園同綠地嘅風景樹同埋行道樹,梗可以做木材,用嚟整傢俬或雕刻之用。
佢嘅葉、花、樹脂可以做藥,有以下嘅功效:
樹脂 胃痛,潰瘡。
呢版上次改係2016年9月16號 (禮拜五) 00:00 嘅事。 |
https://hkcashrebate.com/utility-bill | 2022-01-27T03:30:17Z | zho,eng | text/plain | 呢個繳費大法嘅原理,就係透過Alipay HK、WeChat Pay HK、雲閃付等支援信用卡繳費嘅App去交水電煤以至上網費、電話費、收費電視、學費甚至屋苑管理費。由於部份信用卡會將呢啲經電子錢包繳費嘅交易計做普通/網上簽賬,所以就可以賺到高回贈!小編亦要戴返個頭盔:正常繳費交易跟T&C係一定無咁高回贈,以下方法純粹係小編實測賺到回贈開心share,亦有網友回報有零星無回贈嘅情況。銀行隨時有可能揸返正唔再俾回贈,亦請大家唔好打俾CS問,因為官方答案一定係繳費無額外回贈。
以下係經小編實測交各種費用最抵嘅方法,其實不外乎都係建行京東卡同埋安信EarnMORE銀聯卡配搭上述電子錢包,但留意各電子錢包同埋信用卡都有上限,所以記得碌埋落去睇詳情!
呢個4%回贈嘅組合,就係透過支付寶用建行京東卡去繳費。建行京東卡主打每年首$142,857網上簽賬有4%回贈!而小編實測經支付寶繳費同出街消費買嘢,都可以賺到呢4%回贈!信用卡嘅詳情可以參考返建行京東信用卡攻略。
留意返由2022年1月4日起,以信用卡經支付寶單次繳交電費、煤氣費、水費、差餉地租、物業管理費會收取2.5%手續費。換言之,如果以支付寶繳交上述費用,扣返手續費就淨賺1.5%回贈。但其中嘅電費其實係可以喺支付寶入面set自動付款,咁就可以免手續費繼續賺4%回贈!至於其他電話、寬頻等就繼續無手續費淨賺4%回贈!可以參考下圖小編實測支付寶4%嘅月結單截圖:
而至於用支付寶繳費嘅步驟,其實真係好簡單,打開個App跟住㩒就得。簡單嚟講,支付寶交到嘅錢可以分為政府賬單同非政府賬單兩種。如果係非政府賬單,開App之後㩒「繳費服務」,揀賬單類別同公司,打返賬單號碼,之後揀信用卡比錢就搞掂。登記過一次之後,呢張單就會綁定落支付寶戶口,以後唔駛再入賬單號碼。
跟住嘅2%回贈組合,就係透過微信支付用安信EarnMORE銀聯卡去繳費。安信EarnMORE卡主打每年首$200,000簽賬有2%回贈!而小編實測經微信繳費,都可以賺到呢2%回贈!信用卡嘅詳情可以參考返安信EarnMORE卡攻略。
其實用微信以信用卡繳費正常係全部要收手續費,但今期微信就做緊個銀聯推廣:即日起至2022年6月14日,憑任何銀聯信用卡於微信App生活繳費繳付賬單,都可以豁免手續費,所以先會衍生到上述2%回贈。而微信可以繳付嘅賬單類別其實唔多,只有電費、煤氣費、同埋掃描QR Code交政府賬單(包括水費、薪俸稅、差餉地租等),但就勝在呢3個類別夠晒實用。
最後嘅呢個2%回贈組合,就係透過雲閃付App用安信EarnMORE銀聯卡去繳費。只要下載返個App(Android|iOS)之後開戶,揀返香港地區,再綁定埋張EarnMORE卡入去就可以。搞掂之後,就喺個App入面揀「香港繳費」,揀賬單類別同公司,打返賬單號碼,之後揀信用卡比錢就搞掂。雲閃付嘅繳費類別其實都幾多,主要係無得掃描QR Code繳費所以交唔到政府賬單,佢涵蓋嘅賬單類別都包括電費、煤氣費、上網費、電話費、收費電視等。
請問煤氣費點樣可以喺alipay, 選擇成為自動轉賬呢?
差餉可否用京東+AliPay有4%回贈?是否扣2.5%手續費仲有1.5%回贈剩返?
我話經京東卡經wechat無,而家講緊alipay喎?
想問下用中銀雙幣卡+雲閃付用嚟交電費,煤氣費有冇4%現金回贈?
京東card + 雲閃呢?
水電煤差餉有冇得預繳?
建行京東卡用雲閃付交管理費有4%回贈嗎?
12月21日 支付寶開始徵收手續費 2.5%, 請問建行信用卡的付費回贈, 是否確認會受影響?
請問京東交水電費回贈推廣做到幾時?
請問用渣打simply cash 經支付寶交水費同差餉會有1.5%回赠嗎?
請問用hsbc red mastercard 在支付寶繳費有無回贈?
我有 red, signature, pulse, 如果用支付寶,應該邊張卡最多回贈?
你好,請問恒生VISA用支付寶繳費食唔食到迎新?
請問有冇第二張卡經支付寶交煤氣可以食迎新?
請問可否用 雲閃付+Earnmore銀聯信用卡 交差餉地租賺2%?
用云閃付加earnMore 交港鐵管理公司嘅管理費既時候要有帳戶繳款號碼,係唔係同繳費靈嘅帳戶繳款號碼一樣?
請問而家用邊張中銀信用卡交水費電費煤氣費管理費差餉地租,仲有4%回贈?
打去安信CS問,佢話繳費係冇上2%回贈。如果真係得,請問有冇試過交其他費用(例如大廈管理費)係唔係都有2%回贈?
查實簽完賬之後點睇到有冇2% rebate?
Wechat pay+ 安信Earnmore有冇得回2%?
請問Wechat+Earnmore P2P轉帳or消費付款有2% 回贈嗎?
我三月經支付寶交中電電費冇4%回贈. 有無人試過有4%回贈?
5月還有4%嗎?
究竟是說 “中銀香港” 一還是 “中國建設銀行(亞洲)”
有冇試過用張京東卡top up 落wirex 有冇4%回贈?
2021年用中銀卡喺支付寶無咗4%,咁應該用咩方法交水電煤雜費最好呢?
呢篇文好快會update㗎啦!留意住我哋FB同IG!
一直以來,我都以儲飛行里數為目標,我現有信用卡組合如下:
JD 支付寶轉帳好似無咗4%?
你好,想問wechat pay 轉帳/繳費,會有4%回贈嗎?
用其他信用卡得唔得?
請問計唔計 5%回贈嫁? |
https://zh-yue.wikipedia.org/wiki/%E6%9B%B2%E6%B1%9F%E7%B8%A3 | 2022-01-22T03:28:41Z | zho,eng | text/plain | 曲江喺中國廣東,家下係韶關市下一個市轄區,叫曲江區。西漢去到大清時係一個縣,叫曲江縣。
曲江北便有浮嶽山。東北有韶石山。西有芙蓉山。東南有南華山[1]。
湞水喺東邊,又叫湘江,由始興縣入,向西南流,合錦江、零溪,過府治東南,武水由北來會,叫曲江,又叫始興大江。再向西南,過虎榜山,屈向東南,右納瀧水,左納曹溪水、宣溪水,南入英德叫北江[1]。
曲江縣嘅馬壩鎮十三萬年前就已經有馬壩人響度住。
大清時曲江縣歸韶州府,而縣丞治蓮花嶺村。有濛𣿞、平圃二巡司。曲江縣驛。舊時有芙蓉驛,廢咗。另有粵漢鐵路經過[1]。
呢版上次改係2018年9月2號 (禮拜日) 11:25 嘅事。 |
https://www.moonmoonkitchen.com/2009/06/blog-post_22.html | 2022-01-21T19:52:36Z | zho,eng | text/plain | (1) 淡忌廉打至七成企身備用。
(2) 魚膠片用凍開水浸軟,再用熱水坐溶備用。
(4) 加入牛奶拌勻。
(5) 加入芒果茸用刮刀拌勻。
(6) 加入淡忌廉用fold in方法拌勻。
(7) 加入魚膠水拌勻。
(8) 倒入一半芒果慕絲糊,平均放入芒果粒。
(9) 再倒入餘下之慕絲糊,放入雪柜冷藏1個半小時。
(10) 預備餅面啫喱,將糖粉加入芒果茸中攪拌勻,魚膠片坐溶成魚膠水,加入芒果茸中拌勻。
(11) 取出已初步凝固之慕絲餅,倒入芒果茸啫喱,再鋪上芒果球,放回雪柜冷藏至少3小時。
(12) 取出蛋糕,用熱毛巾圍住個盆,便可輕易脫模。 |
https://www.ee852.com.hk/products/%E7%8F%BE%E8%B2%A8-%E7%BE%8E%E5%9C%8B%E9%80%B2%E5%8F%A3-arm-hammer-4%E5%90%881%E5%A4%9A%E5%8A%9F%E8%83%BD%E6%B4%97%E8%A1%A3%E7%82%B8%E5%BD%88-20210570 | 2022-01-23T19:11:46Z | zho,eng,ind | text/plain | 嘩!!超正嘅Arm& Hammer洗衣炸彈黎啦!!
平時買一袋都要成400蚊!而家大大包97粒低至$109!!
圍起平均洗一次衫只係$1!!!勁勁勁勁抵買!!
呢款4合1超好用!潔淨/除菌/護色/柔順完美結合!
具有小梳打嘅清潔力,比起普通洗衣粉潔淨力強6倍!!
仲要可以保護衣服色澤,防止衣服變黃。
連柔順劑都唔洗用~超正!
只需一粒就可以洗一機衫,97粒可以用成3個月!!
趁優惠,快啲買翻幾包備用啦!
使用方法:1 粒洗衣炸彈可洗 5-6kg衣物,只需將一粒放入洗衣糟中即可!
- 保護衣服色澤,防止衣服變黃。 |
https://www.vjmedia.com.hk/articles/2020/08/08/208906 | 2022-01-24T04:10:00Z | zho | text/plain | 【德國柏林直擊】$4500蚊港紙租樓?可能有嘅,但唔會輪到你。
真係睇完都燥,係,雖然佢有講個問題,但係真係呢度的土地問題比條片講得更嚴重-講真,個個都係咁打飛機,講外國點樣平乜乜鳩鳩-其他地方我唔講啦,唔撚熟,但係柏林真係——講真搵樓真係好撚難,我而家有地方住,都係因為托賴自己以前有識人搵到樓一直住到而家,但係如果你話要因為唔同原因(好似話而家我想住近少少返工嗰度),真係無可能搬到屋,因為根本收入唔夠租到盤,盤又多人爭,如果你話4600蚊住嗰啲盤,又可以登記地址乜乜鳩鳩,都真係超多人爭-一個flat可以有幾廿條友喺個街度等睇樓,如果你係外國人又係學生根本無可能租到樓。
我地個flat有五條友,有人搬出搬入,一間房放租出去都有成百幾封email 話想租,我地可能真係見得五六個人,然後啲人係會話會有啲flat 會話叫你做slave,即係你交100歐租or 唔洗交,但係你要做哂所有家務乜都係你要處理;可能話有啲case係d 變態佬係專係只係搵女人做flatmate要同床訓;如果你一個人,喺外國,遇著你partner/老公老婆家暴你,你要緊急搵地方租,sorry如果你窮啲都無地方你租到。
真係,土地問題都唔係真係只係一個dimension只係搵唔到樓住咁簡單,而係真係會搞到有其他問題出黎。
講真,就算話呢度有rent cap,但係而家都仲喺憲法法院入面argue緊呢條law係咪合憲,到今年冬季應該會審完。如果rent cap 違憲就要全部可以再加過-有個盤我睇過係本身1100歐租,然後而家跌到去572,但如果條例違憲又可以再加返上1100歐租。
咁你係我,你夠唔夠膽租?
咁你會問,咁政府無其他policy幫窮人? |
https://www.mysishop.com/107987.html | 2022-01-24T10:40:43Z | zho,eng | text/plain | 突擊快閃!Lookfantastic禮盒震撼新上架85折優惠,人氣美妝品牌大集合!
內有3枝100ml 既皇牌產品,包括3號深層補水髮膜、4號洗髮水、5號護髮素;另外仲有1枝30ml 既7號髮尾油,價值HK$800架,而家折完只係HK$550,超抵買!
呢款骨膠原皇牌套裝絕對必睇!好似皇牌套裝包括50ml骨膠原海洋精華日霜、50ml骨膠原精華晚霜!香港單買精華日霜要HK$950,晚霜都要HK$950,計落成套總值差不多二千!而家禮盒折完只係HK$1,147,而家仲有靚盒,真係抵到癲呀!
骨膠原海洋精華面霜有效強效保濕、提升緊緻同埋減淡細紋,最驚喜係15日就可以見到肌膚質素明顯改善,完全係女士們恩物,拿拿聲掃啦!
Caudalie 呢套急救保濕套裝折後HK$238咋,持續為肌膚注水、鎖水,讓肌膚柔軟水嫩。不含油分,天然配方保護肌膚天然透明質酸,持久鎖水保濕。
皇牌急救保濕禮 內有Cleanse 潔面霜 100ml (連面巾)、急救面膜 100ml,折後只係HK$688,講緊呢兩樣係Full Size香港賣加埋要HK$1,500架!
▼記得係以下標示輸入Promo code :【 DEAL 】,即有 85 折優惠!
← 雙十一預熱優惠開始!Vivienne Westwood人氣首飾罕見7折,最平HK$540起 + 免運費!
今晚完!捱夜救星英國Sarah Chapman 護膚品快閃7折優惠 + 免運費!
雙十一優惠折上折!新西蘭Antipodes有機護膚品減至6折+額外9折,低至香港價錢52折! |
https://www.meeeep.com/playprogramme1.asp?serialno=1478 | 2022-01-17T06:43:12Z | zho | text/plain | MeeeepMore 生活部落格 - 【蛋撻食譜】屋企簡單整新鮮出爐蛋撻!零失敗 個半鐘有得食!
蛋撻絕對係香港嘅地道美食,你又有無諗過,原來喺屋企一樣可以食到新鮮出爐嘅蛋撻呢?今日就同大家睇下!
首先睇睇蛋撻皮需要嘅材料:
而蛋漿就需要:
我哋首先將無鹽牛油室溫放軟,加入砂糖之後用打蛋機打勻。再打散一隻雞蛋,倒一半落去打勻。然後就可以將低筋麵粉過篩拌入去,加入鹽後繼續打勻。完成步驟後,將麵糰放入雪櫃大約30-40分鐘。
依個時候,我哋就可以準備蛋漿。先用100毫升嘅熱水溶解砂糖,倒入奶同雞蛋,慢慢攪拌成蛋漿。
之後將雪好嘅麵糰拎返出嚟分成六份,放入蛋撻模後用拇指按壓,因為麵糰有油同埋彈性,要壓多幾下先可以定倒型。再倒入蛋漿至9成半滿。預先將焗爐預熱到200度之後,將蛋撻放入焗爐中層焗大約25分鐘。當見到蛋撻皮焗至金黃,蛋漿微微脹起之後,就代表完成喇!
出爐嘅蛋撻梗係要熱辣辣食先得啦,而家我就即刻試一試先!希望唔好太甜啦!好食呀!個餡唔算好甜,但好香好香蛋撻味,頭先只係用咗個半鐘頭時間就可以做好呢個蛋撻喇!你都可以試吓㗎!
[湯水食譜]粟米鬚湯 生津解渴 清熱祛濕消水腫!
[聖誕禮物2020] 仿真指壓按摩不求人!韓國mediness「四手神肩」shiatsu指壓肩頸按摩器 | 迷你雪櫃汽水機 懶人恩物!
【蛋撻食譜】屋企簡單整新鮮出爐蛋撻!零失敗 個半鐘有得食! |
http://cat-home-cat.blogspot.com/2012/04/blog-post_05.html | 2022-01-22T05:59:27Z | zho,jpn,eng | text/plain | 問01:呢對腳腳係邊個既呢?
問02:呢隻手手呢?
問03:呢兩對腳好易估啦!
好柔軟,撳吓撳吓好過癮!
咁果隻手又真係我既。
泰臣果隻都應該好好玩。
但係佢手掌又圓又大好可愛啊!
有時捽佢地隻腳會撐開d腳指,好搞笑架。
其實, 齌睇肉球分唔到~ 佢哋又無痣喺腳底。
嘻嘻!其實我都成日認錯!
係呀,多數都一齊瞓,可能一齊大感情好啲。
好可愛呀!軟綿綿咁。
係呀,我成日捽佢好過癮。
睇你個名,你都有貓貓喎。 |
https://zh-yue.wikipedia.org/wiki/%E5%A1%AB%E6%B5%B7 | 2022-01-18T02:44:01Z | zho,eng,msa | text/plain | 新填地係指揼沙石等入水,填成地。填嘅水可以指海、湖、或者江。世界近海各埠各城,多數有填海。古時亦有圍堤造田,尤其喺淺灘,久而久之變成大片新填地。亦有抽乾澤地,雖然無新地,但將爛地變成人用得嘅地,都算係新填地嘅一種。
現今造地係土木工程一範,填地方法首先圍起要填嘅水域,跟住用大石或水泥,加較碎沙石填塞。填地目的多數為咗經濟,擴展海邊地。亦有為清垃圾而填地,尤其係裝修、舊樓重建、工業廢料。工程亦要注意防漏,以免沙泥等污染水域。
新填地大多唔係即刻起得高樓大廈,因為土質有水份會有沉降,所以頭嗰十年八年新填地只可以做公園、海濱廣場等[未記出處或冇根據]。
新填地怕地震,地震時,填地有可能流質,上面屋宇有危險[1]。新填地起屋,一定要反覆壓實,防止泥土化成流質。
呢版上次改係2020年8月28號 (禮拜五) 10:36 嘅事。 |
https://zh-yue.wikipedia.org/wiki/%E9%BB%83%E8%8A%B1%E5%B4%97%E4%B8%83%E5%8D%81%E4%BA%8C%E7%83%88%E5%A3%AB%E5%A2%93 | 2022-01-20T15:19:32Z | zho,eng | text/plain | 黃花崗七十二烈士墓係中國廣州嘅一個墓,紀念1911年4月黃花崗起義之中死咗嘅七十二個人,後世人稱佢哋做烈士。喺1986年同埋2002年嘅評選羊城八景入面,分别重攞咗「黃花浩氣」同埋「黃花皓月」呢兩個名。
72烈士屍骨由潘達微收葬,改原地紅花崗做黃花崗。1918年,滇軍師長方聲濤(方聲洞之兄)募款修墓,廣州非常國會參議院議長林森募得僑資贊助。早期墓園為著名設計師楊錫宗設計,孫中山親手栽植咗青松。1921年,紀功坊、墓亭相繼落成,除咗呢72個烈士之外,重有14名烈士死喺黃花崗起義,共86人,姓名全部刻响《廣州辛亥三月二十九日革命記》石碑嘅背面。後又增加鄧仲元墓、馮如墓、潘達微墓、史堅如墓、楊仙逸墓,至1935年基本建成現有規模,1949年被中華人民共和國政府改名做黃花崗公園。
黃花崗七十二烈士墓喺1961年被國務院公布為第一批全國重點文物保護單位。文化大革命期間,自由女神像遭到破壞並遺失。1981年,廣州市政府撥款重塑自由女神像。1985年,黃花崗公園以「黃花浩氣」成為羊城八景之一;2002年7月再度被評為新世紀羊城八景之一——黃花皓月。墓園分別於1994年、2000年、2001年被評為市級、省級及中國僑聯愛國主義教育基地。2005年11月入選第三批全國愛國主義教育示範基地名單。
今日陵園規模宏大,面積十六萬平方米,「東至二望崗,西至廣州模範監獄及永泰村,南至東沙馬路(而家嘅先烈路),北至墓後田塘」,莊嚴肅穆,墓園座北向南,孫中山先生題寫「浩氣長存」四字嘅牌坊式大門氣魄雄偉,經墓道到烈士墓,墓後有記功坊。
網易:黃花崗七十二烈士墓為何有自由女神像?
呢版上次改係2019年2月17號 (禮拜日) 14:34 嘅事。 |
https://www.oc2s.co/features/no-more-fat-white-family-in-hongkong/ | 2022-01-22T08:36:36Z | zho,eng | text/plain | 之前都講過,2019下半年抗爭期間,雖然本地搞騷難做,但總算有得做。全行叫做有工開。但今年一個武漢肺炎冚埋嚟,TTN都要結業,原本係 Fat White Family 香港首演,早早取消,依家只能留喺屋企翻睇YouTube舊片。
決定請 Fat White 嚟係去年八月,正值香港街頭抗爭白熱化,我哋當時同好多香港人一樣,鼻腔長期有種末世嘅況味,每日起身都諗:究竟今晚個世界會點?正巧 Fat White 團隊同我哋接洽,作為promoter,就覺得帶佢哋嚟,同大家一齊見識下呢班完全唔跟規矩玩,混沌到極致嘅英倫爛佬,好似都有啲象徵意味。
跟住畀錢,再跟住政府蓄意放病毒入關害香港,完。
呢場live係 Fat White 仝人暫時搣甩毒癮重組後,喺倫敦舉行嘅兩晚熱身賽,果時 Lias 都未剪頭髮。無唱〈Touch The Leather〉,無唱〈Whitest Boy On The Beach〉但有神打上身嘅〈I Am Mark E Smith〉,隔住個mon都感覺盡得 The Fall 真傳。
……好想睇live。希望將來仲有機會做多次,佢哋自己都想嚟香港玩嘅,政治班出身嘛。 |
http://www.kinseymama.com/2016/06/ | 2022-01-21T04:52:05Z | zho | text/plain | 就好似之前我講過,小小豬真係一個零畫畫興趣同雲藝術天份嘅小朋友,雖然我都曾經有帶佢去參加下啲畫班,不過始終都係未遇到位老師可以幫佢增加依個畫畫興趣。
另一原因就係我唔想做怪獸家長去迫佢做啲佢完全唔鐘意嘅嘢,所以我都冇再好刻意咁同佢出去上興趣班,平日係屋企同佢做多啲同畫畫有關嘅活動,希望可以慢慢幫佢改善。
其實自上幾次帶過小小豬去睇小白兔..小烏龜音樂劇之後,佢都好似幾鐘意,仲成日問我幾時可以再去睇。不過那機構公演嘅三套音樂劇小小豬都已經睇晒,雖然話係鐘意,但都唔可以再睇同一套嘛,所以一直都未有再帶小小豬去睇。
剛好最近朋友話我知《芝麻街》將會公演,而我地時間又可以夾到,所以就陪小小豬一齊去睇,等佢開心下啦!
其實鮑魚都真係唔難煮,我次次煮果皮蒸鮑魚都真係好快KO,見大家食得咁開心,我都好有滿足感呀!
不過好味食得多都會有悶嘅一次,所以都要攪攪新意思先得,為左令大家食得更加開心,我就上網搵下食譜,最後見依個薑蔥鮑魚煲簡單得嚟又好似幾好味,所以就決定試下煮啦!
其實VR之前係APM都見到有得玩,不過一見到要百幾蚊玩幾分鐘,真係好唔多抵,再加上一向我地都少俾小小豬接觸電子遊戲活動,所以就當然冇去玩啦。
由於家長唔可以進入課堂,所以今日嘅課堂都係靠放學後小小豬話俾我知,同埋老師講小小豬表現俾我知,我先大約了解今日學左什麼。
其實當明日世界由飛越太空山作特備活動進行準備工作而暫停時,相信好多迪士尼FANS(尤其係星戰迷)都一定好期待,好想知星球大戰版嘅明日世界會變成點。 |
https://kongscult.com.hk/%E7%B6%B2%E8%B3%BC/amazon/audible-guide/ | 2022-01-18T12:35:47Z | zho,eng | text/plain | 鑑於近期疫情反彈,香港貿易發展局再次宣佈,2020年香港書展由12月復辦,再改為順延至2021年7月舉行。雖然港究專員都有啲失望,不過為咗大家安全起見,最好都係儘量避免參加大型群體聚集活動喇!
如果你有留意開我哋港究嘅文章,我哋之前已經介紹咗幾個最多人用嘅訂書平台畀大家。無論你想訂實體書,定係新潮啲睇電子書,甚至係有聲書Audiobook,我哋都推薦咗幾個港究專員用過又覺得唔錯嘅平台。
文章出咗之後,有朋友表示對Audiobook有興趣、想了解更多,所以今次我哋就同大家分享吓其中一個最多用戶嘅Audiobook平台 ── 由Amazon推出嘅Audible!
港究專員會喺我哋嘅 Telegram 討論區同大家直撃 Black Friday 同 Cyber Monday 有啲咩抵買,會同大家即時匯報,要加入我哋Telegram 討論區就包你冇走雞!
喺 Black Friday 同 Cyber Monday 之後都繼續會同大家每星期話畀大家知有咩荀貨!所以大家記得加入我哋嘅討論區一齊討論,著數齊齊搵!
港究專員本身都算係好書之人,但係出咗嚟做嘢之後,就發現自己好難搵到時間靜靜地坐低打開本書,所以有好幾年時間直情無再睇過新書咁濟。
於是就開始踏上睇電子書之路,平時就咁拎部手機出嚟已經睇到,可以充分利用每日返工、放工加埋每日塞車嘅交通時間去閱讀,累積落嚟都已經睇咗十幾本書。
但係因為搭巴士睇書對眼會好攰,所以又開始咗Audiobook (有聲書) 嘅習慣,直接聽演說者嘅演譯,順便畀對眼休息,唔使望住本書或者手機螢幕。同埋依家做家務或者其他事,亦可以同一時間「聽書」,咁就更加無藉口唔睇書喇!
除咗無時間、地點限制之外,Audiobook最大優點係可以無限次數重複聽任何內容,亦可以調節速度 (0.5倍速至3.5倍速),想學英文嘅話,可以揀0.5倍速慢慢聽清楚對方嘅發音、語法;亦都有人覺得揀2倍速可以降低閱讀時間成本。好似Youtuber Ali Abdaal就分享佢作為醫生兼Youtuber,平時會用2倍速聽Audiobook / Podcast,短時間吸收更多資訊,去到故事高潮或者需要思考嘅地方就轉返普通速度去聽,呢個方法就幫佢慳到唔少時間。
因為唔同Audiobook都由唔同國籍、口音嘅演說者演譯,「聽書」亦可以同時訓練埋我地嘅英語聆聽能力。
如果你係英語能力比較弱嘅話,Audible亦有提供改善英語能力嘅資源,聽第一次唔明唔緊要,你可以用Audible嘅內置功能調較速度,同埋重覆再聽。
Audible依家有兩種收費,分別係Audible Plus同埋Audio Premium Plus。
Audible Plus每月收費USD7.95 (約HKD63),而Audible Premium Plus每月收費USD14.95 (約HKD118),又或者一次過畀足全年費用都只係要USD149.5 (約HKD1,180,除開每個月大約HKD98)。
兩者都可以任聽Audible Plus目錄入面嘅Audiobooks、Podcasts,Audible Premium Plus嘅會員每月會有多1點數,用嚟兌換1本Premium精選項目。購買額外Premium精選項目更有7折,有時仲會有獨家折扣㗎!
依家經我哋港究申請Amazon Audible Premium Plus Free Trial Membership,即送你2點數,即係可以換到2本Premium精選Audiobook。
有聲書一般由出版社制作,或由志願者演譯。一般可分為unabridged (未刪減版) 同 abridged (刪減版)。Unabridged版本就完整包含整本書嘅內容。
購買Audible嘅方法好簡單,喺Amazon或者Audible網頁 / App直接搜索想要嘅書名。建議大家一定要試聽咗Audible Sample先,試吓自己鐘唔鐘意Narrator嘅口音或者演譯方式先再做決定。
如果試用或者Join咗Audible Plus / Premium Plus嘅話,應該可以揀用1 Audible Credit購買或者畀錢購買。如果大家鐘意一邊聽、一邊睇,可以試吓Format揀Kindle,有時會有bundle discount㗎!
Audible其中一個最好用嘅功能就係可以隨意調較播放速度,由0.5x至3.5x,英語聆聽較弱嘅朋友想學英文可以較到0.5x慢慢聽,比較進階嘅讀者亦可以用最高3.5x快速聽完全本書。
Audible會自動根據書嘅章節分成幾段,方便用家可以直接跳去聽某個段落。
Sleep Timer呢個功能開咗嘅話,Audible可以喺指定時間又或是完成一個章節之後自動停止,聽咗一段時間之後可以畀自己休息一陣。聽書好容易瞓著嘅朋友就唔駛播通宵,易啲搵返自己聽到邊段。
如果讀者聽到某段重點想重溫,就可以用Clips呢個功能去標記低,除咗加個Bookmark之外,用家亦可以自己加入一小段note記錄重點,或是寫低心得。
例子用嘅Good Economics for Hard Time係Bill Gates今年夏天推薦書單入面嘅其中一本,由兩位俗稱「諾貝爾經濟學獎」2019年得主撰寫,主要着眼於美國等富裕國家嘅社會政治議題,包括移民、失業、成長、自由貿易、政治分裂、福利政策等等。議題同日常生活息息相關,即使無經濟學知識都可以輕鬆理解。仲有呢本書嘅Narrator James Lurie嘅口音非常地道,就算唔係英語母語嘅朋友都可以輕鬆跟到。
想了解更多,可以睇返我哋上一篇:想閱讀?除咗網上訂書,你仲可以選擇電子書、Audiobook!
我哋仲有介紹其他幾本Bill Gates 2020推薦書單嘅書。
只要join咗Audible Plus 或者 Audible Premium Plus其中一個計劃,Audible Plus Catalog入面幾千本Audiobooks、Audible Originals同埋Podcast都可以免費任聽。
如果喺Audible入面用 “Plus Catalog” filter,或是喺本書下方見到橙色Tag寫住“Included”,就代表呢本書可以免費聽,只要你繼續Join計劃,想加幾多本入自己Library都得。
頭先講過,Audible Credit 本身可以獨立購買,1 Credit可以換任何1本書。不過Audible Premium Plus嘅會員每月有1個free credit可以用,如果想額外購買Audiobook亦有額外7折。
用Credit買嘅書同Plus Catalog嘅免費Audiobook唔同,用Credit買嘅書就算你唔再係Audible Plus或者Audible Premium Plus會員都可以繼續喺自己Library搵到,可以之後再重溫。
亦有唔少好書之人可能覺得每月得一本自選書唔多夠,所以有啲人會利用Credit可以退換嘅政策,睇完一本就換第二本。
用Audible Credit買完書唔滿意唔緊要,只要你係365日之內都可以申請退回Credit。
呢個步驟只可以係電腦版、網頁版進行 (手機App唔可以),喺個人Profile揀Purchase History,揀返想退回嘅Audiobook,揀Exchange同埋填返退貨原因就搞掂,成個過程唔使一分鐘!
想改善英語嘅朋友,我哋有幾個Tips畀大家,亦幫大家搜集咗幾本可能適合你哋需求嘅Audiobook,只要撳幅圖就可以直接去Amazon選購。
Tip 1: 由最基礎開始,可以試吓由Chridren’s Book開始聽。
例如: 呢本喺Disney出版嘅 365 Bed Time Story,簡單、易明。
Tip 2: 搵自己有興趣嘅話題。
例如: 呢本 “Now I Know: The Revealing Stories Behind the World’s Most Interesting Facts” 就包含咗100個可能會令你驚訝嘅事實,改善英文同時增廣見聞。
Tip 3: 其次就係搵啲睇過嘅書、電視劇或者電影嘅小說,對劇情有大概印象,就會更容易明白。
例如: Harry Potter系列 就係好多人開始聽Audiobook嘅第一套書。
Tip 4: 經典著作。
例如: Shakespeare嘅作品,因為比較出名,Narrator嘅選擇亦都會比較多,有機會揀到鐘意嘅口音。
Tip 5: 較有系統嘅教學資源。
例如: “Learn English: Ultimate Getting Started with English Box Set, Lessons 1-55” 呢套Audiobook由EnglishClass101.com演譯,比較有系統咁一步步由基礎開始學起,包括發音、詞彙、語法等等。
Tip 6: 根據實際需要選擇。
例如: 呢套”Learn English: Ultimate Guide to Speaking Business English” 就針對商業上經常用到嘅對話,啱晒有實際工作需要嘅朋友。
唔好以為Audible係Amazon出嘅就只係得英文書,其實Amazon嘅平台呢幾年一直都引入緊唔少中文嘅產品,無論Kindle (Amazon嘅電子書平台) 同Audible都引入咗好多中文嘅書籍。
好多人未必知,其實Audible有自己嘅官方中文網頁,不過Audiobook只係得普通話,暫時未有廣東話,呢一點就有少少可惜。
喺官網主頁編輯精選咗幾大類主題,包括熱門精選、古典名著、歷史文化、文學小說、浪漫愛情、懸疑驚悚、科幻奇幻、翻譯文學、商業管理等等…甚至有專門針對想學習中文嘅Audiobook。
其中有唔少熱門嘅書籍都有出到有聲書,例如四大名著,即係《三國演義》、《西遊記》、《水滸傳》、《紅樓夢》呢類經典作品自然唔少得,比較流行嘅小說作品,例如《鬼吹燈》系列、《步步驚心》系列、《斗破蒼穹》系列亦同樣搵到。
港究專員試聽咗《鬼吹燈》系列,演說者唔係依書直讀,加上少少懸疑嘅配音,就好似聽緊驚悚刺激嘅恐怖故事咁。
今次同大家分享住咁多先,想睇埋其他訂書平台,無論係實體書、電子書或者Audiobook,可以睇返我哋之前嘅分享。
正所謂「工欲善其事,必先利其器」,想更好咁睇電子書,梗係要配搭一部好用、護眼嘅閱讀器!即刻去睇吓我哋推薦過,幾部最多人用嘅閱讀器。
喺Amazon買開實體書、電子書、Audiobook嘅時候,可以順便睇埋Amazon其他商品。
【Amazon 攻略】點解要揀喺 Amazon 買嘢呢?
記得呀,想睇更多港究專員Amazon單品推介,記得一定要加我哋討論區,參與討論!
想睇更多網購優惠?即刻去睇吓網購資訊啦!
2021 Amazon 網購Notebook推介更新版 買NOP之前記得睇咗先!
想一個掣買書免運費兼送埋上門?用 Book Depository幫到你! |
https://lihkg.com/thread/899671/page/32 | 2022-01-17T03:40:34Z | zho | text/plain | 我上面覆咗。
我唔取消。
因為初衷係想解決留宿家庭傭工不足,一取消,你班hihi一齊唔留宿,我邊度搵人留宿? 不過冇時間寫係要留宿照顧啲隨時仆親或心臟病發嘅廢老。
但冇時間寫建議,得幾句。應該做咗炮灰。
冇時間,中文得9百至1千字。 |
https://zh-yue.wikipedia.org/wiki/%E7%BE%85%E9%A6%AC | 2022-01-20T20:53:26Z | zho,ita | text/plain | 搵緊第二個意思嘅話,請睇「羅馬 (搞清楚)」。
羅馬(粵拼:lo4 maa5,意大利文:Roma)係意大利嘅首都,亦係世界出名嘅歷史文化城市。羅馬市裏面重有梵蒂岡同馬耳他騎士團。
羅馬城舊陣時係古羅馬帝國嘅首都,最高峰嗰陣有成過百萬人口。自從古羅馬帝國衰弱之後,羅馬城不斷畀外族入侵,最後中世紀時代得番最低兩萬人口。
羅馬城到咗公元756年由羅馬教廷管轄,建立咗教宗國,成為教宗國嘅首都。羅馬喺咁多個世紀都係咁樣嘅形勢,人口一度上升到十萬。
隨住法國大革命,歐洲近一個世紀都處於動蕩狀態,而意大利亦開始逐步統一。1870年教宗國最後俾新建嘅意大利王國吞併,自此成為意大利嘅首都。
羅馬城喺二次大戰後一直都係意大利經濟嘅原動力,人口一度高達280萬人,被稱為「時尚之都」。由於塞車同埋城市污染等等嘅原因,部分羅馬人搬出羅馬城到周邊地區居住,羅馬人口開始緩慢咁減少。
羅馬喺義大利中部拉齊奧大區嘅台伯河平原上,台伯河同阿涅內河喺羅馬城出邊匯合,羅馬地喺台伯河嘅兩岸,東邊係阿布魯佐,東北邊係Sabini山脈,南邊係Albani山脈。市中心喺距離第勒尼安海約24公里嘅內陸,但城市向西南一直延伸到僅距離海岸5公里處,海拔高度由13米到120米,平均海拔高度37米,市區總面積大約係1285平方公里。古羅馬中心就係沿台伯河岸發展起來嘅,台伯河中間有一座船形嘅島,係台伯河自然沖積而成嘅,河岸邊有七座山丘:帕拉提諾(Palatino)、阿文提諾(Aventino)、卡比托利歐(Campidoglio)、奎利那雷(Quirinale)、維米那勒(Viminale)、埃斯奎利諾(Esquilino)同西里歐(Celio),羅馬亦因為咁而被稱為「七丘之城」。
羅馬省嘅北部同維泰博省同埋列蒂省、東部同阿布魯佐大區嘅阿奎拉省、南部同弗羅西諾內省同埋拉蒂納省接住。
羅馬由於喺地中海沿岸,係典型嘅地中海氣候,年平均氣溫15.5攝氏度,年降水量880毫米。每年4月至6月氣候最為怡人;7月同8月係最熱嘅最乾燥嘅季節,平均氣溫24.5至24.7攝氏度,降水量14至22毫米,8月嘅日最高氣溫可以超過32攝氏度,以前嘅傳統係8月份會停咗好多商業活動,羅馬人習慣喺夏日離開炎熱嘅城市出去避暑度假,但係呢種習俗慢慢咁改變,整個夏季羅馬市依然正常咁運作,方便迎合日益增加嘅遊客需求,同羅馬人自己工作習慣嘅改變;9月中至10月係最為晴朗嘅季節,俾人叫做「羅馬嘅美麗十月天」;10月至12月係最潮濕嘅季節,降水量可以達到106至128毫米;12月嘅平均最高氣溫大約係14攝氏度,1月最凍,平均氣溫係6.9攝氏度。
羅馬舉辦過1960年夏季奧林匹克運動會、1960年傷殘奧林匹克運動會。
另外,足球方面有意甲勁旅羅馬體育會同埋拉素體育會。
呢版上次改係2021年8月11號 (禮拜三) 08:06 嘅事。 |
http://denzelleung.blogspot.com/2012/11/blog-post_12.html | 2022-01-23T14:55:55Z | zho,eng | text/plain | 可能以前做攝影工作真係辛苦。
朝早七點做到夜晚十一點,真正係7-11。
好彩呢個世界有7-11便利店,先可以買到嘢食,買到嘢飲。
最高記錄試過一星期做足七日,半年未放過假,唔知為乜。
有幸而家唔使做嗰份工,可以過番啲正常生活。
今年夏天仲放左幾個月假,可以周圍影吓荷花。
有工做就儲吓錢,得閒就放吓假,想起今個夏天影呢張相嗰陣,真係幾開心。
生活應該係咁。 |
https://archive.am730.com.hk/column_index-63§ion=6&page=5 | 2022-01-18T03:51:04Z | zho | text/plain | 現今歐洲球壇轉會費講下都幾千萬,仲要係歐元或英鎊,兌換港元成幾億,真係好誇張。此外,球員同領隊嘅人工非常之高,較有名氣嘅英超球員,周薪起碼過10萬鎊,絕對係打工皇帝。雖則領隊薪酬冇球員咁高,但近年亦暴升不少,反而名帥哥迪奧拿執教曼城,人工仲少過拜仁,所謂魚唔過塘唔會肥,照計哥帥轉投「藍月亮」人工應該有所提升,點解會寧願減薪?其實哥帥係選擇底薪加獎金制,只要能夠贏得英超或歐聯冠軍,就可獲額外獎金,總數計埋會仲多過之前喺拜仁,十足十香港售貨員、地產經紀及保險從業員咁,底薪少獎金高。照咁睇,哥帥真係好有信心帶領曼城取得佳績,球迷們不妨拭目以待。
李斯特城上季創造奇蹟勇奪英超冠軍,今季要延續神話,難度非常之大。為保持爭標實力,主帥雲尼亞里必須增兵,最近就以1,600萬英鎊由莫斯科中央陸軍收購阿密特穆沙。呢位尼日利亞射手上季喺俄超攻入13球,協助中央陸軍奪冠,並成為隊中首席射手。穆沙係一位速度型球員,但射術同把握力只屬一般,否則入球數字點只13球。李城日前把中場主力尼高路簡迪賣俾車路士,因而缺少一員猛將,另一中場核心馬列斯亦受到多間歐洲大球會垂青,李城已將其轉會費定為4,500萬鎊,但我始終希望佢會留隊,來季同占美華迪繼續並肩作戰。
利物浦以2比0輕取英冠球隊韋根,熱身賽3連勝,賽後領隊高洛普透露會簽多一、兩名新兵,有傳佢本來睇中咗烏甸尼斯嘅波蘭中場施連斯基,可惜佢已決定加盟AC米蘭,另一位就係慕遜加柏嘅德國中場達侯特,但紅軍加碼到2,500萬英鎊對方都唔肯放人。高洛普唯有另覓人選,最新睇中紐卡素嘅荷蘭中場韋拿杜姆,由於「喜鵲」降班,預料轉會費唔會太貴,外界推測約2,000萬鎊應該夠。韋拿杜姆係一位腳法同速度都唔錯嘅中場球員,亦能勝任翼鋒,位置變化較多,難怪引來高洛普垂青。佢上去季已經喺英超搵食,已適應英超踢法,若加盟紅軍相信好快可融入球隊,價錢又唔算太貴,呢單收購絕對諗得過。
比利時喺歐國盃8強止步,賽前教練韋莫斯已多次傳出與球員不和,更喺記者會上互相指責,最終冇得留低。比利時足總主席卡斯麥卡希望下任領隊有豐富國際賽經驗,仲講笑話前曼聯領隊雲高爾都係合適人選。每個領隊都有自己喜愛同唔喜愛嘅球員,如果只係同當中一、兩人不和,佢可以運用職權雪佢或賣走佢,但同成班球員不和就係另一回事,球員刻意表現差令球隊成績滑落,最終責任都係落喺領隊身上。近年最佳例子為摩連奴重返車路士,攞完冠軍,佢開始同一眾球員不和,搞到幾乎要護級,最終被班主油王再請食無情雞。
近年中超球會為增強實力,大灑金錢四出招兵買馬,早排有巴西翼鋒侯克以5,500萬歐元由辛尼特轉投上海上港,近日又傳河北華夏幸福睇中去季意甲神射手希古恩,打算用5,000萬歐元嘅天價年薪,利誘呢位阿根廷前鋒加盟,但係佢都係一口拒絕,決意留喺歐洲發展。河北華夏幸福先後收購謝雲奴及拿維斯兩名前線殺手,若果有埋希古恩加盟,威力就更加恐怖,但個人認為,以現時希古恩嘅狀態及實力,絕對可以喺歐洲大球會立足,就算離開拿玻里亦會加盟其他歐洲強隊,過多兩、三年先考慮去中超掘金都未遲。
高洛普去年10月接掌利物浦以來,成績尚算平穩,以第八完結英超球季,聯賽盃及歐霸盃均晉身決賽,可惜只能屈居亞軍。今夏高洛普重組球隊,近日一口氣放走効力多年嘅中堅史卡迪爾及翼鋒佐敦伊比。史卡迪爾自高洛普入主後上陣機會大減,近日更涉嫌喺社交網站爆粗鬧呢位德國籍領隊,事後就話係無心之失,但關係搞到咁差,唔走都冇運行啦,呢位斯洛伐克國腳將轉投費倫巴治,轉會費約550萬英鎊。20歲小將佐敦伊比就傳會以1,500萬鎊轉投升班馬般尼茅夫,佢年紀尚輕,經驗有待磨練,加上個人質素其實一般,離隊亦好合理。
今日黃昏日職聯加開快車,論戲碼首選大宮松鼠主場對大阪飛腳。松鼠踏入第二階段表現略有好轉,繼主場1比0小勝名古屋鯨魚後,上仗作客亦能1比1賽和磐田山葉,暫列第六位。佢哋今季作客成績仲好過主場,至今主場只曾兩勝,大部分和波收場,係暫時日職主場和波最多球隊,首席射手家長昭博仍因傷繼續缺陣,影響咗前線攻力。飛腳有前鋒宇佐美貴史轉投德甲奧格斯堡,以為會造成影響,點知反而愈戰愈勇,早前作客3比1擊敗第一階段冠軍鹿島鹿角,上仗主場亦以3比1輕取仙台維加泰,升上第五。飛腳季初因要兼顧亞冠盃而分心,導致成績下滑,如今再冇包袱,相信第二階段會有好表現。佢哋今季作客成績尚算平穩,至今贏過5場,勝出率有55.6%。對賽方面,飛腳近6次到訪松鼠,錄得3勝1和2負,論近態、實力及往績,飛腳有望小勝而回。
近日盛傳曼聯將出價1億英鎊收購祖雲達斯中場保羅普巴,成為摩連奴今夏最後收購。坦白講。普巴值唔值1億鎊就見仁見智,但若然紅魔真係想買佢,相信會出售部分球員套現。有指摩帥接掌紅魔後,已有一份清洗球員名單,包括上季表現一般嘅馬高斯盧祖、舒韋恩史迪加同舒尼達連;桑馬達、戴利白蘭特及贊奴沙則屬「高危」。所謂一朝天子一朝臣,雲高爾重用嘅球員,唔代表摩帥都鍾意,勉強留低對大家都冇好處,而且新上任領隊都唔想活喺上任領隊嘅陰影之下,多數都刻意進行大換血,成績有好有壞。當年曼聯以超低價將普巴賣俾祖記,如今又欲以天價購回,以商業角度嚟講,真係蝕晒大本。
自摩連奴接掌曼聯後,唔少球迷亦議論紛紛,究竟摩帥組軍會買乜嘢人。摩帥日前喺記者會講過,今夏會簽4名球員,結果第一簽係維拉利爾中堅艾歷拜利,第二簽係前巴黎聖日耳門射手伊巴謙莫域,最新第三簽係多蒙特進攻中場米希達利恩,唔知第四簽會係邊個呢?27歲嘅米希達利恩加盟紅魔,合約為期4年,估計轉會費約2,600萬英鎊。呢位阿美尼亞中場當年加盟多蒙特係頂替轉投拜仁嘅馬里奧葛斯,佢好快就融入球隊,除咗技術及助攻了得之外,埋門把握力亦甚強,經常有士哥,入球數字拍得住前鋒,難怪摩帥公開讚到米希達利恩天上有地下無咁,相信佢今次轉戰英超,會有另一番新景象。
今晚繼續上演歐國盃4強戰,由東道主法國迎戰德國。法國愈戰愈勇,上仗5比2終止冰島奇蹟之旅,至今5戰取得4勝1和。翼鋒基沙文狀態大勇,暫以4球位列射手榜首位,前鋒基奧特亦大打爭氣波,配合埋中場保羅普巴及馬杜迪自然如虎添翼。佢哋今仗有防中尼高路簡迪及中堅阿爾拉米坐完波監復出,將以最強陣容出擊。 德國上仗憑互射12碼淘汰意大利,但付出咗代價,中堅曉姆斯累積兩黃停賽,前鋒馬里奧高美斯及中場基迪拉因傷退下火線,前者肯定缺陣,另一中場舒韋恩史迪加亦有傷在身,上陣機會較微,教練路維喺人腳及戰術上必須有所變動。兩隊入得4強都係堅料,實力可謂旗鼓相當,但法國人腳較為完整,加上佔主場優勢,可睇高一線。
今晚上演歐國盃4強戰,由威爾斯對葡萄牙。今場焦點當然係皇馬隊友C朗拿度同加里夫巴利嘅對決,即管睇下邊位球星能夠晉身決賽。威爾斯喺今屆歐國盃一鳴驚人,上仗3比1擊敗世界排名第二嘅比利時,除咗單天保至尊巴利有好表現之外,中堅兼隊長艾殊利威廉斯、中場艾朗藍斯及仍未有班落嘅前鋒笠臣簡奴均有不俗演出。不過,佢哋今仗有藍斯同後衛賓戴維斯停賽缺陣,或多或少影響整體實力。葡萄牙今屆可算係奇蹟球隊,至今5戰法定時間90分鐘都未贏過,但竟可晉身4強。C朗狀態有好轉,前線數胡除咗佢同拿尼之外,新星連拿度山齊士表現亦一場比一場好,拜仁果然有眼光,喺歐國盃前簽入呢位明日之星。差一步就入決賽,預料兩隊會踢得較保守,隨時又要去到互射12碼先分到勝負。
德國經互射12碼以6比5險勝意大利晉級,4強將遇上主辦國法國。德國陣營傳出好消息及壞消息各一,好消息係上仗因傷退下火線嘅基迪拉,可望趕及於4強戰復出,壞消息就係前鋒馬里奧高美斯因傷緣盡歐國盃。高美斯喺今屆歐國盃重拾信心,有兩球進帳,但上仗傷出,其後證實右腳大腿肌肉拉傷,無法繼續餘下賽事。上仗自高美斯傷出後,教練路維採用無鋒陣,但前線攻力明顯減弱,最終要踢至互射12碼先分出勝負。除咗前線之外,佢哋防線亦有中堅曉姆斯累積兩面黃牌停賽,4強戰未能以最佳陣容對法國。個人認為,德國已無復兩年前奪世界盃之勇,加上有主力受傷停賽,對法國一戰並不樂觀!
比利時以1比3不敵威爾斯黯然出局,賽後有傳主帥韋莫斯同門將泰拔高圖爾斯大打出手,喺記者會上又公開互相指責,醜態盡露人前。世界排名第二嘅比利時陣中球星如雲,前鋒盧卡古、中場核心奇雲迪布尼及翼鋒夏薩特等,能夠喺球會都獨當一面,但踢國家隊欠缺默契及火花,加上有華美倫及維頓漢倦勤及停賽,令防線出現不穩,面對士氣及鬥志大勇嘅威爾斯,輸波亦無話可說。其實賽前已有傳韋莫斯得唔到球員尊重,佢只係決定出場人選,點樣踢由球員決定。高圖爾斯話韋莫斯唔識應付3-5-2陣式,令球隊輸波;韋莫斯就話高圖爾斯上季喺車路士輸大咗而失晒信心。坦白講,輸波大家都有責任,唔應該互相指責,檢討輸波原因,令錯誤唔好再發生,同埋以和為貴先可以解決問題。
今晚歐國盃開始上演8強戰,第一場係波蘭對葡萄牙。波蘭喺分組賽擊敗北愛爾蘭、烏克蘭及賽和德國,與德國同得7分,僅以較差得失球屈居次席晉級。16強對瑞士要踢到互射12碼,最終射贏5比4。主力射手羅拔利雲度夫斯基表現令人失望,聯賽可以9分鐘入5球,打破4項世界紀錄,但踢國家隊喺今屆賽事仍未開齋,幸好佢嘅中場及前線隊友有不俗表現,加上防線穩健,否則都幾難去到8強。葡萄牙今屆歐國盃做咗「和波王」,分組賽3戰全和以小組最佳第3名晉級,上仗對另一支黑馬克羅地亞,兩隊踢得超保守,90分鐘互無紀錄,諗住要互射12碼之際,一次突擊由哥利斯馬門前頂入險勝。入得8強絕非泛泛之輩,但睇過兩隊幾場賽事,個人認為波蘭整體發揮較好,預料可再進一步。 |
https://www.ladylogic.co/2017/09/28/1001sale/ | 2022-01-19T22:43:13Z | zho,eng | text/plain | 10.1國慶減減減,2折起再95折,我的美麗日記面膜低至$3.52/片,Fresh玫瑰保濕系列低至69折,仲有日本保濕卸粧啫喱只係$20.7/支,假期最開心就係去卓悅Shopping,買到平價筍貨誇啦啦!
低至$3.52/片,平、靚、正之選!!
沙地蘆薈面膜2片、黑珍珠面膜2片、蘋果多酚面膜2片、燕窩面膜2片、魚子面膜2片及角鯊烯保濕修護面膜5片,滿足晒保濕、美白、緊緻3個願望。
元素玻尿酸4片、元素角鯊烯4片、元素胜肽2片、元素膠原蛋白2片、元素熊果素2片、元素傳明酸2片及馬油面膜1片,一盒7款,平均只係$3.52/片,超抵買!
2大特點:
小編每日敷一片Mask,日日唔同款絕對唔會悶,又可以滿足肌膚唔同嘅需求,保濕去黃、亮白緊緻、滋潤修護,兩盒搞掂晒,唔買點得呀!
Fresh玫瑰保濕系列兩大王牌,低至69折!!
返工長期喺冷氣房,皮膚乾蚊蚊?!等小編過你兩招,皮膚24小時保持水潤!
小編會隨身攜帶一支保濕噴霧,攞出嚟全面噴,鎮靜又保濕。而Fresh玫瑰保濕噴霧不含酒精,絕對唔會抽乾皮膚水分,仲有陣陣玫瑰香,精神為之一振。
早晚潔面後,用Fresh玫瑰水沾濕化粧棉抹面,清除皮膚表面污垢雜質,再拍上剩餘嘅玫瑰水,促進滲透肌膚底層,細胞飲飽玫瑰水,皮膚自然明淨透亮!
每晚敷上玫瑰保濕Mask,獨特嘅啫喱質地加上玫瑰花瓣、玫瑰水、青瓜萃取、蘆薈及綠茶,感覺涼涼哋,鎮靜肌膚,同時洗滌心靈,5-10分鐘後,皮膚嬌嫩到好似玫瑰花瓣。
而家喺卓悅買低至69折!兩樣一齊買,皮膚水嫩過中秋!
日本Salon級護髮,$55.1/支,超抵!
日本專業髪型屋專用,洗髮露含有11種胺基酸,3種透明質酸及2種修護成分,深層清潔頭皮油脂,修補受損髪絲,令髪質水潤絲滑,同時增強頭髮彈力及韌性。
護髮素添加向日葵籽精華,令髮絲加倍柔順。無矽配方,頭髮清爽無負擔,適合任何髪質。鐵線頭瞬間變成瀑布秀髮不再是夢!
仲有兩款香味選擇,玫瑰及花香味,自然散發女神香氣。
日本人氣$20.7/支,手快有手慢無!
小編最近愛上呢款日本卸粧啫喱,唔只因為佢夠平,仲因為佢超好用!
含紅莓、西莓、藍莓、薰衣草等11種天然萃取物,一支就可以卸除全面彩粧,無矽、無礦物油,唔刺激皮膚。
小編會乾手乾面唧4泵,全面推開打圈按摩,眼部位置,我會先用雙手敷蓋10秒,再用清水乳化,再過水,全部彩粧通通一次過卸走,而且一啲都唔油,亦唔乾。
?喺按摩嘅時候會聞到陣陣花香味,超療癒!
?濕手都用得,沖涼時卸粧都無問題!
仲唔快啲去卓悅搶貨!?
全面保護心腦血管健康!!
100%澳洲GMP藥廠研製而成,取材自深海純淨無污染嘅鮭魚,含有180毫克EPA和120毫克DHA,絕無添加劑及防腐劑,易被人體吸收,有助穩定膽固醇及血脂,減少患上冠心病、高血壓、腦血栓等心血管疾病。
?改善血管堵塞,增強血管彈性,有助血管壁健康及減少血管性疾病。
?有助視力發展,改善視力。
澳特寧2折唔係成日有,囤返幾樽至精明。
卓悅門市及官網同步熱賣,只限以上部分產品及優惠。優惠期由2017年9月29日至2017年10月5日止,貨品數量有限,售完即止。 |
https://zh-yue.m.wikipedia.org/wiki/%E5%BE%A9%E6%B4%BB%E7%AF%80 | 2022-01-18T17:00:12Z | zho,eng | text/plain | 復活節係基督敎一節,響年年春分月圓之後個禮拜日。個節係紀念耶穌基督,喺公元三十年到卅三年之間,畀人釘十字架之後第三日復活嘅日子,象徵住重生同希望。假期安排上,通常會同耶穌受難節(復活節之前兩日)一齊放假,之前一日就會放耶穌受難節翌日(復活節前日),另外之後一日會有補假叫復活節禮拜一。
復活節喺紀念耶穌復活,亦都喺基督教最重要節日。《聖經》《新約全書》記載,上帝嘅仔耶穌,降生喺馬槽度,喺佢卅歲嗰陣,揀咗學生十二人,開始一齊傳道。三年半中,佢醫病、傳教、趕鬼,幫助各種需要幫助嘅人,將天國嘅道理話畀人知。直到上帝所安排嘅日子來臨。呢日耶穌基督畀門徒加略人猶大出賣,遭人捉拿、審問,畀羅馬兵釘喺十字架上,臨死前預言,三日後必會復活。就喺第三日,耶穌復活,兼且升天。按《聖經》解釋,耶穌基督乃喺道成肉身嘅聖子,嚟世上為世人贖罪,成為世人嘅代罪羔羊,依個都喺點解復活節喺基督敎咁重要嘅原因。
以基督敎來睇,耶穌受罰並非佢有罪,而係要按上帝嘅計劃,替世人贖罪。死裏復活,表示贖罪成功。基督敎徒認爲,任何人信佢,向佢認罪,就得到上帝赦免;而耶穌復活,代表勝過死亡,凡喺信佢人,可得永生,可以同耶穌永遠喺埋一齊。
每年春分之後,第一個望月(滿月)之後嘅第一個星期日。即係3月22號到4月25號之間。
呢篇復活節係仲未搞掂嘅楔位文。 歡迎幫維基百科擴寫佢。
呢版上次改係2021年12月15號 (禮拜三) 00:18 嘅事。 |
https://kestrelkwan.blogspot.com/2012/11/pain-au-mais_4611.html | 2022-01-26T05:42:01Z | zho,eng | text/plain | 今日整一個比較簡單嘅麵包,用直接法製作,特色在於加入玉米粉及芝麻。
- 將麵粉、玉米粉、酵母同鹽倒入食處理器內混合,逐少加水搓至起筋。
- 壓扁麵糰,左右兩邊分別向內摺入 1/3,之後再對摺,捏緊收口。
- 輕輕將麵糰搓幼、搓長,放上已墊入爐防黏蓆嘅烤盤上,發酵 75 分鐘至兩倍大。
- 喺麵糰表面掃上蛋液,然後再灑上芝麻,用已蘸少量蛋液嘅較剪喺麵糰表面剪出花紋。
220 ℃ 嘅焗爐內,焗約 30 分鐘即成。
以上材料份量可做約 9 吋長麵包 2 個。
食譜出自法國藍帶《法國麵包基礎篇》。
呢個剪紋方法都唔錯,賣相好得!
就焗到非常香口,鹹香味係呢個包嘅特色。
克鮮酵母。
[版主回覆11/11/2012 16:03:54]係因為怕鹽會令酵母脫水而死,所以唔可以放埋一齊,但開始搓麵時就會落水,咁鹽都濕水溶解,咁咪唔怕囉!
直接法係指整麵包時全個過程都只係用同一個麵糰,並無加入其他中種、老麵、湯種及液種。
[版主回覆11/11/2012 15:59:52]妳經常整嗎?
[版主回覆11/11/2012 16:00:09]咁好想像力呀,豆姐!
[版主回覆11/15/2012 03:40:17]點會呀,都整得唔靚仔!
[版主回覆11/15/2012 03:39:58]咁妳又試試呢個啦! |
https://zh-yue.wikipedia.org/wiki/%E7%99%BD%E9%A3%9F | 2022-01-18T23:38:55Z | zho,eng | text/plain | 唔好同白蝕搞亂。
白食,又叫霸王餐,即係入食肆食完嘢專登唔畀錢埋單嘅行為,係觸犯法律嘅行為。雖然唔少電視劇同電影入面,白食完都可以揀幫食肆洗碗當無數,但現實嘅食肆就通常會報警處理。
喺香港,白食觸犯咗香港法例第200章《盜竊罪條例》第18C條——唔畀錢就走咗,最高刑罰係坐監3年。
喺中華民國第339條第2項入面,白食係按欺詐得利罪嚟睇,可以搞到五年以下有期徒刑、拘役或科或併科30000蚊以下嘅罰金。
呢版上次改係2019年5月7號 (禮拜二) 12:25 嘅事。 |
https://www.shikoto.com/articles/71743/74356.html | 2022-01-19T10:40:51Z | jpn,zho | text/plain | 失憶既次數越來越密。
今日就要去。
但係去到比賽已經開始左大半場。
就響場中不停望。
「啊曈...你幫我俾啊添呀...當幫我最後一個忙...」我交低左七封信同個包裹俾啊曈。
眼開始不安咁震動。
「我...個腦要做手術。」我迴避佢既目光。
「就幫我一次...好冇?」我攬住佢。
佢明明比任何一個都要堅強。
「傻妹﹐冇事架。」我眼眶泛紅。
「呢次唔會係最後一次!」佢接過我手上既物品。
「呢一封信...麻煩你一陣幫我俾啊添﹐其他信就跟返memo紙寫既地方放就得架啦...包裹就...得閒既時候寄得架啦。本來想自己寄架...但...」包裹既日期﹐我專登寫錯日期。
寫半個月前寄。
「你一定要返黎。一定。」啊曈強忍淚水。
係時候走啦。
「喂媽咪﹐我依加過黎機場啦。」我打電話同媽咪交代返。
「好啦﹐記得三點前check in呀。」媽咪提我。
「知道啦。」我拖住行李離開籃球場。
同時﹐啊添既比賽再次開波。
你一定會贏架。
終於到達左目的地。
媽咪亦幫我做左入院手續。
大概後日就要做手術。
醫生同我講手術既成功機率好微。
做人最緊要有希望。
「我一定會返黎搵你架。」我望住屬於我既果本筆記既最後一頁。
佢攞過我本簿睇。
我真係醒唔起佢係邊個。
我留左響醫院一晚。
我個頭好痛呀!
我勉強噤到床旁邊既制叫護士。
跟住我既眼就好唔爭氣合埋左。 |
https://www.oc2s.co/features/%E7%94%A8%E5%A5%97%E8%B7%AF%E7%8E%A9%E5%A5%97%E8%B7%AF%EF%BC%8C%E8%AB%96-lk-072-%E6%96%B0%E6%AD%8Cmv%E5%A6%82%E4%BD%95%E8%AA%8D%E7%9C%9F%E5%9C%B0%E9%B3%A9%EF%BC%9F/ | 2022-01-22T08:26:57Z | zho,eng,jpn | text/plain | 由於 Netflix 最近上架嘅處境喜劇《Community》大熱,而令觀眾對「套路」呢個創作概念有更深嘅認識,事關成套劇就係不停以流行文化常見嘅套路為前設,去鋪陳各種離哂譜嘅劇情同場景,由喪屍片到戰爭片再到高中青春歌舞片再返去處境喜劇本身乜都炒埋一碟香噴噴,細節位極多,可以話影癡程度愈深睇得愈過癮。
劇中主角之一 Troy(由未化身 Childish Gambino 嘅 Donald Glover 飾演)曾數次提起 ”meta” 呢個單詞,字源希臘文 μετά,解作「後設」,香港可以勉強譯為「惡搞」或者「二次創作」,但始終點唔出「創作有身為創作嘅自我意識」呢一點。
呢種後設式創作其實承傳已久,以事事講究系統化嘅日本為例,玩起meta同樣有世界級表現,遠有北野武嘅《奏鳴曲》以及伊丹十三嘅《Tampopo》等經典,近代《屍殺片場》以及《黑幫有個荷里活》兩者亦係反類型佳作,當然仲有《銀魂》啦。由於「套路」原先就係輕視原創性而追求類型化,為加速產量而出現,本質極盡商業,反類型片本來帶有強烈藝術性及批判性,但以 Marvel 嘅《Iron Man 1》以及《星際異攻隊》系列為例,甚至《Community》創作班底嘅新作《Rick & Morty》,一樣充滿反類型片嘅戲謔元素,可見後設式創作已經成為另一「套路」。
過去十幾年不論時裝、流行樂或娛樂都以「致敬/復古」為大方向,人人大喊悶蛋之餘,往好處想,亦反映過去文化遺產中依然存在許多未被完全開發嘅概念;隨住meme近兩年正式成長為大眾文化巨獸,玩套路已經成為十分入屋嘅創作/閱讀思維。然而好似 LK-072 咁清晰用meta手法玩音樂嘅創作單位,香港暫時仍然算係少見。
由情侶檔 Locka 加 NatureHin(話梅鹿)組成嘅 LK-072,於2018年底發表首個作品〈ち んこマンコ 〉玩 ThisAV,及後實驗過:梅艷芳、Trap、City Pop、昭和風情、林志美、J-Rock、vaporwave 等元素。
LK-072 由一開波已經係sound & vision同步發展 ———— 目前每有新歌都係直接以MV形式推出,除咗 YouTube 外亦暫時未會喺音樂串流平台上聽到佢哋嘅作品。話雖如此,LK-072 並非純為拍MV而做歌,製作水平合格,音樂上亦屢屢有類型片特性「反高潮」嘅運用,例如前作〈Wreck〉1:14~1:44果段單薄嘅粒粒結他solo,以抽走所有pedal嘅方式令你意識到平時啲結他真係落咗好多味精;今次〈告訴我SaySo〉亦有類似處理,將0:43果聲「一個人」擺到好後,營造有意為之嘅兀突,編曲角度睇其實都幾meta。
相比其他香港嘅獨立音樂單位,LK-072 對於跳舞的確較為放膽,亦見成效。今次加入嘅另一女生 lee3gou 原先係嚟幫手化妝工作,由於 Locka 自言唔識rap而自薦玩埋一份,嗱,rap嚟講呢,咁 lee3gou 表現都唔可以話好出色嘅,但係貫徹到「過癮」行先嘅理念。據講佢將會有個人作品,抒發被拖欠三千大元(難道係……耶穌差我三千蚊,依家仲未還,唏?)嘅怨氣,似乎會係另一玩味之作。
講到尾,LK-072 目前畀人觀感依然係一場朋友間嘅開心鳩玩,不過認真地鳩,總好過認真但原來係鳩,何況呢種sound & vision立體化嘅美學建構已經係全球大潮流,行快兩步,無壞。
PrevPrevious影帝 Gary Oldman 主演 punk 仔新 MV? |
https://eastweek.my-magazine.me/main/14832 | 2022-01-19T01:15:18Z | zho,eng | text/plain | 中秋節臨近,又係收月餅果籃嘅旺季,收到半島酒店間嘉麟樓嘅奶皇月餅當然威威,但要數矜貴,真係非星洲六星級酒店嘉佩樂(Capella)嘅月餅禮盒莫屬。呢個月餅價錢貴唔特止,仲好有心思,收到嘅人都會好驚喜。
話說呢盒月餅要成四千五百港銀,入面除咗有用料十足嘅月餅外,仲另有乾坤,就係每個禮盒都有一個金幣。雖則並非足金,但係價值一啲都唔輸蝕,因為每個金幣可以換一晚嘉佩樂酒店海景房,仲包埋早餐㖭!
坐落喺聖淘沙嘅新加坡嘉佩樂酒店,住一晚閒閒哋都要三千九港銀,海景更加要四千三百銀!唔單止咁,金幣持有人更有機會喺中秋當日參加抽獎,大獎係價值廿萬港銀嘅白金鑽石項鏈一條!講咗咁耐,究竟係邊個收到咁矜貴嘅月餅?
原來係跟何超瓊份屬老友嘅名媛鄭詩韻,佢話咁大個女最驚喜就係收到呢盒月餅,至於係邊個送,咁就要保持神秘喇。
鄭詩韻(小圖)收到星洲嘉佩樂酒店月餅,入面送個優惠免費入住酒店一晚,難怪鄭小姐咁開心,唔知盒月餅邊個送呢? |
https://zh-yue.m.wikipedia.org/wiki/%E5%A4%A7%E7%9C%BE_(%E6%90%9E%E6%B8%85%E6%A5%9A) | 2022-01-21T17:12:11Z | zho,eng | text/plain | 大眾,唐字,本意係一大班人,可以指:
大眾鄉:中國嘅地名,喺黑龍江齊齊哈爾拜泉縣。
福士集團:又叫大眾集團,德國嘅汽車集團。
福士汽車:又叫大眾汽車,福士集團屬下嘅汽車企業。
大眾商業銀行:臺灣一間已結束營業嘅商業銀行。
呢版上次改係2021年5月23號 (禮拜日) 13:18 嘅事。 |
https://www.shikoto.com/articles/103029/103031.html | 2022-01-26T17:26:29Z | jpn,zho | text/plain | 每日我都會諗盡辦法去見我既女神,有時如果早會見唔到,就會走去迪迪仔班房,扮下搵佢,實際上係…你懂的。
婷婷佢係我地級已經好出名,已經係公認既女神,隔離班想要溝佢既人真係數都數唔曬。
唔好話要同佢傾到一句計,你想單獨出面係佢身邊都難呀。
因為佢身邊固定係有男仔,而且可以次次都唔同男仔架喎,我要排隊預約既話,我都應該係排隊尾。
佢身邊d仔唔係玩運動就係玩音樂既,再唔係就讀書叻。
講真,婷婷已經係成功人士,我諗唔到佢係缺d 咩。簡直可以係學校呼風喚雨,要風得風,要雨得雨。
高我地幾form既男仔都會想追佢,唔想追佢都對佢有意思啦。
一杯再清既水,倒左落一個染缸入面,都會有雜質。
就算婷婷再清純,再出於污泥而不染,係呢個人人都高捧佢既天堂,都難以保持一顆純潔既心。
我唔記得左邊日,總之有一日放學,我因為要去咩功課留堂班而遲左放。
學校規定無交唔知幾多次功課就要罰留堂,咁岩我欠左果幾次。
待諗住返屋企打機啦,點知當我經過教員休息室既時候,見到婷婷同埋一個呀 Sir係面。
我無認錯既話,果個係教迪迪仔英文既李Sir。
我地學校個教員休息室係既門係有一個正方形既窗,我係窗口果度睇得一清二楚。
我見到既係,李sir一邊好溫柔咁同佢講解啦,然後隻手係搭係婷婷既手上面。
我見到真係覺得幾震撼架,自己女神咁樣俾人抽水法,真係想衝入去打鳩個李sir。
婷婷成個小綿羊咁架嘛,咩都唔識,真係隨時俾啲狼食左都唔出奇。
我睇住李sir越黎越過份,由手掌慢慢向下掃,掃下婷婷白滑既大脾。
真係嬲!我女神係俾你咁樣摸架咩?死淫蟲。
我企係門口都有一段時間,所以佢地都留意到我既存在。
係婷婷望到我先既,我即刻縮走左,廢是佢地見到。
然後用9秒9既速度衝左出學校門口。 |
https://zh-yue.m.wikipedia.org/wiki/%E8%80%83%E5%8F%A4%E5%AD%B8%E5%AE%B6 | 2022-01-19T11:54:29Z | zho,eng | text/plain | 考古學(粵拼:haau2 gu2 hok6)係通過發掘同調查古代人類嘅遺跡遺物同文獻嚟研究古代社會嘅一門人文科學。傳統上,考古學係文化人類學嘅一門分支學科,但係而家佢越來越獨立,變成一門獨立嘅學科。
考古學家同淨係研究歷史記載嘅歷史學家唔同,佢哋通過研究遠古人類嘅遺物,對冇歷史記載嘅史前文化亦進行研究。考古學家致力於探索人類文化嘅起源。
漢語中考古學源自歐洲,而歐洲各國文字中嘅考古學都源於希臘文嘅 αρχαίολόγί,呢個詞係由 αρχαίος(意思係古代事物或古代)同 λόγος(意思係科學)組成,嚮古希臘泛指古代史嘅研究。嚮西元前4世紀,柏拉圖就用呢個希臘文嘅單詞來指古代史嘅研究。呢個詞嚮一段時間內好少用,嚮17世紀時又重新再用返,用嚟表示古物同古跡嘅研究。17、18世紀嘅主要指嘅係古物中嘅美術品,到咗19世紀先泛指一切古物和古跡。
中國嚮西元1-2世紀(東漢)已經有「古學」呢個名詞,來泛指研究古代嘅學問。到咗北宋中葉(11世紀),誕生咗一門研究青銅彝器同埋石刻嘅學問——金石學,即考古學嘅前身。嗰時「考」「古」二字亦開始一齊用。西元1092年成書嘅《考古圖》就已經率先使用咗「考古」呢一個名詞,不過嗰時指嘅係考證古文字同古文章。
考古學研究嘅物件係實物。主要係物質嘅遺存,或者話係遺物同遺跡。而呢啲遺存應該係古代人類嘅活動遺留落嚟嘅。考古學嘅研究集中嚮對過去嘅研究上,包括過去文化所遺留低嘅各種資料。所以研究物件係屬於一定時間以前嘅古代。比如英國嘅考古學下限係諾曼人嘅入侵(1066年),法國係加洛林王朝嘅覆滅(987年),美洲各國係哥倫布發現新大陸(1492年),中國嘅一般係以明朝嘅滅亡(1644年)為下限。近年嚟,英國出現嘅中世紀考古學(Medieval Archeology)將時間嘅下限推到1640年。而美洲各國嘅工業考古學(Idustrial Archeology)研究近代工業初期嘅遺物。隨住時代嘅前進,呢啲下限都會進一步向後推。
按照年代分為:
按照地區分為:
按照研究物件分為:
按應用手段劃分:
其他分支:
考古學中常用到嘅一啲學科:
呢版上次改係2021年3月18號 (禮拜四) 12:29 嘅事。 |
https://sharlo.hk/%E8%8B%B1%E5%9C%8B%E7%94%9F%E6%B4%BB%E5%88%86%E4%BA%AB/ | 2022-01-17T22:35:31Z | zho,eng | text/plain | 英國香港人移民升學嘅熱門國家。移民英國嘅好處大家就聽得多,今日就等我地睇下去到果邊又會遇到咩困難啦!同埋了解下學港同英國最大分別喺邊。
讀完中五之後,我就去左英國讀A-levels同大學。喺呢五年英國生活之中,我經歷咗好多,亦體會咗好多唔同嘅文化。
初初嚟英國嘅時候,我好記得我自己一個搭飛機,自己一個 Check-in,自己一個去學校報到。嗰時真係又緊張又興奮,因為我知道人生第二個階段要正式開始。記得我一到步英國,第一感覺就係覺得天氣好凍,空氣好濕。由於英國嘅天氣係濕凍,所以身體感覺到嘅溫度比實際溫度仲要低三至四度,再加埋倫敦天氣成日都陰陰沉沉,有時天氣都會影響到自己嘅情緒。
英國同香港嘅教育制度亦好唔同,眾所周知,香港著名填鴨式教育,好多嘢都係老師俾乜你就讀乜。但係相反,英國就好主張學生自主學習,要自覺去做 Research, 了解更多書本以外嘅知識。除此之外,佢哋都好要求學生有 Critical thinking(批判性思考),要學生識得喺讀過嘅知識入面提出 Argument,發揮突破性思維。所以,如果你覺得只要讀熟 Lecture slides 就可以去考試,咁你就錯曬喇。齋背晒 Lecture slides 上嘅內容係唔會攞到高分㗎,甚至係冇分添。
至於倫敦嘅日常生活,其實我覺得同香港有幾分相似。不論係餐廳、地方、設施、超市用品,都幾合香港人口味同習慣。例如一個 China Town 就已經可以暫時幫你解決思鄉之情,俾你買到港式或中式食材過下口癮。所以我會話,香港人喺倫敦生活都唔會有好大問題。
英國可唔可以取代香港?
1. 倫敦街頭係有好多 Homeless 同 Druggies,所以可能經常會喺條街聞到大麻,甚至見到一班人圍埋一齊”隊草”。所以,大家夜晚喺條街度要加倍警覺,特別小心身邊嘅人,以免佢哋 High 左傷害你。
2. 倫敦街頭亦有好多扒手,佢哋鍾意 Target 黃種人,因為佢哋覺得黃皮膚嘅人係特別有錢。我有幾個朋友都比扒手偷過電話,銀包,甚至入屋打劫。所以,想移民英國嘅你不妨考慮不用銀包嘅習慣,轉為用 Card holder,直接放喺外套嘅內格入邊!
3. 歧視嘅問題其實係英國都相當嚴重,尤其喺 Covid-19 pandemic。有唔少亞洲面孔都被英國人用過粗口對待,我自己都唔例外。所以大家要做好心理準備,去到異鄉,自己可能會成為二等公民,會比人哋睇低。
4. 倫敦嘅地鐵雖然方便,但係冇冷氣,冇訊號,電話都用唔到。
綜合而言,英國比我嘅感覺係好適合退休居住,因為好多嘢都好方便,又符合香港人生活習慣。但講到要喺嗰度工作,大家就要面對人際上嘅阻滯、天氣帶來嘅負情緒、同英國人自主高尚嘅概念。所以移民之前,一定要做多啲 Research,了解更多當地嘅生活文化,咁先知呢個地方適唔適合你。
我哋可以幫你聯絡分享者,由佢地直接解答你嘅疑難! |
https://www.seewide.com/mobile/index.php?act=article_info&aid=146393 | 2022-01-23T15:12:25Z | jpn,zho | text/plain | 一向都好鍾意食帶有芝士嘅食物,例如芝士餅、意粉、薄餅……等等,而食薄餅更經常糝滿芝士粉晌薄餅之上,睇見好幾位朋友對長沙灣「米走雞」所撰寫嘅食評,引起小弟唔少興趣,加上地點幾就腳,由屋企搭兩個站地鐵就到,所以,就捉埋兩個朋友,搵個閒日夜晚過嚟試一試。
由於餐廳位處青山道近尾一截,附近都喺舊樓多,以及幾個待發展嘅地盆,所以,入夜都有啲靜,人流唔多,而入到餐廳內,亦感覺客人以街坊客居多。室內環境雖然無乜雅致嘅裝修,但夠晒乾淨企理,精簡平實。
離遠走近餐廳時,已晌門口見到佢兩個主打火鍋嘅燈箱:「黃金芝士雞煲」及「火焰麻辣雞煲」,為着前者而來,所以,亳無懸念。其實,原來仲有其他湯底供打邊爐選擇,例如:香濃豬骨湯、惹味沙嗲湯、四川麻辣湯、粟米蕃茄豬骨湯幾款。
啱啱坐低,店員就遞上A4大細一頁過嘅點餐紙,雖然雞煲已定,但當然都要先細閱一下有咩選擇。火鍋配菜由肉類、海河鮮、蔬菜及菌類、內臟、丸類,到粉麵,大概60多款食物,此外,仲有酒水。除咗一啲時價嘅海河鮮外,感覺整體定價亦喺平實,有啲配菜仲有全份、半份供選擇,非常有彈性,點餐紙右下角更列明4-11月夏季期間免收加一添,讚呀!
芝士雞煲有分大細,大嘅$168,細嘅$128,曾問過店員細煲份量有幾多,佢話細嘅有一隻嘅份量,而大嘅則有隻半,但佢補充一句,為咗客人食得暢快,一啲無肉嘅下欄都會清走晒,但睇落又真喺好足秤,好大鍋。雞件本身已先處理過,所以,送上枱已呈金黃色,芹菜墊底,加上自家調校嘅芝士漿及乾蔥,待雞煲再滾起就食得。雞肉都算嫩滑,配芝士又幾OK喎,啲芝士頗香濃,滑溜唔太杰,但好掛汁,有少少食緊芝士火鍋咁,真想搵件法包沾啲芝士食。
清晒啲雞件,開始加入奶白色嘅上湯打邊爐,而配料亦隨即送到。由於個雞煲著實唔少,為免食唔晒而嘥嘢,所以,我哋採取邊食邊點嘅策略,先嚟一碟特級雪花肥牛、響鈴、蜂巢冰豆腐及竹笙,及後唔夠先再追加。
肉類有牛頸脊、牛柳粒、羊肉片……等等,據店員介紹,佢哋啲肉大部份都喺晌附近街市新鮮買。由於同行朋友都唔喺食肉獸,所以,都唔敢點太多肉,只點咗一碟細雪花肥牛,雖然肉質好鮮嫩,但實在偏肥。
一客響鈴有10條之多,都只喺賣$38,輕灼數秒,外層吸咗少少湯汁有份軟軟腍腍,咬落內裡仍有些微脆身,豆味唔算好強,屬中規中矩嘅水平。
豆腐放入湯內,煮透吸滿湯汁後,變得煙韌有咬口,口感幾得意,真喺唔知邊個咁醒諗出依樣嘢。其實好多嘢雪過之後,質感及味道都有變,所以,冰豆腐真喺唔可以當食一般豆腐嚟睇!
雪白嘅竹笙滿滿放得一碟,賣$28唔知佢毛利有幾多。竹笙本身無乜味,但入口爽脆,又好吸汁;最大賣點喺健康有益,促進新陳代謝,降血壓,減膽固醇嘛。
見啲丸類都唔太特別,所以,就不如試試佢嘅秘製鮮蝦蟹籽餃,餃子喺自家包製嘅,以鮮蝦、蟹籽做餡,味道算唔錯,但唔會太有嘩一聲嘅感覺。
一連幾款蔬菜一次過分享,其實,都喺啲晌街市常見嘅種類,不過,街市貨色,夠新鮮,又靚仔。
幾款啤酒、汽水外,仲有奶茶、檸茶添,不過,唔知質素如何,都喺檸7、檸樂($14)夠穩陣,冰底加檸檬,自斟自飲。
最後都俾個笑,不過,正式嚟講,個笑喺俾個黃金芝士雞煲;配料方面,只可以俾個OK佢,實在有待改進,誠然服務搭夠。當然,我哋只喺試咗三幾樣嘢,無點試佢啲貴價食材,或許有啲未夠全面,但來日方長,咁近我住嘅區域,再幫襯容乜易。 |
https://gfwestface.com/5033/ | 2022-01-21T05:07:45Z | zho,eng | text/plain | 零晨十二點半男友打嚟同我講生日快樂!
但其實我生日唔係今日囉!
然後,我嬲到醒晒!
女友唔記得咗我生日,但係我無嬲。
然後,佢嬲咗我。
同女友攪生日party,喺蛋糕上面,插滿同佢歲數相同既爉燭。
我生日,男友帶我食譚仔三哥! |
https://www.dimhk.com/topic/80/188%E7%81%AB%E9%8D%8B%E9%9F%93%E7%87%92%E6%94%BE%E9%A1%8C%E5%95%A4%E9%85%92%E6%B1%BD%E6%B0%B4%E4%BB%BB%E9%A3%B2-%E7%B4%85%E7%81%AB%E9%AE%AE%E6%96%99%E7%81%AB%E9%8D%8B%E5%B0%88%E9%96%80%E5%BA%97 | 2022-01-23T19:10:08Z | zho,eng | text/plain | 今次受邀到位於旺角既紅火鮮料火鍋專門店,試佢地既晚市放題。放題可一次過食齊火鍋+刺身+韓燒。
凡預定晚市「火鍋放題」,並選花膠雞煲湯底,每位免費送「南非鮑魚」壹隻。
必須提前至少一日訂座,說明「Hea佬」觀眾優惠。
優惠日期:2022年1月1日起至2022年1月20日。 並於下單時再次確認優惠。
如「南非鮑魚」沽清,將提供其他優惠,恕不另行通知。
優惠由紅火鮮料火鍋專門店提供,餐廳保留最終決定權。
呢間鋪頭我之前食過,兩個鐘头食三樣食物好趕時間,建議揀其中兩樣食就好。
呢間伏都唔伏, 我去過幾次啲廣告贊助 嘅食肆 ,全部都貨不對版, 呢條片都唔使再睇落去。 |
https://www.vjmedia.com.hk/articles/2019/01/03/188881/%e3%80%90%e7%82%ba%e6%af%8d%e4%b9%8b%e9%81%93%e3%80%91%e5%94%94%e4%bf%82%e6%af%8f%e6%97%a5%e5%81%9a%e6%84%9b%e5%b0%b1%e6%9c%89%e4%bb%94%e7%94%9f%e3%97%8e%ef%bc%81%e5%92%aa%e5%82%bb%e5%95%a6%ef%bc%81 | 2022-01-18T22:13:10Z | zho,eng | text/plain | 【為母之道】唔係每日做愛就有仔生㗎!咪傻啦!
女人大肚懷胎10個月,聽上來好似好耐,但原來當你生咗個仔出來嘅時候,回想番,原來啲時間真係眨下眼就過(無錯,我又距離死亡接近咗1分鐘啦)。結婚幾個月就有咗BB,搞到身邊有唔少好恨生小朋友嘅姊妹們都問我懷孕心得,聽得最多都係以下問題:
Hey Come On! 講咗10萬幾次,想生BB係唔可以日日都做愛㗎!你唔累,你隔離個隊友都會比你Chur到精盡人亡啦!
不過我個人認為除咗射精要撞中排卵日之外,男女雙方同時有高潮都好!重!要!
拿~我就唔知你哋有無真係試過真性高潮,於性高潮時,全身肌肉(包括陰道肌肉)都會一齊收縮,可以將大丁丁包得更實,正所謂愈實就愈入(well~都係男人嘅獸性心態),加上每0.8秒一次收縮一次,係果10幾秒之間,若然雙方可以同時高潮,咪可以將啲精精有咁入射咁入,就算今次又唔中,享受下個高潮都好呀!
有無食到啲咩,有無調理?
Sorry 我每日調理老味仲多過調理自己,果排仲有好多酒局飯局,仲要OT開夜車樣樣做齊,其實真係唔使比咁大壓力自己,想調咪調囉,但唔好諗住調完一定有,調理,最大目的都係為自己身體健康著想。
受精果下有咩Feel?
點解無啦啦走去驗孕?
好問題,查實都係第6感作怪~話說於上年年頭有飯局,有飯點可以無酒?但果晚好奇怪,居然滴酒都唔想沾,仲好鬼眼訓,成晚個胃都頂住頂住咁~翌日咪屎忽癢去萬零用幾條嘢買枝活色生香走入商場廁所Check Check…. 點知… 就中咗。
Permalink: https://www.vjmedia.com.hk/articles/2019/01/03/188881/【為母之道】唔係每日做愛就有仔生㗎!咪傻啦! |
https://www.penana.com/story/90310/%E6%B1%82%E5%A9%9A%E5%97%B0%E6%97%A5-%E6%88%91%E7%99%BC%E7%8F%BE%E6%88%91%E5%A5%B3%E6%9C%8B%E5%8F%8B%E9%8D%BE%E6%84%8F%E9%A3%9F%E5%B1%8E/ | 2022-01-19T20:47:54Z | eng,zho | text/plain | 敏敏,係我拍拖七年嘅女朋友。
身為社工嘅佢,為人心地善良,加上外貌又有幾分似試當真嘅Yanny,我其實自從同佢拍拖開始,已經一直期待將來可以同佢過人世。
發現咗一個七年以嚟我都唔知道嘅秘密。
敏敏,竟然會食屎。
我同敏敏本身以為只係一場對我哋關係嘅挑戰。
竟然係一段場漫長、荒謬而匪夷所思嘅旅程開始。
你以為食屎好變態?
但係我話你聽,其實世界上最變態嘅事只有一樣。
就係,愛情。
但係又可能會俾到少少意外驚喜你嘅故事。
過往作品:
如果你喜歡這個故事,歡迎「留言」告訴我,讓我知道有讀者!!!
而「喜歡」和「書籤」更多就可以幫手加速加更,所以想睇文嘅大家都要加油!
最後留低埋我IG,大家有興趣可以去嗰邊催迫我出文,而且仲有呢個故嘅「作者前言」睇㗎! |
https://lihkg.com/thread/790772/page/12 | 2022-01-19T22:28:07Z | zho,jpn,eng | text/plain | 明知無搏拎?
副簽要咩要求呀?
如果係咁,依家啲五毛高明咗。
佢地成日扮到好本土,但又暗中講一啲唔啱、誤導人嘅資訊。
好似八婆港女咁嘅Type。真係見到唔少。
大家真係要睇多啲。唔好再做伸手黨。睇下啲理據。樓上各位巴打花好多時間、心機去解釋有乜野方法證明自己有冇BNO。
不過而家變咗用MS PGothic 怕唔怕唔足字啊?「佢冇喺吖嘥啲㗎嗰屌夠」之類呢啲字喺MS PGothic全部都冇喎。
而且要fallback實在太麻煩,有點陣字嘅font同冇點陣字嘅font互相fallback嘅話,低dpi嘅mon睇會好肉酸。但係Windows 內置嘅font入面,MS Gothic同Gulim係唯二有點陣字嘅黑體,而兩套都缺字。至於冇點陣字嘅黑體,Meiryo(Meiryo冇得斜體)、SimHei、Microsoft YaHei同埋微軟正黑體之間嘅Style差太遠,一齊用會好怪。而SimHei、Microsoft YaHei冇缺字但係就中國標準…… |
https://www.wingloknoodle.com/products/%E8%B6%B3%E6%96%99%E6%B8%85%E8%A3%9C%E6%B6%BC%E7%84%A1%E7%90%89%E7%92%9C | 2022-01-18T19:30:23Z | zho,eng,ind | text/plain | 所有材料放入3公升大滾水中,大火煲10分鐘,然後轉細火煲 1- 1.5小時。
踏入初春,乍暖還寒,成個人同天氣一樣咁濕。
中醫指出,當人體濕氣重時,就會嚴重影響人體生理功能及健康。
温馨提示: 有感冒症狀 人仕,不宜服用。
然後轉細火煲1-1.5小時。 |
https://zh-yue.wikipedia.org/wiki/%E5%90%89%E6%BE%B3 | 2022-01-29T01:46:46Z | zho,eng | text/plain | 吉澳(英文:Kat O/Crooked Island)係香港新界北區嘅島。響大鵬灣西南水域,沙頭角東邊,船灣淡水湖北邊嘅位置附近。個島嘅面積2.35平方公里,大約有200家人居住。
呢個島響香港同埋深圳嘅邊界,雖然唔屬於禁區範圍,但係唯一來往呢個島嘅船隻需要經香港禁區沙頭角碼頭登岸,非原居民一般會響大埔三門仔、馬料水等地方租船,直接去嗰島短暫停留。
呢個島同鴨洲係香港生態旅遊勝地。
吉澳對外嘅交通完全依靠渡輪。
留意:沙頭角係香港禁區範圍入便,入去要申請邊境禁區通行證(禁區紙)。
呢版上次改係2021年3月31號 (禮拜三) 03:33 嘅事。 |
https://www.coca-cola.hk/stories/coke-book-taiwanese-crispy-mushroom | 2022-01-21T15:19:54Z | zho,eng | text/plain | 細細個放學成日拉埋朋友仔,食埋小食檔嘅煎炸野野先返屋企!到宜家大個咗,雖然無晒呢啲小食檔,但派對食物點會少左香口嘢食?一班人輕鬆下點都要嘅~就整呢道台式酥炸菇啦!健康之餘又可以食到蔬菜,想食幾多就幾多,加埋童年回憶,簡直令人食唔停口!再飲番啖冰凍嘅「可口可樂」,爽啊!
1. 準備一個大碗,加入生抽、砂糖、鹽及胡椒粉拌勻,加入雞蛋及生粉拌勻成粉漿。
2. 加熱油鍋,將金菇、杏鮑菇及平菇平均沾上粉漿放進油鍋,炸至金黃色。
3. 撈出用廚紙吸去多餘油份。
4. 放上碟,加入芫茜,撒上椒鹽,即成。 |
https://gan.wikipedia.org/wiki/%E8%80%81%E5%8D%97%E6%98%8C | 2022-01-29T01:42:23Z | zho,eng | text/plain | 南昌城自西漢建嗰豫章城算來,已經有二千多年嗰歷史,記錄南昌嗰歷史、地理、經濟、文化、風土人情嗰各類地方志同得雜籍有上百喇種。
1910年,南昌嗰警務公所發行一冊《江西省城地理白話教科書》,序文就係下頭箇隻歌謠。書裡頭話許時間嗰南昌攏共分六隻區,即東一區、西三區、南二區、北四區,城外上五區、下六區。
南昌城,地不大,三十餘里統包括。
南北長,東西狹,穿城十里南北達。
七城門,一古塔,滕王閣望青山閘。
三湖連,東西北,多少游人行不得。
大街少,小巷多,隨時易名費搜羅。
我警界,記無訛,區分段落掌紋螺。
城內外,六區過,方知地名都不錯。
一便行人二救災,仔仔細細牢記著。
箇頁頂晏嗰改動係:2009年8月5日 (禮拜三) 01:39。 |
https://www.fruitfulhouse.net/blogs/%E8%B1%AC%E8%B1%AC%E8%B1%AC-%E8%B7%9F%E4%BD%8F%E7%85%AE/%E9%A6%99%E6%A9%99%E7%85%8E%E8%B1%AC%E9%9E%8D-%E8%A5%BF%E7%8F%AD%E7%89%99%E5%85%A8%E6%A9%A1%E6%9E%9C | 2022-01-21T11:39:05Z | zho,eng | text/plain | 西班牙文全橡果黑毛豬鞍最矜貴之處:
豬鞍醃料:
解凍豬鞍,沖水用抹手紙抹乾,用切將豬鞍輕𠝹少少周邊,讓煎時不卷起。
再用叉輕輕叉一叉,加入所有醃料,輕輕按摩,半小時,備用。洋蔥半個切絲。
橙汁預備:
橙兩個,榨兩個橙汁,刨少許一茶匙橙皮,少許青檸揸汁,加兩茶匙白醋,一茶匙白沙糖,備用。
大火落少許油,放入豬鞍,轉中火,煎香兩邊,加入洋蔥炒香,8至10分鐘,加入已預備的橙汁,轉細火,待豬鞍慢慢吸收橙汁,好香橙汁煎豬鞍味,5分鐘便可享用。 |
https://reviews.macautheatre.org.mo/%E8%A9%95%E5%9C%B0%E6%9C%89%E8%81%B2/2021/12/podcast-004/ | 2022-01-21T01:36:02Z | zho,eng | text/plain | 戲劇嘅用語,經常會變成我地嘅生活用語。
每個人喺日常生活入面,扮演住唔同嘅角色。
我地會話,今日單新聞,好有戲劇性。
尋晚嘅事簡直就係一場悲劇。
雖然出左咁多意外,但係最終都喜劇收場。
見到一而再再而三嘅事,我地會話歷史重演。
重演,係戲劇藝術嘅常見行為,亦都可以話係戲劇藝術其中一種嘅特性。
今年「澳門劇場文件展」,澳門劇場文化學會再次邀請黃詠思合作策展,將劇場資料變成一件藝術作品,用參與式嘅展示,鼓勵觀眾打開檔案、想像歷史。 |
https://jnyintl.com/2021/08/13/immigration_6todolist/ | 2022-01-22T00:02:11Z | zho,eng | text/plain | 移民潮下,香港今年人口統計顯示比去年年中減少近9萬人,上月(7月)淨出境人數創新高,顯示唔少港人都已出發移民。去到外國人生路不熟感到徬徨,唔知應該點樣開始新生活?等我哋話你知,到埗後要做咩準備,無論係英國、加拿大或其他國家都適用!
因應疫情嚴峻,唔少國家都封關禁止訪客進入,即使你係持有效簽證嘅合資格人士,都要進行強制檢疫或隔離。雖然有部分國家如加拿大,容許已完成注射兩劑認可疫苗嘅合資格人士入境免隔離,但出發前最好都要先諮詢當局,Book好隔離酒店先出發。
如果可以嘅話,最好梗係預先喺出發前租好屋啦,有唔少人都會選擇喺線上同當地Letting Agent聯絡。但有時差溝通費時失事,間屋自住唔親身視察睇過環境又唔放心;而且外國人租屋較麻煩,或需要收入證明或預付一年租金等。
到埗後決定租屋係重要嘅第一步!以下就列出返英國、加拿大嘅各大物業尋找網站:
開通不同服務,例如保險、銀行戶口等都需要電話號碼,而且都市人喺當地生活,必須開通電訊服務。
而唔同國家嘅各大電訊商都會有唔同嘅計劃,例如合約、按月付款等方式,建議大家可以先搜尋返最適合自己嘅方式、網絡覆蓋範圍等去揀選。
確認住址及入伙後,記得要登記返各項資料喺你名下,例如水、電、煤等,英國就仲要登記埋市政稅(Council Tax),確保所有資料正確,就萬無一失!
移民必做6件事仲有(下),下次再睇!
PrevPrevious永居同入籍有咩分別?申請PR要坐幾耐移民監? |
https://info.umsu.org.mo | 2022-01-22T18:40:17Z | zho,eng | text/plain | 🗳公開比各位學生投出佢地最心儀既創作!
✍️一齊拎起畫筆畫出你心中澳大學生會既印象啦!
麵包口味選擇🥯:
***面包數量有限,先到先得喔!
仲有UMSU御守✨陪住大家 咁吸引仲唔快啲黎攞返個返屋企!
你以為就係得移動電源?! 咁梗係唔止啦,我哋仲有um口罩派俾大家😷 快啲約定三五知己去拎啦!
係comment 到 Tag 三位朋友仔+3月12日E4-E6中庭見!
係限時動態Hashtag #3月12日E4至E6中庭見!
特色澳大人嘅貼紙! |
https://kestrelkwan.blogspot.com/2009/02/double-chocolate-cashew-muffin_9270.html | 2022-01-19T14:28:45Z | zho,eng | text/plain | 聽朝就出發去台灣喇,係第一次同Winnie、阿聰、Li Kien 佢哋三個 friend 一齊去旅行,本來都嗌埋 Gordon 嘅,不過因為佢啱啱先搵到份新工做,唔通一返工就請假去旅行咩!所以佢就同唔到我哋一齊去玩喇!
平時間中都會見到 Winnie,但阿聰同 Li Kien就少啲機會見到,難得我哋四個都係埋一齊,見今日教完琴又無乜特別嘢做,所以就整定啲 muffin 俾佢哋做早餐 ( 因為聽朝 8:00am 機,我哋個個天都未光就要起身喇,一定唔會有 mood 食早餐啦,所以去到機場先食囉 ),順便當係新春後第一次嘅見面禮。
試吓,當然唔少得我老豆果份啦。
唔知點解硬係果表面比較乾,同埋無人哋整果啲咁多裂紋嘅哩?
其實之前搵食譜搵咗好耐都搵唔啱一個心水食譜,後尾明仔就推介咗獨角仙嘅 chocolate chips muffin 俾我,話好多網友整過都大讚好食,所以我都試吓跟佢個 recipe 嚟吓先。不過我就將個食譜改咗少少嘢:
1. 原食譜係用白砂糖,但我見好多材料都係甜嘅,好似朱古力、金黃糖漿同蜜糖,如果再落埋砂糖,怕會甜過頭,所以就改咗用黃糖 ( brown sugar),一來無咁甜,二來味道又甘香啲。
2. 因為屋企無原味乳酪,所以就隨手攞咗杯芒果橙乳酪嚟整。
3. 食譜原本係用可可粉,但我就用咗 55% 嘅朱古力,睇吓啲朱古力味會唔會比淨用可可粉香濃先。
4. 因為我鍾意食果仁,所以我自己就加咗啲腰果碎落去整。
因為整得嚟都差唔多要食夜晚果餐,所以連我自己都無食過試味,食後感就遲啲連埋其他人嘅 comment 一齊補番啦!
過幾日去完旅行返嚟再見喇! |
https://www.stegermatt.de/blog-3-years-plan/ | 2022-01-23T14:52:17Z | zho,eng | text/plain | 二零一七年初,我正式開始咗教德文嘅生涯。一路以嚟,都用遙距教學嘅形式嚟教。直到舊年返香港,先有機會開「真人班」,可以面對面咁教,感覺真係唔同啲,真係教得好開心,呢張相,係個課程Recording度cap出嚟的。本來以爲因爲住喺德國呢個限制,我呢世人都唔可能開真人班,結果兜兜轉轉,竟然都有機會可以做到。
你可能會問,投身運動,無論幾勇武都好,始終都要食飯,搵唔到食,我點樣可以維持我嘅生計呢?
係呀,事業真係好重要。放棄咗穩定嘅工作同收入,生活嘅壓力的確會多咗,作爲一家之主,我仍然要負起養家嘅責任。德國法定退休年齡係六十七歲,即係話,如果我健健康康順順利利,我仲要諗嚟緊三十七年我要用咩形式養妻活兒。
三十七年太遠啦,我唔知道可以點講,不如講下嚟緊三年我有咩目標啦!
嚟緊三年,我最終極嘅目標,係喺德國設立一間蚊型嘅實體德文補習社。
真係蚊型就夠,一年可以開到十班八班,請到一個半個手足,有足夠餬口嘅盈利,可以健康咁發展落去嘅基礎,我就已經好滿意。
識得我嘅人,都知道我係德國教邪教教主,好鍾意德國。不過,好多人雖然想嚟德國生活,或者係有機會,甚至有條件移民德國,始終都認爲德文好難學得好,同埋德國呢個國度,好似好遙遠好陌生,要嚟生活,好似無從入手咁。
我諗一個短期親身體驗德國生活,學好德文嘅機會,對於好多人嚟講,可能係第一步。萬事起頭難,如果我可以分享過去十年德國生活嘅經驗,學德文嘅心得,我好樂意咁做。德國人成日都講Integration呢個字,其實融入德國生活,無你想像中咁難,如果有人畀到一個所謂嘅Kochrezept你,你肯畀心機,一步一步照住嚟煮,雖然煮起上嚟,都會煮到滿頭大汗,但係唔會話煲燶粥的。
其實個Vision係希望可以一頁一頁咁樣寫好個Kochrezept出嚟,幫到香港人融入德國嘅生活。呢個理想,的確係好遙遠,不過我覺得千里之行始於足下,只要個方向係啱的話,就要一步一步咁走落去。
下一次我會講下,我會用咩形式去一步一步咁達到我嘅目標,同埋我會用咩形式嚟教德文。 |
https://www.ladylogic.co/2018/11/08/double11sale_1109/ | 2022-01-19T22:48:53Z | zho,eng | text/plain | 【任何人都可以喺卓悅買到正嘢】雙11!爽11!等咗成年,終於到卓悅雙11大促,全城瘋狂買買買!貨品激減低至2折起,仲有一堆熱賣好貨即時立減$20/$50/$100!仲有,卓悅VIP積分卡會員喺9/11-11/11到卓悅港澳分店/商城購買任何產品仲可以賺取雙倍積分啊!任何人,剁手都要買!切勿錯過卓悅爽11狂歡,唔好俾佢停呀!
打響頭炮就有佢!$15就有支美國暢銷老牌Savex護唇膏,咁親民嘅價錢連學生哥都like,仲有原味/玫瑰味任您揀!
Savex護唇膏成分溫和低敏性,就連有唇瘡嘅朋友都可以用!而且佢潤而不膩,睡前厚厚敷一層,第2日嘴仔即刻豐盈柔軟!用佢打底再上粧,唇粧會持久不易脫色;上完粧再用Savex護唇膏,就可以增加唇粧光澤!
秋冬天氣唔好好護膚就好易變做「燥」娘子,所以由沐浴到保養都要揀滋潤性充足嘅產品錫住肌膚嘛!今期超值套裝Kamill卡蜜兒全面呵護套裝每set都只係$78,1套4件:沐浴露、乳液同潤手霜!Kamill嘅Hand cream不嬲都出名好用,有好多粉絲熱捧,今次set裝有1大1細,大支擺屋企,細支就可以隨身袋著,超方便呢!
對付色斑,用一般嘅美白產品都係治標唔治本,只係輕輕淡化表面色斑,過一排底層嘅黑色素又會再次浮現出嚟!要打擊惱人色斑,靠佢啦!
Hit爆日本Shimiace AX打斑膏添加咗高濃度維他命A,連同維他命C、E三重夾擊黑斑!除咗徹底排走黑色素,更有效抑制色斑形成,促進肌膚更生周期,調整肌齡!色斑無晒,望落更加年輕明亮啦!
個世界越嚟越烏煙瘴氣,點先會有亮澤淨透健康肌?首先要將肌膚嘅好嘢keep住,唔好嘅污染物隔走!呢個時候要召喚Clinique「肌膚淨化器」!
Clinique防禦修護啫喱有效過濾對肌膚有害嘅污染物,Keep住好嘅肌膚養分同水分,維持水油平衡,強化肌底,綻放亮澤透滑嘅健康肌!透明啫喱狀質地,清爽易吸收,用後絕無黏膩感,好舒服!
卓悅門市及官網同步熱賣,只限以上部分產品及優惠。優惠期由2018年11月9日至11月15日止,貨品數量有限,售完即止。 |
https://www.sundaykiss.com/blog/%E6%B9%8A%E4%BB%94%E5%BF%85%E7%B6%93%E4%B9%8B%E8%B7%AF-203252/ | 2022-01-17T01:53:07Z | zho,eng | text/plain | 茄蛋仔四個月大喇!今次茄蛋媽想湊湊熱鬧,開題講產後幾個月 湊仔 忙甚麼,各位媽咪有無遇到以下種種呢?新生嬰兒黃疸 ? 胎毒爛面? 人奶惹痰卡痰?bb 無大便? 鼻塞? 戒夜奶 ?先戴頭盔,此篇只在於分享個人經歷,絕無意褒貶任何人之意。
茄蛋媽照顧蛋仔第一個月最大感受:好眼瞓。好多人都話:「BB瞓你咪瞓囉」,之但係,每個bb嘅作息、健康狀況都唔一樣。
蛋仔未出院就出現 新生嬰兒黃疸,頭幾日進出醫院照顧蛋仔真係好攰,主要係要泵奶到醫院比蛋仔食比較頻撲。不過果幾日蛋媽都有好大得著,因為姑娘貼身教點換片、用杯餵奶、掃風,對於新手媽媽黎講都算係好事,返屋企前上照顧BB嘅速成班。健康院因為蛋仔黃指數唔合格先後兩次轉介返醫院抽血驗指數、肝功能,令坐緊月嘅蛋媽既擔心又疲累,到第三個月終於完全退黃放心喇。
茄多仔未出院就發現新生嬰兒黃疸,進出醫院幾次抽血驗肝功能,紗布仲大過隻手。
頭一個月BB胃仔細食多餐,蛋媽同好多媽媽一樣,晝夜不定時餵食,加上bb吸啜能力未係好叻,每次餵奶都花近一個鐘或以上,搞掂掃風、bb瞓覺,下餐奶又差唔多嚟喇。
蛋媽係全人奶媽,但蛋仔竟然食到痰上頸, 卡痰 令蛋仔成日抖唔到氣喊,日夜都瞓唔到,最瘋狂試過全日只瞓咗5個幾鐘,睇過醫生用咗噴鼻劑效用不大;又聽講 肥仔水 化痰,但食完兩次都狂嘔,日夜不停拍痰拍到蛋仔幾乎甩肺,蛋媽幾近崩潰。
後來茄蛋媽懷疑因為自己感親有痰,而由人奶惹比蛋仔,所以又比蛋仔食 保嬰丹 ,食咗半次又有少少擔心咁細個唔受得,所以自己食 猴棗散 ,希望由人奶過比蛋仔,終於第二個月中就好返七七八八喇。
第二個月蛋仔身體、面仔開始出好多粒粒,聽講係 胎毒 ,粒粒生長嘅情況好嚴重,一度令蛋媽認為蛋仔會毀容,好在經過多重保養,皮膚終於靚返晒。
首先婆婆每日幫忙用 金銀花 煲水比蛋仔沖涼,一整煲都係金銀花,一d都唔慳皮,話說d金銀花價錢都幾貴,一小包已經成舊水,我地沖過兩三星期,見粒粒好返好多後就改為重點抹患處。
另外,茄蛋媽每晚臨瞓前都會同蛋仔做 人奶面膜 ,直接用人奶敷面過夜,面上粒粒第二日就結焦剝落,過程係幾惡頂,因為好似出曬血就快裂開咁,好在BB 新陳代謝快,呢頭敷完人奶,兩三日就好返,所以唔好睇小自己嘅奶,既天然又有效。
講到 戒夜奶 ,蛋媽真係好恩惠,因為蛋媽無刻意餓佢成晚,三日就成功令佢連續瞓6個鐘,順利戒夜奶。開始時將尾奶安排到12點,當時都要餵4點,第二日拖延到5點,到第三日佢自己瞓到7點先起身。
第二個月開始蛋仔個頭好臭,無論每日點勤力洗頭,隔一陣又會有陣酒味好惡頂,到發現佢個頭出現硬皮先知道係頭泥,坊間提到用油洗頭泥好有效,但茄蛋媽唔想整到油淋淋,用咗隻專洗頭泥嘅洗頭水,兩星期就KO頭泥了,唔笠又香噴噴。
蛋仔同好多bb一樣,都唔識自己瞓覺,要佢按時瞓覺,每晚都要同佢搏鬥一輪,唱歌、聽歌、搖床、抱抱,樣樣都試齊。食完尾奶,好彩嘅話佢會好眼瞓而自己瞓咗,唔好彩嘅話佢會扭眼瞓喊、狂捽眼捽面,試過扭到晚上兩點都未瞓到。
聽講bb係需要訓練先識得自行入睡,當中要經歷忍著bb瘋狂大喊而唔可以抱佢,蛋媽試過一次由得佢喊,喊到攰就瞓著咗,但過程太殘忍,我地後來以「陪伴、幫助」方式教佢瞓覺,第三個月已經令佢識得自己合起眼培養瞓覺情緒了。
人奶b大便質地都係好水,頭個月大概有8次或以上大小便,但到第三個月蛋仔開始愈來愈少大便,有次連續兩日都 無大便 ,心急死蛋媽,幾乎帶去睇醫生。後來有經驗嘅朋友教路,原來全人奶b唔會日日大便,朋友個b試過兩星期無大便,暫時蛋仔最長試過4日咋。據講因為人奶好易消化,所以身體吸收晒無需要排大便喔。
最後要講bb 鼻塞 ,呢樣野令蛋媽感受良多,因為蛋仔第一次鼻塞發生喺深夜,3個月大左右,有一晚佢3點幾瘋狂咁喊,我當時無深究發生咩事就塞咗個奶嘴比佢,但唔夠10分鐘又喊,來來回回三次,蛋媽發好大脾氣鬧佢,開燈準備餵奶,見到蛋仔好可憐地打開口抖氣,成個下巴都係口水,原來佢一直都抖唔到氣。
原來空氣濕度低會令鼻垢硬咗,大人會識得自己整出嚟,BB就慘喇,會塞住抖唔到氣。當時蛋媽無細心理會,到而家都好自責,因為自己個性衝動又大意令蛋仔受苦。好在蛋爸好細心處理呢件事,首先比蛋仔聞蒸氣,再用棉花棒將鼻屎挖出嚟,蛋仔立即抖返順條氣有覺好瞓。
幾辛苦都值得!
呢四個月大概就咁過咗,除咗第一個月最難捱,之後幾個月都算穩定落嚟。對於轉成全職湊仔婆嘅茄蛋媽嚟講,而家嘅生活的確係有D悶,覺得自己無生產力、無咩作為,唯有將副心機放喺蛋仔身上,每日同佢唱歌傾計,睇住佢每日長大、牙牙學語、識玩識笑、手舞足蹈,真係無價。 |
https://lihkg.com/thread/1834071/page/8 | 2022-01-28T06:25:41Z | zho | text/plain | 無錢就等郵局開,90日回覆期,有錢咪速遞唔好等。
BTW郵局ems仲派緊件,出面posts有巴絲份件係口罩,郵差叔叔第一時間註明仲優先派!
拿拿淋手機影過再上載啦,最緊要背後唔可以有影!佢應該講咗點解reject你,跟要求做啦。
情況如之前有啲巴絲去到英國唔郁,等一兩星期先至派一樣,既然寄咗自己又控制唔到,放鬆心情等囉,依家非常時期,到疫情完咗,一大批人寄仲大鑊!有排等呀!
又教識一位io認知bno,呢啲訓練好緊要,以後邊個遇上都唔使恐慌,淡定有錢剩!當同佢哋做training 得喇。
係台灣嘅角度,你無持有特區護照或BN(O)以外護照嘅香港永久居民,你就係港澳關係條例第四條定義下嘅香港居民,國籍就係中華民國,不存在多過一個國籍,護照只係參考文件。
FedEx/UPS價錢平哦,一樣猷如親自運送!至於bno能否突破關口,你不如擔心到時等批要幾耐好過!慢嘅5個月都嚟緊了!
可能佢仲有機會,問佢有無中身份證大法?同埋做sar!相關資訊睇doc啦!
當年揸得bdtc,好少嗰陣時無登記bno,但每個人背景唔同,宣傳做晒都唔登記,總有原因嘅。 |
https://www.drpet.com.hk/oral-care/pet-oral-care-knowledge2 | 2022-01-27T08:29:10Z | zho | text/plain | 牙痛慘過大病?牙痛=大病!
心愛嘅毛小孩仲有機會因缺乏口腔護理而染上其他疾病!
細菌一旦入血,就會導致急性腎衰竭及心瓣炎。
尤其患有支氣管炎嘅毛小孩們就更需多加留意,因為牙齒藏有細菌,當不適喘氣時,就會將細菌吸入肺部,令支氣管問題更趨嚴重。
純種狗隻如鬥牛犬、八哥、北京、芝娃娃等品種,遺傳較多牙齒問題如咬合不正及下顎過長,引致牙齒長得歪歪斜斜,好早期就會有爛牙及蛀牙問題,切勿掉以輕心! |
https://kestrelkwan.blogspot.com/2015/03/ | 2022-01-21T23:20:55Z | zho | text/plain | 有日阿馳 Whats app 我,叫我上開去佢屋企時就順便拎走埋張電暖氈。
超市賣開嘅 margarine 通常都係軟身,用嚟搽麵包嗰一款,唔可以用嚟整烘焙食品,但我又一直唔見有硬 margarine 賣,因為始終有啲西點製法係唔可以用液體油代替,例如牛油霜;另外試過用固體菜油整批底又唔多掂,雖然可以成形,但個 texture 真係太鬆脆,一脫模就散,所以我一直都好想知道究竟有無硬 margarine 賣。
平時我都好少出街食,兩餐多數都係自己煮,一來當然係慳錢啦,二來就係一向都唔多鍾意出街食。之但係咁,始終都係有機會要喺街外食嘅,由朝到晚都喺街的話就迫住要出街食喇!
以我嘅生活習慣,出街食的話好彩都夾到 tea time 時間,我都多數只會去快餐店攪掂,因為都仲可以 $2X 醫飽個肚。好多時都會叫公司治,飽肚得嚟又相對比較健康,少肉少油。近日行經某快餐店門口,經過時望到入面個餐牌,一份公司治原來已經加到成 $30 一份,以呢個價錢去食幾塊薄薄麵包同雜菜,真係唔多值,我唔想同食店交租囉!!反正自己整都無難度,應該係零難度先啱呀!
如果大家有睇過上次肉桂焦糖蘋果西多士條片的話,應該會覺得呢個湯熟口熟面,因為係同一輯節目內嘅 recipe 嘛!見材料都好簡單,而且屋企又有罐忌廉粟米蓉,一於又試吓啦!
睇 Gordon Ramsay 個節目真係學到好多嘢,由主菜到甜品,麵包到蛋糕都有教,真係夠哂全面。
其中一集主題係健康食譜,佢教大家整煙肉車厘茄煮青口配 flatbread 做 lunch,一見到呢個 flatbread 就已經下定決心一定要試整,因為唔使發酵,麵糰鬆弛過後就直接落平底鑊烘烤,夠哂方便,唔使嘥時間等佢慢慢發,天氣凍時就更加正呀!
今日係正月十五元宵佳節,雖然我得一個人喺屋企,但我都特意整咗湯丸供佛。
今晚要食齋,整咗個超簡單懶人菜,切完絲就落鑊炒,咁就攪掂喇!
見好耐都無用泡菜嚟整嘢食,今日又試吓用嚟整煎餅。
之前見到 blog 友 Moonmoon 話佢去開賣餸嗰個屋邨街市要封咗嚟大裝修,只係留番每樣一、兩檔繼續營業,當時聽到都戥佢慘,但估唔到呢一日居然都會發生喺自己身上!
過咗農曆新年頭嗰幾日,屋企附近個屋邨街市就正式被「領匯」完全封閉,聽聞原本有百多個檔位,依家就只係提供得二十二個臨時檔位繼續經營,咁即係話,基本上每種產品嘅售賣檔位都只係得番一、兩檔。其實檔位數目少都唔緊要,只要產品種類夠齊全都 OK,但最慘係啲檔位 size 超迷你,有啲直情係比我屋企個廚房、廁所仲要細,唔好話擺多幾種嘢嚟賣,就連檔主企喺度想轉身都難,最簡單不過想買幾隻番薯煲糖水都無,皆因檔口地方少,菜檔阿姐話無可能放啲咁嘥位嘅嘢喺度賣!
早前睇到 Ramsay 個烹飪節目其中一集主題係慳家菜,佢教用隔夜麵包整個肉桂焦糖蘋果西多士,睇見都幾吸引,唔使次次來來去去都係落糖漿或果醬,等我又試吓先! |
https://maxxmas.com/2019/10/14/%E3%80%9033m12d%E3%80%91%E6%88%92%E7%89%87%E3%80%81%E7%8D%8E%E5%8B%B5%E8%A8%88%E5%8A%83/ | 2022-01-23T18:19:21Z | zho,eng | text/plain | 而家有兩大個項目要訓練細佬!
前日我開始就整左個 Reward Chart, 有幾樣嘢做到就有星星貼紙。佢本身好鐘意玩貼紙, 我當然期望獎貼紙可以吸引到佢啦!第一樣就係自己除鞋, 第二樣係擺好自己嘅咗, 包裝玩具。第三樣係坐 Potty, 第四樣就係成功係 Potty 度痾咗 pee / poo。
果日佢去完公園玩, 返到屋企之後, 同平時一樣淨係坐喺度唔除鞋。我就拎呢張獎勵計劃嘅紙俾佢睇, 同時拎埋張星星貼紙, 同佢講話除咗鞋就俾佢貼貼紙。佢即刻好快手咁除咗對鞋啦!但係就只此一次……
尋日出去食飯時又係咁, 我地三個都準備好哂出門口, 佢都係唔肯自己著鞋, 想我幫佢。結果佢肯自己著喇, 但就唔肯貼個魔術貼。咁對鞋有三條魔術貼, 我就幫佢貼兩條, 最後果條我一定要佢自己, 佢到行出出門口都係唔貼, 要落到樓下, 佢終於忍唔住自己貼啦!
呢排間唔中都有同佢坐 Potty, 但就冇一個特定時間, 即係唔會每隔15分鐘定30分鐘去一次。主要原因係我懶….佢一直非常唔願意坐, 每次都掙扎唔肯坐低, 坐低咗都成日要起身。
所以就喺個 Reward Chart 進行嘅同時間, 整埋坐 Potty 嘅獎勵。另外再加上睇完一篇人地分享的教仔方法後, 套用落呢個 Situation 度, 又OK work 咁喎, 佢唔再係每次都掙扎唔肯坐啦!
兩樣夾埋我覺得已經成功令佢唔抗拒坐 Potty!可能又因為其中一次, 即係前日朝早同佢坐係成功咗pee pee, 我即刻大大力咁讚佢, 再打埋電話俾爸爸, 等佢感受到自己成功咗係一件值得開心嘅事。
今朝我早咗起身, 8點半左右, 細佬已經食完早餐仲刷完牙一陣, 我就同佢去坐 Potty。
然後, 第一次同佢著底褲。
早幾日都仲係著 Training Pants (都係環保尿片果種, 外層防水), 突然轉普通底褲係因為咁啱睇到有人分享「3日如廟訓練」, 提及著嘅係普通底褲, 要令佢感覺到濕, 所以我就順勢試吓。雖然只有5, 6條底褲, 但我會同 Training Pants 輪住用。
呢幾日唔可以完全唔出街, 同埋 Naptime 都係要著片片, 聽日又要出去, 我預咗可能需要比3日更多既時間去訓練。話哂, 今次同哥哥細個果陣唔同, 而家我完全唔急, 因為知道勉強冇幸福😂 (其實係怕對佢有心理上嘅影響)。
黎緊我會繼續記錄!! |
https://www.leungchafong.com/products/%E6%B3%95%E5%9C%8B%E5%B0%8F%E7%8E%AB%E7%91%B0%E8%8A%B1 | 2022-01-27T11:02:23Z | zho,eng | text/plain | 呢隻法國玫瑰得來不易,找尋左多年,好多產地先搵到價錢合理,品質又好既品種。
最佳配搭:
茉莉花:舒肝解鬱,改善睡眠大馬士革同法國玫瑰花有咩分別?
大馬士革同法國玫瑰花有咩分別?
大馬士革玫瑰盛開時採摘,用花瓣 ; 法國小玫瑰未開花時採摘,原朵。
大馬士革玫瑰天然野生 ; 法國小玫瑰人工種植。 |
http://www.123chufa.com.hk/2017/11/x-crayola/ | 2022-01-28T06:20:42Z | zho,eng | text/plain | 今個聖誕,荃新天地將出現七彩繽紛嘅蠟筆顏色,與大家一同歡度彩色聖誕!荃新天地聯乘超過百年歷史嘅美國領導兒童繪畫品牌Crayola呈獻多元化節目聖誕童「畫」,帶大家走進夢幻聖誕屋,用蠟筆畫出心中所想,為聖誕節添上更多色彩!於11月25日至1月7日,荃新天地中庭將展出夢幻「油」樂園,顧客消費滿指定金額即可走進3間唔同主題嘅聖誕小屋,盡情用蠟筆喺屋內隨意塗鴉!而屋外更有全港最大、以逾3萬枝蠟筆拼砌而成嘅彩虹蠟筆牆,場面壯觀,定必成為文青嘅影相打卡熱點;荃新天地2期嘅奇想畫廊,將以別開生面方式,激發大家嘅創意,商場將展出多幅「留白」作品,讓顧客可以發揮想像力,於展畫上以蠟筆繪畫出自己嘅作品,猶如為自己舉辦個人畫展。
場內最矚目焦點梗系系全港首現彩虹蠟筆牆,以逾3萬支22種顏色嘅Crayola蠟筆砌成,非常壯觀。而旁邊更會有留言磁貼牆,大家可即場喺牆上以蠟筆留言,於彩虹牆前打卡,將「彩虹」留住!
邊個講畫畫系小朋友嘅專利,大人與小朋友也可以一同發揮小宇宙,拿起畫筆「到此一油」! 3間唔同主題嘅聖誕小屋,包括幼兒聖誕屋、玩具油樂園及閃閃聖誕夢,不論系1歲細路以至成年人,都可用蠟筆隨意喺屋內塗鴉繪畫,發揮無限創意!
喺一所充滿歐陸氣氛嘅小屋前系一個小花園,地上布滿雪花,旁邊有一道彩虹色嘅小橋,一個可愛嘅小雪人站喺小屋前。驟眼睇,小屋似一片白茫茫,原嚟雪人系度等候各位小寶寶前嚟,為地面、牆身及立體裝置增添色彩!幼兒聖誕屋為1-3歲幼兒及其家長提供專屬嘅親子「塗鴉」區,場地有多款My First Crayola幼兒系列嘅蠟筆,讓幼兒亦可展示創意。
花掛滿彩燈嘅玩具油樂園彷似天馬行空嘅小童Play House,牆壁、地面及玩具皆可讓參加者填色。立體嘅玩具小熊,頭戴聖誕帽,手捧著特大聖誕卡,等待大家為佢增添色彩。變大了嘅火車積木玩具讓熱愛火車嘅小朋友畫上圖案之余,更可坐上車頭充當車長,創意互動兼備。對平日一式一樣嘅兒童地墊有點厭倦?不如讓小朋友為地墊加上圖案,填上心愛顏色,創造獨一無二嘅玩具油樂園。
閃閃聖誕夢小屋與其他小屋唔同,甫進入即感覺到浪漫嘅聖誕氣氛。屋內最囑目的系近2米高嘅特制閃閃聖誕球,連同屋頂垂下一串串金銀相間嘅聖誕閃球掛飾,為愛侶影相放閃首選。每位進場人士均可即場獲得1個「聖誕願望球」,用畫筆畫上聖誕願望,再掛喺牆上,祝願聖誕願望成真。一個個盛載珍貴願望嘅聖誕彩球,光影閃動,佳節當前,讓家人與愛侶一同於金光閃影下許願。
舉行個人畫展,可能很多人也會覺得系天馬行空嘅想法。今個聖誕,大家就有機會一嘗成為名畫家嘅滋味。荃新天地2期中庭將會設置奇想畫廊,顧客可即場執起蠟筆於特定畫框內繪畫自己嘅作品,完成後猶如於畫廊內展出讓公眾觀賞,瞬間成為自己嘅個人畫展!
如欲了解更多聖誕工作坊、期間限定店獨家首賣Crayola產品及限量精品換領詳情,歡迎出席11月22日(星期三)傳媒試玩日,一同玩盡聖誕童畫!
參加方法 顧客於荃新天地商戶或Crayola期間限定店以電子貨幣單一消費滿$300,或憑1,000 Citywalk Card 積分即可預約或即場報名,進入聖誕小屋。每個名額可獲派發一個「聖誕球」作設計及讓兩位顧客同時進場。名額有限,先到先得。
活動詳情 顧客可即場執起蠟筆,於特定畫框內畫上自己嘅作品,自己嘅作品便即時於畫廊展出。
活動詳情 現場設有數碼魔法填色專區,只要喺專用嘅畫紙上填上顏色,一經掃描後,自家填色嘅卡通人物即時會以AR效果立體與你互動,更可與角色合照留念。
活動詳情 專業導師教授用Crayola顏色噴槍喺玻璃樽上噴上聖誕圖案,制作獨一無二嘅聖誕玻璃樽,加上LED燭燈,於聖誕節為家中增添彩色聖誕氣氛! 參加者於扎染彩布上用Crayola專用顏色筆加上聖誕圖案,導師將即場教授日式風呂敷包裝手信技巧。
參加辦法 顧客於場內最多兩間唔同商戶以電子貨幣消費或Crayola期間限定店即日發票滿$500,即可報名參加工作坊,名額有限,先到先得。
活動詳情 由本地藝術家Bo Law以「聖誕玩具城市」為主題設計之流動藝術聖誕車將駛到荃新天地1期地下花園廣場,讓公眾可以一同嘆塗鴉樂,盡情發揮無限創意! |
https://zh-yue.m.wikipedia.org/wiki/%E5%85%AC%E5%85%B1%E6%B1%BD%E8%BB%8A | 2022-01-21T03:12:04Z | zho,eng | text/plain | 呢篇文章可以喺中文維基百科來擴寫。 若果你熟悉嗰種語言同呢篇文嘅主題,唔該請你幫手參考外語維基擴充文章。千祁唔好直接黐啲機械翻譯、唔可靠嘅翻譯或者低品質嘅內容。根據版權協議,翻譯文章需要喺編輯摘要註明來源,或喺討論頁頭頂寫明{{Translated page}}。
巴士(粵拼:baa1 si6)係一種交通工具,係可以載好多人嘅一種大型汽車。除咗司機之外,有時重會有賣車飛嘅人,叫售票員。巴士呢個字音譯自英文 bus,即係 omnibus 嘅簡寫。
早期的摩托巴士。係Netphener 公司(1895)改裝平治貨車變成。
香港九龍巴士平治O305雙層巴士,攝於九鐵(現稱港鐵)上水站,嗰時架車行緊76K線去粉嶺華明邨。
巴士有分為公共巴士同私人出租巴士。前者乘客上車畀車錢就可以搭;私用出租車要預約、傾行程,點對點。
呢篇巴士係關於巴士嘅楔位文章,重未完成嘅。麻煩你幫手補充佢嘅內容。
呢版上次改係2021年10月7號 (禮拜四) 06:25 嘅事。 |
https://www.hellotoby.com/zh-hk/article/service/%E8%87%AA%E5%AD%B8%E5%A4%96%E8%AA%9E | 2022-01-27T14:39:08Z | zho,eng | text/plain | 現今社會愈來愈國際化,識講一兩種外語嘅人在職場上會特別吃香。如果你都想多啲接觸下唔同外語,但又冇時間報讀語言機構嘅課程,你其實可以利用網上資源自學。Toby 為大家分別搵咗以下10個實用嘅自學外語網站,推薦俾大家試下!
你可以透過italki尋找語言夥伴(超過50種語言),成功加為好友後就能夠同佢哋交流。網站亦設有作文簿同問答版,你可以提交問題同作文,等其他母語者幫你解答同修改。你仲可以俾錢上italki語言教師嘅課堂。導師毎小時收費因人而異,但你要先用信用卡、Paypal或支付寶等購買italki信用點數,再用點數購買課程(不過要留意番毎次都有手續費)。
BBC嘅語言學習網站設有德文、希臘文同中文等33種語言嘅學習資源,毋須事前登記做會員,有視頻、錄音同詞彙庫等,適合初學者使用。抵讚嘅係BBC仲提供埋外語新聞同廣播連結,方便用戶查閱。
Lang 8同italki一樣,係聚集咗唔同母語嘅人語言交流,你可以用你正在學習嘅語言寫作,由母語者幫你修改文章,同時你亦可以幫其他用戶改文,賺取點數。點數愈高,你嘅排名就愈高,你嘅文就會有更多人睇到。
Babbel提供14種語言嘅自學課程,主要是印歐語言如西班牙語、丹麥語同印尼語等。你可以按個人水平同喜好選擇唔同程度嘅內容自學,除咗詞彙同句子外,仲有聆聽同口語嘅單元。不過網站只有初學者課程內容係免費,如果想進一步學習更多就要付款購買課程,費用為每個月US$6 – $12左右。
Transparent Language提供超過100種語言課程,可以話係以上網站中規模最大嘅。如果你想學習較冷門語言如峇里語、烏爾都語、塞爾維亞語等,呢個網站都可以提供相關嘅學習資源,包括聽寫讀講練習、文法同打字教學等。不過網站只提供14日免費試用服務,之後仲想繼續嘅話就要支付US$16 – $30不等嘅月費購買課程。
Duolingo最特別嘅地方就係喺課程中加入遊戲關卡,令學習過程更有趣。如果你用中文版面,暫時淨係可以揀學英文同西班牙語,但如果用英文版面就可以使用超過20種語言課程。費用全免,而且幫你記錄埋學習進度,十分方便。
Learn a Language提供超過20種語言嘅學習資源,包括詞彙、常用句子、文化知識同讀音嘅音頻,費用全免。無論你係剛入門嘅初學者定係進階用戶,都可以搵到有用嘅資料。
顧名思義,My Language Exchange係俾唔同母語嘅人進行交流嘅學習平台。你可以尋找其他語言嘅朋友,通過Email成為筆友,又或者透過文字或語音聊天練習寫作同會話。呢個網址同樣費用全免。
Mango Languages提供超過70種語言課程,連美國手語、普午圖語同烏戡別克語等較冷門嘅語言都有。你只要下載app就可以免費使用任何語言課程嘅第一堂,其餘課程收費為每個月US$20。如果你身在北美,記得查下附近圖書館有冇訂閱Mango Languages資源,有就可以免費使用。
Busuu係另一個大型嘅語言學習平台,用戶超過6,000萬人,提供法文、葡萄牙文同俄文等12種語言課程。網站標榜會員用Busuu VIP功能學習22小時後就等同喺大學學語言整整一個學期。會員可以免費檢視部分課程內容,但想再深入學習,就要先付款成為VIP會員,至可以使用旅遊課程、對話練習、語法練習等學習資源。
雖然唔少網站都有提供各種語言課程同資源,但如果真係想全面提升外語能力,始終有導師從旁指導最好。就立即上我哋嘅免費平台,尋找最適合你嘅私人導師啦。你只要回答幾個簡單問題(如本身外語程度、上課日子同時間等)就可以取得語言導師嘅報價!Toby 提供多種外語選擇,如法文班、德文班、韓文班、西班牙文班、意大利文班同日文班等等。
按此即搵專業語言培訓! |
https://irontoyz.com/2019/07/13/%E7%8D%A8%E5%AE%B6%E6%B1%82%E5%A9%9A7%E6%8B%9B%E5%BF%85%E6%AE%BA%E6%8A%80%EF%BC%8C%E5%8E%9F%E4%BE%86%E4%BD%88%E7%BD%AE%E5%8F%8A%E6%B0%A3%E6%B0%9B%E6%9C%89%E8%91%97%E6%9C%80%E5%A4%A7%E5%BD%B1%E9%9F%BF/ | 2022-01-27T12:08:46Z | zho,eng | text/plain | Home Entertainment 娛樂 獨家求婚7招必殺技,原來佈置及氣氛有著最大影響力?
男士十有八九都會準備粉紅氦氣球充斥成間套房,再喺窗邊貼上英文字母氣球砌成的will you marry me/ I love you 字句,營造浪漫佈置。
入手求婚花束時記得預留花瓣做床上佈置,砌返個心心花瓣圖案雖然老土,但90%女友都會受!
唔想得氫氣球同玫瑰花,可以搵埋女友最愛嘅公仔陪你求婚,如果搵到絕版款一定會加分呀!
為咗更加有情調,唔少得燈光同音樂配合。燈光方面可以準備電子蠟燭,減低危險性;再加埋你同佢嘅訂情歌,或者自彈自唱,一定冧死女友!
求婚成功,梗係要cheers 慶祝!及早向酒店order香檳、白酒、紅酒,又可以度身訂製甜品,同另一半匿喺房中二人世界,享受浪漫又難忘嘅一夜。
求婚攻略重點,5W大法讓你兩周內打造專屬求婚心得!
大部分女生都希望重溫呢個難忘時刻,男士最緊要準備Camera/GoPro拍低,記得留意埋收音,將成個求婚過程記錄下來。
求婚成功,唔好以為計劃已經結束!一覺瞓天光後,準新娘依然沉醉於呢個新身份,體貼嘅新郎哥可以準備埋room service,喺套房二人世界享用早餐,不受外界打擾。 |
https://saucemedia.net/beauty/%E5%B0%8F%E8%B3%87%E5%A5%B3%E6%89%8B%E8%A2%8B-charles-keith%E5%A5%B6%E6%B2%B9%E7%99%BD%E6%89%8B%E8%A2%8B%E6%8E%A8%E8%96%A6%EF%BC%81%E6%9C%80%E5%B9%B3369%E5%B0%B1%E8%B2%B7%E5%88%B0-4955/ | 2022-01-21T08:51:15Z | zho,eng | text/plain | 買名牌手袋唔係每一位女生都可以輕易負擔到,想買質素高又親民嘅手袋,就可以考慮吓最近好受歡迎嘅新加坡品牌Charles & Keith,價錢親民,深受唔少女生歡迎!最平一個手袋400蚊都唔使,甚至有唔少韓國女星都鍾意用,一齊同小編睇吓有咩好選擇喇!
有小CK之稱嘅Charles & Keith近年喺香港愈嚟愈多人認識,手袋同銀包性價比高、質量好而且選擇又夠多,想買有牌子嘅手袋,佢就成為好多人嘅選擇。早前嘅復古包同馬鞍包亦有唔少人搶購,瞬間掀起熱潮!而Charles & Keith都有唔少以奶油白同象牙白色嘅手袋,無論係返工定出街用都十分百搭,又係時候換手袋啦,一齊睇吓有邊啲款式喇!
Charles & Keith嘅馬鞍包今年人氣爆登,手袋半月型嘅設計再配上金屬D字釦,既優雅又高貴嘅感覺,成為Charles & Keith本年最受歡迎嘅手袋之一。除咗熱賣嘅粉紅色同黑色,最近仲推出咗清新又溫柔嘅奶油白色,仲未入手又想買馬鞍包不妨考慮呢隻色!
馬鞍包大受歡迎,Charles & Keith順勢推出新款馬鞍包,同Gabine馬鞍包唔同,呢款著重條紋金釦嚟增添復古味,再加上尼龍寬背帶,感覺大方優雅!
呢款手袋連銀包都唔需要帶,內置獨立拉鍊袋,可以當銀包使用,入面多達8個卡位同拉鍊位,可以放齊卡類、紙幣同硬幣!
如果唔想用咁成熟風嘅手袋,呢款手袋就最適合你,走摩登校園風格,返學定返工用都毫無違和感!
返工返學需要帶埋手提電腦,覺得以上嘅款式唔夠大?方形手提托特包容量極大,就算上班一族要見客,放埋部手提電腦都綽綽有餘!手袋超貼心,除咗可以手提,仲有可以調節嘅背帶添!
手袋附送卡套同小收納包,一個價錢就可以買到三樣嘢,可以隨住自己嘅心情作出唔同嘅配搭,想斯文啲可以拆卸卡套同小收納包添!小編覺得呢款勁抵買!
適合年輕女生用嘅小方包,象牙白色感覺更柔和,出街約會用就最適合不過!
香港限定款式嘅手袋,燕麥奶油白色併灰綠色嘅組合,睇落去唔會過於單調,無論夏天定秋天用都超易襯!
成熟又斯文,保留小CK金屬扣設計,手柄設計亦同以往嘅手袋唔同,以編織造型為賣點!最特別係手柄位置可以隨時拆卸,將手袋側咩都完全冇問題!
最近流行復古風,復古手袋更成為熱潮!呢款肩背包比起側咩或斜咩,更適合係上膊咩,充滿成熟女性風格!
唔使400蚊就可以買到嘅手袋,可以當手袋用,亦可以當銀包用!奶油色配上黑邊設計,隨袋仲附送一個卡套,超抵買啊!
菱格設計嘅手袋,帶畀人高雅嘅感覺,雖然手袋小巧,但放電話都無問題!
睇咗咁多款手袋,唔知道你哋又鍾意邊款呢?睇啱就唔好等,快啲入手買翻個新袋襯托今個炎熱嘅夏天喇! |
https://gongjyuhok.hk/articles/3219 | 2022-01-21T08:39:09Z | zho,eng | text/plain | 2016年浸大宿舍食堂由美心集團經營,其時浸大山神不斷報道多單蟲害問題,最後終於爭取2017年6月結業。浸大山神喺當中力主驅走美心經營嘅浸大食坊(Hall /蟲can)。「美心無論喺衛生、食物質素定服務態度上都極其惡劣!」浸大山神陳樂行就話,經過極力爭取先得以成功光復Hall can。佢希望分享趕走美心嘅經驗,可以幫到其他院校受劣食困擾嘅同學。
浸大山神喺9月初接到同學投訴,指喺美心賣出嘅米粉有蟲。陳樂行當時特意借來顯微鏡檢驗,發覺真係有問題,就循各方渠道投訴浸大食坊。當時校方向美心發出書面警告,要求於10日內提交報告並防範同類事情再發生,亦根據合約罰款1000元。當時調查指米粉用紙包裝,空隙令昆蟲污染食材。
罰款不足兩個星期,Hallcan外賣又再出現蟲蹤,係2016年9月嘅第二宗。
罰款不足兩個星期,Hallcan外賣又再出現蟲蹤;反映校方罰款僅千元嘅政策對於美心大集團欠缺阻嚇力,根本需要重新招標,踢走美心方可解決問題。
2016年11月15日,原以為佔近八成學生代表嘅膳食附屬委員會將決定踢走美心,重新招標,但爆出用不記名投票下通過續約,將會簽23個月合約續到2019年。陳樂行對結果都甚為驚訝,但睇清制度後發現學生代表審議確有問題,於是喺民主牆上展開狙擊行動,張貼咗當時甚具爭議嘅海報:
山神當時張貼四堂主席長相追究責任,一時轟動。
蔡、宋、周堂急急回應指,同美心續約理由有二:只係續約兩年,招標好大機會失敗;加強罰則,限制加價幅度,就可以控制膳食質素。山神再度撰文《人蟲不兩立》,批評宿生會續約係「冇骨氣」,呼籲佢哋「承認建議同Hall Can續約係錯誤決定,為宿生與同學福祉,爭取重新招標」。終於喺2016年11月22日,即係學生會「食蟲行動」前一日,膳委會宣佈撤回Hall Can續約決定,最終審議下重新招標,喺2017年6月踢走美心,由金枕頭泰國餐廳獲選接手。 |
https://zh-yue.wikipedia.org/wiki/%E6%A0%BC%E9%9B%B7 | 2022-01-21T03:24:18Z | zho,nno,eng | text/plain | 格雷,亦叫戈瑞,臺譯戈雷(gray,符號:Gy,簡稱:戈)係國際單位制嘅輻射吸收劑量單位[1]。係用嚟表示由電離輻射傳遞畀受影響對象每單位質量吸收嘅能量單位。
一戈瑞(1 Gy)表示每千克物質吸收咗一焦耳嘅輻射能量。 1 G y = 1 J k g = 1 m 2 s 2 {\displaystyle \mathrm {1\,Gy=1\,{\frac {J}{kg}}=1\,{\frac {m^{2}}{s^{2}}}} } 。
其中焦耳係能量單位,千克係質量單位。用國際單位制基本單位表示係「平方米每平方秒」。
佢個名嚟自英國物理學家、放射生物學之父路易斯·哈羅德·格雷。
呢篇格雷係仲未搞掂嘅楔位文。 歡迎幫維基百科擴寫佢。
呢版上次改係2021年12月26號 (禮拜日) 15:03 嘅事。 |
https://www.kenmerry.com/2006/09/ | 2022-01-28T22:12:50Z | zho,eng | text/plain | 完成後,我會將混亂情況上載,給大家開懷大笑一番!
尋日(2006年9月23日)下午同K仔一齊去尖沙咀學整蛋糕,我係第三次學,而佢係第一次,唔計中學家政班嗰D!
整得蛋糕,就緊係有人生日喇!K仔係整嚟送比阿Bell嘅,好sweet呀!而我就係為興趣同消遣,不過見奶奶大人仲有10日左右就牛一,兼且夜晚都要返去食飯,到時個蛋糕都唔知收去邊,所以我就嚟一招【借花獻佛】,同奶奶大人佢講:『阿媽,我整咗個蛋糕,預祝你生日!』。呵呵!我都覺得自己好奸!
由於K仔第一次學,所以顯得比較休心。我就懶懶閑。
一開始上堂,發現大半班都係熟客仔,只有三個生客仔,Miss就將我地三個編到最出嘅門口位。開頭唔覺有乜問題,但到取材料時次次包尾,搞到人地做完晒,我地先開始,跟住Miss即刻話我地:【做得咁慢,冇時間剩o架喇,要攞去焗/雪o架喇!】,我就知領嘢。
重有其他問題,如:
3) 最衰嘅係,我去其他地方學,所有器材都有齊咁多套,唔使share,但呢到只有4把切餅刀要十個人分,當然,我同K仔又係到最係先輪到啦,結果緊係又比Miss話慢啦!
4)地方更是狹窄到不得了!小小的地方,頂多只適宜10人學習,但呢到竟擠咗20人以上(其他是麵包學員),離譜!
5)最令人不安嘅係,之前去付款時,我付現金,職員A竟然話:【冇收據,有冇問題?】,我學I小姐伸長條頸答:【緊係好有問題!】,職員A依然唔想比收據,又話之後會有email confirmation話收咗我地錢,但我堅持要收據,職員A先同職員B講:【喂,要開收據呀!】,跟住職員B好唔願意咁開張收據都開咗幾分鐘!之後,我地當然收唔到所謂嘅email confirmation喇!好彩我當時堅持喳!
6)仲要我地做完每一個步驟,都會問Miss O唔OK同下一步點,佢答完OK/講完下個步驟,轉頭又鬧,『唔OK』,『做乜咁做』,等等。呢個Miss:唔合格,精神分烈咁!
最後個蛋糕D味道都不過不失,個外表就差D(因為失咗手之後,要補飛)!奶奶大人都好開心,唔等其他人返齊就話食蛋糕先,仲換過件衫先切蛋糕同影相,算我冇行錯呢步棋喇!
昨晚(2006年9月19日)各位好姊妹為小妹及鑽石賀牛一,一行九人去咗松屋勁擦放題,由於同事的相公說好吃,所以才選中這一間。可能期望過高,結果嚴重失望!
4) 服務:茶餐廳待應質數!炸生蠔和芝麻雞翼:入座即刻order,到走先嚟,離譜!
評分:劣劣劣劣劣!
返到屋企仲即刻肚疴,惡夢一場!
嘻嘻!今日(2006年9月16日)食晏前路過文具鋪,見倒Keroro軍曹嘅燈籠,好得意,忍唔住買咗!承為19蚊!
返到屋企忍唔住要即刻掛出嚟!呵呵!
仲未夠喉!再係柜桶底揾埋舊年隻玉桂狗燈籠出嚟!呵呵!擺咗成年,都仲係咁得意!
好!搞掂晒!正式開始迎月!
今晚(2006年9月4日)同舊同學"黄毛仔"做生日,佢四點幾放工打比我,我問佢想去邊度食,佢竟然叫我唸,Oh my god!最surprise嘅係佢竟然主動話可以過海,我緊係"吐"飯應。更神奇嘅係佢竟然仲話不如去我公司附近食,邊有咁大隻蛤蚧隨街跳?!我受唔住誘惑,唸都唔唸就答「好,不如你接埋我放工!」,佢竟然答「好」(It's Impossible)。結果我係公司"印印"腳等佢接我放工,點知,佢去錯隔幾條街嗰間McDonald,又要行番幾條街過嚟,大熱天時,真係辛苦咗佢!Sorry吓!
參觀完我公司,問佢鐘唔鐘意食韓國嘢,佢答「吓!又話食越南嘢!」(嘻嘻,佢搭車嗰陣我已經改變主意)。我同佢講:「同得你食飯,緊係要食d好嘢!」(因為間越南嘢好食但環境唔好)。佢答「韓國嘢,鐘意,你唔記得讀書嗰陣,我哋個個禮拜都去食韓國嘢嘅咩?」, 我真係唔知點答佢,因為一時間記唔起已經係十三、四年前嘅事。又要講多聲Sorry!
落到大堂,提起IN小姐買豪宅嘅事,先知黄毛都有睇我嗰blog,又一surprise!不過佢選擇做一個沉默的讀者(淨睇唔回應)。
行咗幾分鐘,去到太古城嘅「哈魯邦韓國料理 Harubang Korean Restaurant」,又係即刻有位(因為都幾貴,所以比較少人)。今次竟然有Set Dinner,之前食過兩次都冇o架!
叫咗D餐(2-3人用),HK$580,有烤肉拼盤(HK$500),海鮮石頭飯(HK$130),6小碟涼伴菜,蘿蔔湯,生菓,免加一,韓國茶任飲。
叫Set真係抵好多!如果唔係,散叫埋單真係要HK$800!
食咗三粒半鐘,天南地北,無所不談。最利害係,兩位小女子竟然成個餐食晒依然面不改容,勁!主要原因係我哋兩個太鐘意食韓國燒烤,而Harubang嘅食物又太好食喇!
服務、環境、食物:全部比4粒星!價錢:當然覺得貴咗D,不過好過冇Set仲貴! |
https://zh-yue.wikipedia.org/wiki/%E6%98%8E%E5%BE%B7%E5%9C%8B%E9%9A%9B%E9%86%AB%E9%99%A2 | 2022-01-17T11:14:43Z | zho | text/plain | 「明德醫院」跳轉到呢度。要睇台灣嘅明德醫院,請去【明德醫院 (台灣)】。
明德國際醫院(簡稱明德醫院,英文:Matilda International Hospital)係香港一間私家醫院,喺香港島太平山奇力山,初期為山頂區居民提供醫療服務,1951年後全面開放服務畀所有病人。明德國際醫院被列為第二級歷史建築物,入邊嘅醫療設備相當先進,手術室設計創新,牆身係玻璃屏,以及沿用天花吊臂裝置手術儀器等。2012年,明德國際醫院獲得美國專題週報《HealthExecNews》評級為全球第三最靚醫院,坐擁無敵大海景,俯瞰南中國海,外觀及部分內部設計都保留咗20世紀嘅新喬治亞設計嘅風格[1][2]。
1858年聖誕節,啱啱喺印度結婚嘅英國夫婦Granville Sharp同Matilda Lincolne抵港,前者後來成為商人,後者注重社福發展,後來成為慈善家。1893年,Matilda離世,Granville為咗紀念亡妻,決定興建醫院,但呢個計劃要等到六年之後Granville死後,先可實現,而Matilda亦係全港第一個接受火葬嘅人,而家同丈夫嘅骨灰同葬喺跑馬地天主教墳場。Granville嘅遺囑列明以亡妻之名成立醫院服務病人,而醫院初期亦免費醫治病患者,明德醫院(Matilda Hospital)因此成立。醫院喺1907年1月27號正式啟用,照顧第一批病人。
1940年,醫院被改為軍方醫院。1941年日本侵港期間,山頂被炸彈轟炸,火勢蔓延至明德醫院。其後醫護人員及病人被拘留喺赤柱集中營,當時醫院主席Sir Vandeleur為監獄病人提供藥物而被拷打至死。1951年,醫院重新開放並服務所有病人。
明德醫院係非牟利私家醫院,病房係酒店式設計,設有102張病床。病房分為私人、雙人同標準套房,所有房間都有醫療設備,私人房間有露台。醫院設有普通內外科、兒科、產科、骨科、手術護理、家庭醫護中心、深切治療及身體檢查等服務。醫院仲喺中環設有明德醫療中心,半山堅道亦有診所。
醫院多棟建築物已經俾古物古蹟辦事處評級。
醫院大樓 II 1906年 裝飾藝術、新喬治亞風格 兩層高建築,拱窗、拱廊及石工外牆顯示其新喬治亞風格,而建築正面頂部嘅三角牆及旗杆就顯示出裝飾藝術風格。
舊產科大樓 III 1952年前 新喬治亞風格 現名為Sharp House。
舊華裔護士宿舍 III 1951年 新喬治亞風格 現名為Lincolne House。
呢版上次改係2021年12月26號 (禮拜日) 10:54 嘅事。 |
https://hongkongvision.com/cantonese-dic?word=%E5%88%B0&uid=54701524 | 2022-01-22T02:34:25Z | jpn,zho,sun | text/plain | ~の順番が来る。
~の番(順番)になる。
「等咗一個鐘頭終於到我」で"一時間待ってやっと自分の番が来た"。
※ここにご入力頂いた内容については管理者のみに通知され公開されません。
DVD本身可以播到嗎?對影像播放有冇影響?
DVDはちゃんと再生できますか?映像に影響はないでしょうか?
嗰個新人錯完又再錯,激到上司火都嚟呀。
あの新人はミスした後さらにミスして、上司はカンカンだよ。
呢間酒家嘅燒腩仔,好食到不得了呀。
ここの飲茶屋さんのローストした豚肉は死ぬほど美味しいよ。
佢飲到好啤啤夫喇。
彼は飲んでベロベロだよ。
下個輪到你呀。
次はあなたの順番だよ。
前日有大批毒品到港,全部都俾海關截獲呀。
一昨日大量の覚せい剤が到着したが、全て税関に押収されたよ。
呢個問題太難喇。我一時三刻解決唔到呀。
この問題は難しすぎるよ。時間がなくてすぐには解決はできないよ。
呢本書,我睇到一半喇。
この本半分まで見たよ。
呢個名星係首度喺頒獎禮攞到獎呀。
このスターは初めてセレモニーで表彰されたよ。
你咩事都鍾意擺喺個心度,我好難幫到你呀。
何でも自分の心の中だけ閉まっちゃうから、私は助けられないよ。
※「 到 ~」を含む例文を全て表示しているため該当する意味とは異なる例文が表示されることがあります。 |
https://zh-yue.wikipedia.org/wiki/%E9%80%B2%E5%8C%96%E8%AB%96 | 2022-01-27T15:45:22Z | zho,eng | text/plain | 達爾文雀(Darwin's finches)喺加拉帕戈斯群島唔同島進化出唔同形狀嘅啄,適應唔同島嘅環境。
唔同品種嘅蟹嘅䚗形狀都唔同,而呢種差異源於佢哋需要適應喺唔同環境嗰度生存。
進化(粵拼:zeon3 faa3;英文:evolution;動詞:to evolve),粵文又有叫演化或者天演,喺生物學上係指一個族群嘅生物嘅可遺傳特徵一代一代噉演變嘅過程,而進化嘅操作定義(喺實際科研度用嘅定義)係「一個族群內部各基因嘅出現頻率隨住時間而改變嘅過程」[1][2]。
進化論基於遺傳學(genetics):所有物種(包括人)都有 DNA,呢啲 DNA 係由基因(gene)組成,而多數物種都或多或少有個體差異(individual difference)-就算係同種嘅生物,隻隻身上帶嘅基因都同同類個體身上嘅有啲唔同,而呢點引致每個個體喺特徵上都有啲唔同;根據物競天擇(natural selection),因為個體差異,一個族群嘅個體當中可能有啲比較擅長生存同繁殖(reproduce),生存同繁殖能力勁嘅個體會更加大機會能夠將自己嘅基因傳俾下一代[註 1],所以一個族群嘅基因代代都會有些少唔同咗樣;除咗噉,繁殖嘅細胞分裂等嘅過程之中仲會有突變等嘅現象。因為呢啲緣故,經過幾百萬年嘅時間,一個族群變變吓就會變到同之前完全唔同咗樣,而呢群新嘅生物嘅 DNA 帶嘅基因同之前嘅好唔同,差異可能大到算係一個新嘅物種[3][4]。
進化同生物多樣性(biodiversity)好有拏褦,新物種出現主要係靠進化引起嘅:例如有個族群,佢哋因為氣候變化等嘅原因搞到佢哋原本住嘅地方唔再啱佢哋住,於是佢哋就遷徙去第啲地方,可能喺過程入面分開咗做兩組,一組遷徙去地方 A,另一組遷徙去地方 B,而呢兩個地方嘅環境好唔同,一個凍啲一個熱啲,但兩個都啱嗰種生物住;長遠嚟講,喺凍地區住嗰組會進化出有利喺寒冷環境生存嘅特徵(例如係皮下脂肪變厚),而喺熱地區住嗰組會進化出有利喺炎熱環境生存嘅特徵(例如係皮下脂肪變薄)。十萬年後,兩組變到好唔同[註 2]-變咗做兩個唔同嘅物種,不過佢哋仲有個共同祖先(common ancestor)[5][6]。地球上面次次有親啲族群內部分開搬去唔同環境嗰度住嗰陣,個族群嘅各組就會慢慢噉適應各自嘅新環境而變樣-令地球有豐富嘅生物多樣性[7]。
對進化嘅研究好有用:喺實際應用方面,科學上對進化嘅了解經已俾人應用喺農業同醫學等嘅領域嗰度,例如了解細菌嘅進化對於醫藥研究者整抗生素(antibiotics)嚟講好緊要[8];而且進化嘅相關概念仲喺人工智能(AI)上有用,例如進化演算法(evolutionary algorithm)就運用咗物競天擇嘅原理做機械學習,用「一代一代淘汰表現差嘅模型」嘅方法得出表現優良嘅模型[9][10]。
達爾文嘅相,1860 年左右影嘅;佢嘅物競天擇理論改革咗成個科學界。
英文入面嘅「evolution」一詞係嚟自拉丁文嘅「evolvere」,後者嘅意思本嚟係「將一個卷埋咗嘅嘢打開」,而家吓生物學上用呢個詞係指「喺地球歷史上,唔同類嘅生物點樣由早期嘅形式發展出嚟」嘅一種自然現象。呢個詞喺廿一世紀初嘅英文入面亦有歧義嘅問題:喺日常英文用語裏面,「evolution」呢個詞有時俾人用嚟指「發展」或者「進步」等嘅意思,又或者係喺某啲大眾媒體嗰度指一啲「有啲似生物學上嘅進化,但係又唔係生物學上嘅進化嘅嘢」。因為噉,家陣啲生物學家喺做親乜嘢有關進化嘅學術討論嗰陣,好多時都會清楚噉講到明佢哋傾緊嘅係生物進化(biological evolution)-指一個族群嘅生物隨住世代而出現遺傳上嘅改變嘅一種自然現象[11]。
對進化論嘅發展貢獻重大嘅查理斯·達爾文(Charles Darwin)都有用「evolve」呢個字:達爾文喺佢本名著《物種起源》(On the Origin of Species)嘅第一版(1859 年)係用「evolved」呢個字結尾嘅;而雖然達爾文打後又有用「經過改變嘅繼承」(descent with modification)、「改變過程」(process of modification)同埋「物種改變嘅原理」(doctrine of the modification of species)等嘅字眼嚟形容生物進化嘅概念,不過到咗《物種起源》最後嘅第六版(1876 年),達爾文用咗「evolution」呢個字好多次,仲直接嗌佢個理論做「theory of evolution」(進化論),奠定咗「evolution」呢個字嘅使用[12][13]。
喺各種漢文(包括粵文)當中嘅「進化」同相關詞彙被指係由日本嘅和製漢字嗰度借過嚟、跟手由大中華地區嘅學者普及嘅。《物種起源》嘅第一本中文版由馬君武翻譯,同早期少少嘅日文版一樣用而家用緊嘅「進化」一詞,有人話係支持咗呢個講法;而喺廿一世紀初,臺灣以外嘅大中華地區普遍都係用緊「進化」呢兩個漢字嚟表示「evolution」-喺廣東話入面,呢兩個字係讀做「粵拼:zeon3 faa3」嘅[14]。而「天演」(粵拼:tin1 jin2)呢個少人用啲嘅詞就係由嚴復譯嗰本《天演論》嗰度走出嚟嘅[15]。
呢兩仔爺對耳仔一個板。
廿一世紀進化論最基本嘅概念係遺傳(heredity),即係父母將自己嘅特徵傳俾仔女嘅過程。由日常生活嘅觀察可以得知以下嘅事實[16][17]:
上述嘅現象喺第啲動物以至植物身上都可以觀察得到。
由呢啲簡單嘅觀察嗰度,可以作出以下嘅假說:是但搵任何一隻生物,佢會由父母身上繼承一啲嘢(呢啲嘢就係所謂嘅基因型;genotype),呢啲嘢會對佢最後嘅整體特徵(表現型;phenotype)有深遠嘅影響,但後天得到嘅特徵(例如疤痕)似乎多數都唔會影響返基因型轉頭,所以唔會直接由父母傳俾仔女。上述嘅假說喺廿世紀初引起咗學界一個疑問:特徵係點樣由父母傳去仔女嗰度嘅呢?對於呢個問題,生物學界喺 1940 至 1950 年代做嘅研究表明,DNA 正正就係喺遺傳過程發生嘅媒介,而呢個重大發現定立咗現代遺傳學(genetics)嘅基礎[21][22]。
將一條 DNA 解開嘅抽象圖解;地球嘅生物有由 C、G、A、T 四個唔同款嘅核苷酸配對組成嘅鹼基對。
基因組最基本嘅單位係鹼基對(base pair,bp):一條 DNA 分子由一排排成雙成對嘅核苷酸(nucleotides;蛋白質嘅一種)組成,後者可以有四個唔同款- C、G、A、T -呢啲款嘅配對同排列會影響到隻生物體內蛋白質嘅產生等嘅生命過程,而呢啲生命過程會影響隻生物嘅特徵(例:肌肉就係由蛋白質組成嘅,所以影響身體嘅蛋白質產生就會影響隻動物嘅肌肉嘅粗幼);呢啲配對同排列喺隻隻生物入面都唔同,所以物種同物種之間同埋個體同個體之間會喺特徵上有差異[22]。
基因組嘅分層結構如下[註 3]:
一條 DNA 分子上嘅每個基因(gene)都可以由若干對鹼基對組成:隻隻生物嘅基因組入面似乎都有一啲醶基對係冇用嘅,而且一個遺傳特徵可以係由好幾對醶基對一齊決定嘅,一個基因係指一條 DNA 分子入面某柞一齊做某個功能嘅鹼基對。
如果有某段 DNA 喺唔同個體入面唔有幾個唔同款,呢啲唔同款就係彼此嘅等位基因(alleles)。
喺一隻生物嘅細胞入面,佢一條條嘅 DNA 會聚埋一齊形成染色體(chromosomes)嘅結構[23][24]。
一隻生物體內所有嘅染色體加埋嘅總體就係佢嘅基因組(genome)[25]。
舉個例說明,人嘅基因組由 23 對(46 條)染色體組成,呢 23 對染色體嘅 DNA 分子上面總共有成超過 30 億對嘅鹼基對;每一對鹼基對都可以係 CG、AT 等嘅唔同款,所以有好多個可能嘅組合;是但搵兩個人,佢哋身上嘅鹼基對有 99.5% 都係一樣嘅[26];之但係 30 億嘅 0.5% 都仲係一個好可觀嘅數字,所以人與人之間有唔細嘅個體同種族差異[27]。如果一條 DNA 上面有某一段入面嘅鹼基對會一齊做某個特定功能(例如係決定頭髮嘅色水),噉佢哋就為止「一個基因」。人類嘅頭髮色水可以有黑、紅、同埋棕幾款,而「黑頭髮嘅基因」同埋「金頭髮嘅基因」就係嗰段 DNA 嘅等位基因[28]。
基因組喺理論思考上可以攞嚟定義進化:隨住時間過去,一班生物嘅基因組會(因為物競天擇等嘅原因)一代一代慢慢噉變,而某啲等位基因可能會完全取代其他等位基因又或者消失-例如有某啲表現型特徵可能好幫到班生物生存同繁殖,令到同佢相關嘅等位基因喺幾代之後就完全支配嗮個物種嘅基因庫(gene pool;指個族群身上帶嘅所有基因),又或者因為個特徵太過唔啱生存(例如有個基因會搞到個個體不育)等嘅原因所以好快消失咗。亦即係話喺呢個過程入面,某啲基因喺個物種嘅基因庫入面出現嘅頻率會慢慢變化,而呢個就係進化嘅操作定義(喺實際搞科研嗰陣用嘅定義)[29]。
例如係好出名嘅樺尺蠖(peppered moth;學名:Biston betularia)噉:樺尺蠖係一種飛蛾,本來係白色帶黑斑點嘅,不過喺 18 世紀工業革命嘅英格蘭,工廠排出大量黑色嘅廢氣,引致樺尺蠖族群嘅色水有所改變-生態學家發現喺工業革命嗰兩個世紀期間,英格蘭樺尺蠖嘅色水變到黑鼆鼆噉色。根據生物學家嘅研究,呢個現象嘅原因如下-樺尺蠖嘅身體色水係由等位基因話事嘅,隻隻樺尺蠖身上都有決定佢身體色水嘅基因,而「白色帶斑點嘅基因」同埋「黑色嘅基因」係呢個基因嘅等位基因,喺英格蘭樺尺蠖由白色帶斑點變成近乎全黑嘅色水嘅過程當中,「黑色嘅基因」喺呢個族群嘅基因庫入面出現嘅頻率提升咗(黑色身體喺污染得勁嘅環境嗰度起到保護色作用),而「白色帶斑點嘅基因」嘅出現頻率就相應跌咗-喺定義上就係一個進化嘅例子[30]。
下:工業革命後嘅樺尺蠖樣本[註 5]。
按照呢個定義,進化有得按時間尺度同差異程度分做微進化(microevolution)同埋宏進化(macroevolution)兩種:
而家想像個族群一路進化落去,喺(例如)過咗 10,000 代之後,第 10,000 代嘅個體同初代個體之間有咗極大嘅差異(基因決定特徵),經已算係兩個唔同嘅物種,呢種喺長時間發生、會令個生物族群完全變成第個物種嘅進化就係所謂嘅宏進化,例子有由原始嘅靈長目動物進化成人類嘅過程[32]。
有性繁殖(左)同無性繁殖(右)嘅分別,M 代表公、F 代表乸;如果每個個體都生兩個後代,有性繁殖嗰方嘅人口會維持不變,而無性繁殖嗰方嘅人口每代會加倍。
遺傳係繁殖(reproduction)嘅一部份:
喺原始嘅無性生物當中,基因會直接由母體傳去後代嗰度-好似係細菌靠住一變二、二變四噉嘅分裂,出嘅後代係完全同母體一個餅印嘅。
而喺好似人等嘅有性生物當中,繁殖需要兩個個體(父母)-喺有性繁殖(sexual reproduction)嘅過程,父母嗰度會各自發生細胞分裂(cell division),雙方都會各自俾一啲基因出嚟,而且呢個過程當中父母俾出嘅基因仲會獨立分別噉洗牌;喺人同其他哺乳類入面,性染色體(allosome)係繁殖嘅關鍵,人男性嘅性染色體係一條 X 染色體同一條 Y 染色體,而人女性嘅就係兩條 X 染色體;喺繁殖嘅過程嗰度,父母會各自將自己嘅其中一條性染色體傳俾個仔女,而呢個過程會決定個細路嘅性別:如果阿爸俾咗自己條 Y 染色體嘅話就會生仔,而如果佢俾咗自己條 X 染色體嘅話就會生女。性染色體將阿爸嘅基因型同阿媽嘅交俾仔女,所以仔女通常都會有啲似阿爸又有啲似阿媽,但唔會同是但一個完全一個餅印,而且呢個過程度仲會有少量嘅洗牌效應,會影響邊個等位基因同邊個等位基因黐埋一齊[33],令到佢哋嘅仔女身上嘅等位基因會係父母等位基因嘅新組合[34],所以通常兄弟唔會完全一樣樣,姊妹都唔會完全一樣樣[35]。
有性繁殖係一把雙面刃[36][37][38]:
有性繁殖效率相對低:喺兩性有明顯差異嘅物種(例如係人)嗰度,父母淨係得一方可以佗仔;而且靠有性繁殖生下一代嘅個體淨係有得將佢一半嘅基因傳俾下一代,再過多兩代就得返嗰八分之一。
雖然有性繁殖理論上有缺點,真核生物(eukaryotes)同多細胞生物(multicellular organisms)比較多係行有性繁殖嘅。廿一世紀生物學界一般認為原因在於有性繁殖令一個族群內部有返咁上下多樣性:就噉複製母體嘅無性繁殖創造出嚟嘅後代同母體一個板;相比之下,有性繁殖當中嘅基因洗牌過程令一個物種嘅基因庫更加多樣化,好多時會令到進化嘅過程更加快[39][40],而呢一點可能會令個物種更加有能力適應係噉變嘅環境-如果一個物種嘅個體全部都係靠無性繁殖生產後代,個物種繁殖嗰陣就會少咗「唔同個體嘅基因溝埋同重新組合」呢個步驟,噉佢哋嘅基因多樣性就會低得好交關-佢哋啲個體個個都差唔多樣,爭嘅資源都一樣,噉一發生起啲乜嘢天然災害,資源短缺起上嚟就好容易會一嘢冚唪唥死嗮[41][42]。
細菌透過物競天擇產生抗藥性嘅抽象圖解;抗藥能力(以色水表示)勁啲嘅個體(一個圓圈代表一個個體)先生存到落嚟,所以得佢哋有得繁殖,佢哋嘅後代都會傾向抗藥能力勁。
進化定義係指一個族群嘅基因庫隨時間演變嘅過程:當某個等位基因喺個物種嘅基因庫入面出現嘅頻率變嗰陣,進化就發生咗。進化機制(mechanism of evolution)係指引致基因庫一代一代噉改變嘅原因。根據廿一世紀嘅進化論,進化機制主要有以下呢啲[43]:
物競天擇(natural selection),粵文又有叫自然選擇,係由達爾文喺佢本名著《物種起源》嗰度提出嘅。「通過物競天擇進行嘅進化」係指某啲等位基因因為有利於生存同繁殖而變得更加常見嘅過程。例如身上帶有「抗藥性勁嘅基因」嘅細菌個體比較能夠生存落去同埋繁殖,所以喺下一代入面「抗藥性勁嘅基因」呢個等位基因就變得更加常見。呢個機制成日俾人話佢係不證自明(self-evident)嘅,因為個機制係三個簡單事實嘅必然結果[44]:
喺野外,好多時「生咗出嚟嘅下一代」數量大過「有得生存落去嘅下一代」,而呢啲原因令到同一個物種之間嘅個體會爭生存所需嘅資源(例如係爭嘢食)同埋繁殖嘅機會(例如係爭伴侶)。喺呢啲競爭嗰度,某啲個體因為先天優勢所以比較大機會爭贏,好似係天生大隻啲聰明啲所以比較擅長搵嘢食,或者天生個樣靚啲所以比較容易搵到伴侶,於是乎呢啲有先天優勢嘅個體同冇咁有優勢嘅比起上嚟,會比較有能力生存同繁殖-將自己身上嘅基因傳去下一代嗰度[45]。
物競天擇帶出咗進化適應性(evolutionary fitness)呢個概念。一隻生物嘅進化適應性係指佢生存同繁殖嘅能力,而呢個能力決定佢有幾大機會將自己身上嘅基因傳去下一代。某隻生物嘅進化適應性係以「比例上有幾多後代帶有嚟自嗰隻生物嘅基因」嚟量度嘅[46],所以進化適應性唔係齋睇佢可以生到幾多個後代嘅-就算佢生到嘅仔女嘅數量係同類個體嘅十倍,如果嗰啲仔女因為太虛弱或者佢唔識照顧等嘅原因而生存唔到,呢隻生物嘅進化適應性都唔會好高[44][47]。
一個特徵(或者等位基因)嘅進化適應性唔係定死咗唔變嘅。如果個族群住嘅環境變咗,本嚟係中性或者有害嘅特徵可能會變成有利嘅特徵,反之亦然[48],例如係頭先講咗嘅樺尺蠖嘅例子噉樣,喺一個乾淨嘅自然環境嗰度,生到成身黑色會令到隻蠖變得更加樣眼,更加容易俾啲獵食者睇到同捉嚟食,但喺工業革命嗰陣,啲工廠噴咗好多污染物出嚟,搞到佢哋住嘅地方好多都變咗黑鼆鼆噉嘅色,喺呢個環境當中,「成身黑色」反而變咗做個有利嘅特徵,令到隻蠖變得冇咁樣眼。地球一路都有好多地殼活動、氣候同埋洋流等嘅嘢令地球嘅環境不斷噉變化,而呢啲變化令到地球上嘅生物要係噉進化嚟適應新環境,亦都令地球嘅生物多樣性(biodiversity)變得更加高[49]。
物競天擇可以大致上噉用以下嘅 JavaScript 碼嚟模擬[50]:
比利時藍係一種好出名嘅肉牛。呢隻身上仲有開刀生仔留低嘅疤痕。
人工選擇(artificial selection,又有叫「selective breeding」)同物競天擇一樣,都係一個物種入面「有啲個體有得生存繁殖、有啲冇」而令個物種嘅基因庫一代一代噉變樣。同物競天擇唔同嘅係,喺人工選擇當中,負責揀「邊啲個體有得生存繁殖」嘅唔係大自然,而係人:喺人嘅歷史裏面,人有養好多唔同種對佢哋有用嘅動物,好似係有得攞嚟看門口同打獵嘅狗、用嚟捉老鼠嘅貓、用嚟幫手耕田嘅牛、用嚟騎同拉車嘅馬同埋用嚟食嘅豬呀噉。人好多時都有能力主宰佢哋養嘅動物嘅生存同埋繁殖-就自然有得決定佢哋所養嘅個體入面邊啲有得將自己嘅基因傳俾下一代。呢種機制就係所謂嘅人工選擇[51]。
人工選擇一個出名嘅例子係比利時藍(Belgian Blue):呢個品種嘅肉牛身上有種特殊嘅基因變異,個變異令佢哋生肌肉生得好勁(而牛肌肉係最好賣嘅牛肉之一),同時亦都搞到佢哋啲乸嘅生產道變窄咗,成日都要靠開刀先至成功生到仔。呢種牛如果擺喺自然環境嗰度,應該會冇能力自己正常噉繁殖,好快會絕種,但呢種牛係由人養嘅,而佢哋咁好肉令佢哋好有經濟價值,亦都令到啲牧場肯揼錢幫佢哋開刀生仔-呢種喺自然環境嗰度冇能力成功生存繁殖嘅動物,喺人養嘅環境之下因為人嘅選擇而有得生存繁殖,所以就係人工選擇嘅一個例子[52]。除咗比利時藍之外,動物靠人工選擇而進化嘅過程喺牧場或者係寵物配種當中日日都發生緊[53]。
突變搞到呢樖松葉牡丹有兩朵花唔同咗色,但成樖嘢都仲係健康嘅-突變呢家嘢唔一定有害。
基因突變(genetic mutation)係指一個細胞嘅基因組嘅某段 DNA 突然有變化。當有一段 DNA 變咗樣,相應嘅基因會有變化,可能會搞到個細胞冇能力繼續做佢做開嗰個功能,而如果呢個細胞屬於一隻多細胞生物(例如係人類),隻多細胞生物可能會受害,例如一個人隻手臂嘅肌肉細胞突變,可能會搞到嚿肌肉喪失功能,而呢點會對個人嘅生存造成危害。根據對黑腹果蠅(fruit flies)嘅研究,如果一個突變令某個基因所產生嘅蛋白質有所改變,噉個突變通常(70% 嘅情況下)會係有害嘅,而喺淨低嘅情況下,個突變就會係冇影響或者有些少好處嘅[54]。
DNA 上好多時會有複製咗幾次嘅基因,而呢啲「多咗幾份出嚟」嘅基因被指係有利於突變嘅發生[55][56]:喺好多生物物種嘅 DNA 當中都會有「做同一樣功能嘅基因多咗幾份」嘅情況,例例如係喺人 DNA 負責整眼珠嘅基因當中,有 4 個基因係用嚟整感光結構嘅,而有 3 個基因整視錐細胞(cone cell)同 1 個基因整視桿細胞(rod cell),而呢柞基因本來都係由一個基因演變出嚟嘅[57];想像家陣有個基因因為突變而壞咗,做唔到佢原有嘅功能,但條 DNA 上有呢個基因嘅複製品,噉啲複製品就可以做埋嗰個基因嗰份,等隻生物唔會因為突變搞到佢做唔到某啲對生存繁殖嚟講必要嘅功能-「一個基因多咗幾份」可以間接令「靠突變嚟進化」呢家嘢對個體以至成個物種嚟講風險冇咁高[58][59]。除此之外,第啲類型嘅突變仲可以由本來冇用嘅 DNA 嗰度變啲全新嘅基因出嚟[60][61]。
新基因嘅產生可以涉及由幾個基因嗰度每個切一截出嚟再組合[62][63]。喺呢個過程入面,每個基因嘅功能嘅某一部份會俾佢拆出嚟再組合埋一齊做一個新功能-雖然呢個新功能唔一定有用或者有益[64]。
基因流動(gene flow)係指同一個物種唔同族群之間或者物種之間交流基因嘅過程,係一個族群或者物種攞前所未接觸過嘅基因嘅一種方法:一個族群嘅個體可以搬去第啲同物種嘅族群嗰度住,並且同新族群嘅個體交配同生下一代-人就成日都做呢樣嘢,好似係移民去第個國家,跟手喺嗰度落地生根同埋同當地人通婚。除咗人之外,喺同一笪大陸嗰度嘅老鼠都可能分做好多個族群,而啲老鼠耐唔耐就會搞遷徙,造成唔同老鼠族群之間嘅基因流動[65]。
上圖係基因流動嘅抽象圖解;想像家陣有兩個族群(A 同 B)嘅雀鳥,佢哋兩個群體俾座山隔開咗,箭咀表示基因嘅傳遞,族群 A 具有令隻雀羽毛藍色嘅等位基因,而族群 A 入面有個個體遷徙去 B 地區嗰度,喺 B 地區搵到伴侶生後代,令 B 地區首次有咗隻羽毛藍色嘅幼雀。睇埋顯性。
物種之間嘅基因流動會涉及所謂嘅橫向基因轉移(horizontal gene transfer)-即係一啲基因由一隻生物傳去另一隻唔係佢仔女嘅生物嗰度。呢種事通常喺細菌入面先至會發生[66],而且仲會搞到醫學方面嘅研究者好頭痛:一個物種嘅細菌俾啲藥殺到咁上下會開始有抗藥性(drug resistance)-因為冇抗藥性嘅個體話咁快就死嗮,淨返啲抗藥性勁嘅個體先會生存到落嚟,跟手呢啲抗藥性勁嘅個體會繁殖,(抗藥性係受基因影響嘅)生一啲同佢哋一樣抗藥性勁嘅下一代出嚟,最後成個物種變到抗藥性愈嚟愈強。除咗噉,細菌仲有可能做橫向基因轉移將自己嘅抗藥性基因傳俾第啲物種嘅細菌,搞到成柞細菌物種都變到有抗藥性[67]。
基因漂變(genetic drift)係指一個等位基因喺一個族群入面出現嘅頻率因為抽樣誤差(sampling error)而有所改變嘅過程:有性繁殖嘅父母基因洗牌過程(即係由阿爸嗰度抽一半、由阿媽嗰度又抽一半)係帶有些少隨機性(randomness)嘅-就算一個等位基因嘅適應性唔差過第啲等位基因,個基因都可能會喺「抽基因」過程當中咁啱抽唔到佢嚟傳落去後代嗰度,搞到佢嘅出現頻率喺兩代之間有啲隨機性嘅下降[68][69]。
數學性啲噉講,可以想像上圖,X 軸代表時間,而三條唔同色嘅線分別代表三個描述緊一個隨機過程(例如進化)嘅變數。隨機過程本質上就會有誤差:例如 x t = f ( x t − 1 ) + e {\displaystyle x_{t}=f(x_{t-1})+e} ,當中 x t {\displaystyle x_{t}} 指喺時間點 t {\displaystyle t} 嘅 x {\displaystyle x} 數值(例:喺時間點 t {\displaystyle t} ,某等位基因喺基因庫入面嘅出現頻率), f {\displaystyle f} 係一個特定嘅函數(反映 x t {\displaystyle x_{t}} 點樣受到 x t − 1 {\displaystyle x_{t-1}} 影響),而 e {\displaystyle e} 係帶有隨機性嘅誤差值;條線會有好多相對細幅度嘅上上落落。
基因漂變淨係會喺兩種情況之下停止:一係個等位基因完全喺個物種嘅基因庫嗰度消失(例:個族群完全冇嗮金頭髮嘅個體),一係個等位基因完全取代嗮第啲等位基因(例:個族群淨係得返金頭髮嘅個體);如果以上兩個情況冇發生,噉一個等位基因嘅出現率喺唔同世代之間實會有些少上上落落。同時,如果有個屬同一個物種嘅族群(例如係人)因為遷徙等嘅原因而分開做兩組各自獨立發展,就算佢哋各自本來嘅基因庫同埋新環境完全一樣,兩組喺好幾代之後嘅基因庫都梗會有些少唔同[70]。
進化會影響一個生物族群每一方面嘅特徵:基因左右一隻生物身體嘅蛋白質產生,所以會影響隻生物嘅外型同身體功能;除此之外,進化仲有可能改變一個物種嘅行為-蛋白質產生會影響神經系統嘅結構同生理,而神經科學上嘅研究表明咗,神經系統嘅結構同生理特性主宰一隻動物嘅行為同心理特徵[71],例如喺人身上做嘅研究就發現,智商(IQ)相當大程度上係受遺傳因素主宰嘅[72]。進化造成嘅各方面改變會影響一個物種嘅生存同繁殖,亦都會影響到佢哋嘅進化適應性,主要會有幾個效果:
適應(adaptation)指「一個物種慢慢噉變到更加適合喺佢哋嘅環境嗰度生存同繁殖」嘅一個過程[73][74]。好似喺正話提到嘅樺尺蠖例子噉,樺尺蠖族群整體嚟講變成黑鼆鼆噉嘅色水,呢點令佢哋更加能夠匿埋喺周圍黑鼆鼆嘅環境嗰度,更加擅長避開獵食者同生存落去-而噉樣主要係因為物競天擇嘅過程,白晒晒噉色嘅樺尺蠖更加容易俾獵食者擔走,而後者冇咁生存到落嚟,淨係得黑色樺尺蠖有得繁殖,所以佢哋更加大機會將自己嘅基因(包括「令佢哋黑鼆鼆噉色」嘅基因)傳俾下一代,於是「黑鼆鼆噉色」嘅等位基因出現頻率上升,令到個物種變到多數都係黑鼆鼆噉嘅色水。呢種「透過進化變到更加適合喺環境嗰度生存同繁殖」嘅過程,生物學家喺好多個細菌、植物同動物物種身上都有觀察得到[75]。
巴基鯨(Pakicetus)嘅重組圖[註 6];佢哋係現代鯨魚嘅祖先,有腳。
廿一世紀嘅鬚鯨棚骨;喺鬚鯨進化史當中,佢哋對前腳(a 同 b 兩嚿骨)變咗做鰭,變得更加擅長游水。
雞唔識飛,但仲有對「翼」-雞對翼係一個痕跡器官[76]。
喺進化適應嘅過程入面,一個族群嘅已有身體結構會慢慢噉變[77][78],佢哋可能會得到一啲新特徵,又或者失去某啲已有特徵。好似係鬚鯨(baleen whale)嘅進化史噉,對化石等證據嘅研究顯示,鬚鯨嘅遠古祖先(可以睇巴基鯨科)係有腳嘅陸上動物,後嚟因為某啲原因走咗去近海嘅地方住,甚至乎開始游水(嚟捉魚食或者避開一啲唔識游水嘅獵食者);打後佢哋嘅後代嘅腳就愈嚟愈變到似鰭,令到佢哋變得更加擅長游水(同時失去喺陸地上面行嘅能力)[79]。同樣嘅適應過程喺蝙蝠身上都見得到:蝙蝠對翼嘅骨架同老鼠嘅腳嘅骨架有好多相似嘅地方,而研究亦都顯示蝙蝠同老鼠有某啲共同祖先(common ancestor),但兩者打後就分開各自進化[80][81]。
喺進化適應嘅過程當中,某啲身體結構可能會失去原有功能,但又未完全消失得嗮,變成所謂嘅痕跡器官(vestigial organ)[82]。好似係雞同埋企鵝呢啲唔曉飛嘅鳥類噉樣,查實佢哋嘅祖先有好強壯嘅翼,而且佢哋有好多現代近親物種都曉飛,但雞同企鵝已經唔曉飛(雖然企鵝進化到好擅長游水),淨係得返對又冇力又飛唔起、但仲未消失嗮嘅翼[83]。除咗噉,痕跡器官例子仲有一啲喺黑暗環境生活,進化到得返對盲眼嘅魚類[84]同埋係明明經已冇腳但係仲有盤骨嘅鯨魚同蛇呀噉[85]。人亦都有啲好似係智慧齒等嘅痕跡器官[86]。
由上面痕跡器官嘅概念當中睇得到,進化通常會令到一個族群嘅生物整體上變得更加擅長喺住緊個環境度生存同埋繁殖,但唔一定會令到佢哋變得更加「高等」或者「複雜」:頭先鬚鯨同雞等嘅例子就係噉,進化好多時係透過「失去某啲嘢」嚟令個族群更加適應到環境嘅-鬚鯨喺佢哋嘅進化過程嗰度少咗對腳,呢樣嘢係令到佢哋行唔到路,但同時令到佢哋嘅身體唔使生腳,空咗啲資源出嚟,可以更加專注於將身上嘅營養用嚟組成游水用嘅鰭,令佢哋游水叻咗,總體更加適應到喺海入面生活[87]。
因為噉,專業嘅生物學家唔會用「退化」(devolve)呢個詞-「進化」喺生物學嘅定義上純粹係指一個族群嘅生物嘅基因庫有改變,呢啲基因上嘅改變可以引致班生物嘅身體多咗啲新嘅嘢或者少噉咗啲舊嘅嘢,而兩種情況都有可能幫到班生物適應佢哋住緊嘅環境。「退化」呢個詞嘅出現純粹係因為一般人同大眾媒體對進化論嘅誤解,以為一種生物進化就實要係「多咗啲嘢」或者「變得更加高等」[註 7][88]。
兩隻獅虎;研究表明,獅虎喺絕大多數情況下都冇生殖能力。
物種形成(speciation)係指「本來同屬一個物種嘅族群分開,並且各自獨立發展做兩個或者以上唔同物種」嘅過程[89]。
喺繁殖上同其他族群分開嘅。
例如係人類呢個族群噉,白種人同黃種人-又或者日本人同漢人、又或者粵人同第啲漢族民系-之間有住血統同埋外型上嘅差異,但佢哋之間有能力配種(白人同黃種人通婚可以生到有生殖能力嘅後代出嚟),而呢幾個族群都係冇能力同人以外嘅生物配種嘅,例如一個人-無論佢係邊個人種都好-同一隻馬交配唔會生到啲乜嘢後代出嚟,所以人類係一個同馬唔同嘅物種[91][92];又例如係獅虎(liger)噉,公嘅獅子同乸嘅老虎交配可以生到獅虎呢種動物出嚟,但獅虎幾乎係一定冇生殖能力嘅,所以獅子同埋老虎喺生物學界先會俾人當做兩個唔同嘅物種嚟睇[93]。
物種形成主要有兩大機制:異域性(allopatric)同埋同域性(sympatric)。異域性指多過一個族群嘅生物受地理上嘅隔離而由同一個物種變成多個唔同物種嘅過程[94],例如係因為遷徙等嘅原因同一個物種分開做幾組,搬去唔同嘅地方度住,再分別噉適應各自嘅環境而進化,如果佢哋要適應嘅環境唔同或者有明顯嘅基因漂變,進化到咁上下呢幾組之間嘅差異會大到冇能力同對方配種-變咗做唔同嘅物種。呢種分化喺人身上都睇得到:各個人種嘅膚色等特徵因為住嘅環境唔同而進化到唔一樣,只不過係人仲未分化到冇能力彼此之間配種,所以仲算係同一個物種[89]。如果將異域性物種形成嘅過程畫做抽象化嘅圖解(色水表示基因庫嘅特徵):
另一方面,同域性物種形成係指有個新物種去到某一個環境,同一個固有物種喺同一個地區度住,但因為繁殖或者溝通等嘅行為差異而同唔到對方配種,最後兩者分化到變做兩個唔同嘅物種,例如係印尼就有一種蝙蝠因為佢哋之間把聲有差異,而且佢哋係靠認對方把聲嚟搵伴侶嘅,搞到佢哋產生咗幾個把聲唔同嘅族群。呢幾個族群仲要拒絕同其他族群交配,最後產生咗三個從來都未雜交嘅族群[95]。如果畫做抽象化圖解嘅話:
同域性物種形成可以再細分做兩種:近域性(peripatric)同埋鄰域性(parapatric)[89]。近域性物種形成指一個族群地理上同原本嘅族群隔離咗,打後因為呢個新族群擴大而同本嚟嗰個族群有接觸,但喺呢個時候兩個族群嘅差異經已大到配唔到種-變咗做兩個唔同嘅物種[96];鄰域性物種形成指嘅係一個族群分咗個細族群出嚟,而呢個細族群搬咗去就喺旁邊嘅地區度住,雖然兩個族群喺地理上相連,但係某啲交流上嘅困難搞到佢哋最後分化咗做唔同嘅物種[97]。
黑脊鷗嘅居住地分佈;相鄰地區嘅黑脊鷗族群先至有能力同對方配種。
最出名嘅鄰域性物種形成例子係環狀物種(ring species)[89]。環狀物種係生物學上一個廣受討論嘅進化現象:一柞族群分別噉住喺一柞相鄰嘅區域嗰度,因為上述嘅進化過程令到佢哋當中地理上離對方愈遠嘅族群(遺傳上)愈係同對方唔同,而相鄰嘅族群之間嘅相似性高到足以同對方配種,但唔相鄰嘅族群就做唔到呢樣嘢。住喺北極圈嗰頭嘅各黑脊鷗(學名:Larus argentatus)族群就係噉樣[98][99]。
呢柞物件可以按位置座標分做三類,但三個類之間冇本質上嘅差異。
環狀物種等嘅現象反映出「物種」之間嘅分界查實係有些少含糊嘅。喺進化嘅過程入面,一個族群係慢慢噉變樣嘅,由一個物種進化到變成第個物種(宏進化)嘅過程唔係一吓就變出嚟,而係慢慢逐啲逐啲噉變嘅,所以同一個族群入面兩代之間實有配種嘅能力,世代同世代之間嘅差異唔係「一係就似一係就唔似」,而係「有幾似」:一般嚟講,假設冇乜嘢好勁嘅突變,第 1 代同第 10 代之間嘅差異會大過第 1 代同第 2 代之間嘅;而第 1 代同第 100 代之間嘅差異又會大過第 1 代同第 10 代之間嘅。如此類推,個族群慢慢噉變吓變吓,(譬如)可能去到第 500 代,佢哋先會同第 1 代差異大到冇能力配種,之但係喺呢個情況嗰度,第 250 代同第 1 代有能力配種,而第 250 代又有能力同第 500 代配種。因為噉,對於進化嘅研究令到科學界理解到一點:唔同嘅生物「物種」之間查實冇話有乜嘢完全明確嘅分界線(可以睇埋聚類分析),而物種呢個概念到咗廿一世紀初,科學界一般都當佢只不過係一種為咗溝通方便嘅用詞,而唔係一個嚴謹嘅科學概念[100][101]。
暴龍嘅骨頭;恐龍喺白堊紀滅絕事件期間大規模絕種,家吓得返啲化石同模型俾人睇。
絕種(extinction),粵文入面又有叫滅絕,係指某一個物種或者屬某個生物分類上嘅族群成個消失:當有一個物種,佢哋最後淨低嗰個個體都死埋嗰一刻,呢個物種算係絕咗種[102]。
白堊紀末期(6 千 5 百萬年前)。
當中嘅白堊紀-古近紀滅絕事件(Cretaceous-Paleogene extinction event)因為涉及到恐龍嘅絕種而好出名[104]。除此之外,廿一世紀初嘅研究指,當時生物物種絕種嘅速度係正常速度嘅 100 到 1,000 倍,據估計主要係因為人嘅各種活動污染咗地球環境[105][106]同埋全球暖化嘅現象[107]。
生物學同第啲科學領域一樣,會跟足科學方法(scientific method)嚟做研究。噉講意思即係話,生物學界會根據手上已知係真嘅事實,諗一啲理論出嚟解釋研究緊嘅現象,然後靠邏輯性嘅思考,去諗吓呢柞理論會做點樣嘅預測,跟手做實驗同觀察嚟攞數據,驗證吓個理論嘅預測係咪真確[108]。根據廿世紀嘅生物學研究,進化論呢一個理論得到嚟自多個源頭嘅證據支撐,大致上有兩大流:
講哈佛大學嗰個大腸桿菌進化研究嘅片;白色嘅係有大腸桿菌嘅區域。
微進化係指一個物種內部喺短時間內嘅基因庫變動,變動嘅幅度未至於令最新嗰代成為新嘅物種(最新嗰代同原初嗰代仲有能力配種)。微進化可以輕易噉觀察得到:生物學家可以由野外嘅動植物嗰度抽樣,睇吓唔同嘅動植物物種基因庫會點樣隨時間變化,再睇吓呢啲基因上嘅變化會同啲動植物嘅特徵有乜嘢相關,而呢啲研究的確發現咗野生動植物之間會有微進化嘅現象[109][110]。
除咗觀察性嘅研究,生物學家仲有得做實驗:實驗(experiment)係用科學方法嚟驗證科學理論嘅手法之一,指做研究嘅人主動噉對研究緊嘅現象作出一啲操控,再睇吓個操控會產生點樣嘅結果(以及係個結果同理論所預測嘅有冇出入)。哈佛大學就曾經做過一個噉嘅實驗驗證微進化:研究人員將大腸桿菌(E. Coli)擺喺個缸入面養,呢個缸愈近中間嘅地方就放咗愈高濃度嘅抗生素喺度-抗生素會殺死大腸桿菌,所以只有對抗生素抵抗力勁嘅大腸桿菌先會能夠喺近中間嘅地方生存;而實驗結果顯示,一如物競天擇作嘅假說所料,喺個缸邊緣地區(抗生素濃度低)嘅大腸桿菌死唔去,跟手仲繁殖,生到對抗生素抵抗力一代勁過一代,最後仲散佈去到個缸嘅中間(抗生素濃度最高嗰忽)-展示咗「一個族群嘅生物進化,並且變到愈嚟愈適應自己住嘅環境」呢一個過程。呢啲有關細菌進化嘅研究對醫學嚟講極之有價值[111]。可以睇埋進化醫學。
野生動物一般唔會俾人接近佢哋,但呢隻家紅狐狸喺度同個人玩,反映佢經過馴化。
睇微進化過程嘅實驗喺複雜啲嘅多細胞生物身上都做過。例如係相當之出名嘅家紅狐狸(domesticated red fox)噉:喺 1959 年,蘇聯生物學家迪米璀·貝里葉(Dmitry Belyayev)指出,一隻動物嘅行為係受制於好似荷爾蒙同腦結構呢啲生理因素嘅,而呢啲生理因素又係受到基因影響嘅,所以生物嘅進化過程會影響到一個物種嘅行為;為咗驗證呢啲諗法,貝里葉佢開始咗做一個實驗,搵咗一柞紅狐狸返嚟,再做以下嘅步驟諗住馴養(domesticate)佢哋[112][113]:
貝里葉將柞紅狐狸分做三個等級:第三級嘅狐狸係最唔聽話嘅,即係嗰啲會嘗試走佬或者係一有研究人員行近就會攻擊嘅個體;而第二級嘅狐狸就係嗰啲會俾研究人員行近同埋掂佢哋,但唔會對研究人員產生明顯好感嘅個體;第一級嘅狐狸就係最聽話嗰批,呢啲個體唔單只會俾研究人員行近同埋掂佢哋,有陣時仲曉做揈尾等嘅友善動作。
貝里葉選擇性噉淨係俾第一同第二級嘅狐狸繁殖同生產後代(操控)。
後嚟啲狐狸一代一代噉愈養愈馴,做做吓個族群度仲有咗所謂嘅「精英級」狐狸-一啲識得主動噉同人類接觸嘅個體,佢哋曉主動行埋去研究人員嗰度同埋好似狗噉聞佢哋陣除;呢啲精英級嘅個體喺一個月大之前已經曉做呢啲嘢(即係顯示呢種行為唔多似係後天學返嚟嘅)。
去到第十代嘅狐狸嗰陣,個族群裏面得 18% 嘅個體係屬於精英級嘅,去到第廿代嗰陣呢個數字就升到去 35%。到咗廿一世紀初,呢個實驗仲持續噉進行緊,而且個族群裏面已經有成 70% 至 80% 嘅狐狸係屬於精英級(操控造成嘅效果)。
呢個研究好有生物學價值:喺呢個研究嘅過程入面,一個族群嘅生物俾啲研究人員選擇,而整體成個族群嘅表現型喺幾代之後出現咗明顯改變,顯示咗好似狐狸噉嘅哺乳類-複雜過細菌好多嘅生物-都曉進化,而且進化唔淨只影響外型同埋某啲身體結構,仲可以影響一種生物嘅行為[112]。除咗呢類實驗,日日都喺牧場同埋寵物配種嗰度發生嘅人工選擇過程亦都俾人視為進化過程嘅實驗性證據(人特登操控某啲嘢,引致生物嘅基因庫同表現型起變化)[114][115]。
宏進化指長時間(閒閒地幾百萬年)發生嘅進化,最後嗰一代嘅個體會冇能力同初代個體配種。原則上,宏進化難以用實驗嚟研究:宏進化定義上就係發生喺(對人嚟講)極漫長嘅時間嘅,如果要做一個宏進化實驗,研究者就要做一啲操控,再睇吓個操控喺(例如)幾百萬年後產生乜嘢影響,喺人力物力上根本冇可能做得到[註 8];不過科學家依然搵到宏進化嘅觀察性證據。
古生物學(paleontology)係一門以化石(fossils)做基礎嚟去研究生物物種嘅生物學子領域:當一隻生物死亡嗰陣,佢條屍會俾微生物分解而腐爛,搞到佢生存過嘅痕跡冇咗。但有陣時,呢啲遺跡可能會因為某啲因素而成功噉保存到落嚟-例如一隻生物條屍或者佢造成嘅一啲痕跡(好似係腳印噉)因為某啲特定嘅原因咁啱得咁橋好快俾啲泥土𢫏住咗,令到佢哋唔會俾水流等嘅自然力破壞,而佢哋最硬淨嘅部份-例如係骨頭-就會變成化石留低到落嚟。有時一啲化石仲會保留到成隻生物,例如係俾冰雪住咗嘅長毛象同埋一啲俾琥珀(amber)封住嘅昆蟲呀噉[116]。研究者可以用放射性定年法(radioactive dating)等嘅技術嚟睇吓搵到嘅每個古生物樣本年代有幾久遠,靠噉嚟得知唔同地區嘅生物喺形態上點樣隨時間變化[117][118]。
呢啲好多嚟自古代生物嘅痕跡令生物學家有得睇到唔同地質時代嘅生物係乜嘢樣,而且仲係進化嘅直接證據:自從達爾文嗰陣時開始,古生物學家發現咗好多佢哋之前未見過嘅過渡化石(transitional fossil)-呢啲化石顯示咗現有生物物種同佢哋啲遠古祖先之間嗰啲過渡形態,例如係好出名嘅始祖鳥(original bird;學名:Archaeopteryx),就係由某啲恐龍嗰度進化出現代鳥類嘅證據-始祖鳥喺大約 1 億 5 千萬年前存在過,由佢嘅身體構造好明顯睇得出,佢有啲似恐龍又有啲似現代鳥類,而且喺後期啲嘅化石嗰度仲睇到呢種生物嘅後代慢慢噉演變到愈嚟愈似現代鳥類,支撐咗宏進化嘅假說[119][120]。
喺最廣義上,進化論可以泛指「描述生物物種一代一代噉變化嘅學說」。呢種學說歷史查實相當悠久:早喺古希臘嗰陣,經已有學者喺度討論啲類似現代進化論嘅諗頭,好似係蘇格拉底(Socrates)打前就有古希臘哲學家主張話一種生物可以係由第種生物嗰度嚟嘅[121],而打後少少嘅古羅馬哲學家盧克萊修(Lucretius)喺佢本《物性論》(拉丁文:De rerum natura)入面都有提咗啲類似進化論嘅諗法[122]。
不過喺打後嗰超過 1,000 年,西方世界由目的論(teleology)主導:阿里士多德(Aristotle)提出,唔淨只係生勾勾嘅嘢-喺所有大自然嘅嘢嚟講,進化係大自然各種可能性嘅一種唔完美嘅呈現。佢提出咗好似係理型同物種等嘅概念。而呢個亦都係佢個自然目的論嘅一部分:佢認為一切嘅事物存在嘅目的都係要喺某啲「神聖嘅宇宙秩序」入面發揮一啲作用,所以各種生物有親啲乜嘢特徵都係因為某啲「冥冥中嘅主宰」嘅意願。喺中世紀嘅歐洲,呢種「宇宙有某啲神聖秩序」嘅思想嘅變體做咗嗰時各基督教教派嘅標準知識,而佢哋心目中掌管住宇宙秩序嘅主宰就係佢哋嘅上帝[123]。
呢種思想要去到成 17 世紀先至開始俾人挑戰:當時新興起嘅現代科學方法要求對自然現象嘅解釋應該建基喺觀察得到嘅事物上面,要遵守共同嘅物理定律,而唔好先假定咗有某啲神聖嘅宇宙秩序喺背後,就算信上帝都唔好假定咗人完全了解上帝嘅意願。好多同期學者仲係堅持舊嘅見解:例如英國博物學家莊·里(John Ray)就提出咗「物種」呢個詞語,並且主張每個物種都有某啲唔會隨住時間變嘅「本質」;而瑞典動物學家林奈(Carl Linnaeus)雖然承認物種之間有分層嘅關係,但仲係主張呢啲嘢係「跟從上帝嘅計劃」嘅。即係話喺呢個時期,西方嘅思想界嘅主流仲係目的論-啲人認為宇宙入面嘅嘢都係服從一個冥冥中嘅主宰,而呢個冥冥中嘅主宰係「會為咗人著想」或者「人有能力了解」嘅。要再打後啲,呢種思想先至慢慢噉失去影響力[124]。
喺 1859 年年底,達爾文出版咗佢嗰本名著《物種起源》(On the Origin of Species)。達爾文仔細噉講解咗物競天擇嘅諗法,指出人口增長會引致「生存鬥爭」,而且喺每一代入面都有好多細路因為有限嘅資源而喺去到生殖年齡之前就死咗[註 9],呢啲過程令到一個族群嘅生物入面擅長生存嘅個體會佔上風,而其他嘅會死亡並且冇能力將自己嘅基因傳俾下一代。達爾文佢靠住呢柞推論同埋佢喺加拉帕戈斯群島(Galápagos Islands)等地收集返嚟嘅證據,解釋咗好多當時解釋唔到嘅現象。後嚟比較解剖學家湯瑪士·赫胥黎(Thomas Henry Huxley)仲將呢套理論用落去人類嗰度,運用古生物學同埋比較解剖學嘅知識提供證據,支持「人類同類人猿有共同祖先」嘅諗法,奠定咗進化論嘅學術地位[125]。
初頭嗰陣,西人嘅社會大眾普遍都覺得呢種思想好難接受:佢哋覺得進化論係暗示人喺宇宙入面冇乜特殊地位,只不過係另一種動物(呢點同西人傳統對上帝嘅認知唔夾);再加上達爾文等嘅科學家唔撐「宇宙入面有某啲神聖秩序,而呢啲神聖秩序可以攞嚟解釋生物點解有某啲特徵」呢個諗法,所以佢哋覺得接受進化論就等如係推無神論-而喺當時,無神論好多時都俾西人覺得係一種罪[125]。不過,達爾文佢本人去到最後都仲係主張不可知論(agnosticism;一種中立觀點,唔肯定上帝存在,但係亦都唔否定佢存在),而唔認為自己係無神論者[126]。
除咗科學同神學上嘅衝擊之外,達爾文嘅理論仲打破咗西人(同好多地區嘅人)傳統嘅本質主義(essentialism)思想:呢種思想主張唔同「類」嘅嘢之間係有住某啲唔可以打破嘅分別嘅,例如佢哋會覺得「白人」同埋「黃種人」係兩類本質上唔同嘅嘢,無論一個白人點變個樣,都冇可能變到做黃種人。不過達爾文嘅觀點就指出咗呢種思想嘅問題:物種同物種之間冇明確嘅分界線,兩個族群或者兩樣嘢之間嘅差異唔係「一係似一係唔似」,而係「有幾相似」-「相似性」呢樣嘢係連續嘅。例如如果將一個白人嘅面形同膚色等特徵逐啲逐啲噉變,最後係有得慢慢噉將佢變做一個黃種人嘅。呢種思想上嘅改革最後令到世人改變咗佢哋對「種族」呢啲概念嘅認知[127][128]。而到咗廿一世紀,進化論經已廣泛噉樣俾各領域嘅科學家用嚟解釋自然現象同埋製作各種有用嘅發明,成為咗做現代科學唔可以少嘅知識[111][129]。
喺 19 世紀嗰陣,尤其係喺《物種起源》出版打後嗰一排,各界嘅學者對於「進化對於哲學、社會同宗教信仰有乜嘢啓示」呢一條問題起咗相當激烈嘅爭詏。到咗今日,大量嘅科研證據令到絕大多數嘅科學家都接受咗「進化論的確能夠準確噉樣描述到自然現象」呢一點,而且除咗理論上嘅價值,進化論喺農業、醫學、寵物配種甚至乎係人工智能等多方面嘅應用科學上都好好用,成為咗好多科學家做嘢嗰陣走唔甩要學嘅知識[130][131]。
進化論引起咗宗教方面嘅熱議。喺廿一世紀初,唔同嘅宗教團體對於進化論嘅意見有相當大分歧:
基督教嘅羅馬天主教會(Roman Catholic Church)嘅官方觀點係「任何信徒都有權自由揀係咪相信對《創世紀》嘅字面解讀」:天主教徒有得揀相信上帝真係用咗六日創造所有嘢,又有得揀相信進化論同埋宇宙大爆炸等嘅科學理論;天主教會認為,上帝有用到進化嘅過程嚟創造人同埋各種生物嘅肉體,但無論人類係進化出嚟定係特殊噉創造,佢哋都係有特殊噉創造嘅靈魂,所以係特別嘅;一般嚟講,喺天主教學校入面,啲老師教進化論俾啲學生知係冇問題嘅[132][133]。而一般嚟講,喺天主教學校入面,老師教進化論俾啲學生知係冇問題嘅。
新教(Protestantism)內部就有唔細嘅分歧:有啲比較原教旨主義嘅新教徒主張聖經入面寫嘅所有嘢都係歷史事實(雖然地質學、宇宙學同埋考古學等多個領域嘅研究都唔撐呢個觀點,而且聖經有某啲描述自相矛盾),而進化論唔符合《創世紀》等聖經章節嘅字面內容,所以係唔真確嘅[134];雖然係噉,美國嘅新教徒組織美國科學聯系(American Scientific Affiliation)就提出咗進化創造(evolutionary creation)嘅觀點,認為上帝喺創造宇宙嗰陣,聰明噉設下咗一啲自然定律,再俾呢啲自然定律自己運行並且最後創造出地球同生命,而進化嘅機制就係呢啲定律嘅一部份[135]。而且不論教派,有好多基督徒都認為好似係《創世紀》呢啲舊約聖經入面嘅內容應該當做先知受上帝啟發而寫出嚟嘅寓言型故仔,唔應該當係歷史噉嚟讀,所以對進化論持接受態度[136]。因為呢啲內部分歧,喺新教徒搞嘅學校或者係喺新教徒多嘅地區,老師教進化論有時會搞到部份新教徒家長不滿[137]。
喺基督教以外,有好多相信上帝存在嘅人都對進化論持接納嘅態度:例如係主張理神論(deism;一種信上帝但反宗教嘅觀點,認為上帝唔會直接介入宇宙嘅事務,所以唔會派先知嚟人世)嘅人士噉,佢哋唔接受聖經,更加唔會相信舊約聖經嘅內容係歷史,所以普遍都對進化論相當之受落,認為進化有效噉展示出上帝點樣「唔使直接插手落宇宙嗰度,都創造到人等嘅有智能生命」[138]。
啲人喺批評進化論嗰陣,其中一個最常見嘅講法係話「進化只不過係一個理論」(evolution is just a theory)。對於呢個論調,英國科學家道金斯(Richard Dawkins)就噉講:
粵文翻譯:啲人有陣時會嘗試喺辯論當中用噉嘅方法爭分數(指嘗試贏一場辯論),話「進化只不過係一個理論」。呢個講法正確,不過人有需要理解呢句嘢係乜嘢意思。「世界圍住太陽轉」都一樣只係一個理論-只係一個有極大量證據支撐嘅理論。
喺日常英文用語裏面,「theory」(粵文一般會譯做「理論」)呢個字最廣義上可以係指「對某啲現象嘅講法」[139],而根據呢個定義,「地球圍住太陽轉」同「舊約聖經係歷史」等嘅諗法都一樣係「理論」。喺嚴謹嘅科學上,科學理論(scientific theory)係指「嘗試對大自然某啲現象作出,而且有一定證據支撐」嘅解釋;事實上,進化論受到相當大量嘅證據支撐,而且喺實際應用上真係能夠攞嚟預測現象[111][140],所以一般認為,進化論算係一個嚴謹科學定義上嘅理論,而「舊約聖經係歷史」呢一個諗法唔算[141]。
另一方面,又有唔少人批評話進化論提倡種族主義。一般認為,呢個批評係個草人謬論(straw man fallacy;指批評者喺度批評緊一個受批評者根本冇主張過嘅立場),例如加拿大哲學家基斯道化·天道(Christopher Tindale)就用美國路易斯安那州議會喺 2001 年諗過嘅一個法案嚟做草人謬論嘅例子。呢個法案嘅內容大致上係噉嘅[142]:
粵文翻譯:進化論之父查理斯·達爾文寫嘅嘢提倡將種族主義合理化,佢嗰兩本書《物種起源》(On the Origin of Species)同《人類嘅由來》(The Descent of Man)提出咗一個高等種族同低等種族嘅分級... 因為噉,一貫反對任何形式嘅種族主義嘅路易斯安那州議會喺呢度拒絕主張「某啲種族嘅人高等過其他種族嘅人」嘅達爾文主義理念嗰柞核心理念,並且遣責利用呢啲思想來將種族主義合理化嘅行徑。
天道指出,呢個法案喺度打緊草人(hitting the straw man;指「批評對方冇主張過嘅立場」呢一個舉動):實際上,達爾文並冇主張過種族主義[註 10][143]。達爾文真正講緊嘅嘢係物競天擇引致物種一代一代噉改變-即係指喺自然界,同一個生物族群入面嘅某啲個體會比較擅長生存同繁殖,所以比較大機會能夠將自己帶嘅基因傳俾後代,引致每一個族群嘅基因庫都會一代一代噉變樣,只係客觀噉描述唔同族群喺身體結構上會有唔同,而唔係邊個族群「高等」啲。對於種族之間嘅差異,達爾文個理論會講嘅係「白人同黑人等唔同種族適應咗各自唔同嘅生存環境-歐洲同非洲-而進化到身體結構上有啲唔同」,例如非洲太陽猛啲,所以黑人進化到皮膚黑色素多嚟保護皮膚[142][144]。
↑ 即係 Pr ( A reproduces ) ≠ Pr ( B reproduces ) {\displaystyle \Pr({\text{A reproduces}})\neq \Pr({\text{B reproduces}})} ;喺數學上, Pr ( y ) {\displaystyle \Pr(y)} 係指「事件 y {\displaystyle y} 發生嘅機會率」。
↑ 唔同到冇能力成功同對方交配並且生產下一代。
↑ 喺最基本上,呢啲知識源自用顯微鏡等嘅架生對 DNA 作出觀察,以及剖析 DNA 嘅特性同一隻生物嘅表現型之間嘅統計相關。
↑ 兩隻係唔同個體。
↑ 重組過程係基於巴基鯨科化石嘅。
↑ 可以睇埋 TV Tropes 嘅 Goal-Oriented Evolution。
↑ 而且發生喺幾百萬年間嘅事件仲有「係咪受控」嘅問題-科學家會質疑幾百萬年後見到嘅效果係咪真係因為成幾百萬年前做嘅操控引起嘅。
↑ 喺嗰個時代,細路好多時都養唔大。
↑ 而且達爾文查實並唔係進化論之父,因為佢唔係第一個提倡進化論嘅科學家。
哥羅拉度州一個牧場嘅牛;牧場主人要點樣控制啲牛嘅繁殖,先可以令下一代嘅牛(例如)生產牛奶嘅能力最大化呢?
到咗廿一世紀初,進化論有廣泛嘅應用價值,例如:
動物配種(animal breeding),指用遺傳學嘅知識去安排動物交配,令動物嘅後代產生預期中嘅特徵(即係人工選擇),簡單嘅例子有特登淨係俾雞公同啲生得蛋多嘅雞乸交配,嘗試產生出能夠生多蛋嘅下一代雞乸,再進階啲嘅動物配種可以用到對配緊嘅動物嘅遺傳基因嘅知識[145]。
植物配種(plant breeding),同動物配種一樣,不過用嘅係植物,例子有蔬菜同生果品種嘅配種[146]。
進化心理學(evolutionary psychology),心理學一個子領域,集中於思考進化點樣影響現代人嘅行-心理同行為嘅特徵由一隻動物嘅神經系統主宰,而神經系統嘅結構等特徵可以受基因影響,基因會受進化影響,所以原則上,人類等嘅現代動物嘅心理同行為特徵理應一定程度上反映佢哋嘅進化史[147]。
進化醫學(evolutionary medicine),指運用進化論上嘅知識做醫學相關嘅研究,簡單嘅例子有研究致病細菌嘅進化,可以睇返上面哈佛大學大腸桿菌研究嘅例子[148]。
進化演算法(evolutionary algorithm)係一種建基於物競天擇概念嘅機械學習演算法,同一般機械學習做法唔同嘅係,進化演算法會用隨機嘅方法初始化產生出一大柞模型,然後揀個表現指標,淘汰走啲表現唔好嘅個體,並且俾啲表現嘅個體「繁殖」(俾佢哋產生同自己相似嘅模型),令到後代嘅表現好過前代嘅[9]。
文化進化(cultural evolution)將進化論上嘅諗頭廣義化,用嚟解釋文化嘅演變-文化可以定義為「能夠影響人嘅行為、可以喺人之間傳播嘅資訊」[149],每一吓文化傳播都有可能成功,而成功嘅機會率視乎嗰嚿文化資訊嘅特徵而定,例如好笑嘅笑話比較大機會會令聽嗰個人開心同埋想將個笑話講俾第個人聽,所以成功傳播嘅機會率會高啲;即係話一嚿文化資訊同一個基因一樣,「表現好就有得被複製(由一個人嘅腦傳去第個人嘅腦)」,於是有唔少社會學家就主張,進化論上嘅概念可以應用嚟分析文化嘅演變[150]。可以睇埋模因(meme)嘅概念。
↑ 俞政,《嚴復著譯研究》,蘇州大學出版社 2003 年出版。
↑ 想知多啲有關呢啲爭詏嘅嘢,可以睇吓:
想知多啲有關 19 世紀嘅進化論爭詏,可以睇吓:
呢版上次改係2021年12月15號 (禮拜三) 20:02 嘅事。 |
https://www.discuss.com.hk/redirect.php?fid=679&tid=30187015&goto=nextoldset | 2022-01-24T16:10:11Z | zho | text/plain | 【高大威猛】王俊棠兒子東東亮相《思家大戰》 獲讚男神級別!
[其他] 【高大威猛】王俊棠兒子東東亮相《思家大戰》 獲讚男神級別!
佢本身已經喺TVB藝員,之後消失咗,依家就做吓二打六!
有咩幕前演出??
差就唔算差,但男神級。。。
上週收視:《愛·回家之開心速遞》24.8點、《青春不要臉》21.1點、《鐵拳英雄》20.4點 姚焯菲簽名燈箱海報義賣 籌逾27000元善款捐予慈善機構 8:30 賭城風雲III [有圖有片] 君輕呢一腳 , 我真係流晒鼻血 ... ^.^ 我正式宣佈東張西望已變節! [影片] 深度分析:陳凱琳紅唔起既原因!
[轉貼]王俊棠為細仔王東泰慶祝29歲生日 屋企太細被嫌寒酸:有愛就好 思家大戰收視創新高 思家大戰今集好好睇 台慶思家大戰 思家大戰 ... 智能愛人 《思家大戰》錄得17.5點又創節目的新高! |
https://zh-yue.wikipedia.org/wiki/%E5%81%B7%E5%A4%A9%E6%83%85%E7%B7%A3 | 2022-01-25T06:10:35Z | zho,eng | text/plain | 偷天情緣 DVD,由哥倫比亞電影公司發行。
《偷天情緣》(Groundhog Day)係美國哥倫比亞公司喺1993年出品嘅英語電影之一,屬於奇幻式嘅愛情喜劇。
主演:標.梅利(Bill Murray)、安迪.麥杜維(Andie Macdowell)、基斯.伊利渥(Chris Elliott)……等。
劇情講述一個乞人憎嘅電視天氣報導員,因一次去到第二個地方採訪時發生嘅奇遇,令到佢嘅人生觀點從此完全改變。
有一個叫做菲爾(Phil)嘅電視天氣報導員,佢為人自私自大,成日覺得自己懷才不遇,而且又口不擇言,所以佢身邊嘅人都覺得佢好乞人憎。
有一次佢被派去賓夕凡尼亞州(Pennsylvania)嘅一個小鎮普蘇塔尼(Punxsutawney)採訪土撥鼠節;呢個鎮有個習俗,就係每年二月二日冬天就嚟過嘅時候,鎮民都會喺呢日聚集埋一齊,睇吓一隻又係叫做菲爾(Phil)嘅土撥鼠會唔會出嚟「講嘢」,如果佢會叫,即係冬天好快過去,而春暖將會降臨,相反如果佢唔叫,即係冷天可能重會持續一段時間。報導員菲爾聯同美麗女導演麗塔(Rita)同埋攝影師拉利(Larry)三個人一齊嚟到呢個小鎮,喺菲爾下塌一間旅館之後,佢嘅奇幻旅程就正式開始。
第二日,即係二月二日土撥鼠節嘅正日。呢一朝早,菲爾床頭嘅收音機鬧鐘準時六點響起,輕鬆嘅民謠帶住菲爾去梳洗換衫,然後開始一日嘅工作;當菲爾同女導演三人做晒嘢之後就諗住走,點知因為天氣報告話外圍天氣開始變壞,離開普蘇塔尼嘅路已經俾大雪封咗,於是菲爾就被迫要留多一晚。到第二朝瞓醒,個鬧鐘搭正六點響起,而收音機裏面亦響起同一首民謠,菲爾發現電台主持講嘅嘢同前一日一樣,佢以為電台播返前一日嘅錄音帶,不過佢都覺得奇怪,於是伸個頭望出窗口,見到又有人流向住土撥鼠節嘅會場進發。佢出門口之後,所遇到嘅人同埋事都曾經發生過,土撥鼠節個會場又係有好多人;菲爾見到女導演同攝影師,點知佢哋又係講返同一樣嘅開場白,菲爾喺報導緊嘅時候越諗越亂,於是劈低支咪走咗……自此之後,菲爾週而復始咁過住同一日,一到六點就紥醒,一樣都係土撥鼠節,而佢跟本唔知點先可以脫離。有一個土撥鼠節,菲爾終於發咗癲,於是諗盡方法尋死,但係佢呢頭死,嗰頭紥醒又係朝頭早六點鬧鐘響起嘅時候,又係播住同一首民謠,又係土撥鼠節。
期間菲爾有啲鍾意美麗女導演麗塔,於是發奇想,想喺一日之內令女導演對自己改觀,搵機會同佢上床;喺每一日都係同一日嘅情形之下,菲爾利用無限嘅時間一啲啲咁去了解麗塔,但係始終都冇辦法取得麗塔嘅完全信任,就算有一次麗塔俾菲爾說服陪佢喺間房度等天光,到第二朝床上一樣剩返菲爾一個,一樣係回復返土撥鼠節。最後菲爾明白到,與其冇方法要人鍾意自己,不如令自己嘅每一個同一日都過得充實同埋有意義,等到萬一可以脫離框框會有個新嘅未來,於是佢利用無限嘅時間去學咗好多唔同嘅手藝同自己增值,同埋因為佢已經好熟咁知道每日喺邊度會有咩事發生,佢亦會積極咁週圍去幫嗰啲要人幫嘅人;不過當中都有個小遺憾,就係佢唔可以阻止其他人生命嘅終結。
喺某一個土撥鼠節,菲爾感動人心嘅現場報導,令到在場所有專注聽佢講嘢嘅人都大拍手掌;而喺呢日嘅夜晚,麗塔去到鎮上開早春慶祝會嘅社區會堂,只見到菲爾喺舞檯度彈住一手輕快兼且熟練嘅鋼琴,之後人人都爭住向佢打招呼,成為咗席上最閃耀嘅人;原來一日嚟佢幫過幾個女人架車換呔,所以幾個女人都走埋嚟多謝佢;佢幫過一個食嘢啃親嘅肥佬吐返粒核出嚟,於是兩公婆又走嚟多謝佢;佢鼓勵咗一對心大心細想結婚但又唔放心嘅情人,於是呢對準新人又嚟多謝佢……。到到慶祝會嘅壓軸環節,就係由鎮上面嘅女人出錢競投王老五共度良宵嘅慈善項目,菲爾一上檯就個個爭住開價要投佢,而麗塔唔知點解之下就傾盡成副身家競投,終於俾佢投到菲爾。
兩個人離開咗社區會堂,菲爾用好紳士嘅態度去對待麗塔,陪佢傾計,重喺條街度整咗個好靚嘅冰雕頭像送畀佢,令到麗塔大為感動,重接受咗菲爾嘅示愛,不過菲爾只係發乎情止乎禮,冇再進一步向麗塔要求;當晚麗塔去到菲爾嘅宿舍,兩個人喺張床度傾傾吓大家就瞓著咗……
六點鐘,收音機鬧鐘又再響起,菲爾慢慢掰開雙眼,心諗又要預備土撥鼠節嘅一日,點知一隻懶洋洋嘅手打橫撳熄咗個鬧鐘,菲爾唔敢相信自己眼睛,但係呢隻手已經暖暖咁抱住菲爾,手嘅主人就係麗塔;菲爾彈起身伸個頭望出窗,見到出面陽光襯住一片白濛濛嘅雪地,街上面亦靜英英咁冇晒湧去睇熱鬧嘅人……菲爾已經跳出時間嘅循環,土撥鼠節終於過去!
菲爾嘅人生觀完全改變,而有情人亦都終成眷屬。
呢版上次改係2013年11月6號 (禮拜三) 08:31 嘅事。 |
https://zh-yue.wikipedia.org/wiki/%E9%87%91%E5%B1%AC | 2022-01-26T09:59:02Z | zho,eng | text/plain | 喺化學入面,金屬係一啲隨時會釋放電子,成為離子,而喺元素形態時又以金屬鍵鍵形式存在嘅化學物質。佢哋有時會被形容為一堆畀電子圍住嚟轉,成為結晶體嘅正離子。金屬亦係元素三大分類之一,同半金屬與及非金屬並列。硼(B)至到釙(Po)嘅一條對角綫將元素週期表分成兩部分,左下角係金屬,右上角係非金屬,疊住條綫嘅就係半金屬。
大自然裏面非金屬嘅分量多過金屬嘅分量,但係金屬就佔咗元素嘅大部分。常用嘅金屬,例如五金,即係金、銀、銅、鐵、錫,都係元素。
金屬元素嘅所有同素異形體(Allotrope)個樣都閃令令、可延展嘅(Malleability)、可延長嘅(Ductility),全部都係導電體(Conductor of electricity),同埋好嘅導熱體。相比起來講,大部分非金屬元素都好脆 (Brittle),又係啞面,而且唔傳電。金屬傳電係因為佢最面頭嗰個電子殼啲電子都唔係好穩定,鍾意甩出去,所以就出晒去原子同原子之間嘅空隙,形成一個類似「電子海」嘅游離電子層。
大部分金屬都係唔穩定嘅化學物質。當佢哋係金屬,即係重係以元素形式存在嘅時候,會同氧氣產生唔同速度嘅化學作用。快嘅好似鉀同氧氣嘅反應會喺幾秒之內完成,但係鐵同氧氣嘅反應,即係生銹,就要幾個月甚至幾年先至完成,途中重要經過幾個階段。鹼金屬反應最快,其次係鹼土金屬,過渡元素會慢啲,當中例如金、銀、鉑就直情唔會有化學反應。
有啲金屬會自然形成一浸好薄,但係好硬,而且唔透水嘅氧化層,例如鋁、鈦。呢浸氧化層將個金屬物件同外界完全隔絕,成為一個保護層。所以呢啲金屬雖然好易產生化學作用,但係都算係一啲抗侵蝕嘅金屬。呢層天然嘅氧化層比大部分嘅人工保護層防禦力更強,而且可以用陽極電鍍 (Anodizing)嘅方法加厚。
金屬嘅氧化物係鹼性嘅。要防止金屬嘅鏽蝕,除咗以上講過嗰浸天然防禦層之外,重可以靠電鍍同埋髹油。
呢版上次改係2020年3月3號 (禮拜二) 03:54 嘅事。 |
https://www.hk01.com/%E7%B6%B2%E8%B3%BC%E6%94%BB%E7%95%A5/343255/%E5%8A%87%E7%83%88%E9%81%8B%E5%8B%95%E5%BE%8C%E8%82%8C%E8%82%89%E9%85%B8%E7%97%9B-%E4%B9%85%E5%9D%90%E5%B0%8E%E8%87%B4%E9%A0%B8%E7%B7%8A%E8%86%8A%E7%97%9B-%E4%B8%80%E6%9E%9D%E6%8C%89%E6%91%A9%E6%A7%8D%E5%8A%A9%E4%BD%A0%E6%B6%88%E9%99%A4%E7%96%B2%E5%8B%9E | 2022-01-27T11:57:47Z | zho | text/plain | 長時間喺辦公室工作,日日對住部電腦坐足全日,都一定成日頸緊膊痛,而有做開運動嘅都一定試過肌肉疲勞,酸痛感覺去到第二日都揮之不去。完全影響工作效率同精神,咁點得㗎!就等小編推薦一款任何地方都用得著嘅按摩機!
一部採用專利設計嘅肌肉按摩機,選用ABS加強材質,舒適磨砂手柄,配搭機身高品質金屬質感!千奇唔好俾專業級嚇怕,其實佢嘅用法係非常之簡單。
一手可握嘅按摩機,利用震動功能,放鬆筋膜同長期僵硬緊張嘅肌肉,提供四款形狀按摩頭:球型針對按摩手臂、腰背、臀部、大小腿嘅大肌肉;U型針對按摩頸部與脊椎、跟腱位;圓柱型針對深層組織,如經絡,手掌,足底等;平扁型則針對各肌肉部位嘅放鬆與塑形。
揀啱咗要用嘅按摩頭就可以按照自己需要,選擇合適嘅力度為肌肉放鬆。機身嘅LED觸控螢幕提供6種力度調節、電量顯示及開關控制。初次使用者建議先使用1或2力度,用作肌肉喚醒和康復訓練,作為日常舒緩放鬆用途。如果需要深度放鬆嘅專業健身人士,就可以按照個人體質而去選擇合適自己嘅力度。
按摩器內置2400mAh可充式鋰電池,6節高能電池為機身提供高倍率供電,能更加持久使用。而且一般按摩器都會發出噪音,但SND施耐德專業級按摩機採用空氣動力學降噪殼,多重聲學物料吸收震動發出嘅聲音,咁就無論幾夜返到屋企想放鬆吓,都唔會嘈到屋企人!
不過!每個部位按摩時間建議不要多於1分鐘。因為唔喺用得愈長時間,或者愈痛就愈有效。亦都唔好直接用按摩器對關節位置使用,會容易令關節造成勞損!留意自己身體情況去使用,切忌適得其反。
一部按摩機就可以滿足無論任何人都會面對嘅肌肉疲勞問題!係咪好心動呢!
依家就可以喺天貓利用「心動價」購買¥459 (原價¥2980)嘅加強款SND施耐德專業級按摩機,黑銀兩色俾你揀,配備6小時續航、LED輕觸式屏幕及4款按摩頭!重諗?快啲去睇下邊一個機款適合自己啦!
快啲買部返屋企好好舒緩你嘅肌肉疲勞,獎勵一下自己啦! |
https://kestrelkwan.blogspot.com/2013/08/ | 2022-01-22T00:23:23Z | zho | text/plain | 有無攪錯呀,要終止 blog!!!!!?????
我諗大家都應該睇到頭頂嗰堆紅字啦,真係有冇攪錯呀, 突然間話停就停,得嗰幾個月通知,臨時臨急,完全無心理準備下要即刻搵新竇,你哋知唔知邊個 blog 方便又易用呀!!
剛 click 過紅字的 link,發現原來編輯部之前有篇通告係話 Yahoo 早前收購咗 Tumblr blog,有冇 blog 友用過呢?
我習慣十點零十一點鐘度先落街買餸,平時呢個時間靚嘢都已經賣得七七八八,但今日就多多都有得你揀,見到菜檔阿哥仲喺度將某部份唔太賣得嘅蔬菜收起,之後就聽到有個師奶話:「啲菜賣到咁貴,我哋買唔落手之餘,你哋都無生意!」唉,都唔知要捱貴菜捱到幾時,唔通日日食椰菜同蘿蔔咩!
咁攪法,真係要慳啲先至得!上星期買個南瓜,一半煲糖水,一半就用嚟燜排骨;星期日就用咗半條紅蘿蔔炒韓國粉絲,剩番嗰半條就留嚟今日整甘筍蛋糕,夠哂資源增值喇啩!
應該要再減多少少,所以呢次個蛋糕偏濕,都係鍾意乾啲嘅 texture。
今次無將合桃混入麵糊裡面,就咁灑喺面,合桃就香脆得多哦!
想知道點整嗎?快啲睇番《美式甘筍蛋糕》個食譜啦!
每次整完瑞士雞翼之後,啲瑞士汁總係會有排擺,但擺得耐又會變,即使放雪櫃都會發霉,但係我又好唔鍾意短期內食重覆餸,起碼幾個月後先會再整同一樣嘢,所以個汁都會用咗嚟煮餸調味同燜餸。
之前買咗個南瓜,一半用嚟煲渣咋,另一半就留番嚟燜餸。栗子燜雞就整得多兼食得多,今次攪攪新意思,栗子南瓜加瑞士汁燜排骨啦!
- 排骨洗乾淨後用醃料醃好;南瓜洗刷乾淨外皮,切去上下瓜蒂,開邊後去瓤,切細件。
- 栗子去衣去殼;冬菇用清水浸發後切去菇蒂;素雞沖洗後切粗片。
- 京蔥切去頭尾,將白色部份切粗片;乾蔥頭去衣,小部份開邊,備用。
- 燒熱油,將素雞片落鑊煎至金黃,盛起。
- 部份京蔥、開邊乾蔥頭、薑片及蒜子落鑊爆香。
- 加入排骨,灒酒,兜炒片刻,然後加入調味料及適量水。
- 翻滾後加入栗子同冬菇,轉慢火燜至排骨八成熟。
- 加入素雞、南瓜及剩餘乾蔥頭及京蔥,繼續燜至南瓜腍身。
- 最後灑上麻油,兜勻後即可上碟。
同調味料去燜,想唔香都幾難啦!
因為唔想食太多肉,所以加咗條素雞落去撐場。
- 請參考《醃肉基本法》內基本醃肉步驟。
- 栗子去殼方法,可參閱《栗子去殼及去衣方法》。
- 想於短時間內浸軟冬菇,請參考《浸發冬菇方法》。
- 若材料已經燜好但仍留有大量汁時,可用粟粉水埋薄芡。
呢個包其實應該係星期一嘅出品,之但係嗰日個人勁攰,又有少少頭痛,加上大懶蟲爬咗入我個身體裡面,真係唔願攪咁多嘢,即使前一日已經準備好哂其他副材料都係無動力郁手整包,最後就淨係煎幾塊 pancake 食算數!
見今日突然可以 dayoff,加上天氣又涼咗好多,搓包都唔使身水身汗咁辛苦,就的起心肝整啦!
- 將麵粉、老麵、酵母、鹽同糖混合,逐少加水搓至起筋。
- 加油搓成麵糰後,繼續搓揉及摔打成光滑麵糰。
- 包入芝麻,以摺覆動作將芝麻均勻散佈整個麵糰。
- 麵糰排氣後平均分割成 4 份,分別滾圓,靜置鬆弛 10 分鐘。
- 麵糰壓平,將左邊 1/3 麵糰向內摺入,捏緊邊緣。
- 再將右邊 1/3 麵糰向內摺入,捏緊收口,將兩端輕輕搓尖成欖核形。
- 放上已墊入爐防黏蓆嘅烤盤上,發酵約 30 - 40 分鐘至兩倍大。
- 用水噴濕麵糰表面,灑上少量高筋粉。
- 放入已預熱至 190 ℃ 嘅焗爐內,焗約 35 分鐘至麵糰熟透。
- 將紫菜剪碎,加入豬肉鬆及白芝麻混合好。
- 麵包頂部切開缺口,唧入少量蛋黃醬,之後再加適量豬肉鬆,即成。
以上材料份量可做約 12 厘米長麵包 4 個。
Reko 咁講,四條友仔喺度猛唱歌,勁開心呀!
好明顯,呢條友仔唱得最大聲啦!
加埋 mayonnaise,好味!
- 老麵做法請參閱《燕麥包》。
- 斯佩特粉可用一般全麥粉代替。
後宮佳麗已經超過三千,確有人滿之患,為騰空出更多空間,要開始逐步向各佳麗下驅逐令。首當其衝嘅係榴槤貴人同蛋白貴人!
- 果蓉平均分成兩份,其中一份座熱水保暖。
- 將魚膠片放入凍水中浸至完全軟身,撈起,略為瀝乾水份後加入座熱果蓉內攪拌至完全溶解。
- 糖加水放入小煲內,開火加熱至 117 ℃ 煮成糖漿。
- 當糖漿開始滾時,用電動打蛋器將蛋白打至起泡。
- 將糖漿煮好之後,逐少倒入蛋白內,邊倒邊繼續打至 8 成企身成意式蛋白霜。
- 淡忌廉用電動打蛋器打至 7 成企身後,加入蛋白霜,輕手拌勻。
- 凍果蓉與暖果蓉混合,攪拌均勻,之後拌入蛋白忌廉混合物內。
- 將果蓉混合物倒入杯內,放入雪櫃內雪至凝固即可享用。
可重覆多次使用都唔易爛,而且外觀都不俗哦!
又唔太貴,相對合理,讚呀!
- 魚膠片必須逐片放入水中,確保每塊都接觸到水,易於浸軟。
- 混合咗魚膠溶液嘅果蓉必須座熱水保暖,避免魚膠有製作過程中慢慢凝固。
- 蛋白要放室溫回溫,若果太凍的話,當熱糖漿加入時會立即凝固成粒。
睇得我個 blog 耐而又細心嘅朋友都會知道我嘅口味,鍾意食啲乜,唔鍾意食乜都應該估到,卒之俾班太發現我勁鍾意食辣嘢㖭!
鍾意佢辣、鍾意佢易煮、鍾意佢好送得飯!!
咪睇見個 "血池" 就俾佢嚇嚫呀,查實都係整色整水,得個樣㗎咋!
想要食譜就睇番《麻婆豆腐》啦!
大家唔好誤會,我唔係幫某商品最代言人推廣產品,我講緊嘅係 biscotti 呀!
香口兼硬脆嘅 biscotti 配咖啡一齊食確實一流!
今次用咗開心果、杏仁、糖漬橙皮同迷迭香嚟整,超香口呀!
Lemon curd 真係咁有魅力!?
對於啲 “酸精“ 嚟講,梗係奉 Lemon curd 為極品啦!之但係,對於一個只有歲零兩歲嘅 BB 都有一定嘅吸引力就真係不可思議,即使酸到咪哂眼都不斷要問人拎嚟食,真係超癲呀!!
又有 blogger 跟我個食譜整過之後,對佢愛不惜手,短短幾個月就已經整過十幾樽,呢個就真係仲癲㖭!佢朋友食過佢整嘅檸檬醬之後大讚,仲叫佢整嚟放喺佢舖頭度寄賣㖭!乜真係咁好食咩!? 對我嚟講,Lemon curd 係好味道,如果唔係我都唔會再整啦!但就唔係好都超鍾意嗰隻囉,如果有得揀的話,我會比較鍾意 marmalade 多啲囉!
呢次我整咗兩樽 Lemon curd,一樽已經俾咗 Winnie,另一樽睇怕都有排先食得哂。所以星期日又叫埋兩名阿茂一齊,用佢嚟整檸檬醬罌粟籽蛋糕,咁就可以快少少食哂佢。
食街賣嗰啲仲 "贈送" 添加劑同防腐劑㖭!
攤凍後放入雪櫃,3 日後先食。
3 日之後就回油,蛋糕 texture 會比較油潤,好食好多㗎!
噚日突然間改到 5:00 pm 先開工,所以開工前變成有好大段時間得閒無嘢做,而且反正都過開去港島嗰邊,又去多轉蘇豪區,睇吓搵唔搵到「華記」先!
早排成日落雨,好彩我唔係貴人,每次出街時都唔係真係勁大雨嗰隻,嗰幾個星期,印象中都只係開過幾次遮咋!
出門口前已經落雨的話,我就可以揀對防水鞋嚟著,但唔好處係好重、好焗,所以唔落雨的話我一定唔會著,但係如果出門口時無預佢落雨,我就會著波鞋返工,萬一中途落起雨上嚟咁就出事喇,因為對波鞋身經百戰,個底開始穿,咁咪入哂水囉,如果唔好彩的話,對腳分分鐘 “噏“ 足大半日,從來無腳汗嘅我都 “噏“ 到腳都臭,仲勁唔舒服㖭啦!而且近排先發現連對勁重嘅「Timberland」個底都開始擘大個口,上次一路行緊時,幾驚佢中途突然甩底,咁就真係勁樣衰囉!所以都係要的起心肝去買對新波鞋!!
講開買波鞋,我諗都無乜人會好似我咁樣,十幾年嚟都只係買同一牌子、同一款式兼同一顏色,點解要咁?皆因我對腳係有啲事,類似扁平足、高足弓嗰類問題,再加上 O 形腿問題都幾嚴重,用腳掌外側落地行路,所以行無耐已經覺得好攰,而且我係上門教學生,行路又特別多,所以著對有前後 cushion 嘅波鞋就舒服好多。但問題係,著波鞋返工又好似唔係咁似樣,話哂都係老師,教自己私人學生都還好,如果係返中心同琴行教就唔係咁好喇!所以之前媽咪就話一定要買對全黑嘅波鞋,望落唔係咁覺眼。之但係,行勻成條波鞋街,有邊隻牌子有出到全黑色兼仲要前後都有 cushion 呢?答案咪就係得「Reebok」一隻囉!所以自此之後就再無買過其他牌子款式喇!
上星期其實已經出去旺角波鞋街睇過哂,格過哂價,間間都賣 $4XX - $5XX 呢個價,睇見都呆咗,因為咁多年以來都係賣緊大約 $350 ,做乜突然貴咁多嘅,完全 out of budget,但都無辦法啦,鬼叫一定要買佢咩!行吓行吓,唔經唔覺,原來時間已經差唔多要教學生,但仲未食 lunch,咁就所以無買到。點知噚日返工前又再出去買過,發覺好多間都做緊特價,$3XX - $4XX 已經有交易,行哂咁多間舖頭格價之後,最終以 $345 扑槌成交,真係人都癲呀,早一個星期同遲一個星期買,價錢可以相差咁大,好彩上次唔夠時間買啫,如果唔係就 “豬” 到爆,我個心肯定俾我揼到去背脊呀!!
煮咗參巴辣椒醬,唔會淨係用嚟點嘢食咁齋,打番開食譜睇睇,原來都有好幾個食譜都好吸引,又煮魷魚、又煮蝦、又煮魚,個個我都想試,貪心嘅我卒之嚟個海鮮大集匯,一次過滿足哂幾個願望!
- 魷魚去衣、去骨、去墨囊,洗淨後切圈;蝦背切開,去腸後洗乾淨。
- 青口同帆立貝洗乾淨;翠玉瓜洗淨,切頭尾,用滾刀切件;青檸刨出皮茸及榨汁。
- 將以上全部材料逐一汆水,之後過冷河,瀝乾水份備用;阿參醬用少量熱水開勻。
- 燒熱油,將參巴辣椒醬爆香,之後加入阿參汁略炒。
- 放入翠玉瓜及蒜片兜炒,然後將全部海鮮料加入,快手炒兩下,加入其餘調味料兜勻即可上碟。
有無發覺今次碟餸比起上次煮嗰個辣椒醬紅好多呢?哈哈,做咗小小手腳嘛!
加咗少少韓國辣椒粉落去整色整水,而且辣味又再香濃啲㖭!
加埋阿參醬同青檸汁一齊煮,酸酸辣辣,都幾醒胃㗎!
為健康著想,就算麻煩都唯有照做啦,反正其他海鮮料都汆水。
- 參巴辣椒醬做法請參閱《參巴辣椒醬》。
- 想知多啲關於阿參醬資料,請參考《泰式酸辣雜菜湯》。 |
http://cmusichart.com/discuz/viewthread.php?tid=17175&extra=&authorid=44032&page=1 | 2022-01-24T03:20:54Z | zho | text/plain | 仲要粉紅A 甘高位 CM 會員 普遍同主流有距離 好懷疑結果公信力 !
獨家村入頭十就梗架啦 !
所以 得到46 位 真係黑人問號?!
得啦 我知自己煩啦 唔chur 喇 !
唔再講 排名喇 ! 唔好意思 !
請問我有咩咁顛? 有咩咁怨婦 ? 係咪提出問題就發顛?
你唔係處理問題 ,而係處理提出問題嘅人 ?
祖兒 ? 劣質歌代表歌手 CM 音樂口味咁高 唔會比佢嘅歌入十大?
比盡 佢只剩低 一着天窗 或者入到廿大 比盡係咁多啦 !
一樣唱得咁入戲 咁出彩 ! 容祖兒 太低質了 !
咁 天窗入唔入到 廿大 ? 呢個有意義啦何 ?
天敵係咪百大不入?
青春頌廿大內差唔多。
未來見 !
實至名歸 !
好勁!辛苦曬 chanchan 同 ed!
究竟 Kay 定 小明 邊一個 係 百大選 歌后 ?
假設第100位1分,第99位2分,如此類推,各歌手嘅總分(只列出有2首或以上上榜嘅歌手):
綜合 數量 和排名 係 10 年之冠 !
接替成為 廣東樂壇 新一姐 !
下一個十年 佢會交棒比 下一位女一 !
間唔中bin c , honey 睇左你份上 以後 bin 少啲!
但CM 係香港樂評界係有少少影響力 !
歡迎投入蒲銘心 懷抱 一齊支持心姐 ❤️。 |
https://unwire.hk/2015/09/08/hello-kitty/shop_guide/ | 2022-01-29T05:27:13Z | zho,eng | text/plain | Yahoo 別注版美國校園風 Hello Kitty 仲有兩日開賣啦!
之前 Yahoo同 Sanrio 合作推出「郵樂場Summer Fun」網上遊戲搞到個個朝朝十點鐘就神經緊張,爭住登記郵票。D 明信卡我就收得七七八八啦。今次「Yahoo購物」推出 Yahoo別注版美國校園風 Hello Kitty 毛公仔,限量 1,000隻,定價港幣 $188,唔知又會唔會好似 D 郵票咁,1分鐘就比人搶晒呢?
▲ 今次雅虎香港同 Sanrio合作推出嘅 Hello Kitty 毛公仔喺「Yahoo購物」四週年慶典壓軸活動。
▲ 想買嘅 Fans 記得 9月11日(周五)下午 4點上「Yahoo團購」訂啦!
訂唔到限量版 Kitty 公仔唔緊要,我仲想介紹呢個 Sanrio Character 角色造型燈俾大家每個 $129.9。只要兩粒 AA電池,輕輕一按就會著燈,可喺走廊、玄關、車內、梯間或床邊都得。雖然唔喺咩新科技,不過藍色蝴蝶結嘅 My Melody 就喺好可愛呢!
▲ 對於唔少 fans 嚟講,Kitty 都喺著藍色工人褲最好睇。
▲ 著燈之後,Kitty 個頭特別光呢!
▲ 粉紅色嘅 Melody 感覺好 sweet,放喺床頭應該可以瞓個好覺。
▲ 同 Kitty相反,Melody 個身比較光。
▲ 仲有今年人氣 No.1 嘅布甸狗呢!
▲成隻黃甘甘咁企喺度都幾搞笑。
得 4K 得英超?其實有嘢比 4K 睇波更重要囉! |
https://hkdecoman.com/article/51387 | 2022-01-21T23:52:27Z | zho,eng | text/plain | 睡房係我地每日補充睡眠嘅地方,溫馨嘅睡房設計,良好嘅睡眠對身體健康有好重要嘅影響,可想言之睡房係家居裝修入面嘅重要性。當然,除咗裝修設計之外,睡房嘅擺設亦都好重要,隨時影響到你嘅健康,以下裝修佬同大家分享睡房唔適宜嘅擺設。
劣質嘅毛公仔唔單止會甩毛,材質可能會係黑心棉,好可能含有大量細菌,引起呼吸道同皮膚感染,影響身體健康。即使係質量再好嘅玩具,時間一長,都會因為外部污染而變成細菌滋生嘅源頭,建議毛公仔買返屋企,儘量唔好放係床上或床頭。
最好唔好係睡房度養魚,因為體積大魚缸嘅魚缸,散發嘅水汽多,會令室內濕度增大,容易滋生霉菌,導致生物性污染,魚缸嘅氣泵仲會產生噪音,影響睡眠,裝修佬建議最好將魚缸擺係客廳或書房。
綠色植物能夠淨化空氣,增加含氧量,仲可以舒緩緊張情緒,但其實,當夜晚光照不足時,綠色植物會吸入氧氣、放出二氧化碳。 睡房綠色植物越多,呼出嘅二氧化碳就越多,加上瞓覺時關閉門窗,室內空氣唔流通,就會令人長時間處於缺氧環境,造成持續性疲勞。
電視、電腦等電器工作時,產生嘅電磁波會係一定程度上干擾人嘅睡眠,影響健康。調查顯示,睡房電視仲會影響夫妻生活,令夫妻性生活減半,而唔睇電視嘅夫妻相比之下交流會多D,每次嘅語言交流基本可以達到15分鐘。
現時大戶型嘅設計,主人房一般都會帶有廁所,雖然沖涼如廁都唔需要離開睡房係好方便,但廁所就算再乾淨,異味同潮濕都係在所難免,尤其係多數都會無窗,廁所嘅濕氣難免進入睡房,而且潮濕嘅環境會令濕疹、皮炎以及真菌類皮膚疾病如皮癬、手足癬嘅發病率提高。
每日瞓醒時候應該第一時間開窗通風,皆因經過漫長嘅一晚,室內空氣充滿住二氧化碳,潮濕嘅環境有助細菌病毒嘅滋生,適當陽光、通風嘅環境令睡房更有助夜晚入睡,另外,睡房擺放嘅物品應該越少越好,太多雜物只會積聚更多灰塵,影響室內空氣。 |
https://zh-yue.wikipedia.org/wiki/%E7%86%B1%E8%A1%80%E5%85%AC%E6%B0%91 | 2022-01-19T17:17:11Z | zho,eng | text/plain | 熱血公民(英文:Civic Passion),係香港一個已經唔存在嘅修憲派政黨,喺2012年2月29號成立,自稱「非泛民主派、非香港本土派」,核心人物有鄭松泰、莊芷茵、王頴思、黃兆健同鄭錦滿。
佢哋主張「永續基本法」同「推動憲政改革」(但喺2017年,鄭松泰响內部錄音中指出「熱血公民」唔係本土派),開山鼻祖係黃洋達、陳秀慧兩公婆,佢哋亦創辦跨媒體平臺熱血時報。
2016年,佢哋同普羅政治學苑、香港復興會組成熱普城選舉聯盟,參選第6屆香港立法會選舉,結果只係憑鄭松泰贏得一個議席。2017年初,熱血公民同黃洋達嘅《熱血時報》分家。
2020年,熱血公民參與第7屆香港立法會選舉,大埔區議員黃兆健參選新界東選區、主席兼立法會議員鄭松泰喺新界西選區尋求議席連任,而黨員莊芷茵同鄭錦滿就喺香港島選區出選,熱血公民用「捍衞自由,保住香港,港人為大,自強不息」作為今次選舉嘅綱領,不過武肺第三波疫情爆發,佢哋卒之都冇參選。
熱血公民於2021年9月3號宣布解散,王頴思、黃兆健亦都喺同日成為香港民主派區議員辭職潮嘅犧牲品,亦令佢哋而家已經冇晒區議會議席。
呢版上次改係2022年1月3號 (禮拜一) 01:48 嘅事。 |
https://zh-yue.wikipedia.org/wiki/%E5%95%AA%E5%95%AAPartner | 2022-01-21T03:06:02Z | zho,eng | text/plain | 《啪啪Partner》(Talker: Pak Pak Partner)係香港電視娛樂製作嘅清談節目,《啪啪Channel》續作,2019年4月29號到2020年4月27號開始逢禮拜一23:30-00:00(晚吹時段)喺ViuTV播出[1],每集節目都會講同性有關嘅主題,總共有兩輯。第一輯裏面,會邀請一對伴侶分享各人對性嘅睇法同埋經驗,增長性知識;第二輯就增加咗主持陣容,用佢地嘅睇法同埋經驗討論嗰集嘅主題。
第二輯只有客席主持,冇嘉賓。
27 11月5號 我愛交友Apps?
2019年7月1號:由於突發新聞直播,所以臨時停播一次。
呢版上次改係2021年5月18號 (禮拜二) 02:48 嘅事。 |
https://zh-yue.wikipedia.org/wiki/%E6%BE%B3%E9%96%80%E5%A8%81%E5%B0%BC%E6%96%AF%E4%BA%BA | 2022-01-21T14:46:55Z | zho,eng | text/plain | 搵緊第二個意思嘅話,請睇「威尼斯人」。
2014年6月19號嘅《太陽報》報道:
2014年7月15號嘅《太陽報》報道:
响2008年2月15號,澳門人鄧詩蘊喺威尼斯人娛樂場玩老虎機時,中咗「日日角王霸主」大獎,職員行埋去通知佢,贏得咗105.56萬彩金同澳門威尼斯人酒店嘅兩晚免費套房住宿,翌日有頒獎儀式,並叫佢攞出身份證同喺張聲明書上面簽名。到咗2008年2月16號,鄧女士由職員帶到頒獎現場,跟住有另一個職員嚟到,問佢係唔係有親屬喺嗰間公司做嘢。鄧女士答咗佢話阿哥係之後,職員即刻拎份文件出嚟,指出因為有條款規定,該公司工作人員親屬冇資格參加上述遊戲,所以佢唔合資格,冇得收彩金。然後,鄧女士要求職員將此事通知博監局,有一個應聲走咗,返嚟時話畀佢知,該局唔受理。鄧女士家人等到2008年2月18日辦公時間,為此打電話去博監局,被邀請去筆錄,並獲答應為佢跟進。
鄧女士响2008年2月18號向《澳門日報》投訴時指,由申請用嚟投注有關老虎機嘅會員咭,至到準備攞上述大獎之前,一直冇聽聞嗰條規則存在;職員只係會提醒佢,將張咭插啱位嚟操作部機,就可能會中獎;之前嘅輸錢投注以及兩次攞到價值30蚊嘅獎勵,都無被阻止;賭場嘅廣告、宣傳單張同老虎機上面亦冇呢啲字句。
《澳門日報》响2008年2月23號轉述鄧女士話,對該局嘅裁決好唔滿意,認為對澳門人好唔公平,又提及之前唔夠秤嘅香港人阿彤犯規入場,都攞到獎金……重指摘間賭場賠細唔賠大,又唔答員工家屬輸嘅錢會點樣處理,質疑賭場自訂嘅規條似乎凌駕於法律之上,希望政府同傳媒關注……佢誓言爭取到底。
「博監局」係「博彩監察協調局」嘅簡稱。文章當中嘅錢銀都以港圓做單位,統統寫成約數。
呢版上次改係2021年12月26號 (禮拜日) 20:19 嘅事。 |
https://www.school-dad.com/%E9%96%8B%E7%AE%B1%E6%96%87-%E5%B9%BC%E5%85%92stem%E7%8E%A9%E5%85%B7%EF%BC%9A%E8%87%AA%E8%A3%BD%E8%BF%B7%E4%BD%A0%E5%90%B8%E5%A1%B5%E6%A9%9F/ | 2022-01-24T19:12:24Z | zho,eng | text/plain | 估唔到我都有得寫下開箱文,不過唔係介紹潮流科技玩物,而係講下比阿囡玩既STEM玩具。
話說老婆係淘寶度見到有教小朋友STEM既教具,仲要平到笑,叫我揀個比阿囡。心諗STEM都有得淘,我推STEM咪仲快過教育局? 二話不說就揀左比老婆落埋單。過左3日就收到。
我地揀既set總共有6個可以自己整既小玩具。睇開箱文梗係要睇下個箱:
打開入面係6 pack獨立包裝既玩具,老婆話不如玩左個迷你吸塵機先。打開個pack入面有:
未同阿囡「動手」之前同佢講下個智識卡片先:
原來吸塵機係用左個叫伯努利定律 (Bernoulli’s principle)既原理,簡單地講就係話當d空氣由闊位流入窄位時會加快,所以部吸塵機用條幼長既管(即係個窄位)黎吸野個吸力就會大左(唔知我講乜唔緊要,你部吸塵機唔會因為你唔識呢個原理而唔work)。
同阿囡講完見佢都係心急想動手,於是就同佢一齊跟住個說明書開始砌。打開d材料發現有個parts壓爛左…老婆用d膠紙痴返我地又繼續整。
d parts其實都幾細下,阿囡一向唔算手巧,所以整左好耐都唔係好整到,結果都係要我幫佢整 (e.g. 例如上好細既螺絲):
登登登凳!前前後後同佢整左15分鐘左右就整完:
其實覺得阿囡若大少少或者手再巧d應該都幾容易完成。基本上要既材料都有齊,除你要自己拎膠紙痴下野之外。
整完阿囡好興奮咁想試,我地拎左d擦膠碎黎試…又真係吸到woh。
呢個時候老婆行埋黎淡淡咁講:「好啦,以後可以用呢個黎吸你枱面d擦膠碎啦」。
原來除左有得玩、有野學、有親子…老婆買呢舊野仲有hidden agenda: 「清潔你張枱」。不由得對老婆既深謀遠慮拜服。
講真究竟咁樣係咪叫做STEM?我真心唔知。但睇到阿囡有份動手做,整完出黎開心地試驗佢個製成品,係唔係STEM又有乜所謂呢? |
https://caijingcarefree.blogspot.com/2011/01/blog-post_28.html | 2022-01-26T07:22:57Z | zho | text/plain | 投資澳博最大風險?
上回講到,賭王爭產,為成香港最好睇賀歲劇,日日高潮,單嘢有排玩。
12月中,老賭王將7.7巴仙股權,轉讓俾四太之後,德銀分析員仲喺電郵同客仔講,可以減少澳博股權繼承問題不明朗因素,今個星期初,澳博停牌宣布二三房瓜分老賭王名下澳娛股份,又跳出嚟唱好,話一天光晒,調高目標價近兩成到14.7元,錯到離罩。
不愔豪門恩怨,亦唔識國策方向,濠賭股分析員,可以話係全港澳最水皮一班。過去兩年,基本上間間大行都唱好濠賭股,但係基本上個個都睇錯市。德銀當日湊澳博上市,理論上,應該好了解澳門賭業生態,但係舊年今日,德銀話澳博12個月,目標價只係睇5.7元。高盛08年11月,俾銀河娛樂(027)12個月目標價,你估幾多,八毫子,之後兩年,將目標價調高19次,幾乎月月一劑,認真兒嬉。
濠賭公司同香港零售公司股價,呢兩年升幅驚人,越升越有,原因得兩個,第一係自由行政策鬆咗,多咗大陸同胞嚟港澳洗錢;第二個原因,就係呢班人有錢咗,加埋人民幣升值,由消費力到消費意欲,大大增強,國人出入旅遊,短期政策或有變動,大趨勢必定越嚟越自由。
長賭必輸,澳門舊年賭金收入1880億(澳門元,下同),按年升近六成,再創新高,其實話你知,你睇,你班傻仔又輸咗千幾二千億。幾間濠賭股,唔計近日大插嘅澳博,市盈率全部50倍以上,基本上假設咗賭金收入,每年要有三四成升幅。
共產黨員唔準賭錢,巨型國賺過千億,多數即時有更重國家責任,澳門賭場每年賺千幾二千億,近一半被美國佬袋走,仲話每年增加三四成,如果唔好好利用,一定唔啱阿公胃口,大陸未來五年玩收入再分配,澳門賭業發展最大問題,正正係賭金巨額收益,從來冇一套完整再分配思路。
澳門財政儲備,超過1100億,人口55萬,人均20萬元,如果咁都搞到差佬喺示威人士面前向天開槍,個政府認真唔掂,澳門政府水浸,但住公屋人口比例,佔人口唔夠兩成,即係話唔係冇錢起公屋,而係冇土地,變晒賭場酒店。
澳門未來發展,可以想像,會先學新加坡,搞到幾乎人人有公屋安居,大增社會福利,人人開心之後,再向賭場開刀,加博彩稅或引入新稅種,將賭金收益,支持珠海發展。
虎年最後一章,借老賭王一句,祝中港台澳以和為貴,和氣生財,開開心心迎接新年。 |
http://www.hkplayndine.com/2016/01/blog-post_27.html | 2022-01-24T11:51:07Z | zho,eng | text/plain | ,自己訂導賞團嘅話,仍然係一位難求!園區分做博物館區、景觀園區與人工湖區,係亞洲第一座以亞洲藝術文化為主題並結合台灣文化嘅大型國家博物館。雖然展廳內容無台北館咁豐富,但好多藏品都好珍貴㗎,仲有「真.翠玉白菜」睇添~(逢星期一休館,想join團嘅潮友請留意) 喇。
上網睇資料排行程時,有潮友推介表示可以上網參考《KKday》嘅Local Tour,包車比的士平,台中一天遊團有好多選擇,而且望極啲地方都未去過,PND今次就join咗2個一天團,價錢大概HK$300-400左右,包來回車程、2-3個景點嘅入場費同午餐,仲有司機叔叔做導遊,人少少,堅抵。
唔只台中,佢地仲有好多其他地方嘅local tour,plan緊去旅行嘅潮友們,如果有興趣join團或者想知多啲資訊,可以直接click入PND instagram Profile最底嘅網址,去PND嘅官方blog睇更多一日團嘅資料呀!
—— 台灣最大嘅日式建築群聚落,一共有28棟京都和風味濃郁嘅歷史建築,連「KANO」都係喺呢到拍㗎。行完森活村,再向前行少少就係《北門驛》。
北門車站建於明治43年 (1910年),成棟建築都係以阿里山特有嘅紅檜為主要建築材料。而家個車站仲連行緊嫁,可以搭阿里山號去奮起湖或者嘉義,但係班次就好少,潮友有時間嘅不妨搭下黎個時光旅行啦。
去完小日本,帶你返番老台灣。
呢棟咁有古早味嘅《玉山旅舍咖啡》已經有60年歷史,全靠當地嘅嘉義市洪雅文化協會自發協力修葺先可以保留到當年旅店嘅外貌。小店裡放滿黑膠唱片、烏絲燈、阿嬤年代嘅花布、塌塌米、彩磚浴缸、通花窗簾。坐喺到飲杯果醋/咖啡,食件餅乾,有周董回到過去嘅fu! |
https://hkcashrebate.com/hsb-winter | 2022-01-27T01:54:43Z | zho | text/plain | 今期恒生信用卡出咗個冬日激賞promo,攞嚟簽賬買嘢同交稅都可以賺到額外回贈,夾埋最多可以賺到成$1,400 Cash Dollar呀!如果係用恒生銀聯信用卡嘅話仲有雙倍獎賞!
由2021年12月1日至2022年2月28日,一經登記,由登記日起憑恒生信用卡作合資格簽賬(只計算單一簽賬額滿$600嘅簽賬),可享以下優惠*:
合資格交易為客戶憑合資格信用卡於本地、海外及網上單一零售簽賬淨值滿 HKD600 或以上之交易(「合資格交易」)。合資格交易並不包括網上繳費(包括但不限於繳交水費、電費、保險費、其他銀行及信用卡賬項等)及交稅之交易、電話 / 傳真訂購(包括繳費及購物)、購買禮券、分期付款、結餘轉戶、分拆簽賬、「八達通自動增值」款項(包括透過電子錢包或任何其他途徑增值Smart Octopus)、購買及 / 或充值儲值卡或透過電子錢包的簽賬交易、於金融機構 / 非金融機構購買產品 / 服務的交易(包括但不限於外滙、滙票、旅行支票、存款及過數 / 轉賬及Plus500、IG.com等交易平台之簽賬)、自動轉賬、現金透支、現金透支手續費、信用卡年費、財務費用、逾期費用及常行付款授權指示之交易、或任何以大學/大專聯營信用卡所作之學費 / 考試費用 / 書店簽賬,有關簽賬定義詳情請瀏覽恒生網頁。任何被發現為虛假或最後被取消 / 退回之交易,皆為不合資格之交易及不適用於本推廣。有關回贈將於2022年5月31日或之前入賬。
今次呢個算易明,週末賞就係週末指定類別單一簽賬滿$600就回$50/$100;然後日日賞同累積賞就係每月/全期簽夠數(只計算$600或以上單一交易)再有回贈。少嘢簽嘅話可以剩係玩週末賞賺佢一兩單都得。
咁如果用mpower ,即係全期可以玩9次週末賞拎曬450,如果簽唔夠6000都得? |
https://www.ilovemama.com/dalasfirenze2/ | 2022-01-28T16:11:45Z | zho,eng | text/plain | 天氣愈來愈凍,見太陽嘅時間愈來愈少。上星期周末難得有好陽光🌞,搵個戶外地方玩下。
上 Google map 打「park」,發現市內有唔少大公園。見 Heaton Park 近近地,搭巴士好快到🚍,就去呢度啦~。
Heaton Park 係歐洲最大嘅市政府公園,真係超級大,大到我都唔知可以點形容😅,附有哥爾夫球場。公園有好多個入口,我哋睇住地圖,揀咗個最近巴士站嘅入口 (Gate 3) 落車。一入去,感覺好似以前喺香港行山咁,高樹🌲、大草地,一望無際。宜家唔洗行上山,都可以隨時見到呢 d 靚景,賞心悅目🥰,仲有唔少松鼠走黎走去。
除咗周圍都係樹同草地之外,亦有小朋友遊樂設施、小農場🐖🐎🐏🐤🦆、可以坐船仔嘅湖、多間小食店。行咗一段時間,太凍,可以入小食店暖下個人。呢度嘅洗手間都算乾淨,帶小朋友黎都好方便。
我哋 1pm 到達公園,4pm 離開,都行唔晒整個公園呀。公園對面有 Sainsburys 超市🛒,行完公園,過去買埋餸,啱晒! |
https://www.mysishop.com/113290.html | 2022-01-25T10:29:04Z | zho,eng | text/plain | 買滿約HK$780即免費速遞寄香港/澳門。
Onitsuka Tiger呢對Mexico 66都係品牌嘅暢銷熱賣款式呀~全白鞋身上以紅藍標誌線條作為裝飾,對明鮮明搶眼,襯休閒定帥氣風穿搭都一流架,超百搭~折完只要HK$490就買到,即搶購啦!
Onitsuka Tiger超經典嘅波鞋最大亮點係舒適嘅鞋頭同柔軟嘅鞋跟,著落去舒適以及有緩震效果,活力十足。香港一對要HK$750,折後HK$529,好抵呀!
品牌人氣Mexico 66系列,以網球鞋原型為設計基礎,加入Vintage元素,鞋頭有通氣孔以及有厚實具緩衝性嘅鞋底設計,行得耐都唔驚辛苦啦。香港要HK$850一對,而家最新粉紅色折後HK$518,有碼好搶啦!
溫馨提示✅ 買滿約HK$780即免費速遞寄香港!
埋單輸入Promo Code優惠碼 :【 FORYOU15 】,即有 85 折優惠!
← 媲美LC鍋性價比極高!Lodge人氣鑄鐵鍋大減價,最平HK$140就入手啦!
入手今季最新色? Balenciaga老爹鞋Triple S 低至香港價錢52折!
英國網Endclothing限定一日免運費,精選 4 大歐美牌人氣百搭Tee!
Converse帆布鞋65折大劈價!經典All-Star最平HK$301 + 免運費! |
https://o2o.shopping/product/%E3%80%90%F0%9F%87%AF%F0%9F%87%B5%E6%97%A5%E6%9C%AC%E9%80%B2%E5%8F%A3-kakusee-%E9%9B%99%E5%B1%A4%E4%BF%9D%E6%BA%AB%E5%A3%BC-400ml%E3%80%91/ | 2022-01-18T03:53:55Z | eng,zho | text/plain | 又比同事搵到荀野🥳!日本大減價~正啊❤️!
想日日食到熱湯熱餸🍲?揀呢款就最啱你💋!
日本雙層保溫壺,真空雙重結構🉐,能長時間保持食物溫度🔥,保暖效果大大提高🌈!
內膽係不鏽鋼材質🌟,有陶瓷塗層加工,唔易粘底🛡️~非常易清潔💦!
今次有3個色可以揀🌈,有400ml咁大😆!
密封性好唔易漏👍,外型輕巧,放手袋都唔怕整濕啦🤗!
平時帶點湯水放辦公室,或者帶寶寶出門,不怕飯菜凍晒啦🉐! |
https://discuss.stickyricelove.com/t/topic/6142 | 2022-01-26T10:18:59Z | zho | text/plain | 女朋友上次12月23黎M,30號完,1月7號晚發生2次關係!
懷孕係因為卵子同精子相遇、卵子受精、受精卵著床而造成嘅。排卵期係要等月經出現之後先可以計算返,而月經係會受好多唔同因素影響,例如荷爾蒙水平、飲食、作息、壓力、藥物等等,所以我哋可能準確咁判斷究竟幾時會排卵、幾時會月經。因此,無論喺月經週期嘅邊一日,陰道/陰道口同陰莖/陰莖分泌物(包括精液同埋尿道球腺液,陰莖喺受到刺激嘅時候會分泌尿道球腺液,當中有機會含有少量精子)有接觸,咁都會有一定嘅懷孕風險。
緊急避孕藥係靠高劑量嘅荷爾蒙去抑制排卵、增加子宮頸分泌物嘅粘稠度令精子難以進入身體、同埋改變子宮內膜嘅環境令受精卵難以著床,從而達致避孕嘅效果。要提醒你哋嘅係,事後藥喺香港係處方藥,要由醫生處方先可以食,未經醫生處方而買到嘅避孕藥我哋好難去判斷佢嘅藥效。如果女朋友有喺性行為72小時/120小時內睇咗醫生服用咗緊急避孕藥,服用之後冇嘔吐或者嚴重腹瀉,咁懷孕風險係好低嘅。
都想你同女朋友知道,正正因為事後藥有高劑量嘅荷爾蒙,服用之後有機會影響1-2次月經週期嘅情況(例如月經週期長度、流血量 、流血日數、經痛程度等)。而且,同一個月經週期內唔建議食用兩次緊急避孕藥,所以有啲醫護人員會建議:服用完緊急避孕藥至到月經出現期間,唔好發生陰道陰莖插入式嘅性行為住,你哋可以考慮參考呢個建議。
如果你哋好擔心懷孕風險,可以考慮自行驗孕。驗孕係檢查身體內有冇hCG,hCG係受精卵著床之後身體會產生嘅激素,而卵子受精著床要6-9日時間。所以,喺性行為7日後(1月14號)驗孕,會得到初步結果;而11日後(1月18號)進行驗孕,會得到相對比較準確嘅結果。你哋可以購買驗孕棒,根據包裝/說明書上嘅指示去驗孕。
最後提醒返你哋,每次發生性行為嘅時候,記得全程正確咁使用安全套,咁就可以更加安心啊!
或者你哋都可以商量下,睇下女朋友會唔會考慮使用其他避孕措施,例如荷爾蒙避孕法,避孕成功率喺正確使用嘅情況下有約99%,包括避孕針同避孕藥。避孕針要由醫生檢查女朋友身體狀況之後覺得適宜使用先注射。而避孕藥雖然相對容易買到,我哋都建議第一次服用之前去睇下醫生,諮詢下意見,睇下女朋友嘅身體係咪適合、適合邊一款避孕藥。如果有需要嘅話,可以去家計會診所/母嬰健康院/部分私家診所預約見醫生。
同埋想你哋知道,避孕針同避孕藥並唔能夠好似安全套咁,有減低性病傳播同其他感染(例如尿道炎、念珠菌感染、龜頭炎、陰道炎等)嘅風險。你哋都可以考慮使用荷爾蒙避孕法嘅同時配合埋安全套一齊使用。
排卵期係要等月經出現之後先可以計算返,而月經係會受好多唔同因素影響,例如荷爾蒙水平、飲食、作息、壓力、藥物等等,所以我哋可能準確咁判斷究竟幾時會排卵、幾時會月經。
之前都有解釋過,排卵係唔能夠準確推算到嘅,除非每日都係醫護人員嘅指導之下用排卵試紙進行測試。即使女朋友以往嘅月經週期都穩定,都唔代表佢嚟緊一定會20號嚟。尤其服用過緊急避孕藥,排卵同月經都有機會受到影響嘅。
現時女朋友如果已經依照醫生處方服用事後藥,並冇嘔吐或者嚴重腹瀉,其實避孕成功率都好高。除咗等到性行為11日後進行驗孕,暫時都冇其他嘢可以做到。建議你嘗試放鬆下心情,耐心等待下。 |
https://netgear.techgear.com.hk/collections/d-biz/products/sxk80 | 2022-01-19T16:24:01Z | zho,eng | text/plain | 無需使用 VPN Client 軟件、🙅🏻 無需 2FA 雙重驗證、🙅🏻 無需怕 WFH 員工喺屋企唔識登入 VPN,✅ 佢哋只需連接 Orbi Pro 嘅 WiFi,就會自動接通公司 VPN,好輕鬆就可以存取公司 Server、Remote Desktop、CRM 系統、Email 系統等等 👌🏻。
一切變得簡單又安全,減輕 IT 部門負擔,亦令公司運作變得更高效率、更順暢 📈。
* Insight Business VPN 為付費服務,Update Firmware 後可享有 30 日免費試用。
商用版 Orbi Pro vs 家用版 Orbi Mesh WiFi 有何分別?
了解更多 Orbi Pro vs Orbi 或 SXK80 vs RBK852 之比較。 |
https://zh-yue.wikipedia.org/wiki/%E9%98%BF%E6%8B%89%E4%BC%AF%E6%96%AF%E5%8D%A1 | 2022-01-26T15:04:37Z | zho,eng,fra | text/plain | 一位男芭蕾舞蹈員喺度做半腳尖企嘅 90 度阿拉伯斯卡舞姿。
圖中嘅女舞蹈員喺男舞蹈員支撐下做出傾斜阿拉伯斯卡。
阿拉伯斯卡舞姿(粵拼:aa3 laai1 baak3 si1 kaa1 mou5 zi1;英文:arabesque;法文讀音:[aʁabɛsk];呢個字係法文裏面「阿拉伯式」噉解),簡稱阿拉伯斯卡,係源自芭蕾舞嘅一種舞步,喺 1820 年由意大利排舞師卡勞·貝里西斯(Carlo Blasis)正式定名[1][2]。阿拉伯斯卡舞姿嘅動作包括:
手臂嘅位置唔定。
阿拉伯斯卡舞姿目的係要令成個身體形成一條由膊頭一路延伸落去抬起髀嘅腳趾尾嗰度嘅線,達到一個靚嘅視覺效果[4][5]。
阿拉伯斯卡可以按手嘅擺位同條抬起髀嘅高度再細分做幾種:其中一種最出名嘅阿拉伯斯卡係所謂嘅傾斜阿拉伯斯卡(arabesque penché),就係指抬起髀抬起嘅角度大到抬起髀腳板嘅位置高過個舞蹈員嘅頭[6];呢種阿拉伯斯卡常見於由一男一女舞蹈員所跳嘅雙人舞(pas de deux)-就算對專業嘅舞蹈員嚟講,傾斜阿拉伯斯卡都唔係一個易做嘅動作,而一種常見嘅方法係由一位強壯嘅男舞蹈員支撐一位身體柔軟嘅女舞蹈員,再由女舞蹈員一路用佢舞伴做支撐一路做出傾斜阿拉伯斯卡[7][8]。
喺古典芭蕾舞當中,阿拉伯斯卡係一種相當有挑戰性嘅進階舞步,有唔少舞蹈員都興用「自己做阿拉伯斯卡做得有幾靚」嚟衡量自己嘅水準。例如好多專業嘅芭蕾舞蹈員都會記住自己嘅最大阿拉伯斯卡(maximum arabesque)-指佢喺唔犧牲流暢度同精確度之下,做阿拉伯斯卡條抬起髀可以去到幾高[4][9]。
喺兩廣同港澳地區通用嘅英國皇家舞蹈學院(Royal Academy of Dance,RAD)標準當中,阿拉伯斯卡可以按手臂嘅位置分做三大種-喺做阿拉伯斯卡嗰陣,身體最長嗰條線條係由手指去到腳趾嗰條,所以手臂嘅位置會明顯噉影響一個阿拉伯斯卡所形成嘅線條同美感[5][10]:
第一阿拉伯斯卡(first arabesque):支撐髀伸直或者處於髀屈曲(plié)嘅狀態,抬起髀要伸到直一直,抬起髀仲掂住地(抬起角度細)或者離咗地都得,雙手擺位如下[5]:
同支撐髀同一邊嗰隻手臂就指向前,手掌最少同膊頭同一高度。
簡單啲講,如果抬起髀近觀眾嗰邊,第一阿拉伯斯卡就係俾觀眾睇到自己嘅心口。
第二阿拉伯斯卡(second arabesque):髀同身體嘅狀態同第一阿拉伯斯卡相同,不過雙手擺位就如下[5]:
同支撐髀同一邊嗰隻手臂就伸出向側或者向側後(又係類似第二手位)。
簡單啲講,如果抬起髀近觀眾嗰邊,第二阿拉伯斯卡就係唔俾觀眾睇到自己嘅心口。
第三阿拉伯斯卡(third arabesque):以第一或者第二阿拉伯斯卡做起始,雙手手臂向前而且伸到直一直,兩隻手臂之間有大約一隻腳板咁遠嘅距離;跟住同支撐髀同一邊嗰隻手臂係噉咦提高,令手掌去到至少同頭頂一樣咁高嘅位置,而另外嗰隻手就下降[5]。
傾斜阿拉伯斯卡(arabesque penché / arabesque penchée)指「抬起髀抬起嘅角度大到抬起髀腳板嘅位置仲高過個舞蹈員嘅頭」嘅阿拉伯斯卡。呢種阿拉伯斯卡通常要喺雙人舞(pas de deux)先會見到:傾斜阿拉伯斯卡通常淨係會喺雙人舞當中見到:就算對專業嘅舞蹈員嚟講,獨力噉做傾斜阿拉伯斯卡都係一個高難度動作,所以芭蕾舞排舞一個常見嘅做法係,要一位強壯嘅男舞蹈員支撐住一位身體柔軟嘅女舞蹈員,再由女舞蹈員一路用佢舞伴做支撐一路做出傾斜阿拉伯斯卡;不過喺現實應用當中,獨力做傾斜阿拉伯斯卡係有可能嘅[11]。
華加諾娃嘅相;1910 年影嘅。
華加諾娃(Agrippina Vaganova;俄文:Агриппина Яковлевна Ваганова;1879-1951)係芭蕾舞大國俄羅斯史上一個相當著名嘅芭蕾舞老師,佢創始咗佢一派嘅芭蕾舞訓練法,而且仲寫咗唔少文獻,討論佢對芭蕾舞各方面嘅見解[12]。
華加諾娃睇過當時法國(另一個芭蕾舞大國)同意大利(芭蕾舞發源地)嘅芭蕾舞蹈員所做嘅阿拉伯斯卡,而佢認為兩者都有明顯嘅缺憾:法國嘅阿拉伯斯卡涉及個舞蹈員背脊太過向前傾,搞到個舞蹈員唔能夠用背脊嘅肌肉製造用嚟旋轉嘅動量;意大利嘅阿拉伯斯卡嘅背脊保持直一直,好多時會搞到個舞蹈員唔自覺噉屈曲咗雙髀,達唔到完美伸直嘅阿拉伯斯卡(好多芭蕾舞評論家都認為,雙髀伸到直一直嘅阿拉伯斯卡先最有美感);佢亦都認為,其中一隻手臂去第二手位嘅位置唔夠表現力... 等等[13]。
華加諾娃最後提出咗佢一套嘅阿拉伯斯卡做法:佢要舞蹈員嘅身體喺做阿拉伯斯卡嗰陣係噉咦向前傾(因為佢認為點都要對後面嘅抬起髀作出一啲抗衡),同時背脊又要係噉咦彎曲[14];而佢個做法將阿拉伯斯卡分咗做四種,假設舞蹈員面向舞台嘅左(由舞蹈員角度睇)前角嘅話[15][16]:
華加諾娃式第一(Vaganova's first arabesque):左腳喺前(effacé),然後右髀抬起成阿拉伯斯卡,左髀完全掂地做支撐,然後將右手伸向觀眾嘅方向,而左手就伸向舞台左前角嘅方向,兩隻手踭都要指向下;舞蹈員對眼一般要望向左手所指嘅方向[15]。
華加諾娃式第二(Vaganova's second arabesque):雙髀做法同華加諾娃式第一相同,兩隻手踭都要指向下,右手向身體前方(en avant),而左手就喺左邊膊頭後方;而舞蹈員雙眼望向觀眾(épaulement)[15]。
華加諾娃式第三(Vaganova's third arabesque):右髀完全掂地做支撐,兩隻手踭都要指向下,左髀抬起成阿拉伯斯卡,將右手伸向側面,右手手掌嘅位置要(由舞蹈員角度)稍微向後,左手手臂要向前伸展;舞蹈員雙眼要跟隨伸展嘅左手[15]。
華加諾娃式第四(Vaganova's fourth arabesque):雙髀做法同華加諾娃式第三相同,兩隻手踭都要指向下;兩個膊頭都要向前,右手手臂要向前,而左手手臂就要有咁向後得咁向後,令右手同左手形成一條連續由前到後嘅線條;舞蹈員雙眼望向觀眾[15]。
阿拉伯斯卡係古典芭蕾舞(classical ballet)入面最重要嘅舞步之一,而且亦都相當考技術:抬起角度大(超過 45 度)嘅阿拉伯斯卡要求一定嘅柔軟度,而且仲會令背脊以及臀部嘅肌肉造成一定負擔,做得唔好可以搞到肌肉同關節受傷[17][18];一般嚟講,學芭蕾舞嘅人喺做阿拉伯斯卡之前會做 tendu(其中一條髀向前、後或者側伸出,淨係腳尖掂地[19])同 battement(通常係上半身保持完全垂直,其中一條髀向前、後或者側快速噉伸出[20])等嘅舞步,提高髖關節嘅柔軟度,先至會開始學做阿拉伯斯卡[21]。
根據現時芭蕾舞界主流,做阿拉伯斯卡要留意嘅嘢(常犯錯誤)有以下呢啲[7][8][22]:
喺 1820 年,意大利排舞家卡勞·貝里西斯(Carlo Blasis)噉樣講[25]:
兩位舞蹈員喺度練習做雙人舞嘅阿拉伯斯卡。
阿拉伯斯卡喺 18 世紀晚期經已存在喺芭蕾舞當中,而卡勞·貝里西斯喺 1820 年正式幫阿拉伯斯卡定名同進行詳細嘅描述,認定呢種舞步係芭蕾舞嘅一個重要部份[1]。不過喺呢個時期,阿拉伯斯卡仲未有一套國際公認嘅基準,只係一般都有「向後抬起一條髀,而抬起髀要伸到直一直」呢個共通點,各派各自噉有自己嘅手臂擺位同對支撐髀嘅要求(例如支撐髀要伸直定屈曲)[2]。
當時嘅藝術學者有用到幾何學上嘅概念嚟思考各種舞蹈,認為有美感嘅舞姿重點係要身體唔同部份形成某啲特定嘅幾何關係(簡單嘅例子有對稱性),而佢哋有討論過阿拉伯斯卡:好似係正話提到嘅貝里西斯噉,就有寫文獻傾過所謂嘅垂直法則(principle of the perpendicular),佢指出普遍俾人認為係有美感嘅舞步當中,有好多都有「手腳同身體之間成垂直(指兩條線之間成 90 度角)」嘅特性-例如係抬髀 90 度嘅阿拉伯斯卡,或者係舞蹈員向側抬髀 90 度同時雙手向外伸直。雖然佢嘅見解唔係人人都認同,但就開展咗舞蹈領域對阿拉伯斯卡同其他多種舞步嘅系統性思考[1][26]。
現代嘅阿拉伯斯卡舞姿係喺 19 世紀逐漸成形嘅。呢個時期嘅阿拉伯斯卡開始有「身體一定會係噉咦向前傾」同「雙手手臂要指向完全唔同嘅方向」-好似 RAD 嘅第一同第二阿拉伯斯卡噉-等嘅特徵,而 19 世紀中期初次上演嘅浪漫芭蕾舞名劇《芝莎》(Giselle;首演於 1841 年)仲將傾斜阿拉伯斯卡嘅使用普遍化。各芭蕾舞大國-法國、意大利、俄羅斯、丹麥同英國-都分別噉發展出自己嘅一套阿拉伯斯卡分類法,最後以 RAD 嗰套同華加諾娃廿世紀初創嗰套最廣為流傳。到咗廿一世紀,RAD 嗰套標準係全世界最多人用嘅芭蕾舞標準,美加澳紐同大中華地區主流都係跟 RAD 嗰套阿拉伯斯卡分類法嘅[9][27]。
2016 年一場表演;一位女舞蹈員一路做阿拉伯斯卡一路由兩位男舞蹈員抬起佢。
四位男舞蹈員一齊做同步嘅 90 度第一阿拉伯斯卡。
↑ 當時嘅人對「阿拉伯斯卡」嘅定義同現時嘅有些少唔同。現時芭蕾舞嘅阿拉伯斯卡一定係抬起髀喺身後面嘅。
呢版上次改係2021年8月3號 (禮拜二) 13:59 嘅事。 |
https://zh-yue.wikipedia.org/wiki/%E6%94%B6%E5%85%A5%E5%86%8D%E5%88%86%E9%85%8D | 2022-01-21T00:26:57Z | zho,eng | text/plain | 收入再分配(又叫財富再分配,中國大陸官方文件經常簡稱再分配),係指通過某種社會機制(包括稅收、財政政策、社會福利等)令收入同財富喺唔同人之間轉移嘅過程。
無論從經濟學同道德角度,再分配都一直有唔少爭議,爭議涵蓋再分配嘅原理、目的、手段、效率等各方面。
收入再分配喺大部分國家都存在,最常用嘅方法之一係用累進稅制。
呢篇收入再分配係關於經濟嘅楔位文章,重未完成嘅。麻煩你幫手補充佢嘅內容。
呢版上次改係2021年10月23號 (禮拜六) 12:17 嘅事。 |
https://zh-yue.wikipedia.org/wiki/%E5%88%A9%E6%AF%94%E5%88%A9%E4%BA%9E | 2022-01-29T11:52:41Z | zho,eng,jpn | text/plain | 唔好同利比亞搞亂。
利比利亞(英文:Liberia)全名利比利亞共和國(英文:Republic of Liberia),係非洲西部一國。周圍係塞拉里昂、畿內亞同象牙海岸,南面係海。英文「利比利亞」嘅意思係「自由之地」,皆因佢係由美國放返非洲嘅奴隸成立嘅獨立國。經歷利比利亞內戰(1989年到1996年)同第二次利比利亞內戰(1999年到2003年)之後,好多人無家可歸,經濟完全破壞晒。
響維基新聞度有一單新聞係同呢篇文有關:
呢篇利比利亞係關於國嘅楔位文章,重未寫完嘅。麻煩你幫手充實佢。
呢版上次改係2020年2月28號 (禮拜五) 16:08 嘅事。 |
https://zh-yue.wikipedia.org/wiki/%E4%BA%BA%E6%B0%91%E5%B9%A3 | 2022-01-27T14:35:26Z | zho,ben,bel | text/plain | 人民幣(粵拼:jan4 man4 bai6)係中國人民銀行喺1948年12月1號首次發行嘅通貨,係中華人民共和國法定貨幣,1999年10月1號啟用新版為止共發行五套。喺香港,人民幣好多時被簡稱做人仔。人民幣響ISO 4217代號係CNY(Chinese yuan),不過更常用嘅縮寫係RMB(Ren Min Bi);喺數字前一般加上「¥」表示人民幣金額。
人民幣嘅現鈔分紙幣同硬幣兩種。
硬幣面額有5毫、2毫、1毫、5分、2分、1分。
隨著通漲,啲嘢貴嗮,面值細嘅現鈔已經基本用唔著,越來越少見。
呢篇人民幣係關於貨幣嘅楔位文章。你可以編輯呢一版充實內容。
呢版上次改係2020年11月11號 (禮拜三) 11:03 嘅事。 |
https://www.gotrip.hk/%e6%97%85%e9%81%8a%e7%86%b1%e8%a9%b1/bts%e9%98%b2%e5%bd%88%e5%b0%91%e5%b9%b4%e5%9c%98-%e5%a5%b3%e5%8f%8b%e8%bf%bd%e9%9f%93%e6%98%9f-352025/ | 2022-01-18T19:15:18Z | zho,eng | text/plain | 女朋友話佢人生最期待嘅畫面終於出現。呢句說話已經由佢搶到演唱會飛開始,講過無數咁多次。
首先我講少少對 BTS防彈少年團 呢隊韓國組合嘅認識,我幾乎認得晒佢哋啲歌,因為每次女朋友用電腦,佢都會喺我耳邊不停重播又重播。不過,我分唔出佢哋邊個打邊個……
演唱會當日,我提早一個鐘到達會場,我以為自己已經好早去到,點知已經見到有一大班人排緊隊入場。
因為場地規定唔可以帶攝錄器材入場,所以臨入場前要檢查背囊。去到晚上7:00,望一望龍尾仲有成差不多一千人未入場。
但恐怖嘅事情發生了!當演唱會場內音樂響起,外面排緊隊嘅粉絲們立即鼓譟,驚自己錯過咗個開場。
「死啦~會唔會趕唔切啊?」女朋友問。
不過,粉絲們面對偶像往往都係失去理性嘅。所有人聽到音樂奏起就開始唔理三七二十一衝晒入去,檢查手袋嘅工作人員都係望一眼就算。
我同女朋友迫到入表演場地,發現原來只係播緊MV,個show根本就未開始,不過現場嘅狀況,令我完全呆咗……
全場嘅粉絲(BTS粉絲團稱為「阿米」)單單係睇住個MV,已經揮動緊手上嘅燈光棒,一齊大合唱緊……韓文歌詞啊大佬!竟然可以唱晒成首!
接住落嚟終於輪到BTS出場,無論佢哋唱歌、跳舞、講嘢,全場粉絲都會放盡喉嚨尖叫。每次有成員將個咪高峰指向觀眾席,粉絲都可以完美配合,唱晒所有歌詞出嚟。
我知道好多人都唔鍾意韓國娛樂文化,覺得佢哋只靠外表,歌功唔夠好,成日咪嘴,冇實力……
但點解韓流可以令粉絲瘋狂到呢個地步,甚至橫掃全亞洲娛樂產業呢?
你當然可以話班韓粉冇品味,你自己係眾人皆醉我獨醒。但先不論實力,佢哋咁受歡迎,一定有佢嘅原因。
所有明星喺公眾面前,都必須係一個完美嘅人。而呢堆「神」,並唔係個個成功,韓國每年有數百隊新人組合推出,成功突圍而出嘅只係小貓三、四隻。
而舞台背後,仲有一大班練習生等緊出道,同你爭個你死我活,又或者未浮出水面已經石沉大海。韓國將偶像派推向極致,但唔代表佢哋全部都冇實力。
練習生會中途停學,加入特訓,學習各種「神」嘅技能,包括舞蹈、歌曲、台風……佢哋為咗加入娛樂圈,需要拋棄一切。
但頭先都講過,失敗機率好高,而當佢哋失敗咗,冇學歷冇工作技能,基本上同個廢物冇分別。
反觀香港,好多新人一被發掘,就會即刻被公司推出嚟出碟、拍戲、出show,連面對鏡頭同一般對答都未做得好,完全冇明星魅力。
點解要咁做?因為公司哪有錢投資落你新人身上啊?梗係嗱嗱聲推你出去賺錢,就算蝕都唔會蝕咁多。
要講歌唱實力,不得不提香港新一代歌神Eason,佢曾經喺MaMa台上唱〈浮誇〉力壓全場。係!我都聽到毛管棟,仲聽咗好多次!
每次Eason出場,全香港人都會尖叫!大家都咁鍾意Eason……不過佢每次出新碟,你除咗喺YouTube或者音樂會見到佢之外,根本冇機會喺電視上見到佢。
相反韓國只要有新碟推出,歌手或組合都會上晒咁多個電視台,唱同一首歌,連續唱足半個月,聽到你夠晒皮為止。所以,冇人聽廣東歌,其實都係環境所造成……
任何嘢都有佢紅嘅原因同可取之處,我哋好應該汲取別人嘅優點化為己用。K-pop表面睇就如你所見咁簡單,但人哋背後花嘅努力,你唔去深入了解,係唔會明白…… |
https://women.fanpiece.com/beautydiva/%E9%90%98%E6%84%8Fminions%E8%BF%B7%E4%BD%A0%E5%85%B5-%E6%9B%B4%E9%90%98%E6%84%8Freenex%E8%86%A0%E5%8E%9F%E8%87%AA%E7%94%9FBB%E5%85%B5%E5%9C%98-%E9%99%84facial%E5%85%8D%E8%B2%BB%E9%AB%94%E9%A9%97%E5%88%86%E4%BA%AB-c1288049.html | 2022-01-16T18:25:52Z | jpn,zho | text/plain | 香港地日做夜做,時不時要OT,休息唔夠之餘仲日日化住個妝朝9晚11,有時週末都要開工。捱一排已經發覺皮膚明顯變差,朝早起身塊面會好緊同比較乾。就算立即搽cream,滋潤感都只係維持到3至4個鐘。見好多friend 大讚咗咁耐,半年前終於輪到我試 reenex 全新嘅"極緻冷凍光學膠原自生療程",決心趁後生正視問題,改善肌膚。
皮膚入面有7成就係膠原,猶如床褥彈弓層,膠原幫我地嘅皮膚手拖手鎖住水份💧同營養,keep住肌膚水嫩彈滑。所以想皮膚好其實好簡單─ 關鍵就睇Collagen足唔足夠、同健唔健康!
膠原生得太慢,再加上食同搽嘅產品都無咩幫助,肌膚就好容易變到乾爭爭、鬆泡泡、出皺紋、毛孔變粗大…無錯,呢d肌膚老化問題通通都同膠原有關架!經過長時間嘅國際性研發及臨床測試,reenex研發左「膠原自生」,識得針對膠原流失根治問題。
reenex「膠原自生」療程原理係從根源著手,入到肌底500微米咁深嘅位置,叫醒哂膠原母體增生膠原BB,改善肌膚衰老。「3年不老」承諾並非毫無根據,有哂醫學實證架(佢地website有講): 療程令膠原自己持續生足35個月,填補流失膠原,效果長達3年,「3年不老」就係咁嚟。
唔知大家明唔明XD 其實我都係睇Sammi 同膠原BB兵嘅介紹:
療程係咪安全架?療程效果如何?
早靚..早享受 靚同買野一樣, 早靚早享受。 飯可以食少一餐,化妝保養少一次都NO! |
https://zh-yue.wikipedia.org/wiki/%E6%9C%89%E8%A2%8B%E9%A1%9E | 2022-01-26T06:15:12Z | zho,eng,slv | text/plain | 有袋類(Marsupialia),又叫有袋動物,係一班母獸身上有典型育幼袋嘅哺乳動物,而家物種主要分佈喺澳洲同附近島嶼,亦都有少數生活喺南美洲、中美洲同北美洲。而其他地方(包括中國)就只有化石嘅紀錄。
袋鼠育幼袋入面嘅仔。
有袋類乸擁有用嚟撫育幼獸嘅育幼袋,而且重有兩條共用開口嘅陰道,分別通往子宮內唔同部位;而公通常擁有一具純粹用嚟輸送精液嘅分岔陰莖。無論公抑或乸,體內嘅廢物都係經由一種稱為泄殖腔嘅構造來排放出嚟。
大肚嘅乸會喺子宮裏面長出卵黃囊畀胚胎營養。而胚胎喺發育早期(大約4至5個禮拜)就會出世,之後會慢慢爬到媽媽嘅育幼袋裏面,並吸取位於袋裏面嘅乳頭。幾個禮拜之後,仔將可以暫時或永久離開育幼袋。
有袋動物比起有胎盤動物會較早生仔,因為有袋動物體內冇一個以保護胎兒,免受媽媽免疫系統攻擊嘅胎盤。雖然早產而身形細隻仔獸喺生存上有較大危險,但如此一來亦減少咗大肚時嘅風險,例如唔需要喺生活艱難嘅季節陀咁大個胎。
由於出世之後嘅仔獸必須爬行到母親嘅乳頭位置,因此至少喺出世嗰時,佢哋嘅前臂會比身體其他部位嘅發育更加完整。而咁樣可能亦係造成有袋動物嘅行動範圍比起有胎盤動物細嘅原因。有袋動物嘅前臂必須發展出可以爬行到嘅爪,因此唔似得有胎盤動物咁發展出具有其他功能嘅鰭(例如鯨魚)、蹄(例如水牛)或者翼(例如蝙蝠)。
M.J. Spechttn喺1982年所發布嘅化石證據,顯示有袋動物唔係好似早期理論咁認為係有胎盤動物嘅原始形態,而係同有胎盤動物大約喺中生代分別演化出嚟。目前已知最早嘅有袋動物化石喺中國出土,係生活喺大約1億2千5百萬年前嘅沙氏中國袋獸(Sinodelphys szalayi),生存期間大約相當於同一地點所發現嘅早期有胎盤動物化石。
關於有袋類嘅早期演化歷程有好多唔同嘅理論。其中一種理論認為,有袋動物係喺北美洲進化而成,並且由嗰度開始發展,經由歐洲散佈到亞洲同非洲,之後喺南北美洲分離(後來再度相連)以前到咗南美洲。跟住再經由南極洲來到當時已經有胎盤動物生存嘅澳洲。
另一種理論認為,有袋動物係喺澳洲進化而成,之後先經由南極洲到南美洲同北美洲。而喺中國發現到嘅有袋動物化石,又支持咗一種經由南亞到達澳洲嘅理論;不過呢項理論嘅難題,在於新畿內亞地區所發現到嘅同類化石,比起澳洲重更年輕。
喺多數嘅大陸上,有胎盤動物嘅生存比起有袋動物更為成功,而且完全冇現存嘅有袋動物。相對嚟講,喺南美洲至今仍有好多屬於有袋動物嘅負鼠存在。喺第三紀時期,重有一啲有袋動物成為捕獵者,例如古鬣狗(Borhyaenidae)、袋劍虎(Thylacosmilus)、袋獅、食肉袋鼠等。喺澳洲,有袋動物取代咗有胎盤動物成為主要嘅哺乳動物。
目前已知嘅有袋類大約有334個物種,當中超過200種生活喺澳洲同附近嘅島。而喺美洲地區亦有大約100個現存物種,多數生活喺南美洲。不過經歷咗「南北美洲生物大遷徙」嘅過程之後,令中美洲都出現咗13個物種,北美洲則有1個物種。
有袋動物喺分類上被命名為有袋下綱(Marsupialia),其中主要可分為兩大類:美洲有袋類同澳洲有袋類。微獸目(Microbiotheria)生存喺南美洲,但親緣關係可能同澳洲有袋動物較為接近。有袋動物中有好多生活喺樹頂上嘅小型種類,例如美洲負鼠(Didelphidae)同澳洲負鼠(Phalangeriformes),現時科學家對佢哋嘅認識仍然好少。
呢版上次改係2019年10月5號 (禮拜六) 12:57 嘅事。 |
https://lihkg.com/thread/2029877/page/33 | 2022-01-19T23:50:52Z | zho,eng | text/plain | 如果係certificate of naturalisation as a British Dependent Territories Citizen嘅話唔使寄。
嗱,揸正黎做呢,張得中文嘅出世紙的確你係要搵翻譯譯返做英文嘅。不過好老實你又唔係BC,佢哋睇黎都無用,交唔出嘅文件寫信解釋返就算。點解畀唔到就你自己諗啦,我唔教人作故仔。
佢建議專業人士,但其實唔一定,幫我副簽果個係電訊公司技術員、而我都係草根職業,都幫過唔少朋友副簽而冇出問題 ,最緊要有正職或退休公務員就得!
其實揸BNO做掃街伯伯都可以簽,有效護照+正當職業就得!
如果係我會欣然應約,返嚟為連登寫第一份面見報告!
冇人試過?
個個申請續領時都有呢句,但我從未聽過有人要interview,你最緊要確定唔好揀錯選項就得! |
https://lihkg.com/thread/2568585/page/4 | 2022-01-28T00:20:59Z | zho,eng | text/plain | Adam 如果配 類似blue sound node 果啲streamer 又有無得諗?
1, 未玩過想試下就去馬,新屎坑 三日香,平平哋玩下,一試無妨,玩過唔鍾意當跌咗幾千算數,賺咗經驗。
2, 有心玩就唔好貪方便,貪方便就唔好玩黑膠,要玩不如搵個盤乜都有得校,約師傅嚟安裝,一邊學嘢。
2, 唔好諗住升級臂、唱頭乜乜乜,你唔會換枝萬萬聲臂、MC唱頭落呢啲唱盤,換唱臂嗰把調校尺都貴過個唱盤。
3, 玩過有心食好啲就換過晒全套,下次換中階盤都唔駛諗要將來升級臂,反而諗下乜嘢盤可以玩到雙臂甚至3、4臂仲實際。
4, 唱盤係鼓油,唱片先係主菜,買隻膠座底2舊一隻,要所謂靚聲4、5舊基本,絕版盤過千。
黑膠對於file/cd係咪即係菲林對比數碼相機?
大家都係玩具,無乜好比,唔同配搭唔同聲。玩黑膠都可以清到「file、CD」咁;玩膽CD機,CD都可以好似所謂「黑膠」咁,用部hiend啲dac+amp 都可以標榜自己出到摸擬聲音。
我個廳問題 都有二百五十平方尺以上 太大?
Holo audio May?
即係掂唔掂?
師兄係覺得bluesound 個解碼唔得定對主動Adam 唔岩聽? |
Subsets and Splits
No community queries yet
The top public SQL queries from the community will appear here once available.