Datasets:
Tasks:
Text Generation
Modalities:
Text
Formats:
parquet
Sub-tasks:
language-modeling
Size:
100K - 1M
License:
text
stringlengths 293
804k
| language
stringclasses 4
values |
|---|---|
ULothi bekahlala no-Abrahamu umalumakhe enarheni yeKanana. ULothi no-Abrahamu bathoma ukuba nefuyo enengi kangangobana inarha akhange isabanela, yaba yincani bona bangahlala kiyo bobabili. Yeke u-Abrahamu wathi kuLothi: ‘Mtjhana kungcono sihlukane, ummango unabile. Nawukhetha ihlangothi langetlhagwini, mina ngizakuthatha langesewula. Nawuthatha langesewula, mina ngizakutjhinga ngetlhagwini.’ Lokho bekutjengisa ukungabi nomrhobholo kwaka-Abrahamu, akusinjalo?
ULothi wabona iingcenye ehle yenarha. Bekunamanzi amanengi notjani obuhlaza. Wakhetha indawo leyo wathuthela khona nomndenakhe, beyihlanu kweSodoma.
Abantu beSodoma neGomora bebakhohlakele. Ekhabolakhona bebabambi kangangobana uJehova wabewaqunta nokuwabhubhisa amadorobho la. Kodwana uZimu bekafuna ukusindisa uLothi nomndenakhe, yeke wathumela iingilozi zakhe ezimbili bona ziyobayelelisa zithi: ‘Rhabani! Phumani ngombana uJehova sele abandamele ukuzokubhubhisa idorobheli.’
ULothi wathoma wariyada. Yeke iingilozi zambamba ngesandla kanye nomkakhe namadodakazakhe amabili zabakhuphela ngaphandle kwedorobho, zathi: ‘Balekani, nisindise amaphilo wenu! Ningaqali emuva beningajami nemrhobeni, khona ningazukubhujiswa.’
Lokha nabafika edorobheni leTsowari, uJehova wanisa isibabuli esivuthako phezu kwedorobho leSodoma neGomora. Amadorobho amabili lawo arhayilwa aphela. Ukungalaleli komkaLothi kwamenza waphenduka isiduli setswayi. Kodwana uLothi namadodakazakhe basinda ngombana balalela uJehova. Kufuze bona kwabadanisa ukungalaleli kwakhe. Kodwana kwabathabisa ukuthi bona bazilalela iinqophiso zakaJehova.
“Khumbulani umkaLothi!”—Lukasi 17:32 | isiNdebele |
Ngokukhamba kwesikhathi, abantu baba banengi ephasini. Inengi labo belingakalungi. Ngitjho nezinye iingilozi ezulwini zathoma ukukhohlakala. Zatjhiya ikhaya lazo ezulwini zeza ephasini. Uyazi ukuthi zakwenzelani lokho? Bezifuna ukuba nemizimba yabantu zitjhade nabafazi ephasini.
Abafazi bazo bazibelethela amadodana. Amadodana layo akhula abaziingorho ezitlhorisa abantu. UJehova bekangafuni bona intweleyo iragele phambili yenzeka. Yeke waqunta ukurhayila abantu abambi ngokhukhulamungu.
Kodwana bekunomuntu ebekahlukile. Umuntu loyo bekamthanda uJehova. Ibizo lakhe bekunguNowa. Bekanomfazi namadodana amathathu, uTjhemu, uRhamu noJafethi, nabo bebanabafazi. UJehova watjela uNowa bona akhe umkhumbi omkhulu, ukwenzela bona yena nomndenakhe bakwazi ukusinda kuKhukhulamungu. Umkhumbi ulibhoksi elikhulu elingathaya phezu kwamanzi. UJehova wamtjela nokuthi afake iinlwana ngemkhunjini, khona nazo zizokusinda.
Khonokho, uNowa wathoma ukwakha umkhumbi. Yena nomndenakhe kwabathatha iminyaka ema-50 ukwakha umkhumbi loyo. Bawakha njengombana uJehova abayalile. Phakathi nesikhatheso, uNowa wayelelisa abantu ngoKhukhulamungu. Kodwana akukho namunye owalalelako.
Ekugcineni, kwaba sikhathi sokungena ngemkhunjini. Khesibone ukuthi kwenzekani ngemva kwalokho.
“Njengombana kwakunjalo emihleni kaNowa, kuzakuba njalo-ke ukuza kweNdodana yoMuntu.”—Matewu 24:37 | isiNdebele |
Kubayini ukuhlakanipha kwakaZimu kuqakatheke kangaka? Kusitjhaphulula eendleleni ezimbi begodu kusigcina siphila. Kuba nomthelela omuhle endleleni esicabanga ngayo, ekukhulumeni, nezenzweni zethu.
Ukuhlakanipha kusivikela ekuzikhakhaziseni
16:18, 19
Umuntu ohlakaniphileko uyalemuka ukuthi uJehova uMthombo wokuhlakanipha
Labo abaphumelelako namkha abathola izabelo ezinengi kufuze bayelele khulu ukuthi bangaziphakamisi
Ukuhlakanipha kuthuthukisa ikulumo eyakhako
16:21-24
Umuntu ohlakaniphileko usebenzisa ilemuko bona aqale okuhle kwabanye begodu akhulume kuhle ngabo
Amezwi ahlakaniphileko ayakha begodu amnandi njengeliju, akakgharameji namkha abange ipikiswano | isiNdebele |
UJobho bekahlala e-Utsi ngesikhathi ama-Israyeli aziinqgila eGibhide. Nanyana uJobho bekangasi mu-Israyeli, bekalotjha uJehova ngokuthembeka. Bekanomndeni omkhulu, anothe khulu, anomthelela omuhle emphakathini. Bekangumeluleki ophezulu nomahluleli ongakhethiko. Bekapha abantu abatlhagako nabanganalitho. UJobho bekamumuntu othembekileko.
UJobho watjengisa ngokukhanyako ukuthi uJehova bekamuMuntu oqakathekileko epilwenakhe
1:8-11, 22; 2:2-5
USathana wakulemuka ukuthembeka kwakaJobho. Akhange aphike ukuthi uJobho uyamlalela uJehova, kunalokho, wasola iminqopho kaJobho
USathana wathi uJobho ulotjha uJehova ngebanga lokuba marhamaru
Bona aphendule lokho okutjhiwo nguSathana, uJehova wamvumela ukuthi ahlasele indoda ethembekileko le. USathana wonakalisa ipilo kaJobho.
UJobho wahlala athembekile, uSathana wasola ukuthembeka kwabo boke abantu
UJobho akhange one namkha asole uZimu ngokwenza okumbi | isiNdebele |
Umuntu obhalelwa kubhadala isikolodo mumuntu otjhonileko okuthi i-isteyidakhe (koke, kufakwe hlangana imali, umuntu akukolodako) wemukwe khona (kubekwe ngaphasi kwelawulo bekufike lapha kunikelwa imithetho neenkhathi begodu/nanyana kuhlkangabezanwe nobujamo obuquntiweko). Nangabe utjhade kolomhlobo womtjhado othi kwami ngekwakho bese kwenzeke bona umlinganakho asahlelwe yitjhono, umThetho weTjhono ka-1936, uthatha bona nawe ungaphakathi kwetjhono ngesimanga sokobana ningaphasi kwe-isteyidi yinye ehlanganyelweko. Nangabe umuntu osahlelwe yitjhono ufuna ukutjhuguluka (angasabi neenkolodo) hlangana neminyaka elitjhumi yokutholakala unetjhono, umuntu loyo angafaka isibawo sokutjhugululwa.
Thola okunengi mayelana ukufaka isibawo sokutjhugululwa sifakwa ngabeneenkolodo nanyana thintana nomNyango wezobuLungiswa kanye nokuThuthukisa umThethosisekelo kilenomboro 012 357 8205 nanyana imeyilela ku: [email protected] | isiNdebele |
Ihlathululo
I-Viognier imhlobo wamaderibe wewayayini emhlophe, kanti-ke ifuze nofana ihlobane khulu nomhlobo owaziwa nge-Piedmontese grape, Freisa. Igameli lisuselwa kele-Celtic elithi: vidu,lihlathulula isigodo.
Indabuko/Imvelaphi
Umhlobo lo udabuka e-Dalmatia – nekuyindawo eyaziwa ngokuthi yi-Croatia namhlanjesi – ukusuka lapho i-Roman Emperor Marcus Aurelius EquitiusProbus, kubonakala kwanga bayithatha bayisa enarheni ye-France ngesikhathi esibizwa nge-280 AD.
Umhlobo lo woniwa kumbi mhlobo bulwelwe obubizwa nge-phylloxera epidemic, kwathi ngesikhathi se-19th Century wasabalaliselwa eemvandeni ezinengi ze-Europe, begodu wapheze watjhabalala. Ngeminyaka yabo-1980s, iinthelwezi e-Rhone Valley, ngaleso isikhathi nebekungizo pheze ebezithela umhlobo we-Viognier emhlabeni zombelele, isibalo sazo sehla nge-20 ha.
Idumo lomhlobo lo wewayini lathuthuka khulu ngaleso isikhathi nanamhlanje, i-Viognier itjalwa pheze kizo zoke iindawo ezikhiqiza iwayini.
Amanye Amagamawo
Igama lomhlobo lo lendabuko begade kuthiwa yi-VugavaBijela begodu yaziwa njenge-Petit Vionnier kanye Vionnier.
Ukukhiqizwa eSewula Afrika
I-Charles Back of Fairview e-Paarl begade kungiyo edlala indima ekulu ekuthuleni umhlobo we-Viognier eSewula Afrika. Iinsetjenziswa zomhlobo wesitjalwesi zangeniswa eSewula Afrika ngomnyaka ka-1980 begodu u-Charles Back waba mkhiqizi wokuthoma ukutjala bekakhiphe iwayini etlolwe: Viognier labelled wine ngabo-1990s.
Umkhiqizo Weemphande
I-Viognier isajamele incenye encani yendawo engaphasi kwalezo ezikhiqiza iwayini eSewula Afrika. Nokho umhlobo lo ukhe watjalwa kizo zoke iimFunda ezikhiqiza iwayini enarheni le, kuthi i-Paarl ibenesibalo somkhiqizo esiphezulu endaweni le, ilandelwe yi-Swartland kanye ne-Stellenbosch.
Nanyana umhlobo lo upha inzuzo ehle lokha nawukhiqizwa ngaphasi kpbujamo obufuthumeleko, nokho kuvame ukuphumeleliswa imihlobo eminengi yomnambitho lokha ikhiqizwa eendaweni ezipholileko, endaweni ezifani neenqongolo zesewula nofana lokha nayitjalwe eendaweni ezithola umoya opholileko wehlobo.
Ukukhula Nokuthela Kwawo
Umhlobo lo ukhula ngokulingeneko, ngesilinganiso somkhiqizo obalelwa ukusuka ku-6 t/ha to 8 t/ha.
Ukuvuthwa
Uvamise ukuvuthwa kusese nesikhathi, ukusuka ekupheleni kwenyanga kaTjhirhweni ukuya esiquntwini sakaMhlolanja.
Umomori
Umhlobo wombala ohlaza satjani wamamomori ubanombala osarulana ovangeke ngozotho nasele uvuthwe ngokwaneleko. Umomori lo mncani, wakheke njenge qanda kanye namakelo amatsikana. Ilingaphakathi linomnambitho weenthelo omnandi.
Amakari
Amakari akhula ngesilinganiso esiphakathi, arondo begodu aneencenye ezisiphetho esiziipenda ezihlanu.
Iintjhabalalisi Namalwelwe
Iimithi yomhlobo le idinga ukunakekelwa bewuvikelwe ukubalekela ukoniwa lilanga nokuqinisekisa bonyana ifumana umkhanyo owaneleko. Umhlobo lo ubuthakathaka khulu naziza ekutjhwabeni kwangaphambi kwesikhathi begodu lokho kuvame ukubangela ukubola okubizwa nge-botrytis nawutjalwe endaweni yehlabathi enothe khulu.
Umsebenzawo
Ithengiswa njenge wayini ekhamba yodwa nofana evangwe neminye imihlobo efaka hlangana umhlobo obomvu nofana omhlophe, ofana ne-Chardonnay nofana i-Shiraz.
Umnambitho
Imihlobo yeSewula Afrika ihlotjaniswa namathuthumbo wombala welamuna avamise ukutjengisa bona isitjalo siyathela, iimperegisi, iinthelo ze-tropical, iluju kanye nemihlobo engakajayeleki.
Translated by Johannes Nkosinathi | isiNdebele |
IBhayibheli akusiyincwadi nje kwaphela. Ineenqophiso ezivela kuMdali. (2 Thimothi 3:16) Umlayezwalo ungatjhugulula ukuphila kwethu. Kuhlekuhle iBhayibheli ithi: “Mbala ilizwi lakaZimu liphilile, linamandla.” (Hebheru 4:12) Zimbili iindlela iBhayibheli alingatjhugulula ukuphila kwethu ngayo. Linganqophisa ukuphila kwethu nje, lisisize sazi uZimu neenthembiso zakhe.—1 Thimothi 4:8; Jakopo 4:8.
Lingathuthukisa Ukuphila Kwakho. IBhayibheli lingasiza nangeendaba ezimabhombo ezithinta ipilo yomuntu. Lisiyala ngezinto ezilandelako.
Lisiza ngokomzwela libuye lisize emzimbeni.—IRhubo 37:8; IzAga 17:22.
Isimilo.—1 Korinte 6:9, 10.
Abatjhadikazi abasandukutjhada e-Asia bathatjiswa yindlela iBhayibheli elinikela ngayo iinqophiso ezilisizo. Njengabantu abanengi abasandukutjhada abatjhadikazaba akhenge kube lula ukujayelana nokufunda ukukhulumisana ngokutjhaphulukileko. Kodwana bathoma ukukwenza abakufunda eBhayibhelini. Waba yini umphumela? Indoda khona uVicent ithi: “Ukufunda iBhayibheli kungisize ngakghona ukuqalana neenkinga zomtjhadwami ngendlela enethando. Ukuphila ngeenkambiso zeBhayibheli kwasithabisa.” Umkakhe u-Annalou naye uyavuma uthi: “Ukufunda ngezinto abantu beBhayibhelini ekhebaqalana nazo kwasisiza. Sikhuluma nje sithabile besanelisekile emtjhadwenethu begodu sinomnqopho ngepilo.”
Ukwazi uZimu. Ngaphandle kwamezwi awatjho ngomtjhado uVicent wabuye wathi: “Ngokufunda iBhayibheli, ngizizwa ngitjhidelene khulu naye.” Akulemukako uVicent kuqakathekile ngombana iBhayibheli lingakusiza wazi uZimu. Ngokwenza njalo, angeze uzuze eenqophisweni zalo kwaphela kodwana uzothoma ukwazi uJehova njengomngani. Uzokubona nokuthi ngalo iBhayibheli uZimu ukhuluma ngengomuso elithabisako ‘ukuphila okungikho’ okuzokuba khona isikhathi esingapheliko. (1 Thimothi 6:19) Lokho engeze wakufumana kinanyana ngiyiphi incwadi.
Nawufuna ukufunda iBhayibheli, ungapheli amandla, nawe ungazuza khulu ngokwenza njalo, uzokuzuza nje ubuye uthome ukwazi uZimu. Njengombana ufunda iBhayibheli uzokuba nemibuzo eminengi. Nakuba njalo, khumbula isibonelo esihle somTopiya owaphila eminyakeni ezii-2 000 eyadlulako. Bekanemibuzo eminengi ngeBhayibheli. Nakabuzwako bona uyakuzwisisa na akufundako, waphendula wathi: “Ngingakuzwa njani, ngaphandle kobana kube khona ongihlathululelako na?” * Ngemva kwalokho wavumela uFlebhe umfundi kaJesu bona amhlathululele okuseBhayibhelini. (IzEnzo 8:30, 31, 34) Nawe-ke, nawufuna ilwazi elinabileko ngeBhayibheli, sikubawa bona ufake isibawo nge-inthanethi ku-www.jw.org namkha utlolele isiphande esihlanu kwakho njengombana kutjengisiwe esiThalenesi. Kanti-ke ungathintana naboFakazi bakaJehova abahlanu kwakho namkha uvakatjhele iWolo labo elisendaweni yekhenu. Kubayini ungathomi namhlanjesi ufunde iBhayibheli, ulivumele likunqophise epilweni okungiyo?
Nangabe uyazibuza ukuthi ungalithemba na iBhayibheli, sibawa ubukele nasi ividiyo ethi Singaqiniseka Kanjani Ukuthi IBhayibheli Liyiqiniso? Ungayithola ngokuskena ikhowudi le namkha ngokuya ku-jw.org, ugandelele ikunupe yokusetjha bese utlola isihloko sayo
^ isig. 8 Nawufuna ukwazi okungeziweko malungana neenqophiso ezivela eBhayibhelini vakatjhela izinzolwazi lethu i-jw.org. Qala ngaphasi kwesihloko esithi IZIMFUNDISO ZEBHAYIBHELI > IMIBUZO YEBHAYIBHELI IYAPHENDULWA. | isiNdebele |
Waarschuwing: Je bewerkt een vooraf vereiste handleiding. Alle wijzigingen die je hierin maakt, beïnvloeden alle 3 handleidingen die deze stap bevatten.
Stap 17 vertalen
-
Vikela ipetjhe yegadi phezu kwesihlanganisi ukuvikela amanzi bona arhatjheke na innhlanganisi zehlukanisiweko.
-
Usebenzisa isikrufu sepompo, gedlisa isikhuphukeli sephayiphu edlulisa amanzi fikela amanzi athome ukuthulukela ngaphakathi kwepetjhe yegadi. | isiNdebele |
Ibizo
Ipungutjha yeKapa, Ipungutjha eqaleka inoburhawuda [Vulpes chama]
Ukwakheka Kwayo
Ipungutjha okungiyo yamambala begodu isilwanyana esincazana esitholakala eSewula Afrika. Ipungutjha yeKapa inombala otshetlha neendlebe ezikulu ezide ezikhombe phezulu. Zinombala onzima magega nomlomo. ezidala zakhona ubukhulu bazo mamilimitha ama-350 emahlombe begodu zinobudisi obumakhilogremu ama-2.5-3 kg. Zihlala zimajadu, khulukhulu ngombana umsilayo ongubhutjhuza usebenza njengento yokudzimelela lokha nayitjhinga le nale.
Ukudla Ezikudlako
Ipungutjha yeKapa idla iinunwana, amakhondlo nezinye iinlwanyana ezincani. Kwesinye isikhathi zidla iinthelo zommango kanye nenyama eendaweni ezimaplasi.
Ukukhulisa
Ipungutjha yeKapa iba nabentwana ngesikhathi esithileko somnyaka, izala lokha nakungena ihlobo, izala abantwana abahlangana namunye ukuya kwabahlanu, ngemva kwesikhathi sokumitha esingathatha amalanga ama-51 ukuya kwama-52.
Ukuziphatha Kwayo
Ipungutjha yeKapa izikhambela ebusuku kwaphela. Indlelayo yokuhlala ayizwisiseki kuhle kodwana kuqaleka sengathi ithanda ukuzihlalela iyodwa njengezinye iinlwanyana.
Zitholakala Kuphi
Zihlala kwaphela eendaweni ezivulekileko, emmangweni lapha kunotjani obusabaleleko obuminyeneko ukuya eendaweni ezifana nerhalawumba, begodu zitjhinge neendaweni ezinotjani obuncazana. Zithanda ukuhlala neendaweni ezinamanzi. Ngokuvamileko eSewula Afrika, ziyatholakala eengcenyeni ezinengi kumaPhrovinsi weTjingalanga kanye neTlhagwini Kapa, ePumalanga Kapa (kungafakwa ihlangothi leSewula-pumalanga) e-Free State, etjingalanga Kanye netlhagwini-tjingalanga KwaZulu-Natal begodu nephrovinsi yeTlhagwini-Tjingalanga. Ziyatholakala godu ne-Lesotho.
Iimbalobalo Eziqakathekileko
Ubudisi (Ezisikazi): 2,5 kg
Ubudisi (Eziduna): 2,8 kg
Ubude (Ezisikazi): 94 cm
Ubude (Eziduna): 94 cm
Isikhathi sokumitha: amalanga ama-52
Inani labantwana: umntwana mu-1 ukuya kwaba-5
Ukulandelana: Carnivora
Umndeni: Canidae
Ukukhulisa
Abantwana abancani mu-1 ukuya kwaba- 5 bazalwa ukusukela ngenyanga kaSewula ukuya enyangeni kaSinyikhaba ngemva kokumitha isikhathi esingangeenyanga ezi- ± 2. Esikazi inepara eyodwa yendawo lapha kuhlangana khona umlenze neempara ezi-2 zamathumbu.
Ihlathululo Yesiporo
Inamazwani ama-5 eenyaweni zangaphambili, kodwana izwani lokuthoma kanye nezipho azenzi itshwayo nanyana imerego esiporweni. Inamazwani ama-4 emilenzeni engemva. Iinzipho ezisemilenzeni yangaphambili zondile, zibukhali begodu zigobekile. Lezo eziseenyaweni zangemva zinejamo elifanako begodu zipheze ziyalingana ngobude.
Amanothi
Ngesimanga somukghwayo wokuthanda ukukhamba ebusuku iPungutjha yeKapa esikhathini esinengi iyabulawa endleleni ebusuku begodu inengi labalimi eSewula Afrika liyithatha njengesilwanyana esincani ngesimanga sekolo yokobana zibulala izimvu. Nalokha zaziwa ngokuthi zidla izimvu eziqeda ukuzalwa, izehlakalo zalokhu zimbalwa kodwana kusakholelwa kilokho. | isiNdebele |
Igama lomndenazo elijayelekileko
Eagle ray
Ezinye zakwabo
Bonnet, Smooth-tail, Manta, Common, Bull, Cownose and Devil
Igama lesayensi
Myliobatidae
Ubukhulu
Amaphikwayo angakhula bekabe mamitha amathathu.
Ikambiso Yokufanisa
Inomzimba orondo kanye namaphiko wesakhiwo zezincantathu (triangular). Ihlokwayo ingehla komzimba. Incenye yomzimba ephezulu inombala omnyama, ukusuka konzima ukuya kumlotha, kesinye isikhathi kuba namacatjhanzana nofana ukuhleleka okumnyama. Incenye yomzimba engaphasi imhlophe. Amehlo asehlangothini lehloko.
Ilwazi Elivamileko
Umndeni wama-Myliobatidae wakhiwe mikhakhawo elikhomba kanye nemihlobazo ematjhumi amane nambili. Ziimsinya khulu ekuthayeni. Umsilazo mude ukudlula umzimba. Ezinye zomhlobo obizwa ngama-Eagle rays zinepumulo ede, njengalezo ezibizwa ngama-Eagle kanye nama-Bull rays. Umlomayo useduze namathumbu. Inamazinyo asipara, akheke njengebala leentina ezindlalwe phasi (pavement), akheke ngencenye eembili begodu asebenza ukuhlafunya ukudla. Zizala amadzinya sele aphila begodu sele athuthuke ngokwaneleko ngokuba ngeziqoqoselela ngendeni.
Ukudla Kwazo
Ziphila ngokudla Imihlotjana yeemfesi ezincani kanye nezinye iinlwanyana ezifana nama-crustaceans.
Ukusabalala Kwazo
Zitholakala kiwo woke amalwandle womhlaba wobujamo bezinga elifuthumeleko kanye nelipholileko.
Imihlobazo ejayelekileko
Eagle ray - Myliobatis aquila
Flapnose ray - Rhinoptera javanica
White-spotted eagle ray - Aetobatus narinari | isiNdebele |
Ibizo lesayensi: Rosmarinus officinalis
Ibizo elijwayelekileko: yi-Rosemary
I-Rosemary ivela enarheni yange-Southern Europe.
Iintjalo ze-rosemary ziqinile begodu zikhula zibe mamitha amabili ngobude. Istjalwesi simutjhana ohlala uhlaza onamabharasa esiqwini. Istjalwesi sinamagatja ambalwa lapha kumila khona amakari ambalwa. Amakari la anombala ohlaza khulu phezulu abehlaza okukhanyako ngaphasi. Amathuthumbo amila eempeteni zamagatja ahlaza kwesibhakabhaka kancani.
I-rosemary uyithola yomisiwe nanyana ifretjhi begodu isetjenziswa ekudleni okunengi ukukupha umnambitho omnandi. Ukusetjenziswa kwayo okunye isetjenziselwa ukukhiqiza amafutha aqakathekileko. Amathuthumbo waso anekhwalithi ephezulu yamafutha kanye nesivuno esifretjhi esikhipha iphunga elinuka njenge-camphor. Istjalo esipheleleko sikhiqiza amafutha kodwana sinomnuko we-camphor oqinileko.
I-rosemary ibayihle khulu ehlabathini engabambi amanzi ene-pH ehlangana kwe-6 kanye ne-7.5. Ungatjali ehlabathini ezele idaka. Ehlabathini ebudisi, kuhle ukwenza indunduma amareyi wentjalo arhelebha ukukhipha amanzi emrabhini.
Ngaphambi kokobana ulungise ihlabathi thatha amasampula ajamele ihlabathi enizokutjala kiyo athunyelwe e-laboratory ukuyokuhlolwa ngokobana ngiziphi izakhimzimba ezingafakwa kiyo. Ihlabathi kufanele iharigwe ukuyibethisa umoya ibe yi-600 mm. I-lime yokulungisa i-pH, umanyoro kanye nekhompowusti kufanele ifakwe ipetelwe ehlabathini engaphezulu eyi-400 mm emvekeni ezine ukuya kwezihlanu ngaphambi kokobana utjale. Emalangeni wokugcina wangaphambi kobana utjale faka ama-trace element kanye nesivundisi esifakwa ngaphambi kokobana utjale ehlabathini uharigele ehlabathini engaphezulu eyi-20 cm. Lokhu kususa elinye nelinye ikhula esele limilile.
I-rosemary stjalo esihlala sihlaza ngokombala esikhula ebujameni bezulu obuhlangana nendawo begodu iba yihle ebujameni bezulu obuhlangana ne-18°C kanye ne-26°C. Iyarhona ukujamela nombethe.
Kunemihlobo emithathu ye-rosemary ekhiqizwa ngomncopho wokwenza inzuzo ekuyi-Camphor-Borneol, Cineole kanye ne-Verbenone.
Imihlobo ekhona yi-Albiflorus, Arp, Benendan Blue, Flora Rosa, Hill Hardy, Holly Hyde, Huntington Carpet, Irene, Majorca Pink, McConnell’s Blue kanye ne-Tuscan Blue.
Kuneminye imihlobo eminengi begodu kuhle ukuthola eseluleko ku-extension officer yangekhenu kanye nakusiyazi wembewu ukuze umthole umhlobo wendawo okhiqizela kiyo kanye neyemaraga yakho.
Translated by Busisiwe Prudance Skhosana | isiNdebele |
Igama lomndenazo elijayelekileko
Shrimpfish
Igama lesayensi
Centriscidae
Ubungako
Ikhula beyibe masenthimitha alitjhumi nahlanu, ubuncani bazo ziba masenthimitha alitjhumi.
Ikambiso Yokufanisa
Inomzinjana opataleleko, omude kanye nombeswe sikhunjana esiwenza wakheke njengesitja. Ithanjana elihlabako lokuthoma lelungwini langemhlana ethaya ngalo lide begodu liyahlaba, litholakala emuva emzimbenayo. Kuthi amabili, walo ilungeli kanyenewomsila woke atjhidele emathunjini wefesi le. Imibalazo ihluka ukusuka komhlophe kanye nemida enzima ukuya kesarulana kanye namacatjhazana anzima ehloko.
Ilwazi Elivamileko
Umndeni wama-Centriscidae wakhiwe mikhakhawo emihlanu kanye nemihlobazo elitjhumi nantathu. Zithaya ziqalise ihloo phasi. Zitholakala emarholorholweni wesanda kanye nahlangana notjani belwandle. Zinzinza ngokusebenzisa isakhiwo kanye notjani belwandle njengendlela yokuzifihla. Zimhlobo obekelela amaqanda ngaphakathi komhlobo welwandle elivulekileko (Pelagic spawners).
Ukudla Kwazo
Ziphila ngokudla ama-zooplankton.
Ukusabalala Kwazo
Zitholakala kiwo woke amalwandle womhlaba wobujamo bezinga elifuthumeleko kanye nelipholileko.
Imihlobazo ejayelekileko
Grooved shrimpfish (Centriscus scutatus)
Shrimpfish (Aeoliscus strigatus)
Speckled shrimpfish (Aeoliscus punctulatus) | isiNdebele |
Ikhona Labathiyi Babobhejani
Kunomtletlana wendlela ogijima ehlangothini lomlambo iLimpopo River. Yakhe yasetjenziselwa ukupatrola umngcele ohlangana neSewula Afrika kanye neZimbabwe, begodu iyithestamende lepi eyenzeka embi emahlangothini womabili womlambo le. Ngaphambi kwalokho, gade kuyindawo ethandwa bathiyi babobhejani egade bayithandela ukudubula abobhejani, ngokungasisemthethweni eZimbabwe.
Namhlanje, izinto sele zithulile begodi nomlambo ulele. Kusele nje imakhiwo embalwa yamajoni esele igirikela phasi ehlabathini, abathiyi beemfesi abambalwa benarha yeZimbabwe bengoga eziseduze bahlala beza emlanjeni lo, bazokuthiya iimfesi.
Isango elincani edaradeni esemgceleni likupha ithuba linye lokuya ekugcineni kweLimpopo, lapha ungakghona ukuphakamisela abathiyi beemfesi emlamnjeni loyo isandla. Muhle, kodwana ungayokududa khona ngombana uzokuba mumuntu ongene ngokungasimthetho eZimbabwe.
Translated by Lizzy Shongwe | isiNdebele |
Ubulwelwe be-Newcastle Disease ngobunye bamalwelwe wenkukhu ephasini loke zombelele.Ngoba akunapengu, lokha nakusolelwa bona bungaqubuka kufanele kubikwe masinya ngendlela akungakghonwa ngayo kudorhodere wenlwana, uzokurhelebha ukulapha ubulwelwobu.
Ukuqubuka kungadlulana, kungaba phakathi naphakathi nanyana kube kumbi khulu kuye ngonobangela wobulwelwobo, namandla wabo, iinyoni zikghona ukuzivikela ebulwelwenobo kanye nebudaleni bawo.Iinkukhu kanye-namatarantara ngizo ezivamise ukubanjwa malwelwe la kunamadada, lokha iinkukhu ezifuywa ekhaya zibonakala ziqinile begodu zisebujameni obuhle.
I-virus le ithelelana khulu.Ingakghatjheka ngamakaka wenkukhu zinayo,lokha unenyoni ezinepilo ezibanjwabulwelobu lokha nazidla ukudla,namkhana zisela amanzi anobulwelwelobu obungene ngombana amanzi lawo angenwe makaka ,namkhana lokha nabuphaphe ngomoya bangena kiwo.Bungakghatjheka godu lokha iinyoni zikhambakham ba ,nababantu kanye nezambatho zabo,iinsetjenziswa kanye nomkhiqizo wenkukhu.
Ungafuna ini
Imiraro ngobulwelwe be-Newcastle kokobana bulwelwe obunganawo amatjhwayo athize, ekurholela ekutheni ubulwelwobu bufaniswe namanye amalwelwe .Iinyoni, ngokwesdalo, zingabasbaga, zibonakale zidiniwe begodu zigandeleleke ngokomkhumbulo, kodwana akekho amatjhwayo wabo ubulwelobu abonakalako ngaphandle kokobana zivele zizifele. Amasiba wenkukhu angaphuma, begodu zidle kancani kunokujwayelekileko .Lezi ezibekelako zingathoma ukubekela amaqanda amancani, nekhwalithi yawo ibephasi, namaqephe wazo athambe.
Amanye amatjhwayo aya ngokobana ngiliphi ilunga lomzimba elibanjwe bolwelobo Amarhudo amamanzi ,ahlaza,nanyana amhlophe angaba litjhwayo lokobana amathumbu abanjwe bulwelobu.
Amatjhwayo wokobana amalunga wenyonezi wokuphefumula angenwe bulwelobu kubalwa ukuphefumula kabuhlungu ,ukukhohlela ,ukuphelelwa mumoya kanye nokuthimula.Ama-sinus nanyana ihloko yazo ingavuvuka.
Amanye amatjhwayo kubalwa ukubhalelwa ukukhamba ,kanye nokuqhaqhazela .Ihloko yenyoni ingajika nanyana ziyifake hlangana nemilenze ikukhu leyo ikhambe ngokuzombeleza.Lokha nakwenziwa i- post mortem, ubulwelobu bungabonakala ngamatjhwayo naka
- bleeding in the stomach and gut,
- ukopha emathunjini
- amatjhatjhani amancani abovu ,azombeleze ihliziyo kanye namathumbi
- amanzana empumulweni
- iphayiphi lomoya lingaba bovu nanyana litjengise amatjhatjhani abovu 6amanacani ngaphakathi
Ukulatjhwa Kwaso
Njengombana ingekho ipengu yokubelapha, iinyoni eziphethwe bulwelobu be- Newcastle kufanele zibulawe, uDokgodere wenlwana angakurhelebha ukubulawula nokubukhandela ekukghatjhekeni ngendlela zokubulawula ezifaka hlangana ukuzihlukanisa, nokuzigomela amalwelwe msinya ukubulala amagciwani ukutjhisa amakaka wenkukhu kanye nokutjhisa iinkukhu ezifileko.
Indlela enqono yokukhandela amalwelwe kukobana izigomele amalwelwe kanye nokusebenzisa iindlela ze- biosecurity. Nanyana kunjalo khumbula bona kufanele ugome iinyoni ezingaguliko kwaphela. (Funda ngokuzeleko ngendlela ezihle ze- biosecurity nokukhandelwa kwamalwelwe.
Translated by Busisiwe Skhosana | isiNdebele |
Umndeni wama-Rhincodontidae wakhiwa mkhakhawo owodwa kanye nomhlobo munye. Ifesi le imhlobo wesilwani esikhulu kinazo zoke iinlwani eziphilako begodu ubudisi bayo bungaba matani alitjhumi nantathu (20 tons). Kanengi zivame ukubonwa zikhamba ngayinye, kodwana zisuka emhlambini wekhulu lazo. Zinokufudukela eendaweni ezande khulu ngomhlobo weemilo ezibizwa ngama-plankton. Ububanzi bomlomayo bungabalelwa emitheni yinye nahlanu (1,5m) begodu inamazinywana ahlaleleneko amatsikana angaba ma-300-350, nokho ayiwasebenziseli ukudla. Ukubulungeka kwazo kubogaboga khulu begodu akuthabisi. Zimhlobo oqoqoselela ngendeni begodu amadzinyanazo azalwa sele aphila begodu ahlume ngokwaneleko, anjalo nje asuke amasenthimitha amatjhumi amane ukuya kamatjhumi asithandathu wobude. Zinjalo nje zikghona ukuphila iminyaka beyibe likhulu. | isiNdebele |
Akwaziwa okunengi ngokobana abeSotho bavelaphi amaTswana ayincenye yabo. Ngokoya ngokwendaba eziqoqwako, khabe bahlangana nabantu ekhabe bakhuluma isintu, ebeza e-East African Great Lakes (Victoria kanye ne-Tanganyika), beza eMpumalanga, eminyakeni eminengi eyadlulako. Isiko litho gade bafuye boke lada bahlukana babazinchenyana.
NjengabaSotho, amaphethini wabo wokuhlala kanye nendawo zabo zokuhlala zabanjwa zizipi zekuthomeni kweminyaka yabo-1800 ukuya ngeskhathi sokuvuka kwamandla kwakaShaka. Okungafani nabeSotho, batlama ubukhosi obuhlukeneko ebziwa ngentjhaba enarheni esele ebizwa bona yiBotswana namhlanjesi.
Kunokobana batlame isiqhema sinye bahlala enarheni eyomileko, lapha bathola khona abathwa sele bahlala nabanye abantu ababafundisa ukulima eenarheni ekhabe bazuma kizo.
Hlangana kwabathoma ukuhlala kokuthoma epumalanga, iincenye ezivundileko zenarha esele ibizwa bona seBotswana kwanjesi gade kumaKgalagadi. Lokha abezimu babaRolong kanye nababaTlhaping bahlala enarheni ephezulu emlanjeni weMolapo kancani kancani bafudukela eTjingalanga kanye nePumalanga, lapha bathatha khona inarha yeKgalagadi kanye neyabathwa. Ekhabe bangafuni kobana inarhabo ithathwe babakatelela kobana bafuduke erhalawombei leKalahai nekukulapho abanye babo basahlala kwanjesi. Inarha ezombeleze lapha sele kubizwa bona se-Runstenburg, Zeerust kanye ne-Litcheburg eSewula Africa esifundeni sange-North West Province kwahlala ama-Hurutshe, Kwena kanye nabaKgatla, amahlalo wabo kwanjesi akhombisa ukubakhona kwamaTswana okuqinileko. Ukuba khona kwabo okuqinileko namhlanjesi kusabonakala kodwana sele bahlukana kunekuthomeni okwenza bona bangasabonakala khulu, sele bazele eendaweni zoke zeRhawudeni.
Ubufazibukhombisa bona abezimu bamaTswana wanamhlanje gade e-Highveld kusukela ngabo-17th century. Iskhathesi kusukela ekuthomeni kwabo-19th century yameregwa ngokobana kube khona ukungwarana ngakwezepolotiki, amalunga aphasi wobukhosi asuka kilabo egade abalandela ayozitlamela zazo iinqhema, ezaduma ngebizo lomdosi phambili wawo omutjha.
Ukusukela ngeminyaka ka-1810, umurhwa loyo waphungulwa mafektha amabili; irarano elenziwa babantu ekhabe bakhuluma isiNguni kanye nabanye bantu abafika ngesikhathi sezipi zakaShaka, kanye nengozi yokuthathelwa inarha lokha amakhuwa nakafika enarheni yabo, kokuthoma azokuzuma inarha kanye nenkomo kwathi lada nakazokuzuma iinsebenzi eziyokusebenza ukwemba idayimani kanye nerhawuda eemayini. Amafekutha la womabili asabisa ubukhosi benkosi zendawo, begoda arholela ekutheni abantu bahlala ngokuhlangana kunangaphambilini. Ngebanga lemiraro ekhabe ilethwa ngezepolotiki khabe sele kubudisi khulu kibo begodu kungakaphephi, aabantu ekhabe bahlala ngaphasi kwamkhosi bangezeleka baqina, begodu gade buvamise kobana bube rondo kube ngilokho esele kubizwa bona yi-sitjhaba namhlanje.
Translated by Busisiwe Prudance Skhosana | isiNdebele |
Ubulwelwe be-Ebola nofana (EVD) I-Ebola nomulwana wokopha iingazi okhambisana nomgomani (EHF) mimulwana ebangwa bulwelwe bevayirasi ebizwa nge-Ebola. Amatshwayo athoma ukubonakala phakathi kwamalanga amabili ukuya eemvekeni eentathu ngemva sewungenwe bulwelwe lobu, njengomgomani ongapheliko, umphimbo obabako onesilonda, imisipha ebuhlungu kanye nehloko esawula kabuhlungu. Kesinye isikhathi ungahlanza, uphakanyelwe ziimbindi nesifo sokurhuda, kuzokwenza bona amaphaphu kanye neso zingasasebenzi kuhle.
Umulwana lo ungangena nawuthintana neengazi zomuntu ophethwe ngibo nofana umjuluko nanyana okunye nokunye okusamanzana okuvela (eenlwaneni kumaphelaphelana nofana iimfene). Kukholelwa bonyana abomaphelaphelani bakwazi ukuphatha umulwana lo kodwana wona angaphathwa ngiwo. Kwaba khona umuntu otheleleke ngomulwana lo, umulwana lo ungatheleleka kabanye abantu godu ngesikhathi esifitjhani. | isiNdebele |
Ngabona uNelson Mandela asemsebenzini ekhotho ngesikhathi sangemva komtjhagalo wabafazi wokulwisana nemithetho yakamazisi ngomnyaka ka-1959.
Iinfuneko zokuthi abantu abanzima bekufanela bahlale baphethe abomazisi babo ngaso soke isikhathi nofana bazithole baqalene nokubotjhwa kwamsinyazana besele zilulelwa nebafazini: iinkulungwana besele zibotjhelwe ukuveza amazizo wokuzimisela ngokuphikisana nemithetho le.
Begade ngimbikiindaba omncani ephephandabeni le-Rand Daily Mail ngisafunda amakghona njengombikiindaba emakhotho kamarhastrada.
Besele ngimazi uMandela begodu wangitjela bonyana ukulalelwa kwamaqala amanengi wabafazi ababotjhiweko kwenzelwa esithomeni somakhiwo lapho amajele abavalelwa kiwo atholakala khona, begodu nokobanyana ababiki beendaba begade bavalelwe ngaphandle ekulaleleni amaqala.
Mina naye savumela bonyana lokhu khona akukalungi ngokomthetho. Ngakhamba ngayokubonana nesikhulu sakamarhastrada begodu nganghonghoyila, ngathusela nokobana ngizakufaka isinghonghoyilo eKhotho ePhakamileko.
Ngemva kwalapho ababikiindaba bavunyelwa ukulale amaqala. Ukusuka lapho ukuya phambili, eemvekeni ezisithandathu, ngahlala phakathi ekulalelweni kwamaqala noMandela hlangana namanye amagqwetha alwela bonyana abafazi batjhatjhululwe nofana okungasenani baphiwe iingwebo ezilula kunalezo abaphiwe zona.
Ngokukhamba kweminyaka elitjhumi, lokha uMandela asibotjhwa se-Robben Island, wangibhalela incwadi. Ngokukholelwa bonyana iinkhulu begade zingekhe ziyivumele bonyana ifike kimi, mhlambe bekuliqiniso, wayinqophisa komunye umuntu.
Ukuthi incwadi iyakubani begade kufihleke kilokho ekumumetheko ngombana wayinqophisa kilokho okwenzakalako mayelana nokukatelela umarhastrada bonyana avulele ababikiindaba ekulalelweni kwamaqala. Incwadi le yadlulisela komunye nomunye njengombana begade balinga ukuthola bonyana inqophe kubani, yagcina ifinyelela ezandleni zami ngemva kweenyanga aziimbalwa.Translated by Johannes Nkosinathi | isiNdebele |
Ukuphazanyiswa Kwemvelo
Isihlengelesi siyatjhisa ehlobo sibemakhaza kwamanikelela ebusika. Ngaphambi kokufika kwabantu eshlengelenesi, kwakunotjani nemithi emifitjhani. Yoke imithi ebonakala namhlanjesi yatjalwa babantu eminyakeni eyadlulako eyi-500, ngokulinga ukwenza bona sifane nekhaya.
Ezinye zeenzathu zokobana kungabi nemithi kukobana i-island le gade inganamanzi kuhle Akunamadamu kanye nemilambo, kunamanzi atholakala kumadamu wokududa/-pool kwaphela. Kwathi lokha abantu amanzi gade avele anganeli, begodu izindlu abanazo bezivamiswe ukwakhiwa ngamanzi wezulu ebegada agade babuthelela ngawo amanzi wezulu. Ngeminya yabo - 20th century, isitjalo ekungasiso salapha safakwa ukuphuqula ukulethwa kwamanzi, kodwana kusese yindawo eyomileko eenlwaneni ezingakghoni ukuphila elwandleneli.
Kuthiwa i-Robben Island Iyitjhuguluki, nanyana abantu balingile ukuyitjhugulula ngokobana batjale imithi yama-palm (kwanjesi esele igotjwe mumoya) batjele ne-bright bougainvillea engadini ezele ithuli. Kodwana i-island isese yinto ezele ipilo, lokho yincenye yobuhle bayo.
Iinlwane Zomango Zivamile
I-fauna yemvelo yalapha ekuthomeni gade iphethe iinlwane zemanzini khulu, ezifana nama-seal, iinyoni zelwandle kanye nama-penguins. Iinyoka zehlobo le-mole nazo ngezemvelo e-island. Ezinye iinlwana esele zihlala e-island le zalethwa babantu. Namhlanje, iinlwanenezi kubalwa amaqina ayi-15, i-steenbuck eziyi-100, ama-deer weEurope, ama-Bontebok, ama-Eland kanye nematshe ambalwa. Kuzele nemiqasa, amakhondlo kanye nabokatsu.
Ishlengelesi sizele iinlwana. Imiqasa ikhambakhamba emahlathini,inkomo zomango nazo zikhamba ngokutjhaphuluka enarheni enganadrada. Nanyana ungaziboni, kunobufakazi benlwana yoke indawo. Ama-drolletjies kanye nama-penguins azala indlela. Iinyoni nazo zizele kunemihlobo engabalelwa kweyi-74 eyehlukahlukeneko yenyoni, ekubalwa nama-cormorants, seagulls kanye nama-lapwings.
Okutjhejeka khulu, nanyana kunjalo–mapenguin we Africa. Atholakala ekuthomebi kwelwandle eduze kwe-habour, naziyela lapha thanda khona. Omunye wabahlali abahlale isikhathi eside eshlengelenesi, nosele ahlezi iminyaka eyi-20 uthe, kade, ama-penguins gade angazithembi ngombana bekazi bona azokugcina afike epotweni yakanogada wembotjhwa olambileko. Nje, sele azele koke eshlengelenesi, begodu kuthiwa angaba yi-13 000 okungasenani.
Translated by Busisiwe Skhosana | isiNdebele |
Abasotho bathatha ukugida nokubhina, ekuphekelelwa minyanya. Iqulo lisetjenziselwa ukumerega izinto amadoda ahlangabezana nazo lokha nakaye emsebenzini. Amadoda aqula iingoma zabakhambi (-lifela tsa litsamaea naha) ngezinto abahlangabezana nazo lokha nabahlala emahostela nangaphasi kwehlabathi emayini, abefazi nabo babalabala ngamaphilo wabo njengabafelokazi. Umdanso ojwayeleke khulu yi-mokorotlo, i-mohobelo kanye ne-makhibo.
I-makorotlo igidwa madoda, bagidela ikosi, ngeminyanya eqakathekileko, efana nemihlangano yepolotiki, nanyana lokha ikosi kanye nabalandeli bayo bathatha ikhambo lokuyokuhlola. Nakugidwa igidweli amadoda ayaphambili nemva, babethe nenyawo phasi kwabuthaka, umdosi phambili uqulela phezulu, alandelwe ngamaphimbo aphasi siqhema aqula naso.
Nabasaqula njalo indoda yinye iyasuka esiqhemeni yeqa yeqa ngaphambi kwekosi ,yenza inga iyalwa.Ukhuzelwa ngabanye abalisa ukuqula bambize ngebizo lakhe lokugida. Umuntu ogidako uyazibongelela nanyana abongelele ikosi. Ngemva Kwalokho ubuyela lapha gade akhona, bathome godu bagide kabuthaka. I-mohobelo ugidwa madoda, utlhoga amandla kanye nokubekezela begodu ugidwa khulu entambama, ukukara abagidelwako.
Igido labafazi elibizwa kobana yi-mokhibo ligidwa ngamadolo, umzimba uvuswa kancani, uwiswe lokha izandla zisiwa phambili. Ababhini bajama ngemva kwelayini yabantu abagidako, babhine babethe nezandla. Amaqekha mhlobo okhethekileko wegido eyincenye yesigaba sokuthoma somntazana owelako.
Abasotho banezinto zokwenza umbhino ezihlukahlukeneko, umrupa ekusigubhu esincani esibethwa abentazana nabaya engomeni, senziwe ngedaka esivalwe ngeskhumba, begodu sibethwa ngezandla. Ilekoko lenziwe ngeskhumba esiqinileko sekomo esibetjhwa ngengodo, sikhiqize umdumo.
Sisetjenzizwa ma-maqekha seances. kwaphela. I-lesiba limumethe umsila wepera otantelwe esigodweni, sidoswa kancani sikhiqize i-vibration ekhipha umdumo. I-thomo isetjenziswa nomsila wepere nazo zikhipha umdumo. Ikapo enomqibilitjholo nanyana iblege elidala zidlalwa ngokobana kudoswe istringhi nanyana ngokobana ibetjhwe ngesigodo.
Translated by Busisiwe Skhosana | isiNdebele |
Igama lomndenazo elijayelekileko
Hard corals
Igama lesayensi
Scleractinia
Ubungako
Ingakhula beyibe maskwere ambalwa wamamitha.
Ikambiso Yokufanisa
Isakhiwo sayo, ubukhulu kanye nemibalazo ihluka khulu. Iminyene, inamagatja, ipatalele begodu irondo zinjalo nje zibonakala kanengi. Ezinye zazo zibutjhelelezi, kuthi ezinye zazo zibe nesidlhogoriyana ihlokwayo yoke. Imibalazo ihluka ukusuka ko-orentji, obovu, osarulana, ukuya kohlaza sasibhakabhaka, o-olive, omlotha kanye nozotho.
Ilwazi Elivamileko
Irhemo lazo liwela ngaphasi kwesigaba esincani sama-Hexacorallia esifaka hlangana ama-anemones, zooanthids kanye nama-black corals. Umhlobo lo weemilo zangemanzini umila ngobunengi begodu uhlanganyela ikhemikhali yazo eziyimumathako (calcium carbonate skeleton). Zakha iimilo ezibizwa ngama-reefs. Ukukhula kwazo okungakavami kulumatha ngalakho ezifana ngakho nokungikho okuthwala i-zooxanthellae algae begodu ipha nombala kanye nokusiza ukwakha isakhiwo sawo. Zithela ngokuzala kokurhatjha.
Ukudla Kwazo
Ziphila ngokudla zooplankton
Ukusabalala Kwazo
Zitholakala kiwo woke amalwandle womhlaba wobujamo bezinga elifuthumeleko kanye nelipholileko.
Imihlobazo ejayelekileko
Cluster finger coral - Acropora digitifera
Mushroom coral - Fungia scutaria
False brain coral - Symphyllia sp. | isiNdebele |
Ekadeni imiqasa kade inemisila emide emihle, emide, enamaboya emhlophe egade ziyitjikizisa lokha nayithabileko namkha nayithakasileko. Ngesikhatheso, yoke imiqasa beyihlala phezu kwesihlengele, esihlukaniswe nenarhambala ngobubanzi, nangomlambo ophehla amagwebu. Nanyana imiqasa beyikwazi ukududa, beyingakghoni ukufika enarhenimbala, ngombana ngemlanjeni bekuhlala amadazeni weengwenya ezikulu, ezilihlaza satjani nezilambileko. Iingwenyezi ayikho into ebeziyithanda ukudlula ukudla isidlo sekuseni, semini nesentambama somqasa. Ngalokho-ke ngamalanga boke abonina bemiqasa bebatjela abentwana babo bonyana, “BADLALELE KUDE neendawo ezimagega nelwandle ezinesanda! BADLALELE KUDE namanzi! BADLALELE KUDE nendawo ezineengwenya ezithusako nezilambileko!”
Lokha imiqasana nayisalalele abomanina, yaphila ipilo ehle enethabo, yeqayeqa ngaphasi kwemithi iphangelana utjani namathuthumbo akhula magega nayo. Kodwana lokha imiqasa nasele ikhulile, eminye yayirhalela ipilo etjengisa isibindi. “Kufuze ukuba mnandi khulu enarhenimbala!” batjho njalo komunye nomunye. “Kufuze ukuba nezinto ezimnandi zokudla khona, kunye neenlwana ezinengi ekungadlalwa nazo. Akukalungi bonyana singakwazi ukuya khona!”
Ngelinye ilanga, umqasa omncani khulukhulu othanda ukudlala obizwa ngokuthi nguHaruki, waba nombono omuhle khulu. “Niyazi kobana yini?” waqhotjhela abangani bakhe. “Namhlanjesi ngizokubalekela enarhenimbala!” Akekho ebanganini bakhe owamkholwako, kodwana uHaruki akhenge abenendaba. “Ningiqale!” watjho yena, eqela endaweni emagega nomlambo enesanda.
Lokha uHaruki nafika emphethweni womLambo, warhuwelela ngokuzithemba, “Yeyi, Kosi yeeNgwenya! Phuma ngemanzini! IKosi yemiQasa ifuna ukukhuluma nawe!” Abangani bakaHaruki bathuthumela, badosa ummoya lokha ingwenya ekekenisileko idosela umzimbayo onamandla esandeni. Akhange khebayibone into ethusa kangakaya. Ingwenya yageda amehlwayo kabuthaka, yase ithi, ngelizwi elikhulu, elibhodlako, “Iye, ngingakwenzelani, wena sidalwa esincani esinekani?”
“Kuhle,” kwatjho uHaruki ngokuzithemba, angatjengisi ukwesaba nakancani, “Ngicabanga bonyana sikhathi sethu njengamakhosi bonyana silinganise imibuso yethu. Kokuthoma ngizakubala zoke iingwenya, nawe ungabala yoke imiqasa. Ngalokho sizakwazi ukubona bonyana ngubani phakathi kwethu unombuso onamandla.”
Ikosi eyingwenya akhenge ikholwe itjhudu layo. Yacabanga ngesidlo esimnandi ezokubanaso lokha nasele kusikhathi sayo sokubala. “Mqondo omuhle loyo,” yatjho kabuthaka, ikhambisa ilimi layo kabuthaka phezu kwamazinyo asarulani, amasungulwana. Yaphenduka, sakuzisonga yabuyela ngemanzini. Msinyana amanzi azamazama, lokha iingwenya nazithoma ukurhema zenza umjeje omude ngemva kwakhe ngemlanjeni.
“Awuzwake!” kwatjho uHaruki, akekenisele abangani bakhe. Weqela phezu komhlana wengwenya yokuthoma, watjikizisa umsilakhe lokha nakathoma ukubala. Abangani bakhe badosa ummoya ngokumangala lokha nababona lokho ayekwenza. “Kunye! Kubili! Kuthathu!” ubalela phezulu, weqa asuke phezu komhlana wenye iingwenya, eqele phezu kwenye. “Kune! Kuhlanu! Kuthandathu! Kukhomba!” waragela phambili, atjikizisa umsila wakhe omude, omhlophe lokha nakeqako asondela eduze nenarhambala. Ngemuva kwemizuzu emihlanu, abangani bakhe bebabona intwanyana encani nje inande irhuwelela yeqa kude le nabo.
“Matjhumi alithoba nabunane! Matjhumi alithoba nathoba! Likhulu!” Kwanjesi bekungasenangwenya phambi kukaHaruki – besele kusesandeni magega nelwandle. Lokha nakeqela phasi asuka emhlana wengwenya yokugcina, warhuwelela ngokuthaba okukhulu. “YELELE! YELELE! NGINIDLELEZELE!” wazikghantjhela lokha nakaphezulu emmoyeni eqela esandeni. “Nina zingwenya ezinelunya ningenzele ibhlorho lokuya ngenarhenimbala!” lokha ingwenya yokugcina nayizwa amagama la, yajuguja ihlokwayo yabetha umsila kaHaruki MSINYANA khulu! UHaruki warhuwelela ngokuthuka, kodwana waragela phambili eqayeqa yoke indlela magega nelwandle. Akhenge abanendaba nokuthi ulahlekelwe msila ngombana uyitholile ikululeko yakhe. Kungalokho nanamhlanjesi, imiqasa inemisila emifitjhani, eziintontjana, njengoHaruki. | isiNdebele |
Ingcenye le ikhuluma ngomlando wepilo yeKosi uSawula neKosi uDavida, okungaba minyaka ema-80. Ekuthomeni, uSawula bekathobekile, ahlonipha noZimu, kodwana lokho kwatjhuguluka msinyana, walisa ukukhamba ngelayelo lakaJehova. UJehova wamfulathela, bese kwathi ngesikhathi esifaneleko wathuma uSamyela bona ayokuzesa uDavida ozokuba yikosi elandelako kwa-Israyeli. USawula ngokuba nomrhobholo, walinga kanengi ukubulala uDavida, kodwana uDavida azange azibuyiselele. Indodana kaSawula, uJonathani beyazi ukuthi uDavida ukhethwe nguJehova, yeke yathembeka kuDavida. UDavida wenza izono ezimbi khulu kodwana azange anghale uJehova nakamkhalimako. Nawumbelethi, siza umntwanakho abone ukuthi kuqakatheke kangangani ukuhlala usekela amahlelo kaZimu.
ENGCENYENI LE
UZimu bekathumele abahluleli kwa-Israyeli bona bawanqophise, kodwana wona azibawela ukuba nekosi. USamyela wazesa uSawula owaba yikosawo yokuthoma, kodwana ngokukhamba kwesikhathi uJehova wamfulathela uSawula. Kubayini?
UJehova wakhetha uDavida waba yikosi yakwa-Israyeli, noDavida naye watjengisa ukuthi uJehova bekakhethe kuhle.
Kubayini enye yamadoda la beyihloye enye le indoda, yeke indoda le yazizwa njani ngokuhloywa kwayo?
Indodana yekosi yaba mngani omkhulu kaDavida.
Isiqunto esingakavuthwa sabangela umonakalo omkhulu. | isiNdebele |
Khuyini ongayenza bona utjhidele kuZimu? Nanzi iindlela ezilandelako esele sicoce ngazo ongazisebenzisela ukwakha ubuhlobo obutjhideleneko naye:
Ukwazi nokusebenzisa ibizo lakaJehova uZimu.
Ukuhlala ukhulumisana naye ngomthandazo nangokufunda iliZwi lakhe, iBhayibheli.
Ukuragela phambili nokwenza lokho okuthabisa uJehova.
Ngokuya ngekambiso le, bowungatjho na ukuthi wenza okutlhogekako bona utjhidele kuZimu? Kghani zikhona iindawo ongafisa ukuthuthukisa kizo? Akubuzwa, kutlhogeka umzamo, kodwana akhese sicabangele imiphumela.
UJennifer, we-United States uthi: “Nanyana ngimuphi umzamo owenzelwa ukuthuthukisa ubuhlobo noZimu uqakatheke khulu. Ubuhlobo obunjalo buletha iimbusiso ezingeze zabalwa: ukuthembela kuZimu, ukuzwisisa ubuntu bakhe, kodwana ezidlula zoke, lithando lamambala ngoJehova. Ayikho indlela engcono edlula le!”
Nangabe unekareko yokuba nobuhlobo noZimu, aboFakazi bakaJehova bazokuthabela ukukusiza. Bangahlela ukufunda nawe iBhayibheli, simahla. Umukelekile nokuthi uhlanganyele nabo imihlangano yabo yeBhayibheli ebanjelwa eWolweni lomBuso eliseduze, lapho-ke uzokuthabela ubungani nalabo abazisa ubuhlobo babo noZimu. * Nawenza njalo, nawe uzozizwa ngendlela umrhubi azizwa ngayo nakathi: “Kodwana nakungimi, kuhle ukuba seduze noZimu.”—IRhubo 73:28. | isiNdebele |
Abantu bakaZimu bazinikela ekusekeleni indlela yokulotjha uZimu ngeqiniso ngeendlela ezihlukahlukeneko
10:28-30, 32-39; 11:1, 2
Isitjhaba sabhincela ukugidinga umNyanya wemiTlhatlhana, lokho bakwenza ngendlela efaneleko
Qobe langa abantu bebahlangana, balalele nakufundwa umThetho kaZimu, lokho bekubathabisa
Abantu bavuma izono zabo, bathandaza, babawa uJehova bona ababusise
Abantu bavuma ukuragela phambili basekela ihlelo lakaZimu
Ukuraga nokusekela ihlelo lakaZimu bekubandakanya:
Ukutjhada nabantu abalotjha uJehova
Ukunikela ngemali
Ukugcina iSabatha
Ukuletha iinkuni ze-aldari
Ukunikela ngeentjalo ezivunwe qangi emasimini nangamazibulo wemihlambabo kuJehova | isiNdebele |
UMandela uthola i- Doctorate yokumhlonipha e- Witwatersrand ngeJwanisbhege.
Ngonyaka ka-1991, uNelson Mandela wathola unongorwana wokumhlonipha eJwanibhege e-Univesithi ye-Witwatersrand ngokuzinikela kwakhe enarheni le, nokuba mdosiphambili oyikakaramba okhe wabonwa eSewula Africa.
UMadiba bekathandwa babantu,iphasi loke zombelele ithemba,nokubekezala kwakhe lokha nakalwela ikululeko kwagcugcuzela i-Univesithi bona imhloniphe ngonongorwana. UMandela uthole ama-degree wokumhlonipha nabonongorwana, ekubalwa i-Doctorate yokumhlonipha ebuya eUnivesithi yezomthetho ye Lesotho, ne the learning peace prize yango -1990, i-Honorary Dectorate ebuya e -Stellebosch University kanye ne- the Nobel Piece Prize ka-1993.
“Ihliziyo ehle, nehliziyo ehle zihlala ziyihlanganisela ehle. Kodwana nawufaka lapho ilimi elifundileko nofana umsobo, lapho unento ekhethekileko.” ~ Nelson Mandela
Umvumi we-pop weSewula Africa uBrenda Fassie othintekileko emoyeni, usingatha uMandela....more
UNelson Mandela wabuyela emzinakhe eOrlando eSoweto ngemva kokobana bamkhiphe ngentrogweni ngonyaka ka-1990. UMandela wakhulela e-no- 8115 Vilakazi Street esele iphendulwe i-museum....more
UMandela bekathandwa balandeli bakhe, begodu iliphawu lekululeko labo boke abantu. Udlala abonwa njengoZimu eSewula Africa, bekabonwa njengesika yamandla, neyethemba...more
Abalweli bekululeko abanengi ukubalwa noNelson Mandela, egade eligcwetha ngeskhatheso basolwa ngumlandu wokuzama ukuketula umbuso ngeminyaka yabo 1950 yebandlululo....more | isiNdebele |
Embonweni kaHezekiyeli indoda ephethe ipotomende yokutlola namadoda asithandathu aphethe iimbulawo afanekisela ini?
Afanekisa amabutho wezulwini egade akhona nakurhayilwa iJerusalema godu azobe akhona nakubhujiswa iphasi lakaSathana elonakelekweli nge-Arimagedoni. Le yindlela esele sizwisisa ngayo indaba le. Kubayini sitlhoga ihlathululo etja le?
Ngaphambi komnyaka ka-607, emihleni kaHezekiyeli, uJehova wamtjengisa umbono wezinto ebezizokwenzeka eJerusalema ngaphambi kobana libhujiswe. Eembonweni loyo uHezekiyeli wabona izinto ezinengi ezimbi zenzeka. Wabuye wabona amadoda asithandathu ngayinye yawo iphethe ‘isibulawo esandleni sayo.’ Bekunenye godu indoda ebeyikhamba namadoda la, yona ‘beyimbethe ilineni’ iphethe ‘nepotomende yokutlola.’ (Hezekiyeli 8:6-12; 9:2, 3) Indoda le yatjelwa ukuthi “ikhamba loke idorobho iJerusalema, ubeke iphawu esiphongweni sabantu ababubulako nabalilako ngebanga leenkghabhudlho zoke ezenziwa kilo.” Kwathi madoda asithandathu aphethe iimbulawo wona atjelwa ukuthi, bhubhisani woke umuntu osedorobhenelo onganalo itshwayo. (Hezekiyeli 9:4-7) Khuyini esiyifunda embonweni lo, begodu ingubani indoda ephethe ipotomende yokutlola le?
UHezekiyeli waba nombono ngomnyaka ka-612, bekusiphorofido esazaliseka eminyakeni emihlanu eyalandelako, uJehova nakavumela amajoni weBhabheli bona arhayile iJerusalema. Kilokhu uJehova wasebenzisa abantu beBhabheli ukuthi kube ngibo abajezisa abantu bakhe abamahlongandlebe. (Joromiya 25:9, 15-18) Kuthiwani-ke ngamaJuda angakhenge avumelane neziga ebezenziwa edorobhenelo? UJehova wenza umude bona amaJuda lawo ayaphepha.
Embonweni loyo uHezekiyeli akhenge atshwaye abantu kwamambala namkha ahlanganyele ekubhujisweni kwedorobhelo. Bekuziingelozi ezalawula ukubhujiswa kweJerusalema. Yeke isiphorofidwesi sisinikela ithuba lokubona okwenzeka ezulwini. UJehova watjela iingilozi zakhe bona zilungiselele imbubhiso beziqinisekise nokuthi kuphephe boke abalungileko. *
Isiphorofidwesi sisazokuzaliseka nangokuzako. Besithi indoda ephethe ipotomende yokutlola ijamele abakhethiweko abasaphila ephasinapha. Besivame nokuthi abantu bafumana itshwayo nabalalelako nalokha nabemukela ukutjhunyayelwa kweendaba ezimnandi. Mva nje bekwasikhanyela ukuthi kutlhogeka sitjhentjhe indlela ebesihlathulula ngayo isiphorofidwesi. Emtlolweni ka Matewu 25:31-33 sifunde ngokuthi uJesu nguye yedwa ohlulela abantu. Lokhu uzokwenza hlangana nesikhathi seenhlupheko ezimbi. Ngesikhatheso abazokwahlulelwa njengezimvu, bazokusinda, kuthi labo abazokwahlulelwa njengeembuzi babhujiswe.
Alo-ke khuyini esiyifunda embonweni kaHezekiyeli? Nanzi iimfundo ezihlanu:
Ngaphambi kokuthi iJerusalema libhujiswe, uHezekiyeli, uJoromiya no-Isaya, bayelelisa abantu ngebekuzokwenzeka edorobhenelo. Bebanjengabalindi. Nanamhlanjesi kusese ngisweso, uJehova usebenzisa isiqhema sabantu abakhethiweko bona bafundise abantu bakhe bebabayelelise ngenhlupheko ezimbi ngaphambi kobana zenzeke. Abantu bakaZimu seba boke, okuziinsebenzi zakaKrestu zinendima eziyifezako ngomsebenzi oyelelisa abantu lo.—Matewu 24:45-47.
UHezekiyeli akhenge ahlulele bona bobani abazokusinda. Nabantu bakaZimu namhlanjesi abakwenzi lokho, into abayenzako kutjhumayela nokuyelelisa abantu ngalokho okuzokwenzeka ingasikade. Umsebenzi wokutjhumayela esiwenza ephasini loke lo, sirhelejwa ziingelosi ukuze siwenze.—IsAmbulo 14:6.
Abantu abasinda emihleni kaHezekiyeli, akhenge batshwaywe ngetshwayo lamambala eempandleni zabo. Nanamhlanjesi labo abazokusinda nabo angeze batshwaywe ngetshwayo lamambala. Abantu kufuze benze njani nabazokusinda eenhluphekweni ezizakwezi? Kufanele nabezwa ngesiyeleliswesi bafunde ukulingisa uKrestu, bazinikele kuZimu, bebasekele nabafowabo likaKrestu ngokutjhumayela iindaba ezimnandi. (Matewu 25:35-40) Kuzakuthi-ke phakathi nesikhathi sokwenzeka kweenhlupheko ezimbezi, abantwabo bazakutshwaywa, okutjho ukukhethwa kwalabo abazokusinda.
Indoda embethe ilineni ekhesacoca ngayo leya, ifanekisela uJesu. Phakathi neenhlupheko ezimbi uJesu uzokutshwaya isiqubuthu esikhulu nakasahlulela njengezimvu. Abantwabo bazokufumana ithuba lokuphila ephasini unomphela.—Matewu 25:34, 46. *
Namhlanjesi amadoda asithandathu lawa aphethe iimbulawo afanekisela amabutho wezulwini arholwa nguJesu, msinyana azokurhayila izizwe abuqede nya nobumbi oburhagele kangaka.—Hezekiyeli 10:2, 6, 7; IsAmbulo 19:11-21.
Iimfundo esizifunama emibonweni le ziyasiqinisa sibe nethemba lokuthi uJehova angeze abhubhisa abalungileko nabantu abambi. (2 Pitrosi 2:9; 3:9) Esinye isifundo esiqakathekileko ngesomsebenzi wokutjhumayela indlela oqakatheke ngayo esikhathini sethwesi. Yeke woke umuntu kufuze ezwe isiyeleliswesi ngaphambi kokuthi ukuphela kufike.—Matewu 24:14.
^ isig. 6 Abantu abasinda lapho bekunguBharurhu, (unobhala kaJoromiya), u-Ebede-Meleki umKutjhe nebesiqhema samaRekabi, kodwana bebanganalo itshwayo lamambala eempandleni zabo. (Joromiya 35:1-19; 39:15-18; 45:1-5) Itshwayo elingokomfanekisweli belitjho ukuthi bazokusinda. | isiNdebele |
Ilizwi – Endumbeni Arts Culture
Ngendlela yinye tere, ngeyokobana silibulunge ilimi lesikhethu ngokuthi lifundwe eenkolweni zethu, okungiwo umsebenzi oqakatheke khulu ngomlando weentjhaba zoke epilweni. Ilimi lesiNdebele aliqedwa kwaphela mlando wegandelelo, kodwana khathesi sele kunamalimi amanengi khulu akhulunywako emiphakathini yethu. Abantu bokukhamba bafika bekhuluma amalimi wemakhabo, abawafunde eenkolweni zemakhabo, lokho kwenza bona abantu bekhethu, amasikwabo kunye namalimi kurarane, kubebudisi khukhulu kubantwabatjha. Eenkolweni kuhlezi irhubhululo lendabuko, iinzukulu zilifumana njengamanye amagugu kunanyana ngisiphi isitjhaba esiphilako. Lapha eSewula Afrika kuneemfunda ezilithoba, kizo zoke lezomfunda kufundwa amalimi wabantu bendabuko leyo, kunye nesikhuwa. Ukufundwa kwelimi labantu bendawo ethileko kutjho bona abantu bendawo leyo badzimelela emlandweni wabo, godu nesifunda leso. Sihlohlozela intuthuko yelimi lesiNdebele eenkolweni zomphakathini wesitjhaba endaweni efaneleko, ebantwini abafaneleko, begodu loyo mnqoph’ ofaneleko.
Iye siyavuma bona eminyakeni eminengi emlandweni ilimi lesiNdebele gade ligandelelekile, kunye namanye amalimi wabantu abanzima eSewula Afrika. Umnqopho wegandelelo kukuthi amalimi wabantu abanzima aphele ngombana alitshwayo nehlathululo lamagugu, kwenzele bona iinzukulu ziduke khulu. Umphumela walokho kukuthi abantu abansundu bazinyaze ngobubona babo. Lokho kuyokwenza bona amaNdebele akhulume amalimi abangawaziko nendabuko emlandweni ongabasizi ngalitho. Ufumane umuntu aneenhloni begodu azinyaze ngelimi lekhabo, ngaleyondlela bayarhirika ukhuphula elinye abantu balo bangalitjheji elakho. Ngokutlhayela kwelwazi ngelimi kutjho bona kutlhayela ihlathululo lamasiko wakho kunye ihlathulo lomuntu ngaye kuzwakala kuhle ngesikhabo, ngombana kunezinto ezibizwa kwaphela ngamagama wendabuko emhlotjeni welimini lelo. Nasele kufika isikhathi esithileko sehlathululo umlando kuzakufika godu abanye abantu abangaziwako bahlathulule isintu sakho ngelimi ongalizwako. Ilimi lesiNdebele lihlangana nokugirika okuhleliweko nawo kodwana okutjha kukuthi abntu ababoni litho elimbi kilokho abazifumana sele balahlekile elimini elithileko. Loke lelo lihlelo elicaliswe esikhunjeni esinzima, kodwana ezinye iintjhaba azilitjhiyi khulu ilimi labo, lapho athuthuka utjhinga nalo ukuze neenzukulu ezizako zilifumane. Umqopho walokho kukuthi kubulungwa ilimi okuligugu elikhamba phambili.
I-
ilenzile irhubhululo ebantwini abanengi emphakathini eenkolweni kubafundi nabotitjhere. Iqiniso kukuthi abantwana bamaNdebele baphasi kwegandelelo, ngombana emakhaya bakhuluma isiNdebele kodwana eenkolweni bafunda ilimi lesiZulu. Lokho kubafaka emrarweni nasele benza irhubhululo nasifika elimini, khulukhulu elekhabo. Eenkolweni abotitjere bararekile ngombana nabo iyabatshwayela indaba yelimi lesiNdebele, likhulunywa koke nje, begodu abafundi balikhuluma ngesiZulu. Abotitjhere abamaNdebele ngokubethwa, ngapha ukube banerhuluphelo lokufundisa ilimi lendabuko yabo, bayakateleleka bona bafundise isiZulu ngombana ngilo abasifundileko. Kubabudisi khulu, nanyana sele babona isintu sabo sigirika, kufane nokuthi bafundele khona ukufaka isandla sokugiriza esitjhabeni sekhabo, kwamambala kusithombe begodu nomlando omumbi efundwenabo, kwanga bafundele imali kwaphela.
Itjhuguluko lona libudisi ebantwini boke eentjhabeni zoke, umraro wengqondo nomkhumbulwayo, nanyana sele balibona iqiniso, ngombana sele bajayele umkhuba nanyana unganatlha bayarhodlhelela. Abantu kwamambala baliselele bona isitjhaba sibhalelele khona le emasisweni., iinzukuku zitlhayela ngomtlala, zenza amasiko ezingakgoni ukuwuhlathulula ngelimi labo abalifundileko. Ngapha abantwana bafunda ilimi elihlathulula amasiko abangalenziko, begodu elingabasizi ngalitho ukuhlurhisa imirabhu yabo esele irathukile.
Featured Video | isiNdebele |
Lotjhani noke!
Namhlanje ngithethe isinqumo esibaluleke kwamambala epilwen’ yami!
Ngifuna ukwabelana nani ngentjhijilo engihlangabezana nazo epilweni, mihla namalanga.
Njengoba ngitjhwile ngaphambili, kweminye yemitlolo yami, kusifiso sami ukufunda isiNdebele esicwengileko, kungakho ngibawa ukuthi nabelane nami imibono yenu, nala ngitjhapha khona, ngibawa irhelebho bo!
Njengoba bengisatjho, ngithethe isinqumo sokuvela phaphalazi ngepilo yami efihlekileko (my private life).
Isizathu salokhu akusikukuthi ngifuna ukubukwa! Kusifiso sami ukupha abantu ithuba nendawo la abantu besikhethu bangademba ezinye zezinto eziqakathekileko kodwana esinenhloni ukukhuluma ngazo ngoba kuthiwa mhlolo!
Qhubekani, ningalisa ukufunda imitlolo yami. Ngibawa nabelane nami imibono yenu begodu nalangingenza ncono khona.
Maye ngithokoze! | isiNdebele |
Igama lomndenazo elijayelekileko
Nudibranch – Typical Dorid
Elinye igama ebizwa ngalo
Sea slugs
Igama lesayensi
Doridina
Ubukhulu
Ingakhula beyibe masenthimitha amatjhumi amahlanu, ubuncani bazo ziba masenthimitha alikhomba.
Ikambiso Yokufanisa
Zinomzimba ofana nowekume kodwana onganaqephe. Imihlobo le ineenyawo ezikulu begodu zivame ukuba nesikhumba esibutjhelelezi. Iintunja ephefumula ngazo zibonakala kuhle ngemuva. Inezitho ezimbili zokunukelela nofana ukuzwelela ezingaphambili ehlokweni. Imibalazo ihluka khulu, ukusuka komhlophe, osarulana, kanye no-oretji ukuya kohlaza nofana onzima.
Ilwazi Elivamileko
Irhemo engelincani lama-Doridina liyincenye yama-Opisthobranchia. Igama elithi-nudibranch lihlathulula izitho ephefumula ngazo ezisebaleni. Izithwezi zivamise ukuba seduze nesitho ekhipha ngaso uthuvi begodu kesinye isikhathi ziyahluka ngemibala ukusuka esikhumbeni sayo. Izithwezi kesinye isikhathi zinokusitjhugulula sibe sikhwanyana nazithuselweko.
Ezinye zazo ziyingozi ngebanga lomhlobo wokudla ezikudlako. Zimhlobo okghona ukuba nobulili obuhlukahlukileko ngesikhathi sinye. Izitho zazo zobulili zisehlangothini lesidla lentamo, kuthi isikhwanyana sembewu yembeleko iyadluliseka. Amaqanda ziwabekelela phezu kwezinto ezide ezitholakala ngemanzini.
Ukudla Kwazo
Ziphila ngokudla ama-sponges, soft corals, anemones kanye nama-hydroids.
Ukusabalala Kwazo
Zitholakala kiyo yoke imihlobo yamalwandle wobujamo obufuthumeleko umhlaba zombelele.
Imihlobazo ejayelekileko
Gem sea slug (Chromodoris geminus)
Dorid sp (Nembrotha purpureolineata)
Spanish dancer (Hexabranchus sanguineus) | isiNdebele |
Igama
Isangu yomango nofana umsila weBhubezi (Wild Dagga or Lion Tail).
Igama lesi-Latin
Leonotis leonurus
Ihlathululo
Isimilwesi isangu yomango (Wild Dagga) mhlobo wesimilo esimatsikana eside ukuyaphezulu, sineziqu ezimahlangothi amane nalinganako lapho aphambana khona. Amakaraso akhamba ngamabili, angaba matsikana nofana anabe begodu anameva ahlabako; avame ukuba namaboyana. Amathuthumbo wona athwalwa sidlhogoriyana esinameva nesinesilinganiso sobukhulu obulingana ne-golf begodu isidlhogoriyanesi siphakame besaba sesiphethweni sesiqu saso esisekela amathuthumbo wombala o-orentji kanye nanesakhiwo setjhubhu; anjalo nje ahlukene ngencenye eembili, kunencenye engehla embese amatlhurhelo kanye nencenye engaphasi.
Iinyoni zelanga ama-sunbirds zivamise ukudla lokho akumumethoko nekutholalakala emathuthumbeni okubizwa nge-nectar. Litlhurha ehlobo kanye nangesirhuthwana. Nangaphandle kwegamalawo elijayelekileko elithi-Wild Dagga (isangu yomango), nokho amakarawo akasetjenziselwa ukujamiselela lawo wesangu yamambala, kodwana abhenyelwa ukulapha amalwelwe athileko.
Indawalo yemvelo
Umhlobo lo wesimilo umila eendaweni ezibizwa ngama-savannah areas kanye nalapho kwene khona begodu eSewula Afrika ungatholakala esiFundeni se-Limpopo kanye nesiciwini i-Kruger National Park.
Ibuthelelolwazi ngomangwawo
Isimilwesi sinawo amatshwayo wokulapho aziwako begodu iintjhaba ezihlukahlukeneko ziwusebenzisela iinzathu ezihlukahlukeneko, ukusuka ekulapheni iinhlungu neenhlabi ukuya ekulapheni amakhaza kanye nomgomani. Kunezinye zezinto ezitholakala esimilwenesi ezaziwa ngokusiza emhlobeni wobulwelwe obubizwa nge-Type 2 Diabetes, Epilepsy, Hemorrhoids kanye ne-constipation. | isiNdebele |
ISITHALA (ESIFUNDWA EBANDLENI) Meyi 2018
IsiThalesi sineenhloko ezizokufundwa ebandleni kusukela ngoJulayi 9 kuya ku-Arhostesi 5, 2018.
UMLANDO WOKUPHILA
USamuel Herd wakhula adududu kodwana nje unothile ngakuZimu, unothe ngendlela naye ebekangazange ayicabange.
Ngebanga lokuthi siphila ephasini elihlangahlangenekweli, kutlhogeka sisebenze ngamandla bona sibe nokuthula. IliZwi lakaZimu lingasisiza.
Singaphelelwa mamandla nasitjhumayela emasimini anabantu abangawuthandi umsebenzethu. Nanyana kunjalo singathela emsebenzini wokutjhumayela.
Kuqakathekile ukuhlala sikhumbula ukuthi kubayini sitjhumayela.
Siyawazi umthelela namaqhinga kaSathana.
Soke silwa noSathana. Abantu abatjha ngokukhethekileko bangabonakala banganabuyo kodwana bazembethe izembatho zepi.
Kwenye indawo ye-Ukraine incgenye yesine yabantu abahlala lapho iboFakazi bakaJehova! | isiNdebele |
Amagamazo ezijayeleke ngawo
UDlheke ophephula,Purple Roller, Rufous-crowned Roller
Igama lesi-Latin
Coracias naevia
Ukuvela nokwakheka kwayo
Zinesilinganiso sobude obumasenthimitha amasumi amathathu nahlanu ukuya kamasumi amane (35-40cm), kanye nobudisi obumagremu alikhulu namasumi asithandathu (160g). Zombilii eduna nesikazi ziyafana. Imhlobo omkhulu, oqinileko kanye nowombala ofipheleko emndeninayo. Nawujamele kude nofana lapho kunganamkhanyo omuhle, ibonakala kwanga inombala ozotho okumthuthu kanye nobumthuthu sanyoni ekulu enamacatjhazana amhlophe emqhelweni wangesiphundu. Incenye ephezulu yombalayo imnyama okuqarheke ngombala ohlaza satjani, inyonga inombala ohlaza sasibhakabhaka okuvangeke ngombala ophephula. Inombala omhlophe okubonakala lula ngehla kwelihlo kanye namabala amthuthu angemva esiphundwini.
Amaphiko avalekileko abonakala anombala otshehla okunzotho; umsila wona wakheke ngamahlangothi alingana woke, kuthi phakathi ubenombala ohlaza satjani okuqarheke ngombala onzotho kanye namabala amhlophe; nokho incenye yemahlangothini ukuyela kephasi emathunjini ayinamabala. Nazisemoyeni zibonakala zinencenye yesiphetho esikhanyako. Iinsiba zayo nayiphaphako zinombala ohlaza sasibhakabhaka oqarheke ngonzima. Incenye ephezulu yesiphetho yeempiko zinombala obukhobe okuthunyileko, kuthi iinsiba eziphakathi zona zibe namabalabala ayela kaphephula, kanti-ke amasiba weempiko amakhulu anombala ozotho, kuthi amasiba wokuthoma wona abenombala ophephula. Incenye yangaphasi yamaphiko inombala obukhobe okuthunyileko, begodu amaphiko made. Inomlomo onzima, kuthi imilenze kanye neenyawo zibe nombala ozotho okufipheleko.
Ukudla
Ziphila ngokudla iinunwana, khulukhulu iintethe, aboqoqomela, abonombhonge, abotjhotjhwana, iimphepheni, kanye neenlwanyana ezincani ezirhurhubako kesinye isikhathi zidla iinyonyana ezincani namakhondlwana.
Ukuhlangana neduna nokubekelisana
Zimhlobo ozwana nokuphila ngambili, zesifunda kanye nokuhlala esidlekeni ngayinye. Ukufukama nokwakhiwa kweendleke kwenzeka khulu phakathi kwenyanga kaSewula noMgwengweni. Isidlekeso sivamise ukusetjenziswa neminyakeni elandelako, begodu iinyonezi zitlhogomela isidlekesi nangesikhathi zingasisebenzisi. Zinamaqanda arondo, wombala omhlophe twa kanye nokurhanyazela.
Ukuziphatha
Zimhlobo onesifunda begodu zinenturhu khulu zinjalo nje zigijimisa ezinye zomhlobazo kanye nalezo ezibodlheke abancani. Kanengi zitholakala ngayinye nofana ngambili, nokho ezibalingani zivamise ukuditjha eendaweni ezingaba libanga elimakhulu ngokuhlukana. Zivamise ukuditjha bezihlale eendaweni ezinamagatja wemithi afileko, kanengi ngaphathi kwemigodi nofana esiphethweni semithi phezulu. Zinjao nje azinatjhada kanye nomdlandla njenge zinye zakwabo.
Indawo yokuhlala ikhaya lazo
Zizwwana nelingaphakathi lamahlathi avulekileko nofana aneekhotha. Zinjalo nje zidinga imithi emkhulu ukubekela nokubekelisana. Zizwana nendawo ephasi yehlabathi etjhisako.
Lapho zitholakala khona
Inyoni le isabalele ngokubanzi enarhakazini ye-Afrika. Zisabalele khulu eSewula Afrika, kodwana zabeka ngokujayelekileko eendaweni zeengodo ezomileko. | isiNdebele |
Igama
Ugubudu (Atelerix frontalis)
Ukuvela Nokwakheka Kwakhe
Ugubudu silwanyana esimhlobo wamakhondlo, owakheke ngobuswana obuqale phambili kodwana obufitjhazana, unamasasa amancazana ambese woke amahlangothi womzimbayo ukwenzela ukuzivikela eenlwaneni eziyingozi kanye nemanabeni. Ihloko kanye nombizakhe unesilinganiso sobude obumamilimithara amakhulu amabili (200 mm) kanye nomsidlana omfitjhani wesilinganiso sobude esimilimitha amasumi amabili (20 mm).
Ukudla
Abogubudu baphila ngokudla iinunwana ezifaka hlangana ugedathuvi, umuhlwa, iintinjani, iintethe, kanye neemihlobohlobo yembungu. Kesinye isikhathi badla amakhondlwana amancani, amadzinyani weenyonyana ezincani, kanye namaqandazo, iinrhwarhwa kanye neembhadwa. Avamise ukudla amakhowe kanye neentjalo, kubonakala kwanga abakathembeli emanzini wezulu.
Ukuzala Nokukhulisa
Isikhathi sabo sokuzala siphakathi kwenyanga kaSewula kanye noSihlabantangana. Amadzinyanawo akhuliselwa esidlekeni nofana emgodini owakhiwa ngamakhambi omileko kanye neququ. Isikhathi sekambiso yokumitha sithatha iimveke ezihlanu ukuya kezisithandathu, bese zizale idzinyana linye ukuya kalithoba.
Amadzinyanazo azalwa anganamaboya begodu amehlo kanye neendlebe zisavalekile. Amadzinya athi asandukuzalwa bese kubonakale amatshwayo wamasasa amancani. Amasasa abonakala njengeenlonda athoma ukuvela ngemva kwelanga linye azelwe.
Ukukhula kwamasasawo atjhuguluka ngokuya ngokwengaba zawo zokukhula, kuthi amasasa esele aqinileko avela kuhle ngemva kweemveke ezine ukuya kezisithandathu zokuzalwa. Amadzinyani la aphuhliswa ukumunya ngemva kweemveke ezihlanu zobudala.
Ukuziphatha
Abogubudu bavamise ukukhamba khulu ebusuku ngamunye nofana ngokuhlukana.
Ikhaya labo
Abogubudu bathanda ukuhlala eendaweni ezinotjani obuvulekileko kanye nemahlathini. Bathanda ukuhlala eendaweni ezinengi ezingafaniko kodwana abathandi ukutholakala eendaweni ezande ngamanzi. | isiNdebele |
Igama
Ithuthumbo elisarulana phakathi le-Barberton nofana le-Transvaal (Barberton Daisy or Transvaal Daisy)
Igama lesi-Latin
Gerbera jamesonii
Ihlathululo
Umhlobo lo wethuthumbo i-Barberton Daisy mncani, amakarawo anesakhiwo samathuthumbo esinghwarako, ukuhlukaniseke khulu kabili. Kumhlobo obonakala uziinhloko zamathuthumbo begodu wakheke ngemihlobo yamathuthumbo eminengi, emincazana, kanye neminyeko. Imibalawo ingaba bomvu, ibebukhobe, sarulana, nofana ibenombala welamuna begodu avela khulu ukusuka ngenyanga kaRhoboyi ukuyela kuNobayeni. Izakhiwo seenhloko zamathuthumbo la zihluka khulu. Eminye imihlobo eminengi yakheke njenge kunubhe nokho enganayo imisebe ebonakala khudlwana, kuthi amanye abe nayo imisebe evame ukutswayeka ngamacatjhazana avame ukurhola iinyosi ezibubuzelako.
Umndeni womhlobo lo wethuthumbo uhlangana neemilo zemindeni emikhulu umhlaba zombelele, ngokuthi ube nemihlobo engaphezu kwama-23 000 species.
Indawo yalo yemvelo
Ithuthumbeli limila esiFundeni seTlhagwini eSewula Afrika kanye nesithameleni seembandana i- Kruger National Park.
Imbewu
Imbewu yethuthumbeli incani begodu yakheke ngokuba namisebe efana pheze neenhluthu nofana ingafaniswa nokhunye okukhambelana ne-parachute esiza ikurhatjha umoya.
Ibuthelelo ngomangwawo
Ithuthumbeli sele lifunyene ubujamo obufana nesiqhema esande endaweni eyodwa kezinye iincenye zeSewula Afrika, begodu linjalo nje lisetjenziswa njenge tshwayo eenqhemeni ezinengi zezemidlalo, okufaka hlangana isiqhema sakamakhakhulararhwe i-Blue Bulls rugby union,kanye nezinye iinhlangano. Linjalo nje liyakhonjiswa eflarheni kanye naku-Court of Arms yesiFunda se-Mpumalanga.
Lathiyelelwa ngowalifunako, u-Robert Jameson, kanye nendawo elatholakala kiyo, ekuyidorbha le-Barberton esiFundeni se-Mpumalanga, ithuthumbeli njenganje sele lithathwa njengeliphuma phambili mhlabeni ngokuhleleka kwamathuthumbalo. | isiNdebele |
Mina ngathi nginesumi leminyaka neminyaka emithathu ngangino mnganami omunye owayengithanda khulu begodu angafuni litho ngami. Ngangithi nangingasuthi ngiphuma endleleni angidose ngendlebe athi mnganami uyalahleka bese ngibuyele endleleni.
Kwenzeka ngelinye ilanga umnganami owayengithanda khulu lo wathoma ukungifela umona angasangivakatjheli kwethu kodwana mina ngiya kwabo kungombana bengingamazi bonyana unelijwa ngami akafuni ukungibona ngiphumelele. Kwathi ngelinye wangithathela iincwadi zami zoke kunye nezambatho zesikolo. Ngathula akhenge ngimbuze ngathi ngizwile wakhamba angikhuluma kumbi ebantwini, abantu bangitjela mina ngathi nangibaphendulako ngathi awa uMnyazwa seniya murhwayela mnganami wamambala, bathi kimi isalakutjelwa sibona ngomobho.
Ngathi ngizwile umnganami wabuya wazongidula ngesiqima sehlanakela kwathi qhwa!! ngathi ngisararekile, wakhipha isabula wathi ufuna ukungibulala abantu balamula. Watjela abantu bonyana ungibangisa itjhudu enginalo begodu nokuthi ngiphasa kuhle eskolweni nakwethu bayangithanda bangithengela izembatho ezibiza khulu. Mina ngithi kuye woke umuntu osakhetha umngani namkha osazokukhetha umngani akatjheje bonyana abangani abakhethako banjani begodu nokuthi balungile namkha awa. | isiNdebele |
Ukwakheka nokuvela
Ubukhulu bayo bubalelwa ema-intjhini (inches) alisumi nane nahlanu (14.5 inches). Inehloko yombala ohlaza satjani, intamo efitjhani, imilenze ehlaza satjani okuqarheke ngombala osarulana, nokho mifitjhani begodu neenyawo zincani. Inomlomo oqinileko, kanye nogobeneko encenyeni yesiphetho sawo. Inomsila omatsikana kanye nesilinganiso sobukhulu obuphakathi. Umhlanayo kanye namahlonjana anombala ozotho. Ihlombe leempiko, iinsiba zangaphandle kwephiko ephapha ngazo kanye nenyonga zinombala oyivayolethi (violet). Isithomo nofana ilingaphasi layo lifihlekile begodu sinombala omthuthu okuhlaza satjani ovangeke nombala ohlaza sasibhakabhaka, kuthi ilingaphandle leensiba zomsilayo zibe nombala onzima. Inesilevu esimhlotjhana, kuthi ukuyela esifubeni sibonakale sinomthunzana wombala oqarheke ngemibalala emhlophe okumthuthu kanye nombala obukhobe. Amathumbayo anombala ohlazana satjani kanye nohlaza sasibhakabhaka. Umlomomayo unzima kuthi amehlo abe zotho. Inamaphiko amakhulu kanye nokuphapha okubukhali.
Ukudla
Inyoni le iphila ngokudla iintethe, iinunwana, kesinye isikhati idla iimbhadwa, iinkala, kanye nezinye iinlwanyana zangemanzini. Zithola nofana zibamba ukudla kwazo phasi ehlabathini.
Ukuhlangana neduna nokubekela
Zakha iindleke ezinganamida ngaphathi kwemigodi yemitha nofana emigodini yomuhlwa esithubini. Kesinye isikhathi zithatha imigodi yeenyonyi ezibhora imithi nofana ezaziwa ngokudla khulu iimfesi (Kingfishers). Zibekela amaqanda amabili ukuya kamathathu amhlophe, anjalo nje afukamelwa ngizo zombili eduna nesikazi isikhathi esimalanga amasumi amabili nambili ukuya kamasumi amabili nane. Ngemva kwamalanga alisumi nethoba amadzinyana vane sele anamasiba umzimba woke begodu anombala omlotha.
Ukuziphatha
Iinyonezi zithole igamalazo esenzweni esikarisako sokuphapha ngambili, ngokurhaba, ukuphaphela phasi ukusuka ekuphakameni kancani nofana ngokukhamba zidlala emoyeni, bese zigcine ngetjhada elikhulu. Yoke imihlobo yeenyonezi ibonakala izwana nokuphila ngambili begodu inesifunda. Zivamise ukuphaphela emithini efileko, ngehloso yokuzumana nokudla engakubamba. Enye yezinto ezenzako kukuthi iphapha beyibambe iinlwanyana eziphuma emahlathini atjhako. Iphapha ngokukhulu ukurhaba, begodu ngesikhathi sokuhlangana neduna izanelisa ngokuphapha ngamandla khudlana.
Kuhlekuhle zihlanganela emoyeni naziphaphako. Ziphila ngambili nofana ngemihlambi emincani, kodwana zivamise ukubonwa ngayinye. Inetjhada eliphezulu elihlabako elithi: 'zaaak'. Zimhlobo ongakavami khulu ukufuduka, kodwana eendaweni ezinye azitjhagali khulu. Zidla ngokuthi zisuke phezu emthini oseduze nalokho ezifuna ukukubhudungela bezikudlele khona phasapho, nofana ziphaphele lapho bezihlezi khona zithome ngokuyilungisa ngaphambi kobana ziyiginye yoke. Zimhlobo ovikela khulu isifunda begodu zivekela isifunda sazo esincani lapho zidla khona; kungakho uthola bonyana kuba nekhamba ngayinye magagega nendlela. Ziqotjha nanyana ngimuphi umhlobo okhambela eduze nemigodazo nanyana sele ziqedile ukubekela.
Indawo yokuhlala
Zihlala eenkhothini, emahlathini avulekileko kanye neemFundeni lapho imithi yamaphepha (palm trees) imile maqalanga khona.
Lapho zitholakala khona
Umhlobo lo utholakala khulu ngokuragela phambili epumalanga kanye nesewula yoke ye-Afrika ukusuka eligwini i-Red Sea coasts le-Ethiopia kanye netlhagwini-tjhingalanga ye-Somalia ukuyela eligwini le-Angola kanye netlhagwini yeSewula Afrika. Inyoni le ihlala eendaweni ze-acacia country lapho kunemithi ehleleke kuhle, magega nemilambo kanye nemasimini atjaliweko, kodwana azizwani nokuhlala lapho kuhlala abantu khona.
Igama lesi-Latin
Coracias caudata. | isiNdebele |
Ihlathululo
I-Sauvignon blanc ikhiqiza umhlobo wewayini emhlophe enokuhlaza satjani kanye nenenambitho le-herbaceous. Igama layo lihlathulula ubumhlophe bomango (“wild white”) ngesi-French begodu umhlobo lo kukholelwa bonyana udabuka kilowo womndeni awaziwa nge-ancient Traminer. Ngomunye wemihlobo etjalwe ngobubanzi khulu umhlaba zombelele.
Indabuko/Imvelaphi
Begade utjalwa enarheni ye-France ukusuka ngesikhathi se-18th Century begodu wagcina sele uhlonitjhwa ngomsebenzawo ukusuka e-Bordeaux kanye ne-Loire Valley.
Amanye Amagamawo
Enarheni ye-Germany waziwa njenge-Feigentraube, e-Australia waziwe nge-Muskat Silvaner, United States waziwe nge-Fumé Blanc, Cyprus, Portugal, Italy, Czech Republic, Slovakia and Slovania waziwa nge-Sauvignon, kuthi e-Romania waziwe nge-Sauvignon Gros.
Ukukhiqizwa eSewula Afrika
Kusengakabi ukuqinisekiswa bonyana i-Sauvignon blanc yangeniswa nini enarheni yeSewula Afrika, kodwana kuyaziwa bonyana yatjalwa e-Groot Constantia ngabo 1880s. Ukungatjalwa ngendlela esezingeni elifaneleko lomhlobo lo kubangele bonyana imithi eminengi igcine sele iruthulwa ngabo-1940s.
Umhlobo lo uzuza idumo ngeminyaka yabo-1970s, lapho iinsetjenziswa ezinganalo igcikwana zatholakala ukusuka ku-Agricultural Research Centre e-Nietvoorbij. Namhlanjesi, kungomunye wemihlobo emihlanu etjalwe khulu enarheni le.
Umkhiqizo Weemphande
Imithi le ithela khulu eendaweni zehlabathi esendaweni yobujamo obupholileko. Ukhiqizwa kizo zoke iindawo zeemFunda ezikhiqiza iwayini eSewula Afrika, kuthi i-Stellenbosch kwaba ngiyo ebenomkhiqizo wenani eliphezulu ngaphasi kweendawezi, yona ilandelwa yi-Robertson, Swartland kanye ne-Worcester. Mhlobo otjalwa khulu e-Cape South Coast.
Ukukhula Nokuthela
Umhlobo lo ukhulu ngokuphakathi ukuyeka ekukhuleni okukhulu, kanti-ke unesilinganiso somkhiqizo obalelwa ukusuka ku-9 t/ha to 13 t/ha.
Ukuvuthwa
Amaderibe avuthwa ukusuka phakathi esikhathini sonyaka, phakathi kwenyanga kaMhlolanja.
Umomori
Umomori angaba nombala ohlaza satjani okuvangeke ngosarulana, unobukhulu besilinganiso esiphakathi nesincani begodu unesakhiwo seqanda esifitjhani. Amakelo amatsikana begodu athambile, kuthi ilingaphakathi lawo lande ngejuzi kanye nomnambitho wotjani.
Amakari
Amakari anombala ohlaza satjani okumnyama, ubukhulu besilinganiso esiphakathi begodu arondo.
Iintjhabalalisi Namalwelwe
Umhlobo lo uvamile ukutshwenywa kutjhwaba kwangaphambi kwesikhathi kanye nokuba yipuphu. Uyakghona ukuvilekela ukubola okubizwa i-botrytis, khulukhulu nawusehlabathini enothileko, njengombana uyazibuthelela kuthi ngemva kwesikhatjhana uqine khudlwana. Uzivikela ekungwini begodu udinga indawo yobujamo bezulu obupholileko yoke imihlobalo ngesikhathi sokuvuthwa.
Ukusetjenziswa Kwawo
Inengi le-Sauvignon blanc alinazo iingodo nofana azihlonyelelwa iingodo. Ukuvangwa ne- Sémillon kufumene idumo khulu. Nokho leyo esahlelwe kubola okubizwa nge-botrytis ivamise ukusetjenziselwa ukukhiqiza iwayini ebizwa nge-Noble Late Harvest wines.
Umnambitho
I-Sauvignon blanc ekhiqizwe endaweni yobujamo obufuthumeleko ijayeleke ngokukhiqiza iwayini yenambitho lesithelo se-tropical kanye nesisarulana, kuthi lowo weendaweni ezipholileko ukhiqize iwayini ezwakala inesithako se-spicy kanye ne-herbaceous, efana notjani, amafeyi ahlaza satjani kanye ne-asparagus.
Translated by Johannes Nkosinathi | isiNdebele |
Lokha uDesmond Tutu nakathoma ukufunda iimfundo zebhayibheli azibandakanya ekeregeni gade sevele azibandakanye kwezepolotiki. Umsebenzinakhe woke, walinga ukobana ahlale asepolotikini ngokwala ukobana akhethe ihlangano yinye yepolotiki athi uyayilandela. Kodwana ukuba nobuntu kwakhe kwemvelo akhange kumenze abethele emthalazeni ukutlhagiswa ngurhulumende wegandelelo.
Gade abhudanga kobana kube nenarha etjhaphulukileko engakahlukaniswa ngobuhlanga. Inarha enamalungelo alinganako yawo woke umuntu, enganamthetho wamapasi weSewula Africa, ifundo efanako yaye woke umuntu begodu kungasaba nokubuyiselwa ngekani kwabantu beSewula Africa emizini yemakhaya.
Ngemva kokobana uTutu abekwe njengomfundisi ngonyaka ka-1960 wabuyela e-UK, wayokuragela phambili ngemfundo zakhe zobufundisi. Lokha nakabuyela eSewula Africa kwafanela godu kobana ajwayele ipilo yokugandelelwa. Lokha nakabuyako, wasebenza njengo-lecture ngaphambi kokobana afudukele e-UK ayokusebenza ngaphasi kwe-Theological Education Fund (TEF) lapha athola khona ukugandelelwa eenarheni ze-Third world, khulukhulu lezo ezisenarheni ezinye ze-Africa.
Lokha uTutu nakabuya eSewula Africa ngonyaka ka-1975 ngemva kokuphetha iimfundo zakhe ngaphetjheya, wakhethelwa isikhundla sokuba yi-Dean ye- St Mary’s Cathedral eJwanisbhege kwathi lada waba Mbitjhobhi weLesotho. Kulapho athoma ukudlala indima eqakathekileko ekulwisaneni nobujamo iSewula Africa egade iqalene nabo.
Ngombana gade kumumuntu owaziwako uTutu wakhuluma ngokungaphathwa kuhle kwabantu ngurhulumende wegandelelo. Wasebenzisana nabantu egade balwela ikululeko abafana noWinnie Mandela kanye noMamphela Ramphela ekurhatjheni imilayezo yabo. Wabiza kobana kube nemitjhagalo eenarheni zangaphandle, kobana zitjhagalele iSewula Africa wabe wagceka umthetho wangonyaka ka-1967 i-Terrorism Act eyenziwa ngurhulumende wegandelelo.
Inyanga ngaphambi kokobana abafundi bathome umtjhagalo abawenza ngezi16 zakaMgwengweni ngonyaka ka-1976 uTutu wathumela incwadi kuMinista wangesikhatheso uJohn Vorster amkhumbaza indlela amabhuru ayithathako kobana athole itjhaphuluko yawo begodu abeka umbono wokobana baqede ngokuthula umtlhago nokobana yoke iSewula Africa ithathe itjhaphuluko.
Wabayekelelisa ngomguruguru ozokubhebhetheka babhalelwe kuwukhandela nange kungaqedwa ukugandelelwa kwabantu. Incwadakhe ayitlola khange inakwe kwathiwa ulinga ukurhatjha i-propaganda. Lokha nakuthoma umguruguru wabafundi uTutu wasekela ababelethi kanye nabafundi nawuqeda ukwenzeka.
Ngonyaka ka-1978 wakhethwa njengonobhala zombelele we-South African Council of Churches (SACC) begodu gade azimisele ukusebenzisa istulwesi ukubeka ihlangano le ngaphambili ekulweleni amalungelo wabantu. Lokha omunye uMinista wekerege enye, uJohn Thorne abotjhwa ngonyaka ka-1980, uTutu arhola umtjhagalo owenziwa ngoNtaka, ekwarholela kobana abotjhwe naye. Yena nabanye babotjhwa ubusuku boke banikezwa amafayini.
Urhulumende wathatha ama-passport wabo. Kwabanjwa umhlangano hlangana nabadosi phambili kanye norhulumende ngemva kwalokho, uTutu kanye noMinista uPW Botha nabo bebakhona. Nakuphela umhlangano loyo, ikerege yabawa urhulumende kobana aqede ibandlululo ngaphambi kokobana kubeneminye imiguruguru nokungazwani.
Kwaba mhlangano onganapumelelo, kodwana uTutu akhange aphele amandla ekuzimiseleni kwakhe ekufikeleleni abadosiphambili beSewula Africa. Ngonyaka ka-1980 lapha kwabamnyaka uTutu asayina iphethitjhini ebawa kobana kutjhatjhululwe uNelson Mandela ejele, eyarholela ekutheni ababilaba bathome ukutlolelana iincwadi.
Lokha nabamubuyisela iphasiphodi yakhe ngonyaka ka-1981 wakweriyela iinarha ezilisumu ezise Europe kanye ne-North America ukuyokurhatjha amagama ngobujamo abaphila kibo ngaphasi kwakarhulumende webandlululo, abawa abadosi phambili benarhezo kobana bajezise inarha le ngokuyidima imali okuzokugandelela urhulumende weSewula Africa.
Lochay nakabuya eSewula Africa bathatha iphasiphodi yakhe. Urhulumende walinga ngamandla ukobana ikhandele umonakalo uTutu egade sele awenzile ngokukhuluma njalo. Okunye akwenzako nakalinga ukwenza njalo kukobana asekele ngokwemmali ihlangano ye-Christian League, ekwakuyihlangano ethatha imali, iyithathela ukwenza amakhampeyini angakhambelani nehlangano ye-SACC egade idoswaphambili nguTutu.
Ngonyaka ka-1982 uTutut watlola incawadi ayitlolela abadosiphambili benarha le, ababawa bona balethe ukuthula. Incwadi le wayitlolela uMinista we-Israel ambawa bona alise ukubhoma inarha ye-Beruit, enye wayitlolela umdosiphambili wePalestina uYasser Arafat amabawa kobana atjhetjhe ukubakhona kwenarha ye-Israel.
Wathokoza abadosiphambili beZimbabwe, Lesotho kanye neweSwazini ngokuhlalisa abantu ababalekele enarheneza wabawaba bona bababuyisele emakhaya. Wamema ianarha ye-United States of America (USA), lokha nabambuyisela i-passport yakhe kobana bamnikeze iadresi e-Triennial Convention ye- Episcopal Church.
Lokha alapho wasola uMongameli uRonald Reagan ngobudlelwane asese nabo norhulumende we Sewula Africa, ngokobana athi usekela igandelelo ngokwenza njalo. Wathandwa khulu bahlali be-America abamfanisa nekutana yabo ayalelwa ukuqedwa kwegandelelo u-Martin Luther King Jr. Amakhuwa weSewula Africa akhange akuthande lokho, aphendula ngokukwata okukhamba nebandlululo phakathi. UTutu wakhethwa waba yi-Patron ye-United Democratic Front (UDF) ngonyaka ka-1983.
Wasekela umfazakhe uLeah, lokha nakabawa kobana abasebenzi bemakhitjhini basetjenziswe ngaphasi kobujamo obuncono. Ngonyaka ka-1983 ekumnyaka arhelebha watlama ihlangano yabonomakhitjhi i-South African Domestic Workers Association. Nekumunyaka lapha uTutu ahlangana no Pope bakhulumisana ngendaba zeSewula Africa.
Lokha nakezwa bona abantu be-Magopa eWestern Transvaal basusiwe eBophuthatswana begodu imiziyabo iyokoniwa yena nabadosiphambili bekerege babamba umlindelo. Hlangana nabenza njalo kwakukhona noDorhodere u-Allan Boesak.Translated by Busisiwe Skhosana | isiNdebele |
Ngemva kwamakhetho wokuthoma wentando yenengi ngonyaka ka-1994, ikomitjhini yephawu lesitjhaba yathatha isiqundo sokobana ibuze isitjhaba seSewula Afrika bona iphawu lesitjhaba kufanele libonakalenofana ligwalwe bunjani.
AmaSewula Afrika ngobunengi bawo nangokuhlukahlukana kwamakhambo wawo epilweni aveza imibono yawo ngalokha ekwaba liphimbo lokuzikhakhazisa, litjengisa indabuko nalokho inarha eyayizakwaziwa ngakho.
Translated by Busisiwe Skhosana
Iflarha yenarha eyathoma ukusetjwenziswa ngezi-27 kuSihlabantangana 1997, yatlanywa nguNomzana Fred Brownell, egade asithunywa semilayezo eqakathekileko wombuso wekade weSewula Afrika....more
Abahlali beSewula Afrika bazibandakanya eenkulunyweni zomphakathi zokuphelelisa ukwenziwa kwephawu lesitjhaba elitja....more
Ingubo yenkhali iyatlhadlhulwa, emthethweni i-the Heraldry Act No. 18 wangonyaka ka-1962 yeSewula Africa, njengesibumbeko esiliphawu esitjengiswe ngemibala ekhandeni elikhambelana nemithetho we-Heraldry...more
Ingubo yeenkhali liphawu lombuso begodu liphawu elithathelwa phezulu elibonakalako lenarha....more
Ibizo le-springbok livela ekwenzeni kwayo, (ekweqeni) okuthandwa ukwenziwa silwanesi. Iim-springbok eziduna nezisikazi zinamaphondo, kodwana, eziduna zinonile begodu zimarhahlarhahla...more
NgoSihlabantangana ngezi-20 ngonyaka ka-1994 uMongameli waskhatheso, uMongameli u- FW De Klerk, wamemezela bona inarha yeSewula Africa izoba nama-national anthems...more
Sele iqalwe iyodwa, itjengisa ukuhlangana ekwenzeni kwabantu nemikhumbulo yawo. Nasele iqalwe ihlangene, kutjengisa bona isitjhaba kufanele sihlangane, sibonakale bona sivela enarheni enarheni yinye nokuziqhenya kwetjhaba....more
Nange ikhibe gade iSewula Africa imumuntu, ingubo yenkhali gade izokubamtlikitlo wakhe. Ingubo yenkhali ijamele istembu esisemthethweni semitlolo eqakathekileko, efana nesitikeyidi sakho samabeletho....more | isiNdebele |
Ingubo yenkhali iyatlhadlhulwa, emthethweni i-the Heraldry Act No. 18 wangonyaka ka-1962 yeSewula Africa, njengesibumbeko esiliphawu esitjengiswe ngemibala ekhandeni elikhambelana nemithetho we-Heraldry, inomqhele nanyana inganawo, ingwani, ibheji, iinsekeli, isiqubulo kanye eminye imirhabiso.
Indima Edlalwa Yingubo Yenkhali
Isifunda ngasinye emfundeni ezilithoba zeSewula Africa, linengubo yenkhali laso ejamele isifundeso ngokomthetho. Ingubo yenlhali yesifunda siliphawu elikhulu elibonakalako lesifunda. Yoke imitlolo etlolwe yafakwa iphawu lengubo yenkhali eqakathekileko le iyahlonitjhwa.
I-SouthAfrica.co.za Itjengisa ngengubo yenkhali yesifunda esinye nesinye beyiyatlhadlhula bona amaphawu la atjho ukuthini nanyana ajameleni, ngamalimu woke alisumu nanye asemthethweni weSewula Africa.
Imithetho Yokusebenzisa Ingubo Yenkhali
Ungadwebi imigcele izombeleze ingubo yenkhali le, nanyana utjhugulule amalayini wayo abemakhudlwana.
Ungatjhugululi ingubo yenkhali uyiqalise encenye, uyitjhigamise nanyana uyone.
Ingubo yenkhali akukafaneli bona ihlanganiswe nezinye izinto nanyana idlulele kizo.
Ingubo yenkhali esebujameni obuphezulu kufanele bona ihlale ibekwe phezulu nanyana ikhombise bona iphezulu kunezinye.
Translated by Busisiwe Skhosana
Ngaphasi kwelanga kuneskhumba sengwe mabalanga, ekuliphawu lamandla, ipumelelo kanye namasiko wesifundesi. Ingwe mabala ibonwa njengesilwane esiqinileko, eSewula Africa yoke begodu ibonwa njengephawu lamandla....more
I-Coat of Arms yesifunda se-Free State yabekwa ngokomthetho ngezi-7 zakaMrhayili ngonyaka ka-1999....more
Ngaphasi kwelogo kunemiqoqo ehlangeneko yerhawuda emumethe isitjho sesifundesi esithi - UNITY IN DIVERSITY....more
Isifundo saKwaZulu-Natal silinde kwaze kaba ngonyaka ka-2004 ngaphambi kokobana bathule ingubo yenhlali etja....more
Ingaphasi lengubo yeenkhali yeLimpopo inombala omnyama nohlaza satjani nesiqubulo esithi- PEACE UNITY AND PROSPERITY/UKUTHULA, UKUBAMBANA NEPUMELELO, esibhalwe ngaphasi....more
Isivikwesi sisekelwe ziinkudu ezimbili ngemahlangothini. Isivikwesi sinomqhele phezulu. Lokhu kutjengisa bona isifundesi sisezingeni lesibili lombuso....more
Le kuyingubo yeenkhali ekhamba yodwa kizo zoke eemfundeni zeSewula Afrika erhabiswe ngemibala etholakala eflegeni yenarha, eyathoma ukusetjenziswa mhla kuzi-27 kuSihlabantangana 1994....more
Sa ǁa ǃaĩsi 'uĩsi - “We go good life”/“Siphila kamnandi” siqubulo sesifundeni sange-Northern Cape esisuselwe elimini lesi-San....more
Ingubo yenkhali yemfunda etja yesifunda se-Western Cape yavunywa yiPalamende yesifunda ngonyaka ka-1998....more | isiNdebele |
ISITHALA No. 5 2017 | Iingilozi—Zikhona Na? Kubayini Kuqakathekile Ukwazi?
UCABANGANI?
Zikhona na kwamambala iingilozi? IBhayibheli lithi:
“Dumisani [uJehova, NW] nina ngilozi zakhe, iye, nina ngorho ezinamandla eziphelelisa imilaywakhe ngokulalela amezwi wephimbo lakhe!”—IRhubo 103:20.
IsiThalesi siveza lokho iBhayibheli elikutjhoko ngeengilozi nendlela ezikuthinta ngayo ukuphila kwethu.
ISIHLOKO SESIGUBUZESO
Iindaba eziliqiniso ezinzeka emaphilweni wabantu zenza abanye bakholelwe kobana imimoya enamandla angaphezu kewomuntu ithinta amaphilwethu. WEB:OnSiteAdTitleIingilozi—Zingakusiza Na?
ISIHLOKO SESIGUBUZESO
Ayikho enye indawo engcono ongafumana kiyo iimphendulo ezinokwethenjelwa malungana neengilozi ngaphandle kweBhayibhelini.
ISIHLOKO SESIGUBUZESO
Mhlamunye unomcabango wokuthi kunengilozi namkha iingilozi ezikuvikelako?
ISIHLOKO SESIGUBUZESO
IBhayibheli linependulo ebetha poro.
ISIHLOKO SESIGUBUZESO
Ezehlakalweni ezingenganyana, uZimu.
Bekungasiyo ihlamba na uJesu nakathi “izinja” kebangayisiwo amaJuda?
IBHAYIBHELI LITJHUGULULA AMAPHILO
Kuzenjani bonyana umuntu omutjha obakangakholelwa kuZimu agcine begodu amKomanisi agcine sele athanda iBhayibheli?
LINGISA IKHOLO LABO
Yini ebeyenza ibizweli limfanele uSara?
Kubonakala kwanga ukuthula kwephasi nokuthula kwengqondo angeze kwabakhona ikani kusese nomtlhago nokungabi nobulungiswa.. Alo ikhona na ipengu yemiraro le? | isiNdebele |
Igama lomndenazo elijayelekileko
Catfish
Elinye igama ebizwa ngalo
Alikho
Igama lesayensi
Ariidae
Ubukhulu
Ingakhula beyibe masenthimitha amatjhumi amane nahlanu
Ikambiso yokufanisa
Inomzimba omude, ezinye zakheke njengemfesi zemanzini ahlwengileko. Zivame ukuba nezitho ezibonakala njengeendevu ezingaba mbili ukuya kezintathu magega nomlomo. Inomsila owakheke njenge forogo. Ivame ukuba nombala ozotho nofana osiliva okuvangeke nozotho. Ezinye zazo zinemida.
Ilwazi elivamileko
Umndeni we-Ariidae wakhiwe mikhakhawo elitjhumi nane kanye nemihlobo elikhulu namatjhumi amabili. Isikhumba sazo asinawo amacetjhana njengezinye. Isitho sayo sokuthaya semuva sinamathanjana amade. Inepandla ematsikana nepataleleko. Kesinye isikhathi itholakala hlangana namarholo nofana amaphadlhuka wamaboda akhandela amanzi. Ngemva kokunothisa nofana ukubekelisa eduna igcina amaqanda ngemlonyenayo ukufikela napho aqoqoselwa khona. Zingezinye zemihlobo embalwa lapho eduna kuba ngiyo edlala indima yokuqoqosela.
Ukudla kwazo
Ziphila ngokudla imihlobo emincani yeemfesi kanye neelwanyana ezihlala esithomeni selwandle, kanengi zidla iinkala nofana amaduba. Zisebenzisa imilomazo eziginya ngayo lokha zizuma ukudla esandeni.
Ukusabalala kwazo
Zitholakala kiwo woke amalwandle womhlaba wezinga elifuthumeleko kanye nelitjhisako. Eminye imihlobazo itholakala lapha imilambo ihlukana khona kanye nemanzini ahlwengileko.
Imihlobazo ejayelekileko
Sea catfish
Galeichthys sp
Striped eel catfish
Plotosus lineatus
Striped eel catfish Juvenile
Plotosus lineatus | isiNdebele |
Igama lomndenazo elijayelekileko
Flagtails
Igama lesayensi
Kuhliidae
Ubukhulu
Ingakhula beyibe masenthimitha amatjhumi amahlanu, kodwana zijayeleke ngokuba masenthimitha amatjhumi amabili kwaphela.
Ikambiso Yokufanisa
Yincani begodu amahlangothi womzimbayo apatalele. Umsilayo ethaya ngawo uhlukaniseke kabili njenge forogo waba nombala onzima nofana itshwayo elimhlophe phezu kwawo, nekukulapho igama lawo lisukela khona. Isitho ethaya ngaso semuva sibanzi ngendlela ephezulu. Isitho sokuthaya semuva kanye nesiseduze kwaso simbeswe sikhumba esimarhwarhwa. Zivame ukuba nombala osiliva nofana orhanyazelako.
Ilwazi Elivamileko
Umndeni wama-Kuhliidae wakhiwe mkhakhawo owodwa kanye nemihlobawo ebunane. Emini zihlala ngomhlambi eendaweni ezingaphandle kwelwandle lapho amanzi ajika khona. Zitholakala lapho ilwandle lingatjhingeli khona nofana emanzini ahlwengekileko. Amadzinyanazo akha iinqhenyana begodu kesinye isikhathi atholakala emadwaleni wemanzini. Zidla ebusuku. Zimhlobo obekelela amaqanda ngaphakathi komhlobo welwandle elivulekileko (Pelagic spawners).
Ukudla Kwazo
Ziphila ngokudla iinlwanyana zangemanzini ezithayako.
Ukusabalala Kwazo
Ukusabalala Kwazo
Imihlobazo ejayelekileko
Barred flagtail (Kuhlia mugil)
Flagtail (Prochilodus sp) | isiNdebele |
Ikhasi Lesihloko/Ikhasi Labagadangisi
Ukuphila Kwabunjwa Na Nofana Kwazivelela?
Igadangiso laka-2010
Incwajana le ayithengiswa. Igadangiswe ngomnqopho wefundo yeBhayibhili yephasi zombelele esekelwe ngeminikelo yokuzithandela.
Ngaphandle kobanyana kutjengiswe ngenye indlela, iMitlolo yesiHebheru (iTastamende eLidala) eberegiswe encwajaneni le, ithethwe eBhayibhilini i-New World Translation of the Holy Scriptures—With References, iMitlolo yesiGirigi (iTastamende eLitjha) ithethwe eBhayibhilini yesiNdebele. | isiNdebele |
OKWENZA KUQAKATHEKE: Abantu kufuze bafunde imithetho kaJehova begodu bayilalele, ukwenzela bona ukukholwa kwabo kwamukeleke kuye. (Isa 2:3, 4) Incwadi ethi, ‘Ethandweni LakaZimu’ ngeyesibili esisiza ngayo abantu esifunda nabo iBhayibheli ukuthi bakghone ukulemuka indlela iinkambisolawulo zeBhayibheli ezisebenza ngayo ekuphileni kwaqobe langa. (Heb 5:14) Kufuze silinge ukubafikelela ihliziyo nasibafundisako khona bazokukhuthalela ukwenza amatjhuguluko.—Rom 6:17.
INDLELA ESINGAKWENZA NGAYO:
Lungiselela kuhle, cabanga ngalokho umfundi okufuze athuthukise kikho. Yakha imibuzo ezokusiza ukuthi ufumane lokho akucabangako namazizwakhe ngesihloko sendaba.—IzA 20:5; be-ZU 259
Sebenzisa amabhoksi naniqeda ukufunda incwadi ukuthi usize umfundi abone ukuqakatheka kokusebenzisa iinkambisolawulo zeBhayibheli
Siza umfundi ukuthi acabange ngendaba ayifundako, kodwana ungamthatheli iinqunto.—Gal 6:5
Sebenzisa ilemuko nange umfundi atlhoga isizo lokuthi asebenzise iinkambisolawulo ezithileko zeBhayibheli. Ngomusa mkhuthaze ukuthi enze amatjhuguluko ngombana athanda uJehova.—IzA 27:11; Jwa 14:31 | isiNdebele |
Awa. Siyatjhumayela emizini yabantu kodwana lokho asikuqali njengento engasisindisa. (Efesu 2:8) Kubayini kunjalo?
Cabanga nganakhu: Akhesithi kunendoda ezilungeleko ethembisa ukuthi woke umuntu uzokufumana isipho nakangafika endaweni ethileko ngelanga elibekiweko. Nakhibe ukholelwa kwamambala esithembisweni sendoda leyo, bewungazilandela na iinqophiso ezibekileko? Akubuzwa! Kuyatjho ukuthi bewungabe bewutjele nabangani bakho kunye nomndeni ngethuba elihlelo, ukwenzela bona nabo bakghone ukuzuza kilo. Nanyana kunjalo, isiphweso awusifunyaniswa kukuthi ulandele iinqophiso zendoda leyo. Sona vele bewuzokuvele usifumane.
Ngokufanako-ke, aboFakazi bakaJehova nabo bakholelwa esithembisweni sakaZimu sokuphila okungapheliko esizokufunyanwa ngibo boke abantu abamlalelako. (Roma 6:23) Silwela ukuhlanganyela ikholo lethu nabanye abantu, sinethemba lokuthi bazokuzuza esithembisweni sakaZimu. Kodwana asikholelwa ekutheni sizokusindiswa kukuthi sizibandakanya ekonzweni yokutjhumayela. (Roma 1:17; 3:28) Nakhibe lokho vele bekusetjenzelwa, akukho namunye umuntu ebekangakusebenzela ngokwaneleko ukufumana isibusiso esivela kuZimu. “
Wasiphulusa, ingasi ngebanga lezenzo ezihle, thina ngokwethu esizenzileko, kodwana ngebanga lomusa wakhe.”—Titosi 3:5. | isiNdebele |
ISITHALA (ESIFUNDWA EBANDLENI) Septemba 2017
IsiThalesi sineenhloko ezizokufundwa kusukela ngo-Oktoba 23 ukuya ku-Novemba 26, 2017.
Iimbonelo eziseBhayibhelini zingasisiza njani bona sithuthukise besilingise ubuntobu? Kubayini amaKrestu kufuze azifundise ukuzibamba?
Ngelinye ilanga, uZimu watjela uMosi ibizo lakhe wamtjela nangobuntu bakhe. wabuye wamtjela nokuthi unesirhawu. Buyini ubuntobu, begodu kubayini kufuze sibunake?
UMLANDO WOKUPHILA
UDavid Sinclair ukhumbula yoke iminyaka ema-61 ayisebenza nabafowethu nabodadwethu eBethel yeBrooklyn.
Naphezu kokuphikiswa kwalo, ukuthuthuka kwezepolotiki, nokutjhuguluka kwelimi, iBhayibheli lisakhamba phambili nanje hlangana nezinto ezithengwa khulu babantu ephasini mazombe ngemva kwamakhulu eminyaka.
Abantu abanengi benze amatjhuguluko emaphilwenabo ngebanga lokufunda iliZwi lakaZimu. Nakhibe iliZwi lakaZimu lizakuba nemiphumela emihle, khuyini ekufuze siyenze?
Kubayini kufuze sibe nesibindi, yini engasisiza sibe naso? | isiNdebele |
UJobho bekakholwa bona uZimu angamvusa
14:7-9, 13-15
UJobho usebenzise umuthi—mhlamunye wama-oliva—ukufanisa indlela aqiniseka ngayo bona uJehova angamvusa kwabafileko
Imirabhu yomuthi wama-oliva iyakghona ukuzivuselela ngitjho nanyana isiqu sawo siquntiwe. Nangabe imirabhu isaphila, umuthi loyo ungamila godu
Nangabe izulu liyana ngemva kwesikhathi eside komile, isiqu esomileko somuthi wama-oliva singatlhurha sisuka emrabhenaso, “siveze iimpande njengesitjalo esincani” | isiNdebele |
Isithembiso sakaZimu sokubuyisela izinto esigeni esitlolwe ku-Isaya 65 sizokuzaliseka nakanjani, kungebangelo uJehova akhuluma kwanga vele sesizalisekile.
UJehova udala amazulu amatjha nephasi elitjha izinto zaphambilini azisazokukhunjulwa
65:17
Ayini amazulu amatjha?
MBuso omutjha ozokuletha ukulunga ephasini
Wahlonywa ngo-1914 lokha uKrestu nakabekwa bona abe yiKosi yomBuso kaZimu
Liyini iphasi elitjha?
Siqubuthu sabantu abavela eentjhabeni ezihlukahlukeneko namalimi, abazithoba ngokuzithandela embusweni omutjha wezulwini
Kungayiphi indlela izinto zaphambili zingasazokukhunjulwa?
Izinto ezisibangela ubuhlungu—emzimbeni, engqondweni, namkha ukugandeleleka angekhe zisabakhona
Abantu abathembekileko bazokuthabela ukuphila kwamambala begodu bathokozele yoke into eyenzeka qobe langa | isiNdebele |
Manganye wa solomon wa xikunyani aka mhinga ka josefa imagoda iripindzi ro phasa homu na rhole loko mhani vangari kona hinghenela nwana .
---------------------------------------------------------------------------
magoda wa ripindi ro phasa homu ri phasa na rhole.
the manganyi are members of the makhanya clan. originally from the kwamagoda region of kwazulu.
mnguni, mpangazitha, phakathwayo, gumede, khuzwayo, yeyeye, qwabe, mnguni kayeyeye, osidlebehlezi bakakhondlo, phakathwayo, abathi bedla umuntu bebe bemnyenga ngendaba, abathi dlula, kubeyethwe, kanti bahlinza imbuzi, bathi umlobokazi ubeyethe kayikhuni, sidikida lolodaba! phakathwayo! wena kamalandela. ngokulandel' izinkomo zamadoda. amazala-nkosi lana! mpangazitha! | isiNdebele |
AmaKrestu amanengi ebekaseJerusalema ngePentekoste lango-33 bewavela kezinye iinarha. (IzE 2:9-11) Nanyana bekawulandela umThetho kaMosi, kungenzeka bona bewahlala enarheni yakosontjhaba ukuphila kwawo koke. (Jor 44:1) Yeke, kungenzeka ukuthi abanye bebafana nabantu balapho begodu besele bakhuluma ngathi babantu benarha leyo ukudlula amaJuda. Lokha nakubhajadiswa abantu abazi-3 000 abavela eenarheni ezihlukeneko, ibandla lobuKrestu laba neenhlanga ezihlukahlukeneko. Nanyana bebanesizinda esingafaniko, kodwana “qobe langa bebahlala basethempelini ngomnqopho munye.”—IzE 2:46.
Yini ongayenza bona unake . . .
abantu abavela kezinye iinarha esimini okiyo?
abomnakwethu nabodadwethu abavela kezinye iinarha abasebandleni okilo? | isiNdebele |
NAKO ubobotheka njengombana ukarwa sikhulumi esijame phambili. Isikhulumesi mzalwana osesemutjha ngeminyaka webandleni lenu, ubeka ikulumo yokuthoma ehlelweni, emhlanganweni omncani. Nawusalalele ikulumo njalo, umangazwe yindlela uZimu ababandula ngayo abantu bakhe. Uyakhumbula namhla umzalwana lo asatlhatlhabeja ikulumwakhe yokuthoma ebandleni—bese uyaqala ukuthi sekakhambe ibanga elide kangangani! Wathuthuka kuhle khulu ngemva kokuya esiKolweni seKonzo samaPhayona. Mhlapha nje, yena nomkakhe basanda ukubuya esiKolweni sabaTjumayeli beVangeli lomBuso. Nasekuwahlwa izandla, kuthokozwa ikulumo emnandi kamzalwana, wena uqala abantu abalapho bese ucabanga nangefundo abantu bakaZimu abayitholako.
IBhayibheli yakhe yatjho ukuthi abantu bakaZimu ‘bazokufundiswa’ nguJehova. (Isa. 54:13) Siphila esikhathineso-ke. Ifundo le asiyitholi eencwadini zethu kwaphela, kodwana siyithola nemihlanganweni yebandla, emincani, nemikhulu, ingasaphathwa yeenkolo ezenziwe ngomnqopho wokusihlomisela izabelo zethu ehlanganweni kaJehova! Engcenyeni le, sizokubona ukuthi ifundo le yoke-nje ibuveza njani ubufakazi bokuthi umBuso kaZimu uyabusa namhlanjesi. | isiNdebele |
Igama lomndenazo elijayelekileko
Skates
Igama lesayensi
Rajidae
Ubungako
Ingakhula beyibe mamitha amabili.
Ikambiso Yokufanisa
Inomzimba orondo kanye namaphiko akheke ngesakhiwo sezincantathu. Ihlukaniseka nalezo ezibizwa ngama-rays ngamalungayo wesifubeni ethaya ngawo abonakala khudlwana angemuva kwamaphiko. Imibalazo ihluka encenyeni ephezulu yomzimba. Amahlangothi weencenye zamathumbu avame ukuba nombala okhanyako.
Ilwazi Elivamileko
Umndeni wama-Rajidae wakhiwe mikhakhawo elitjhumi nobunane kanye nemihlobazo ema-200. Amehlwayo aphezu kwehloko. Iintunja eziphefumula ngazo zingemuva kwamehlo. Inesikhumba esimarhwarhwa. Eminye imihlobazo inamevana encenyeni yemida ephakathi komzimba.
Zimhlobo odla phasi esithomeni samanzi. Zimhlobo ozala amadzinyana aphila begodu ahlume ngokwaneleko, ngokuthi zibe mhlobo oqoqosela ngendeni. Iinkhwanyana zamaqandazo ziziimponjwana begodu zineencenye zesiphetho ezine, zisebenza ukukhipha nokubamba amaqanda.
Ukudla Kwazo
Ziphila ngokudla iinlwanyana ezincani ezithayako kanye neemfesana ezincani. Izifihla ngaphasi kwesanda nazifuna ukubamba ukudla.
Ukusabalala Kwazo
Zitholakala kiwo woke amalwandle womhlaba wezinga elifuthumeleko kanye nelitjhisako.
Imihlobazo ejayelekileko
Winter skate (Raja ocellata)
Biscuit ray (Raja miraletus)
Thornback ray (Amblyraja radiata) | isiNdebele |
UGoldie Qayiya kanye noFelicia Mfamana, babelana ngendabazabo zamaphilo, wabo walokha bayokutjhada; u uGoldie wabanomtjhado uhleliweko, lokha uFelicia athwalwa ngiloyo akhabe azokuba yindodakhe, nokumasiko womabili weXhosa.
UGoldie Qayiya
Indoda ekhabe izokuba ngeyami, uOtto wakhulela endaweni yinye nami, kodwana sasingazani lokha sibantwana abakhulako.Ngathoma ngahlangana naye lokha ngibuya eskolweni sokuzilolongela ukuba ngutitjhere ngamanye amalanga wokuphumula. Ngangibuya emawikilini wangibiza wathi 'iza la' ngendlela enobungani wangibuza bona ngihlalaphi. Ngeskhathi esilandelako ngambona ephathini yokulungisela bona sitjhade/-engagement party.
UOtto wayengitlolele incwadi angibawa bona ngimtjhade. Kwakubalulekile kuye bona nami ngibe nekareko lokumtjhada. Incwadi le yayithi nangabe, ngiyavuma, uzokubawa uyise bona akhulume nobaba. Kodwana ngingisese sesikolweni lokha incwadi le ifika ekhaya, abazali bami bayivula. Zange bafune ukuzwa amazizo wami. Kwakumnyakami wokuthoma e-College. Ngeskhathi esilandelako ngibuya ekhaya, ngamaholide, ubaba wathi kimi, ’Goldie, uyokutjhada’.
Umtjhado Ohleliweko
Umtjhado wabakhona ngemva kweminyaka emibili ngamaholide kaNobayeni.UOtto wakhipha iinkomo zelobolo, ezilisumi nepera kwathi kungakapheli inyanga satjhada. Ngangisaba, ngingafuni ukutjhada nakancani.
Satjhada ekeregeni ye- Anglican, ngemva kwalapho saya ekhabo Otto lapha boke abantu baye silinde khona, balilizela. Safike salotjhisa woke umuntu, sabaqhawula ngezandla, nasisuka lapho sayokudla.
Ngemva kobana sidlile saya ewolweni lomphakathi sayokudansa.phakathi kobusuku, saqedelela iinsalela zokudla komnyanya abomma abanye egade abakulethe eholweni.
Sadansa godu ubusuku boke sidansela umvumo we-jazz, i-happy kwela music ka-Spokes Mashiyane. Ebegade ambethi we- pennywhistle ngenkhathi zethu, sigidinga ukuthoma kwepilo yethu sobabili.
UFelicia Mfamana
Kunemihlobo emibili yemitjhado esikweni lesiXhosa, lo ohleliweko, nalo wokuthwawa. Yemibili isenzeka nanamhlanje.Lokha indoda ithwala umfazi akubi nomtjhado omkhulu, begodu akubi nerogo elimhlophe, begodu ayikho into umfazi anagayenza ngalokho. Ngaba nomtjhado onjalo Sele ngihleka nangikhuluma ngawo kwanje. Godwana ngeskhatheso, bekungahlekisi nakancani.
Umrharibami, obekahlala nomndenami ebengimthemba nguye owahlela umtjhado lo. Wangileyela amala wangihlalisa nomuntu engingamaziko ebhesini. Gade akheke kuhle anobuso abuhle.
Yayingekho into esolisako ngaye.Kodwana ngangisaba. Ngambuza bona kwenzakalani, ungisaphi. Ubuso bakhe obunzotho baphenduka batjhuguluka baba, solemn. 'Ngiyakuthatha ngikusa ekhaya uyoba mkami, wangiphendula, gade ngikufuna lokho, ekugcineni sekuyenzeka.' 'Kodwana angifuni ukukhamba nawe' ngatjho njalo, 'Ngibawa ujamise ibhesi le, ngiphume' Ngatjho njalo sele ngithukiwe, ngathoma ngalila. Ngangingafuni ukutjhiya ubaba ngendlela le.
Wayethanda ethanda ikerege 'Zama ukuzwisisa' kwatjho indoda ekhabe sele izoba ngeyami le. 'Ngifuna ube mkami kwamambala, ngeze ngisarhona ukulinda, khumbula isiko lethu liyavumela bona ngenze lokhu.'
Umdeni ka Felicia omutjha
Ibhesi yangisa emndenini wami omutjha laha ejaridini kwakunemizi emine, Munye kwakumuzi kadade uNoyiswa, lapha ngahlala khona iweke. Ubusuku lobo ngalila, ngalila, gibona bona lokhu kuphela kobuntombi bami.
Ngemva kweveke, wathumela amadoda amabili kubaba, nakubafowabo, ukubazisa bona ngangisekhabo. ’Uthethe indodakazi yami, ngaphandle kwemvumo yami.’ ubaba watjho njalo kuye akwate kwamambala. 'Iinkomo ezilisumi, nayinye ngokungabawi iimvume yomdeni lo.' Umnyanya wabanjelwa khabo Milton. Woke umuntu wemndenini wakhe gade akhona. Kodwana ubaba khange arhone ukuza, ngombana kwakukude khulu.
Kweza ubaba omunye omdala, ovela emphakathini wekhethu, wazositjhadisa. 'Sewumfazi omutjha kwanjesi begodu ibizo lakho elitjha sele unguNothazamile, wangasiza.' Sele unomndeni omutjha, nomma omutjha kanye nobaba omutjha nabodade abatjha kufanele wamukele lokho. Awusese mntazana. Kufanele bona uziphathe njengomfazi kwanjesi. Lokha nakuphela umnyanya, wathi’sele niyindoda nomfazi 'Bahlaba imvu, bahlabela umnyanya lo', abomma bomndeni bapheka iinkhanakhana, i-rice nestampa kanye nomratha ogade ozokudliwa nenyama le. Ngemva kwalokho, sasele sitjhade ngokomthetho, kulapha indima yami njengomfazi yathoma khona.
Translated by Lizzy Shongwe | isiNdebele |
I-CACH isiza abafundi abangakhange bathole indawo yokufunda emayunivesithi namkha emakholiji ebebafake kiwo iimbawo zokuyokufunda khona, ukuthi bakghone ukuthola indawo yokufunda kamanye amayunivesithi namkha amakholiji.
Nayibe ufuna ukuyokufunda ezikweni lezefundo ephakemeko, thumela msinyana isibawo sakho sokufunda kilawo mayunivesithi namkha amakholiji ongathanda ukuyokufunda kiwo nakuvulelwa iimbawo zokufunda.
I-CACH izakuthumela amayunivesithi, emakholiji ama-TVET namaziko wekoro yefundo nokuthwasisa (ama-SETA) imininingwana yomfundi ngamunye ongafunda kiwo kobanyana azobaqalelela ukubafaka emahlelweni wokufundiselwa umsebenzi. La kunendawo khona, begodu nayibe nawe unazo iimfanelo ezifunekako, amaziko wezefundo la azakuthintana nawe kobanyana azokunikela ithuba lokufundela umsebenzi.
Amayunivesithi namakholiji awasavumi ukuthi abafundi baziyele mathupha emayunivesithi bayokwenza iimbawo zokufunda.
Zitlolise nge-inthanethi ku-CACH website namkha uthintane ne-CACH ukusukela ngenyanga kaTjhirhweni ukuya kuMhlolanja, ukusukela nge-08:00 ukuyokufika ku-20:00, enomborweni yefowuni ethi: 0800 356 635. Enye indlela yokuthintana ne-CACH kungaba kuthumela ibizo lakho neNomboro kaMazisi (i-ID) yakho nge-SMS ku: 49200. | isiNdebele |
Ubonakele
eBook ISBN:
9781431046706
Language:
IsiNdebele
Published Date:
2015
Publisher:
Macmillan South Africa
Format:
eBook Price:
R 113.95
UBonakele yinovela emayelana nokusebenza ngokuzimisela nokubekezela. UBonakele okunguye umlingisi oyikutana, ubehlunguphazwa mfazi omncani kayise. UBonakele wabona kungcono aziphe inarha ayokufuna ipilo engcono. Inovela le yakhethwa ngebomNyango wezeFundo esiSekelo bona iyokufundwa kwaGreyidi 12, begodu ihlangabezana neemfuneko zoke zesiTatimende somTh etho-Kambiso weKharikhyulamu nokuHlola (i-CAPS) ezimayelana nesiNdebele iLimi leKhaya leenhlahlubo zeGreyidi-12. | isiNdebele |
Kuyini i-swill? I-swil libizo lesintu lokudla okuzinsalela okumumethe nanyana okukhe kwathintana nenyama nanyana ukudla okunomkhiqizo wenyama. Ngokuya kwe-Animal Disease Act 'Act 35 yonyaka ka-1984', kuphambana nomthetho ukupha iimfarigi ukudla okunjalo, nanyana kungabuya ekumbeni yokupheka, esikepeni, emavikilini wokudla, esbhedlela nanyana ehotela, ngaphandle kwalokha iinsalela lezo zibiliswe okungasenani i-iri ukubulala ama-pathogen. Loku=hu kutjho bona iimfarigi kufanele zibekwe kude nembindra kanye nezinye iinlwane ezifileko.
Eminye Imikhiqizo
Eminye imikhiqizo elahliweko,efana nensalela zenthelo kanye nemirorho, iinsalela zentjalo ezifana nesphila, amakari kanye neomrhorhotjhi, kanye nensalela zema-factory ezifana noburotho osele bonakele, ama-dog cubes, ibisi elonakeleko, i-whey ebuya ephuma nakwenziwa i-cheese kanye namabele aphuma nakwenziwa utjwala kuvumelekile kungaphiwa iimfarigi. Lokha nabasebenzisa imikhiqizo le, abalimi kufanele batjheje khulu ukuqiniseka bona imikhiqizo leyo ayikahlangani nenyama yenlwane ezifileko begodu nokobana ayikamumathi amakhemikhali ayingozi nenetjhefu na.
Ukupha iimfarigi imikhiqizo le yodwa kunomthelela omumbi epilweni yenlwane kanye nekukhuleni kwazo. Ngokuya kwemanual ye-South African Pig Producers Organisation’s production manual, Pigs for Profit, iimfarigi ezidla uburotho obonakeleko kwaphela, zizokuzala amafutha kunenyama, begodu zingaba neminye imiraro yezepilo. Okufana nalokha nazidla imirorho nenthelo kwaphela. Okubonwa njengehlanganisela yamavithamini kwaphela. Into ehle ongayenza lokha nawuthatha isiqunto sokobana uzozipha ini iimfarigi zakho, kungaba kukhuluma nodorhodere wezokudla kwenlwane.
Udorhodere uzokukhethela ukudla okunezakhimzimba ongakusebenzisa okungarhelebha ukukhandela ukutlhogeka kwezakhi mzimba eemfarigini, iimfarigi ezingatholi ukudla okulinganisekileko okukhambelana nemfuneko zemfarigi zizokugandeleleka ngokomkhumbulo, zibanjwe malwelwe begodu zikhule kabuthaka.
Translated by Busisiwe Skhosana | isiNdebele |
I-traceability lirhono lokuthola umkhondo wokudla okunye nokunye nanyana iinthako kobana zibuyaphi. Lilandela indlela yokukhiqiza, yokwenza nokusabalalisa zize zifike lapha zithengiswa khona ematjhelifini wemavikilini. Umkhondo uqakathe lokha naziza kwezepilo zomphakathi. Ukurhona ukwazi ukobana umkhiqizo uvelaphi kanye neethako zakhona kuqakathekile ukukhandela ukusabalala kwamalwelwe egade angabangwa mkhiqizo yokudla nanyana iinthako zakho.
Ukutjhejwa komkhondo weenlwane kutjho ukurhona ukulandela isilwane nanyana umhlambi weenlwane ngeegaba zoke ukusukela lokha nazibelethwako endaweni ethize ukufika lapha zihlatjwa khona nokusetjenzwa kwemizimba yazo.
Itlhogakalo elikhulu lomkhiqizo weenlwane enarheni le nangephetjheya sele lilethe amathuba amatjha wokuthuthela umkhiqizo lo emazweni wangaphandle. Lokhu sele kugcugcuzele urhulumende kanye neehlangano zefuyo eenarheni ezinengi bona zisise ekuthuthukiseni imakhiwo kanye nesistimu yokuthola umkhondo yeenlwane kanye nemikhiqizo yazo.
Ukutjhejwa komkhondo yeenlwane kungelinye ihlelo lokulawula isistimu yehlwengeko ekukhiqizweni kokudla lapha isilwane sivela khona.Njeke, ukutjhejwa komkhondo kuhlanganisa iinlwane kanye nezepilo zabantu kanye nokuhlanganisa zevikeleko zokudla kanye nekhwalithi yokudla.
Livestock Kwefuyo eSewula Africa
Esewula Africa, kusenziwa amano wokutlama isistimu ye-National Livestock Identification and Traceability System (I-ITS SA) ehlanganisa abanikazi benlwane kanye nenlwane zabo, lapha bahlala khona begodu babatlolise ngamunyengamunye babarekhode bona benzani ku-central database.
Nanyana umnqopho wermbuzi ezifuywe ngehloso yokurhweba ukuzifuya kanye nokuzihlaba, ihlangano esafikako yezokufuya ifakiwe esibaweni esenziweko. Nanyana kunjalo kuneentjhijilo ezimbalwa esele kuhlangenwe nazo ekubalwa hlangana ukunganeli kwemakhiwo ye-IT / IT infrastructure.
I- I-ITS SA ingarhelebha ekugadeni ngokuphepha ifuyo yenarheni le ngombana ingarhelebha ukukhandela amalwelwe begodu yenze isiqiniseko sokobana barhona ukulawula amalwelwe msinya lokha nakaqubukileko okwenza bona umonakalo ungabi mkhulu erhwebeni.
Translated by Lizzy Shongwe | isiNdebele |
Iimfarigi zizwela khulu lokha ubujamo bezulu butjhisa namkhana bumakhaza khulu. Ukobana ngibuphi ubujamo bezulu ekufanele zibekwe ngaphasi kwabo kuzokuya ngalobo bekumbeni ezibekwe kiyo, ubuswe, ubudala bazo, umhlobo wazo, umhlobo wefluri kanye nezindlu zazo. Njengomthetho, iimfarigi ezidala, zithanda ubujamo bezulu obungaphasi kwe-15 degrees Celsius kanye nobungaphasi kwe-30 degrees Celsius.
Kubudisi bona iimfarigi zizipholise. Azirhoni ukujuluka, zinamaphaphu amancani nakamadaniswa nomzimba wazo, begodu zinamafutha amanengi azivikela emakhazeni. Isotja yazo yenza umraro lo ube mkhulu, ngokuya ngekwe-Alltech, ekurholela ekutheni imihlobo yanje ikhiqize ukutjhisa kwangaphakathi okudlula i-30% ukusuka ekuphefumuleni ukuya ekugayeni kokudla kunemfarigi zakade zeminyaka yabo-1980.
Amatjhwayo Wokugandeleleka Ngokomkhumbulo
Isitjhijilo sokugandeleleka ngokomkhumbulo okubangwa mtjhiso eSewula Africa, ngebanga lobujamo bomtjhiso omkhulu okungenzeka butjhise ukudlula lokihu esikhathini esizako, ngebanga lokutjhuguluka kobujamo bezulu/-climate change. Abafuyi, kufanele babake ubujamo bezulu emkhumbulweni endaweni ebafuna ukukhulisela iimfarigi zazokiyo begodu batlame iindlela zokukhandela ukugandeleleka ngokomkhumbulo okubangwa mtjhiso ngaphambi kokuthoma ibubulo labo lemfarigi.
Nabangabhalelwa ukwenza njalo kungaba nomthelela omumbi ekudleni, ekukhuleni, nekukhiqizeni ibisi iimfarigi ezisikazi, ngeze zabeletha kuhle. Ukugandeleleka ngokomkhumbulo okubangwa mtjhisp kugarholela ekutheni amanzi angalinganisi, okungena bona zithulule bezife. Ukugandeleleka ngokomkhumbulo kungenza bona zibanjwe malwelwe msinya. Iimfarigi ezibanjwe kugandeleleka ngokomkhumbulo okubangwa mtjhisp ziphefumulela phezulu, azithabuluki, zihlala phasi, zilinga ukuthola amandla nokuzipholisa. Zingabasbaga, imisipha yazo ingathoma ukuqhaqhazela zingahlanza nanyana zithulule.
Ukukhandela
Abafuyi abanezindlu zesimanje basebenzisa ukulawula ubujamo bezulu bona balawule ubujamo bekumba yalapha zinmgakhona kanye neleveli yobuswe. Nange unganayo ithekunoloji le, yenza amahogo wakho bona apholee ehlobo, ngokubeka i-insulation.
Amasenke ukwenza isibonelo, ungawavaloa ngamakari nanyana ngotjani ukuphungula amazinga womtjhiso. Abafuyi bangabeka amaphayiphu afafaza amanzi phezu kwamasenke ukupholisa izindlu zemfarigi.
Umthelela womhlobo wefluri nawo ungaqatjangwa, eminye imihlobo yefluri iletha umtjhiso kuneminye. Ngokuya ngemanual i-The Pig Site ifarigi eyi-5 kg ebekwe ehogweni ukwenza isibonelo ithanda amazinga wotjhisp ahlangana kwaka-27 ukuya ku-30 degrees celsius kodwana lokha nakayi-39 ukuya ku-32 degrees kufanele zibekwe eflurini Eslatted.
Ifarigi eyi-90 kg ebekwe ehogweni ingabekwa hlangana kwe-11 ukuya ku-22 degrees celsius kodwana ku-15 ukuya ku-p24 degrees zibekwa eflurini ematsikani.
Nange iimfarigi zikhiqizelwa ngaphandle, kungabakuhle bona ukhethe umhlobo wemfarigi oqinileko orhona ukujamelana nobojamo bezulu obufuthumeleko. Iimfarigi ezineskhumba esinzima azitjhiswa lilanga.
Iimfarigi ezibekwa ngaphandle kufanele zithole umthunzi. Amadamu wedaka arhelebha ukupholisa iimfarigi kobana ziphole begodu zizivikela ekutjhisweni lalinga.
Ukulwatjhwa
Amari tambala ziselangeni kuletha umthelela omumbi emkhiqizweni, njeke iimfarigi kufanele zipholiswe msinya lokha mazinga womtjhisp ezibekwe kiwo aphezulu. Ukuphungula inomboro yemfarigi kungarhelebha nakho.
Amagadango ekufanelwe athathwe ukupheni iimfarigi ukudla. I-Alltech iphakamisa bona anafuyi bahlalise ukudla kufretjhi, ukuphungula amaprotheyini esekudleni. Sebenzisa amafutha, ukuze zithole amandla khonokhp ngezelela izakhimzimba nanyana uziphe ukudla okumanzi. Ukudla kufanele kuphiwe iimfarigi lokha nakupholileko.
Translated by Busisiwe Skhosana | isiNdebele |
Lapha Kuthoma Khona Ikhambo
Umakhiwo we-Gate way owakheke ngendlela ye-goemetry ngeze wakuphazimisa. Khamba utjhinge estazini samtje, udlule iminyango yerhalasi emide, lapho ikhambo le-Robben Island sele lithomile.
Ngaphambi kwedeskhi lelwazi, elisebenza abantu abambalwa abanesineke abaphendula imibuzo emithathu efanako kanengi: Isikepe sikhamba ngemva kwamairi amabili kusukela ngeiri lethoba. Sithatha ama iri amane.
Esandleni sesincele kunevikili lezipho, lapha ungathenga khona izinto ezihle ezithengiswa e-Robben Island. Amanzi anephawo abrendiweko, amakawosi, iinkhafu ama-key rings iincwadi, ama-diary, amakhalenda, iingobho, amarhalasi, iinkipa, amacici, amakomitji kanje namakhadi, izinto zokuhlobisa iinqandisi, amakhophi we- Freedom Charter nawo akhona. Ungathenga neskhiya se-Robben Island nekuyinto efanelakako ngombana ngilokho iimbotjhwa egade zingakuthenga njengesipho sikakrisimusi. Ivikili linanencwadi ezilungileko kanye nama-video, ekubalwa ngitjho nencwadi yomsebenzi yabentwana.
I-Ofisi Lamathikithi
I ofisi elithengisa amathikithi lisesandleni sokudla. Nangabe gade uhlakaniphe ngokwaneleko kobana ubhokhe kusese neskhathi, uzokuthatha amathikithi kilo. Kuhlala kumatasatasa evesidirini elithengisa amathikithi, njeke fika ngesikhathi ukwenza bona ungahlangahlangani. Ungalithenga ithikithi lakho efesidirini, kodwana ungaqabangi bona ungavele ufike ungene eskepeni. Incenye yamakhulukhulu wabantu bavakatjhela isihlengelesi nyakanomnyaka, begodu isikepe sithatha incenye yamakhulu wabantu ngeskhathi sinye. Njeke akurari bona amakhambo avamise ukubhukwa elangeni elingaphambili nanyana amabili angaphambili kwelanga ozokukhamba ngalo. Esikhathi esinjengabo Nobayeni kanye noTjhirhweni, ukubhukha kuyatlhogeka
Nanyana abantu abanengii baqabanga bona umakhiwo lowo njengendawo lapha uthenga khona amathikithi, i-the Gateway iyindawo ebalulekileko ye-museum Kunemiqaliso embalwa e- upper floors kanye ne-video ongayibukela. Iimvakatjhi ezijarhele e-Gateway zidlulwa yizinto ezinengi, njeke fika ngesikhathi. Umakhiwo lo inama-levels amathathu. Ekungeneni kwakhona, nekuyindawo ephakathi, kuvakwe i-video. Inomlayezo we-video obuya embotjhweni zepolotiki zakade ebebabotjhwe e-Ribben Island nakwamanye amajele.
I-Archive Yemayibuye ye-Robben Island
Phezulu, kunemiqaliso embalwa eyenzekako nema-video archive. Kunabantu abanengi esele sibalibala kancani kancani. Kunabanye abanengi amabizwabo engakhange siwazi. Zoke iinsetjenziswa ezisetjenziswa ukwenza umqaliso lo zithathwe e-Robben Island-Mayibuye Archive, ebanjelwe ezikweni lemfundo eziphezulu le-Western Cape.
E-Lower level, kunenthombe ezimbalwa ezikulu zesihlengelesi nembotjhwa zakhona, kanye namaragi wemaplanka. Nawuvula amalayi wamaraga layo uzokubona iinsalela ezinengi ezimhlobohlobo zeshlengelesi: iincwadi zembotjhwa, iingubo zejele, iintifikedi ezenziwe ekhaya zezemidlalo nezinye izinto. I-lower level leyo isetjenziswa godu njenge-auditorium esetjenziswa lokha kuneminyanya ekhethekileko nemihlangano yensebenzi zakhona (engitjelwa bona unomdlandla, begodu ufanelekile ehlanganweni enomrabhu we-liberation movement).
Nawuqeda ukuqalaqala koke, kufanele uragele phambili uye e-lower level lapho uzokugibela khona iskepe. Ukusigibela kuthatha imizuzu eyi-30 ngaphambi kokobana sikhambe begodu zihlala sisibamba isikhathi.
Translated by Busisiwe Skhosana | isiNdebele |
Igama lomndenazo elijayelekileko
Soft corals
Igama lesayensi
Alcyonacea
Ubukhulu
Ingakhula beyibe yimitha eyodwa.
Ikambiso Yokufanisa
Isakhiwo sazo siyahluka, kodwana inengi lazo zineziqu nekungizo ezivamise ukuba namagatja akha ezinye iziqu ezincani bekumila okhunye okumatsikana phezulu. Iincenye ezimilakwezi zivamise ukubonwa nange zingasi matsikana khulu. Imibalazo ihluka ukusuka kozotho kanye nohlaza satjani ukuya ko-orentji, osarulana, ohlaza sasibhakabhaka kanye nobovu.
Ilwazi Elivamileko
Irhemo lama-Alcyonacea lingelinye lemine yama-Octocorralia, efaka hlangana lezo ezibizwa ngama-Gorgonians, sea pens kanye nama-sea whips. Zinesakhiwo sangaphakathi. Zisebenzisa i-Zooxanthellae njengomthombo wamandla. Iincenye yazo ezibunane zivame ukubamba ukudla ukusuka emanzini.
Zinokukhipha amanzana ayitjhefu ukubulala lezo zakwabo eziqinileko, neziphalisana nazo ngokubanga indawo hlangana lapho zimila khona. Zikhiqiza ezinye ngokutjala imbewazo emanzini.
Ukudla Kwazo
Ziphila ngokudla imihlobo ebizwa ngama-zooplankton.
Ukusabalala Kwazo
Zitholakala kiwo woke amalwandle womhlaba wobujamo bezinga elifuthumeleko kanye nelipholileko.
Imihlobazo ejayelekileko
Lobed soft coral - Sinularia heterospiculata
Leather coral sp - Lobophytum sp
Thistle soft coral - Genus Dendronephthya | isiNdebele |
U-Peter Magubane mumuntu wobukghwari obupheleleko begodu uzifunyanele ukuhlonitjhwa okukhulu kweentjhabatjhaba. Eenthombeni zaka-Peter begade zisetjenziselwa ukwazisa abantu abanengi ngokubanzi mayelana nerekhodi lezinga eliphezulu lalokho okwenzakalako ngendlela ehle kodwana ebuhlungu kanye neyahlukanisa indawo ngendlela elimaza umkhumbulo yevukelambuso ukusuka ngomhlaka-16 kuMgwengweni 1976.
Ukusukela lapho umonakalo endawenethu wangenelela khulu begodu sisehlekeleleni engalinganisekiko. U-Peter usipha soke ithuba lokubona bonyana lokhu kunje begodu mhlambe sikhasikinyeka besithathe igadango esingakghona ukulithatha ukusiza bonyana sigirize ibandlululo begodu siqinisekise izehlakalo ezigadangiswe ngu-Peter Magubane azisaphindi zenzeke godu enarhenethu. Sebenzela ubulungiswa begodu khona njalo usebenzele ukuthula. | isiNdebele |
Sibuyela esikhathini semuva noDorh Peter Magubane ukuyela emuva ngabo-1950s. Ubeka lakhe itshwayo lasafuthi emhlabeni. Muva nje ubike emsebenzinakhe omkhulu, nge-African National Congress (ANC), wenzela i-Drum magazine. U-Tom Hopkinsonomhleli wanelisekile ngomsebenzi wesokaneli elingusokhamera. U-Peter uyokuragela phambili asebenzi ekuvumbululeni nomtloli we-Drum, ekufana ne-'Nude "Pass" Parade' utjheja ukuphasiswa kwemithetho ethunazako kanye nepatho yabantu abanzima eSewula Afrika.
Emnyakeni olandelako, u-Peter uthumba ubujamo bokuthoma nebesithathu ephaliswaneni leenthombe. Umthathiinthombe omumuntu omhlophe nofumene ubujamo besibili wala ukubamba ngesandla uMagubane. Nangaphandle kokurhatjheka kwesikhathi sokuthathwa kwehlangothi, ibizelo elingavimbekiko liyahlonywa. Khonokho, i-Sophiatown iyagirizwa, iyawiswa. Kanye nemindeni eminye, neyakhe isuswa ngekani – iyathuthwa isiwa e-Diepkloof.
Umnyaka we-1980s uvulela umbikindaba weenthombe u-Dorh Peter Magubane iminyango yezeentjhabatjhaba. Umsebenzi aphiwa wona we-United Nations High Commissioner for Refugees walula ukunabela ngaphakathi e-Afrika. ‘Ngeenthombe ngikghone ukubona iingcenye ezinengi zomhlaba,’ uyaqoqa. Indlala nomtlhago awugadangisako eendaeni ze-Somalia kanye ne-Ethiopia ematjhumini yeminyaka, ‘Ikubetha thwi epandla’.
Ngaleso isikhathi, usebenza ne-Time magazine South Africa. Komunye umsebenzi, ngomnyaka ka-1985, ubika ngomngcwabo womfundi e-Natalspruit. Kuthi nakuqubuka umguruguru ngalelo ilanga wazithola adumuzeka amahlandla alitjhumi nekhomba ngaphasi kwedini ngeensalela zeenkule. Uvuka ngokukhulu ukukghaba ubuyela emsebenizakhe, ngomnyaka ka-1986, ungenelela ekuphephiseni umma kanye nomntazanakhe ewomeni labantu elisilingekileko e-Leandra.
Ngomnyaka ka-1990, uDorh. Peter Magubane ukhethwa njengomthathiinthombe kaNelson Mandela osemthethweni ukuthi abike bekagadangise ukutjhuguluka kwenarha kweminyaka emine yokuya entandweni yenengi. ‘Umhlobo “weenthombe zepolotiki” nebegade basejele wangilungiselela bonyana ngikhethwe njengomthathiinthombe ozokulandela uMandela koke lapho ayakhona ukufikela lapho abakhona nguMongameli weSewula Afrika.
‘Bengithabe khulu!’ kuhleka u-Peter. ‘Ngikuphi okhunye umthathiinthombe angakubawa nange akhonjelwe bonyana alandele ipilo yokhethekileko? Kwabamnandi khulu ukukhethwa hlangana nabathathiinthombe abanengi kangaka ukulandela indoda enesibindi leya. Begade ngazi bonyana ngenze okusemandleni ukugadangisa ipilo njengokuyibona kwami, ukufikela isikhathi lapho abanguMongameli.’
U-Peter wakhupha iincwadi ezilitjhumi nesithandathu, ezintathu zazo zaqotjhwa eSewula Afrika ngeminyaka yabo-1970s kanye nabo-80s: Magubane's South Africa, Black as I Am kanye ne-Black Child. Ngomnyana wokuhlonitjhwa kwemisebenzi ka-Dorh Peter Magubane kwaba nomfakela othi-'Many airlines cover less territory than Magubane's solo exhibitions!' Isihloko esimraro asebenzela phezu kwaso silingana ngokuvuleka, ukusuka ekutjhabalaleni kwamasiko ukuya epilweni yangemva kwentando yenengi eSewula Afrika.
Hlangana nabonongorwana beentjhabatjhaba u-Peter azitholela bona, kunonongorwana omenza azikhakhazise khulu lapho babekwe khona abonongorwanaba: the Order for Meritorious Service Class Il, nekungunongorwana amfumana kuMongameli walokha uNelson Mandela ngomnyaka ka-1999. ‘Ngathola imitlomelo eminengi yeenthombe, enarheni le ngomnyaka ka-1950s ukuya kezimbalwa zeentjhabatjhaba kanye nonongorwana obizwa nge-lifetime achievement awards, kodwana loyo engamuthola kuMadiba nguye ongikhambela phambili kenginabo. Nawunonongorwana obuya endodeni efana noMandela — ngikuphi okhunye ozabe usakufuna?. Uyabobotheka.
Translated by Johannes Mahlangu | isiNdebele |
|P.B. Skhosana|
|Umsebenzi:||Umtloli|
|Ubelethwe ngo:||13 kuVelabahlinze 1954|
|Indawo yo kubelethwa:||Henrdina, eMpumalanga|
Philemon Buti Skhosana (13 kuVelabahlinze 1954), ngumtloli oqkathekile wemitlolo yesindebele begodu waziwa nge drama yakhe ethi "Larhwalala Nobani". Wathoma ukufunda isikolo ngomnyaka we-1964 esikolweni sebanga eliphasi iMeerlus eseduze neMayini i-Blesbok eseduze neMiddleburg wase uphothula iimfundo zakhe zeMetrigi eMayitjha High School eWaterval esabelweni saKwaNdebele ngomnyaka we-1976.[1]
Wabandulwa njengothitjhere e-Botshabelo Training Institution, ngethlagwini ye-Middelburg. Emva kokuphetha iimfundo zakhe ze-Primary teachers Certificate ngomnyaka ka 1978. Wafundisa eBuhlebethu High School eSiyabuswa kwaNdebele kufikela ngomnyaka ka1984 lapho akhutjhulwa khona ngengesiphathiswa sezamasiko emNyangweni wezeFundo namaSiko kuRhulumende walokha wakwaNdebele. UNom Skhosana waba nerhuluphelo bewathoma ngokuzibandakanya ekuthuthukisweni kwelimi lesiNdebele ukusukela ngomyaka ka 1986 emva kwalapho waba lilungu leBhodi yeLimi lesiNdebele seSewula. Umsebenzi wakhe wokuthoma wakhutjhwa ngo 1991, ekuyintolwana yesihloko esithi Isigiyani.
Ukufikela namhlanje uNom Skhosana sele atlole iincwadi ezimihlobohlobo zesiNdebele ezidlula e-16. Kwagadesi umfundisi omkhulu emNyangweni wamaLimi wenDabuko eYunivesithi yePitori, ukusukela ngomyaka ka 1997, uphumelele ukuthuthukisa imatheriyali yelimi lesiNdebele kiwo woke amazinga weemfundo zeyunivesithi.
- "Preserving and Celebrating our literary heritage" (March 2011) - National Library of South Africa. Retrieved 22 February 2016 | isiNdebele |
Ngesikhathi umpostoli uJwanisi asibotjhwa esihlengeleni sePatmosi, uJesu wamtjengisa imibono eli-16, ngezinto ebezizokwenzeka ngengomuso. Imibono leyo beyitjengisa indlela uJehova azokuhlanza ngayo ibizo lakhe, ukufika komBuswakhe nokwenziwa kwentando yakhe ephasini njengezulwini.
Embonweni uJwanisi ubona uJehova asesihlalweni sakhe esiphazimulako, ngapha ubhodwe badala abama-24 abambethe izambatho ezimhlophe bathwele neenhlohlo zegolide. Kwatlwebha imibani kwazwakala netjhada lemiijijo enamndla. Abadala abama-24, bahloma iinhloko phasi phambi kwakaJehova bamlotjha. Kwathi kusese njalo, uJwanisi wabona iwomakazi labantu elivela eentjhabeni zoke zephasi neenlimi lilotjha uJehova. IMvana enguJesu yelusa abantwabo ibasa emanzini wokuphila. Kwalandela omunye godu umbono, lapho uJesu sekabusa njengeKosi ezulwini nabadala abama-24. Kuvele omunye godu umbono uJwanisi abone uJesu alwa nenyoka enguSathana namadimonakhe. UJesu wabaphosela phasi ephasini.
Nje-ke uJwanisi sekabona isithombe esihle seMvana nabazi-144 000 bajame eNtabeni iZiyoni. Wabona nengilozi iphapha phezulu itjela abantu ephasini bonyana basabe uZimu bebamlotjhe.
Embonweni owalandela loyo, wabona kuliwa ipi ye-Arimagedoni. Epini leyo uJesu namajonakhe bahlula uSathana nephasi lakhe elikhohlakeleko. Embonweni wokugcina, uJwanisi wabona ukuzwana okupheleleko ezulwini nephasini. USathana nabantu bakhe barhayilwe unomphela. Ngemva kwalapho, abantu boke ephasini besele bahlonipha ibizo lakaJehova, balotjha yena yedwa.
“Ngizakubeka ubutha phakathi kwakho nomfazi, naphakathi kweenzukulwana zakho neenzukulwana zakhe; zona zizakutshidlha ihlokwakho wena ulume isithende sazo.”—Genesisi 3:15 | isiNdebele |
Bhinela UJehova—Iingoma Ezitja
Ingoma emnandi yomBuso kaZimu edumisa uJehova ngokubeka uKrestu uJesu esihlalweni sobukhosi.
Nawe hlanganyela ekuculeni ingoma ebawa uJehova bona asiphe isibindi sokufakaza ngebizo lakhe.
Dumisa ibizo lakaJehova eliphazimulako, bese utjela abantu ukuthi ungoPhezukoke.
Mbawe uJehova uZimu bona akuvikele bekakusize ukghone ukukghodlhelela ipilo.
Akhutjengise bona umthanda kangangani uJehova nokuthi umsebenzi nepilo oyiphilako le iyakuthabisa.
Ingoma ekhuthazako eveza indlela esithanda ngayo abantu nokukhuthala kwethu sifuna izimvu zakaZimu eziligugu.
Yewubhine ngokulunga kwakaJehova nendima esiyidlalako bona yoke imihlobo yabantu ibe netjhebiswano noZimu. Dawnloda umbhino lo namagamakhona.
Umayezo wethu ukhanya ebumnyameni.
Asitjhumayele ngesiyeleliso sakaZimu isikhathi sisesekhona.
Kumnandi ukuzihlalela emakhaya, kodwana sinawo amandla asenza siphumelele nasitjhumayelako.
UJesu uthatha koke esikwenzela abanakwabo abakhethiweko njengokungathi sikwenzela yena.
UJehova uyawathanda amadodanakhe awakhethe ngomoya, begodu bayakuthanda ukwenza akufisako.
Siyamthokoza uJehova ngesipho esikhulu kunazo zoke esakhe saphiwa abantu. Silethela woke umuntu ithemba begodu sisa ekuphileni okungapheliko.
Isenzo sethando esikhulu ukuzidlula zoke, uJesu wazinikela ngokuzithandela, sisenza simthokoze uJehova bekube nini nanini.
Tjengisa isifiso sakho sokusebenzela uJehova kinanyana yini akunikela yona. | isiNdebele |
UJwanisi, indodana kaZakariya no-Elisabethi yaba mphorofidi nayikhulako. UJehova walayela uJwanisi bona afundise abantu ngoMesiya ebekazokuza. Kodwana kunokuthi afundise emasinagogini namkha emadorobheni, uJwanisi bekatjhumayela emmangweni. Abantu bebeza bavela eJerusalema neJudiya bazokufunda kuJwanisi. Wabafundisa ukuthi nabazakuthokozisa uZimu, kufuze balise izinto ezimbi abazenzako. Abanengi ngemva kokuzwa uJwanisi akhuluma, batjhuguluka ezonweni zabo, begodu uJwanisi wababhabhadisa emLanjeni iJordani.
UJwanisi bekaphila ipilo elula. Izembatho zakhe bezenziwe ngoboya bekamela, adla iintethe neluju lemmangweni. Abantu bebazibuza ngoJwanisi. Ngitjho nabaFarisi nabaSadusi abazikhakhazisako beza bazombona. UJwanisi wabatjela wathi: ‘Kufuze nitjhugulule iindlela zenu niphenduke. Ningazitjeli bona niqakathekile ngokuba bantwana baka-Abrahamu, ngombana lokho akutjho ukuthi nibantwana bakaZimu.’
Abanengi beza kuJwanisi bambuza ukuthi: ‘Kufuze senzeni nasizakuthabisa uZimu?’ UJwanisi waphendula amaJuda lawo wathi: ‘Nawunezembatho ezimbili, yabelana naloyo onganalitho.’ Uyazi kubayini atjho njalo? Kungombana bekafuna abafundi bakhe bazi ukuthi nabazakuthabisa uZimu kufuze bathande abanye abantu.
UJwanisi watjela nabathelisi wathi: ‘Thembekani, begodu ningakhwabaniseli muntu.’ Namajoni wawatjela ukuthi: ‘Ningayamukeli imali yokufumbathisa namkha nikhulume amala.’
AbaPhristi namaLevi nabo beza kuJwanisi bambuza bathi: ‘Ungubani? Ngombana abantu bafuna ukwazi.’ UJwanisi wathi: ‘Ngililizwi elirhuwelela emmangweni, lithumela abantu kuJehova njengokutjho kwaka-Isaya.’
Abantu bebakuthanda lokho abakufundiswa nguJwanisi. Abanengi babe basola nokuthi uJwanisi lo akusuye uMesiya na. Kodwana wabatjela wathi: ‘Uyeza omkhulu kunami. Abe angikafaneli nokutjhaphulula amapatlagwanakhe. Mina nginibhabhadisa ngamanzi, kodwana yena uzonibhabhadisa ngommoya ocwengileko.’
“Weza kobana azokufakaza ngokukhanya, khona boke bazakukholwa ngaye.”—Jwanisi 1:7 | isiNdebele |
UTsedekhiya khange alalele isinqophiso sakaJehova sokuzinikela eBhabheli
39:4-7
Amadodana kaTsedekhiya abulawa phambi kwakhe. Yena bamgobhodlha amehlwakhe, bambopha ngamakhamandela wekoporo waba sibotjhwa seBhabheli bekwaba sekufeni kwakhe
U-Ebede-Meleki wathembela kuJehova begodu atshwenyekile nangomphorofidi uJoromiya
39:15-18
UJehova wathembisa ukuvikela u-Ebede-Meleki ngesikhathi kutjhatjalaliswa amaJuda
UJoromiya watjhumayela ngesibindi iminyaka eminengi ngaphambi kokutjhatjalaliswa kweJerusalema
40:1-6
UJehova wavikela uJoromiya nakuvinjezelwa iJerusalema begodu wahlela bona atjhatjhululwe yiBhabheli | isiNdebele |
“NANYANA ibhesi ingakhamba, kodwana isokana elimTjhayina aliyi ndawo!” Lokhu ngilokho u-Alexandra akuzwa angebhesini, alindele ukweqa umkhawulo weSewula yenarha ye-Amerika aye kwenye inarha. Wehla ngebhesini afuna ukubona ukuthi kwenzakalani ngaphandle, wafumana isokana elimTjhayina lizama ukukhuluma ilimu lesiSpenitjhi, liziluma ilimu njalo lisolo lilinga ukuhlathululela unogada ngomhlolo olehlakaleleko. Ngebanga lokuthi u-Alexandra bekahlanganyela ebandleni lesiTjhayina laboFakazi bakaJehova, wabawa ukubahlathululela ebekutjhiwo lisokaneli.
Isokaneli lathi lisisakhamuzi esisemthethweni kodwana libanjwe ikunzi lathathelwa imali neentlabagelo zalo. Ekuthomeni umhlonitjhwa lo bekangalikholwa isokaneli, acabanga ukuthi lingomunye wabakhukhuthisa abantu. Ekugcineni lakwamukela lokho, kodwana isokana labantweli kwafuze libhadaliselwe ukuthi alikaphathi amaphepha afaneleko. Ngebanga lokhuthi belinganayo imali u-Alexandra walipha ama-dollar ama-20. U-Alexandra walitjela nokuthi lingatshwenyeki ngokumbhadela, bekathatjiswa kulisiza, nganingoba kuyinto ehle ukwenza njalo. Wanikela isokaneli iincwadi ezikhuluma ngeBhayibheli, wabe walibawa nokuthi lifunde naboFakazi iBhayibheli.
Kuyathabisa ukuzwa ngezenzo zokupha abantu ongabaziko. Iye khona izenzo ezifana nalezi nabantu bakwamanye amasondo bayazenza, ngitjho nabangakholwako imbala. Kghani-ke nawe angeze wathanda ukwenza into efanako kwabanye? Umbuzo lo uyakarisa ngebanga lokuthi, uJesu wathi: “Kubusiseke khulu ukupha kunokwamukela.” (IzEnzo 20:35) Nabarhubhululi bezesayensi batjho ukupha kuyinto elungileko emntwini. Akhesibone ukuthi kutjhiwo ngaliphi.
‘OPHANA NGETHABO’
Abanelwazi bathi ukupha nethabo akuhlukani. Umpostoli uPowula wathi: “UZimu uyamthanda loyo [opha] ngethabo.” Bekakhuluma ngamaKrestu awapha ngesihle amanye amakholwa atlhagileko. (2 Korinte 8:4; 9:7) UPowula akathi apha ngebanga lokuthi athabile. Iveseli beliqinisile nalithi bewathabile ngebanga lokuthi bewakghona ukupha.
Kuluqiniso, esinye isazi nasikhuluma ngokupha sithi, “kuphaphamisa iingcenye zobuqopho ezinjengokuhlala uthabile, ukuzihlanganisa nabantu, ukuthembeka nokuhlala unombono omuhle ngezinto.” Esinye isazi naso sifumene ukuthi, “nawupha umuntu imali ufumana ithabo ebewungeze ube nalo nawuzisebenzisela yona imali leyo.”
Wakhe wafikelwa mazizo wokuthi ngebanga lobujamo okibo kuncani khulu ongakwenza? Iqiniso likukuthi woke umuntu angalifumana ithabo lokuba ‘mumuphi othabileko.’ Nawenzela umuntu isipho akukafuzi kube yinto ekulu. Omunye waboFakazi bakaJehova uthumele umnikelo kunye nomlayezo naku kwabagadangisa umagazini lo, wathi: “Iminyaka le yoke bengisolo nginikela ngokuncani eWolweni.” Wabuye wathi: “Nje-ke uJehova ungiphe okunengi khulu okudlula ebenginikela ngakho. . . . Ngithokoza ithuba eningiphe loneli, ngakghona ukunikela. Langikhona, ngiduduzekile.”
Asigcini ngokuphisana ngemali, kodwana zinengi khulu iindlela esingaphana ngazo.
NAWUPHANAKO UZOKUHLALA UPHILILE
IBhayibheli lithi: “Onomusa uzenzela ubuhle, kodwana onesihluku uzilimaza yena.” (IzAga 11:17) Abantu abanomusa bayazidela baphane ngesikhathi sabo, amandlabo, batlhogomele bebenze nokhunye okunengi. Indlela abaphila ngayo ibazuzisa ngeendlela ezinengi. Ngikho-ke kuthiwa nawuphanako uzokuhlala uphilile.
Zefundo nazo zithi labo evane bafake isandla basize abantu abatshwenywa yipilo njengomgomani, iinhlabi nokugandeleleka kwemizwa, bathabela ipilo engcono. Ukuba nesandla esivulekileko kusiza ngitjho nalabo abatshwenywa malwelwe angalaphekiko njengomulwana weNtumbantonga. Kubikwa nokuthi abantu ebebaphilela utjwala isikhathi eside, nabasiza abanye kuyancipha ukugandeleleka kwabo bebakghone nokubalekela ukunande babuyela etjwaleni.
Kubayini kunjalo, kubikwa ukuthi, ‘amazizo wesineke nomusa enza kungabi nendawo yokuzizwa usihluleki.’ Ukupha godu kungabuye kunciphise nokugandeleleka nomfutho weengazi obetha ngamandla. Nabantu abahlongakalelwe babantu ababathandako balulama msinyana ekungandelelekeni nabasiza abanye abantu.
Asingabazi nakancani ngendaba le, vele ukuba nesandla esivulekileko kukwenza uhlale uphilile.
UKUPHA KUYATHELELANA
UJesu wakhuthaza abalandeli bakhe wathi: “Yiphani, nani nizakuphiwa. Isilinganiso esihle, esigandelelweko, sakutluzwa besaphuphuma, sizakuthelwa ezandleni zakho. Ngambala isilinganiso osisebenzisa ukupha abanye, sizakusetjenziselwa ukupha wena.” (Lukasi 6:38) Nawumumuntu ophanako nabantu bazokufunda kuwe, nabo babenesandla esivulekileko. Ukupha kuthuthukisa ubunye nesingani.
Abarhubhulula ngezetjhebiswano labantu bathi, “abantu abangasimarhamaru kanengi bakhuthaza nabanye ukuthi benze njalo.” Banaba ngokuthi, “kuhlekuhle izenzo zomusa zitjhukumisa nabanye ukuthi benze okufanako. Yeke umuntu ngamunye kezethungelelwano angaba nomthelela omkhulu emakhulwini wabantu ngitjho nakilabo angabaziko.” Lokhu kutjho ukuthi isenzo sinye somusa singafana nengubo eyeleka umphakathi wabantu woke. Wena angeze wathanda ukuhlala endaweni enjalo? Bekungaba yinto ehle nange soke siba nesandla esivulekileko.
Eminye yemibiko ekhuthazako le ibuya e-U.S.A, eFlorida. AboFakazi bakaJehova basizile emsebenzini wokuhlangula ngemva kwesehlakalo esibuhlungu sesiwuruwuru. Njengombana bebasalindele izinto zokusebenza, babona idarada yakamakhelwana iwele phasi, bafese babawa ukumrhelebha. Umakhelwana lo watlolela umzimkhulu waboFakazi bakaJehova wathi: “Ngithokoza angiqedi. Abantwaba ngibabone banobuntu tle!” Umusa wamtjhukumisela bona anikele, umnikelo loyo wasetjenziselwa umsebenzi waboFakazi wokuzikhandla.
LINGISA ISIBONELO SOMUPHI OMKHULU
Izazi zithi, “indaba yokuphana le ibe liqiniso engeze saliphikisa, yabalisizo nakwabanye.” Irhubhululwelo nalinaba lithi “ukungabi marhamaru kusize ngitjho nabantwana abasafunda ukukhuluma.” Sikutjhwiso yini lokho? IBhayibheli liyahlathulula, nalithi umuntu wabunjwa ‘ngomfanekiso [kaZimu]’ lokho kwenza samfuza.—Genesisi 1:27.
Nakubalwa ubuntu bakaJehova uZimu njengoMbumbi, ukupha akusali. UJehova usiphe yoke into esiyitlhogako ukwenzela ukusithabisa. (IzEnzo 14:17; 17:26-28) Singakghona ukujayelana noBabethu osezulwini besijayelane neenkambiso zakhe ngokufunda iliZwi lakhe iBhayibheli. Incwadi le isitjela nangokuthi uZimu usilungiselele nengomuso elikarisako. * (1 Jwanisi 4:9, 10) Ngebanga lokuthi uJehova umthombo wokupha nathi sabunjwa ngomfanekiswakhe, Ngalokho-ke nakuthiwa ukupha kuzokwenza uhlale uphilile, lokho akukafuzi kukurare nakancani.—Hebheru 13:16.
Usamkhumbula u-Alexandra ekhesakhuluma ngaye ngaphambilini? Usayikhumbula indabakhe ukuthi iphethe njani? Umuntu ebekakhwele no-Alexandra ngebhesini wathi udlale ngemalakhe kodwana isokana alisizakwela lathinta abangani balo edorobheni lalapho ibhesi ijama khona labe lakghona nokumbuyisela ama-dollar ama-20 wemali ebelimkoloda wona. Isokaneli lenza njengokutjho kwaka-Alexandra lathoma ukufunda iBhayibheli. Lathaba khulu nababonanako ngemva kweenyanga ezintathu emhlanganweni waboFakazi bakaJehova wesiTjhayina ePeru. Nalizwakalisa ukuthokoza kwalo isokaneli lithi: Lithokoza koke u-Alexandra alenzela khona, labe lamema nalabo ebebaye emhlanganweni ukuthi bayokudla esitolo sakhe.
Ukupha nokusiza abanye kuletha ithabo. Nawe kungakghonakala ukuthi usize abanye bajayelane noMthombo wokulunga, uJehova uZimu! (Jakopo 1:17) Ziyakuthokozisa na iinzuzo zokupha? | isiNdebele |
UMNYAKA ABELETHWA NGAWO: 1974
INARHA ABELETHELWA KIYO: MEXICO
UMLANDO: BEKATHANDA IPI NOKULWA NABANTU ENDLELENI
UKUPHILA KWAMI KWANGAPHAMBILI:
Ngabelethelwa eCiudad Mante, isifunda esihle sendaweni yeTamaulipas, eMexico. Ngokuvamileko, abantu bendawo le banomusa begodu bayaphana. Kodwana kuyadanisa ukutjho ukuthi ngebanga lobugebengu, indawo le beseyiyingozi khulu.
Bengingewesibili ngokubelethwa kubafowethu abane. Abazali bami balayela bona ngibhajadiswe eSondweni lamaKhatolika, ngokukhamba kwesikhathi ngaba lilunga lekhwaya. Bengifuna ukuthabisa uZimu ngombana bengikusaba komhloko ukutjhiswa esirhogweni somlilo ongapheliko.
Nangineminyaka emihlanu ubudala, ubaba wakhamba ekhaya. Lokho kwangibangela isizi kwangizwisa nobuhlungu obukhulu ehlizweni. Bengingazwisi ukuthi usitjhiyeleni nabesimthanda kangaka. Umma besekufuze asebenze isikhathi eside ngelanga angekho ekhaya, khona azakwazi ukondla abasanyana bakhe abane.
Ngebangelo ngalisa isikolo, ngayokutjhomana nabantwana abakhulu kunami. Bangifundisa ihlamba, ukubhema, ukweba, nokulwa ngeemfeyisi. Njengombana ukuhlula abantu bekuyintwami vele, ngafunda amaguduva, ipi kamaketulana, ipi yokurarhana, kunye nokulwa ngeenkhali. Ngakhula ngimntwana oyingozi. Bengilwa ipi yeengidi, begodu eenkhathini ezimbalwa ngakhe ngatjhiywa endleleni ngibovu iingazi bacabanga ukuthi ngifile. Ngamzwisa ubuhlungu obukhulu umma mhla angithola nginganabubono, wangiphuthumisela esibhedlela!
Nangineminyaka eli-16, umnganami engakhula naye, uJorge wasivakatjhela ekhaya. Wasitjela ukuthi unguFakazi kaJehova, wathi ufuna ukusicocela ngomlayezo oqakathekileko. Wathoma wasihlathululela ngakukholelwako, asebenzisa iBhayibheli. Bengingazange khengifunde iBhayibheli mina, yeke kwangithabisa ukwazi ibizo lakaZimu nomnqopho wakhe. UJorge wathi angakuthabela ukufunda nathi iBhayibheli. Nathi savuma.
INDLELA IBHAYIBHELI ELATJHUGULULA NGAYO UKUPHILA KWAMI:
Kwawutjhaphulula umoyami ukwazi iqiniso lesirhogo—nganyekele ngalemuka bona leyo akusiyo ifundiso yeBhayibheli. (IRhubo 146:4; UMtjhumayeli 9:5) Nasengikwazi lokho, azange ngisaba nevalo lokusaba uZimu. Kunalokho, ngathoma ukumqala njengoBaba onethando, obafunela okuhle abantwana bakhe.
Njengombana ngithuthuka ekufundeni iBhayibheli, kwangitlhoga nokuthi ngitjhugulule ubuntu bami. Besengifuna ukuthobeka ngilise nokulwa nabantu. Okwangisiza siluleko seyoku-1 Korinte 15:33, ethi ukujayelana nabakhohlakeleko “konakalisa isimilo esihle.” Ngalemuka ukuthi nangifuna ukutjhugulula ubuntu bami, bekufuze ngilise ukujayelana nabantu abangifakela umoya omumbi. Ngathoma-ke ngazitholela abangani abatjha ebandleni lobuKrestu—abantu ebebakwazi ukulungisa irarano, ingasi ngokubethana, kodwana ngokusebenzisa okutjhiwo yiBhayibheli.
Enye indaba yeBhayibheli eyangikhuthaza ngeyamaRoma 12:17-19, ethi: “Ungabuyiseli ubumbi ngobumbi. . . . Nakukghonekako ngokusemandlenenu, philisanani ngokuthula nabo boke abantu. . . . ningazibuyiseleli, . . . ngombana kutloliwe kwathiwa: ‘“Ukubuyisela kungokwami, ngozokubuyiselela.” Kutjho [“uJehova,” NW].’” Ngathoma ukwamukela ukuthi uJehova uzongilungisela izinto ezingakhambi kuhle ngeyakhe indlela nangesakhe isikhathi. Ngatjhuguluka, ngayitjhiya kancanikancani ipilo yokuthanda ipi.
Angekhe ngakulibala okwenzeka ngobunye ubusuku ngibuyela ekhaya. Ngasahlelwa liwomakazi legenge yepi, ugosa wakhona wangigusula emhlana, warasa wathi, “Zilwele ndoda!” Ngesikhatheso ngatjho umthandazo omncani kuJehova, ngambawa angisize ngingababethi. Ngazizwa ukuthi umoyami sewuyonakala ngaphakathi, kodwana ngabalisa ngakhamba. Ngakusasa ngahlangana nogosa wakhona. Ngabila, kodwana nalapho ngabawa uJehova angisize ngizibambe. Ngarareka mina nangibona umsana loyo eza kimi athi: “Ngibawa ungilibalele ngengikwenze izolo. Eqinisweni sengifuna ukufana nawe. Ngifuna ukufunda iBhayibheli.” Kwangithabisa kwamambala ukuthi ngikghonile ukulawula ilaka lami! Sathoma-ke safunda iBhayibheli sobabili.
Okudanisako kukuthi umndenami wona azange uragele phambili nokufunda iBhayibheli. Kodwana mina ngazimisela ukuragela phambili nokufunda, azange ngivumele litho lingibophele phasi. Bengazi ukuthi nangijayelene nabantu bakaZimu ngizokuphola emoyeni, ngizitholele nomndeni ongifaneleko. Ngaraga njalo netuthuko, kwathi ngo-1991 ngabhajadiswa ngaba nguFakazi kaJehova.
INDLELA ENGAZUZA NGAYO:
Benginehlizwembi, ngithanda ukulawula abantu, ngibetha nokubetha. Kodwana iliZwi lakaZimu layitjhugulula unomphela ipilwami. Nje ngicoca nabo boke abantu abathanda iBhayibheli, ngibatjele umlayezwalo. Begodu seminyaka ema-23 yoke ngisisebenzi sakaZimu sasikhathi soke.
Ngakhe ngayokuvolontiya ne-ofisini legatja laboFakazi bakaJehova eMexico. Nangilapho, ngahlangana noClaudia, udade omKrestu ovuthiweko, satjhada ngo-1999. Ngimthokoza kwamambala uJehova ngokungibusisa ngomlingani othembeke kangaka!
Sakhonza soke ebandleni lelimi lezandla eMexico, sisiza abangezwa eendlebeni ukuthi bazi uJehova. Ngokukhamba kwesikhathi, sathunyelwa eBelize ukuthi siyokufundisa abantu bendawo leyo ngeBhayibheli. Nanyana siphila ipilo elula nje la, sinakho koke esikutlhogako bona sithabe. Angekhe sayitjhugulula indlela esiphila ngayo.
Umma naye wabuye wafunda iBhayibheli wabhajadiswa. Nomfowethu omkhulu, nomkakhe nabantwana babo, sikhuluma nje boFakazi bakaJehova. Abanye babangani bami bakade engabatjela ngomlayezo womBuso, nabo sebalotjha uJehova.
Okubuhlungu kukuthi amanye amalunga womndenami sekahlongakala ngombana azange akulise ukuthanda ipi. Nami ngathana ngaragela phambili nekambo leyo, mhlamunye nga nje sikhuluma enye indaba. Ngiyamthokoza uJehova ngokungidosela kuye nebantwini bakhe abamthandako, wangifundisa ukubekezela nokuba nomusa ngokusebenzisa engikufunda eBhayibhelini. | isiNdebele |
IPHOLISA le-KGB * lathi, “Uyindoda ekhohlakeleko, ungayenza njani into enje ukuthi ulahle umamakwakho osebantwini nomntazanyanakho, ngubani ozobondla? Akhe uphike ikolwakho le ubeyele kwakho!” Ngaphendula ngathi: “Awa akhenge ngilahle umndenami. Nina ningivalele. Ningibophele ini?” Ipholisa laphendula lathi: “Yoke imilandu ingcono kunokuba nguFakazi.”
Isehlakalwesi senzeka ngo-1959 ejele yedorobheni le-Irkutsk eRussia. Ngibawa ukuhlathulula bona kubayini mina nomkami uMariam besizilungiselele ‘ukuhlupheka ngebanga lokulunga,’ ngibawa ukuhlathulula nokuthi ukwenza koke lokhu kusizuzise njani.—1 Pit. 3:13, 14.
Ngabelethelwa e-Ukraine ngo-1933 ethresteni leZolotniki. Ngo-1937 ukghari nendodakwakhe ebebaboFakazi basivakatjhela babuya eFrance basitjhiyela incwadi ethi Government nethi-Deliverance ezagadangiswa yi-Watch Tower Society. Ubaba wathi nakaqeda ukufunda iincwadezi ukukholwa kwakhe kuZimu kwavuseleleka. Okudanisako kukuthi ngo-1939 wagula kodwana ngaphambi kobana ahlongakale wathi kumma: “Liqiniso leli. Ngibawa ulifundise abantwabethu.”
ISIBERIA YABA MASIMU AMATJHA
Ngo-Apreli 1951, iimphathimandla zasusa aboFakazi etlhagwini ye-USSR zabasa eSiberia. Umma, umfowethu uGrigory nami saqothwa eTlhagwini ye-Ukraine. Sakhamba amakhilomitha azii-6 000 ngesitimela besayokufika edorobheli leTulun eSiberia. Kwaphela iimveke ezimbili umnakwethu uBogdan, naye wafika ekampeni ebeyihlanu kweyethu edorobheli le-Angarsk. Bamgweba bona asebenze budisi ejele iminyaka ema-25.
Sinomma noGrigory besitjhumayela ethresteni elihlanu kweTulun kodwana bekufuze sitjheje tle! Ngokwesibonelo, besibuza abantu sithi, “Ukhona na umuntu ofuna ukuthengisa ikomo?” Nasimfunako umuntu loyo besimhlathululela indlela ikomo edalwe kuhle ngayo. Ukwenza njalo bekusinikela ithuba lokukhuluma ngoMdali. Ngesikhatheso, amaphephandaba bekatlola ngaboFakazi athi bafuna iinkomo kodwana kuhlekuhle bafuna izimvu. Besibafumana abanjengezimvu. Bekusithabisa ukufunda imiTlolo nabantu abathobekileko nabanobuntu esimini engakahlelwa ebesitjhumayela kiyo. Sikhuluma nje eTulun kunebandla elinabatjhumayeli abangaphezu kwabali-100.
INDLELA UKUKHOLWA KWAKAMARIYA OKWAZIZINYWA NGAYO
Umkami uMaria wafunda iqiniso hlangana nePi yePhasi Yesibili. Wathi nakana-18 ipholisa le-KGB lathoma ukumhlunguphaza, lifuna ukumenza bona ahlanganyele nalo amabhayi, kodwana akhenge akuvume lokhu uMaria. Ngelinye ilanga wathi nakabuya lapho ahlala khona wafumana indoda ilele embhedenakhe. UMaria wabaleka. Lokho kwalisilinga khulu ipholiselo labe lathusela uMaria ngokuthi lizombophela ukuba nguFakazi, ngo-1952 uMaria wagwetjwa iminyaka elitjhumi. Wazizwa njengoJosefa owabotjhelwa ukuthembeka kuJehova. (Gen. 39:12, 20) Umtjhayeli owasa uMaria ekhotho wathi kuye: “Ungathukwa. Abantu abanengi bayabotjhwa babuye basesenesithunzi sabo.” Amezwi lawo amqinisa.
Kusukela ngo-1952 kufika ku-1956 uMaria wasiwa ekampeni ehlanu kwedorobho leGorkiy (nje elaziwa ngokuthi yiNizhniy Novgorod) eRussia bona ayokusebenza lapho. Bekufuze akape imithi, lokho bekufuze akwenze ngitjho nayana kumakhaza. Ngikho ngokukhamba kwesikhathi ipilwakhe yabogabonga, ngo-1956 watjhatjhululwa waya eTulun.
BANGIFUDUSELA KUDE NOMKAMI NABANTWABAMI
Umzalwana weTulun wathi kunodade ozako, ngathatha ibhayisigirami ngayomhlangabeza ukwenzela bona ngimthwalele imithwalakhe. Ngathi nangihlangana noMaria, ngamthanda ngithoma ukumbona. Kwafuze ngisebenze tle bona ngimenze angithande, begodu ngaphumelela emaswapheleni. Satjhada ngo-1957. Ngemva komnyaka saba nendodakazi, kodwana isikhathi sami naye saba sifitjhani. Ngo-1959 ngabotjhelwa ukugadangisa iincwadi ezisekelwe eBhayibhelini. Kwaphela isiquntu somnyaka ngivalelwe ngedwa. Bengihlala ngithandaza ukwenzela bona ngibe nokuthula, ngivuma iingoma zomBuso, ngiphele ngicabanga ukuthi thana bengitjhatjhululiwe bengizokutjhumayela njani.
Ngesikhathi ngisejele umtjhutjhisi angiphenya ngemibuzo wasilingeka wathi, “Kungasikade sizonigadanga njengamakhondlo!” Ngaphendula ngathi, “ivangeli lomBusweli LIZAKUTJHUNYAYELWA ephasini loke begodu akunamuntu ozokukhandela lokho.” Ngemva kokuthi abatjhutjhisi balinge zoke iindlela zokungenza ngilise ukukholwa kwami njengombana besele ngitjhwile ekuthomeni, ngagwetjwa iminyaka elikhomba ngisebenza njengesigqila ekampeni hlanu kwedorobha leSaransk. Nangisendleleni eya ekampeni, ngafumana umbiko othi umkami ubelethe indodakazethu yesibili, ibizo layo ngu-Olga. Ngitjho nanyana umkami namadodakazethu bebakude nami kodwana bekungikhuthaza ukwazi ukuthi sinoMaria sathembeka kuJehova.
UMaria bekeza azongivakatjhela eSaransk kanye ngomnyaka, lokho bekakwenza ngitjho nanyana bekumthatha amalanga ali-12 ukusuka nokubuyela eTulun akhamba ngesitimela. Qobe mnyaka bekangiphathela amabhudzu amatjha. Emabhudzwinapha bekafihla isiThala esisandukuphuma. Ngomunye umnyaka ngathaba khulu uMaria nakafikako ngombana weza nabantazinyana bethu bobabili. Kwangithabisa khulu ukuba nesikhathi nabo.
IINDAWO EZITJHA NEENQABO EZITJHA
Ngo-1966 ngatjhatjhululwa ekampeni yokuhlunguphazwa, sobane safuduselwa edorobheni le-Armavir elihlanu kweBlack Sea. Kulapho okwabelethelwa khona amadodanethu amabili uYaroslav noPavel.
Kungasikade amapholisa weKGB aqalisisa umzethu phasi phezulu afunana neencwadi ezisekelwe eBhayibhelini. Bafuna kiyo yoke indawo ngitjho nesibayeni imbala. Ngelangelo bekutjhisa tle yeke, amaphosisa bekajulukile amasudwawo azele ithuli. UMaria wabazwela ngebanga lokuthi bewamane athobela umyalo. Wawathelela i-juice wawalethela ibhratjhi, amanzi namathawula bona bahlwengise amasudwawo. Kwathi nakufika isikhulu samapholisa weKGB amapholisa amanye la asitjela ngokwenzekileko. Nabakhambako isikhulwesi samomotheka sasiphakamisela isandla. Kwasithabisa ukubona umphumela omuhle wokulinga ‘ukubinda ubumbi ngobuhle.’—Rom. 12:21.
Saragela phambili sitjhumayela e-Armavir ngitjho nanyana besitjhutjhiswa. Besibuya sisize ukuqinisa isiqhema sabatjhumayeli edorobheli eliseduze kweKurganinsk. Kuyathabisa ukwazi ukuthi namhlanjesi kunamabandla esithandathu e-Armavir kube namane eKurganinsk.
Izinto bezingasilula ngaso soke isikhathi, ngasikhathi besizizwa ngasuthi ubuhlobo bethu noZimu buyabogaboga. Kodwana kuyasithabisa ukuthi uJehova bekaphele asebenzise abazalwana abathembekileko bona basisize siqinise ubuhlobo bethu naye. (Rhu. 130:3) Kwasivivinya tle ukusebenza hlanu kwamapholisa weKGB, angenela ebandleni singakatjheji. Bebabonakala bakhuthele emsebenzini kaZimu. Amanye wawo waze wanikelwa amalungelo ehlanganweni. Ngokukhamba kwesikhathi sagcina sifumene ukuthi babobani kuhlekuhle.
Ngo-1978 uMaria wazithwala godu aneminyaka ema-45. Abodorhodera bathuswa kukuthi uMaria unobulwele behliziyo yeke bathi akarhulule umbungu. Kodwana uMaria akhenge avume ukwenza njalo. Abanye babodorhoderaba bamlandela koke lapha ayakhona bafuna ukumhlaba ngenjektjheni ezomenza abelethe ngaphambi kwesikhathi. UMaria wabaleka esibhedlela ukwenzela bona avikele umntwanethu ongakabelethwa.
I-KGB yathi kufuze sikhambe edorobheneli. Safudukela ethresteni elihlanu kwedorobho leTallinn e-Estonia nalo beliyingcenye ye-USSR. Safika lapho uMaria wabeletha umsanyana ibizo lakhe elinguVitaly ophile kuhle kunalokho ebekutjhwiwo bodorhodera.
Ngokukhamba kwesikhathi safudukela e-Estonia emphakathini weNezlobnaya eSewula yeRussia. Lapho besitjheja nasitjhumayelako, abantu abavela eendaweni ezihlukahlukeneko zenarha le bebeza lapho. Bebeza ngokuzokulatjhwa kodwana abanye babo bebathi nabakhambako bakhambe banethemba lokuphila okungapheliko.
SAFUNDISA ABANTWANA BETHU BONA BATHANDE UJEHOVA
Salinga ukufundisa abantwana bethu ukuthanda uJehova nokufuna ukumlotjha. Besilinga bona qobe simemela abazalwana emzinethu bona bakhuthaze abantwana bethu, hlangana nabantwabo, umuntu ebekajayele khulu ukusivakatjhela ngumnakwethu uGrigory obekamjikezi kusukela ngo-1970 bekube ngu-1995. Woke umndenethu bewumthanda ngombana bekamumuntu othanda amahlaya. Nasineemvakatjhi besidlala amagemu asekelwe eBhayibhelini, abantwana bethu bakhule bathanda iindaba zeBhayibheli.
Ngo-1987 indodanethu uYaroslav yafudukela edorobheni leRiga eLatvia lapho bekatjhumayela atjhaphulukile. Wathi angabhala ukungenela ubujoni bamgweba umnyaka nesiquntu ejele, bamusa emajele ahlukahlukeneko alithoba. Engamtjela khona ngesikhathi ngibotjhiwe kwamsiza wabekezela. Ngokukhamba kwesikhathi, waba liphayona. Ngo-1990 indodanethu uPavel beyina-19 beyifuna ukuba liphayona eSakhalin esihlengeleni esisetlhagwini yeJapan. Ekuthomeni besingafuni akhambe. Bekunabatjhumayeli abama-20 kwephela lapho begodu indawo leyo beyikude kithi ngamakhilomitha azii-9 000 kithi. Kodwana ngokukhamba kwesikhathi samvumela bona akhambe, leso kwaba siqunto esihle khulu. Abantu balapho bebawamukela umlayezo womBuso. Kungakapheli iminyaka eminengi besele kunamabandla abunane. UPavel wakhonza eSakhalin bekwaba ngu-1995. Ngesikhatheso besisele nendodanethu yamaswaphela uVitaly. Wathanda ukufunda iBhayibheli kwebuntwaneni. Yena-ke wathoma ukuphayona eneminyaka eli-14, mina ngiphayone naye iminyaka emibili. Bekusikhathi esimnandi khulu leso. UVitaly nakana-19 wafuduka ekhaya, wayokuba liphayona elikhethekileko.
Nasibuyela emva eminyakeni yabo-1952 ipholisa le-KGB latjela uMaria ukuthi: “Phika ukukholwa kwakho, nakungasi njalo uzokuhlala ejele iminyaka elitjhumi. Nakuphela iminyaka leyo uzabe sele uluphele begodu unganabani.” Kodwana akhenge kube njalo. Salizwa ithando lakaJehova uZimu, labantwa bethu nelabantu abanengi esabasiza ukufumana iqiniso. SinoMaria kuyasithabisa ukunande sivakatjhela lapho abantwana bethu bakhonze khona. Sibone indlela abantu abantwana bethu ababasize ukufunda ngoJehova abathabe ngayo.
SITHATJISWA BUBUHLE BAKAJEHOVA
Ngo-1991 umsebenzi waboFakazi bakaJehova waba semthethweni. Lokho kwenza abantu batjhumayela ngomfutho. Ibandla ebengikilo labe lathenga nebhesi bona siyokutjhumayela neendaweni esakhelene nazo qobe ngeempelaveke.
Kuyangithabisa ukuthi uYaroslav nomkakhe u-Alyona, uPavel nomkakhe uRaya baseBethel bese kuthi uVitaly nomkakhe uSvetlana bayajikeleza. Indodakazethu ekulu u-Irina nomndenakhe bahlala eGermany. Indodakwakhe uVladimir namadodanabo amathathu babadala ebandleni. Indodakazethu u-Olga yena uhlala e-Estonia begodu ungifonela qobe. Ngibuhlungu ukutjho ukuthi umkami wahlongakala ngo-2014. Ngiqale ngabovu ukumbona nakuvuzwa abafikeleko. Sikhuluma nje mina sengihlala edorobheli leBelgorod begodu abazalwana balapha bayangisekela tle.
Kiyo yoke iminyaka le ngilotjha uJehova ngifunde ukuthi ukuthembeka ngasikhathi kuza nemiphumela ebuhlungu, kodwana uJehova ukupha ukuthula abuye akubuyisele ngokudlula lokho wena unikele ngakho. Iimbisiso uJehova asibusise ngazo sinoMaria ngokuthembeka kwethu zidlula indlela thina esingacabanga ngayo. Ngaphambi kobana i-USSR iwe ngo-1991 bekubanatjhumayeli abangaphezudlwana kwabazi-40 000. Namhlanjesi kunabatjhumayeli abangaphezu kwabazii-400 000 eenarheni ebezingaphasi kweSoviet Union. Nje sengina-83 begodu ngisesemdala ebandleni. Ukusisekela kwakaJehova kwangipha amandla wokubekezela. UJehova ungibusisile tle.—Rhu. 13:6, 7, [13:5, 6 NW].
^ isig. 4 I-KGB sirhunyezo seRussian Soviet State Security Committee. | isiNdebele |
Igama
Idorofiya, Sweet Prickly Pear
Igama lesi-Latin
Opuntia ficus-indica
Ihlathululo
Lesisimilo esande ngejuzi khulu nofana umutjhana omncani oneziqu zesakhiwo esibizwa i-paddle-shaped begodu zihlome ngameva. Isimilwesi asinawo amakari. Kusimilo sakosozizwe esibukhali esidabuka e-Central America. Iinthelo zaso zakheke kwanga mamatje, ande ngameva begodu ziyadliwa.
Indawalo yemvelo
Idorofiya imila nanyana kukuphi eSewula Afrika, yasabalala khulu emesentjhurini adlulileko ngemva kokuthi ingeniswe enarheni ukusuka e-Mexico.
Ibuthelelolwazi ngomangwalo
Idorofiya ihlangana neemilo zakosozizwe ezisetjenziswa khulu eSewula Afrika, kangangobana inengi labantu selikholelwa bonyana kusimilo somhlobo weSewula Afrika.
Idorofiya isetjenziselwa ukwakha umthangala nofana isibaya sefuyo yekhaya- begodu ibuye isetjenziswe njengokudla kwefuyo. Izundlu ezinengi zemaplasini zakhelwe ngokubuyela ngemithi yedorofiya.
Iinthelo zayo namhlanje zisetjenziselwa ukwenza ijemu nemihlobohlobo yeenselo. Eendaweni ezinengi, ezingakalinywa isimilwesi sithathwa njengesitjhabalalisi begodu sithathelwa amagadango wokusitjhabalalisa. | isiNdebele |
African Black Oystercatcher.
Igama
Ubhor’imithi, African Black Oystercatcher
Igama lesi-Latin
Haematopus moquini
Umndenazo
Haematopodidae
Ubude
51 cm
Indawo yokuhlala/ikhaya lazo
Iyinyoni emhlali ophelela emaqadi kwamanzi, esihlengeni seligu, ekuhlukaneni komlambo kanye nalapho amanzi angatjhingeli khulu khona.
Isililo senyoni
Inendlela yokulila nofana yokubiza elitjhada ehlabako ezwakala kwanga ithi: 'pip pip pip' kanye nenye indlela ebiza nofana elila ngayo evamise ukuyibuyelela ethi: 'klee-weep'.
Ukubekela nokufukama
Ukubekela nokufukama kwenzeka ukusuka enyangeni kaSewula ukuya kuNtaka. Zibekela iqanda linye ukuya kamathathu esidlekeni esimgojana ondlalelwe imiqobosi ngaphakathi nofana amaqephe ambalwa aphukileko. Amaqandazo anombala ofana nelitje, anamacatjhaza ahluka ukusuka kamthuthu okuphephula ukuya kamnyama okunzima nofana okuzotho. Zifukamela amaqandazo amalanga amasumi amabili nobunane ukuya kamasumi amathathu. Amadzinyana akakghoni ukuphapha ukufikela emalangeni amasumi amane nahlanu wobudala.
Ihlathululo ngamadzinyana
Amadzinyana angakakhuli okwani anombala ozotho okuqarheke ngonzima okufipheleko, kuthi incenye yangaphasi ibemhlophe imilenze ibe zotho kombala welamuna.
Ihlathululo ngezikulu
Inyoni le inzima umzimba woke, kuthi iinyawo zayo zibe bomvu kanye nencenye yesiphetho somlomo sombala welamuna. Umlomayo wakheke njengewe-Wedge, kodwana wona mude ukudlula ihloko, imihlathayo ayihlangani encenyeni yesiphetho sayo begodu isipara, amahlangothi aminyezeleka ukwenzela ukwakha ileum encenyeni yesiphetho sawo; imilenze mifitjhani, begodu inemizwani emithathu kwaphela. Amehlwayo anombala obomvu okukhanyako ondungulelwe mbala welamune.
Ubujamo/Isikhundla
Imuhlali ojayelekileko kodwana ithathwa njengenyoni elimazeka lula nofana elula.
Ukwabeka kwazo
Zabeke ngobubanzi esewula yeligu le-Afrika, nokho zimbalwa khulu kezinye iindaweni. Zivamise ukubonwa emadwaleni weligwini kanye nemalwandle, emanzini angakjhingeliko kanye nesiphethweni selwandle.
Ibuthelelolwazi ngomangwazo
Inyoni le ithathwa njengomhlobo olimazeka lula nofana elula khulu, nanyana kunjalo ijayeleke ngokwaneleko magega neligu leSewula Afrika kanye ne-Namibia. Ezinye zeenzathu zalokhu zifaka hlangana bonyana iindleke zazo zivamise ukuthikanyezwa misebenzi nezenzo zabantu. | isiNdebele |
Ufunda Njani Ukufuya Iinyosi
©The Animal and Plant Health Agency, Crown Copyright
Abafuyi abatjha beenyosi babukela amavidiyo we-YouTube, kodwana amanengi wama-vidiyo la enziwe enarheni yange-USA kanye be-Europe. Iinyosi zeSewula Africa aziziphathi ngokufana neze narha ezimbilezi, zinekani khulu begodu zitinya ungaba nemiraro emikhulu khulukhulu lokha nawu ne-allergy yazo kubika u-Downie wehlangano i-Beeware. Njeke kuphakanyiswa bona abafuyi beenyosi bakhambele isfundobandulo nanyana benze irhubhululo ebafuyini benyosi esele banelwazi kanye nabafundisi.
Funda ngokufywa kweenyosi ngokufunda nanyana ngokukhambela isifundo bandulo sokufywa kweenyosi. Ukusebenza nabafundisi abahla kuzokufundisa iindlela zokufunda ngokwenza. ESewula Africa. Incwadi i-Blue Book (“Beekeeping in South Africa” by Johannesmeier et al.) yaziwa njengencwadi eziphala zoke efundisa ngokufywa kweenyosi.
Hlangana kwenhloko ngeemfundo bandulo zokufywa kweenyosi kubalwa ithiyori yeenyosi, lapha zihlala khona, ukutlhogonyelwa kwezindlu zazo,ukukhulisa indlovukazi kanye nokuthatjhwa kweliju. Isifundo bandulwesi sitlhadlhula bona ukhetha njani begodu wakha njani izindlu zeenyosi, ukukhetha iinsetjenziswa zokufuya iinyosi ozozitlhoga, ukobana ulithapha njani iliju kanye nokobana uzifudusa bewuzibambe njani iinyosi.
Nange ungarhoni ukukhandela isifundo bandulwesi, nanyana ilanga lokuthola ilwazi, linga ukuthola ozokufundisa onjengomfuyi weenyosi osele anelwazi onerhuluphelo lokukwabela ngelwazi.
Ngizibekaphi Izindlu Zeenyosi?
Nange uhlala edorobheni, thola kwamasipala wakho bona kuvumelekile bona ungafuya iinyosi endaweni ohlala kiyo. Nange kuvumelekile beka izindlu zazo emamitheni ayi-50 kude neelwane kanye nabantu. Eendaweni ezisemakhaya, beka izindlu zazo kude neenkukhu kanye namapera, iinyosi aziwuthandi umnuko weenlwane.
Indawo lapha iinyosi zibekwa khona ibizwa bona yi-apiary. I-Apiary itlhoga kobana ibe semthunzini, endaweni eyomileko kanye nenelanga kodwana ingabi lapha kunombethe khona. Ukungezelela, itlhoga bona irhone ukuletha ukudla kanye namanzi kweenyosi kungabikude ngamakhjilomitha ayi-3 - 5 ukusuka ezindlini zazo.
Nayana ezinye iindawo zinakho ukudla okwaneleko ezingakupha imihlambi yazo. Ngeze kwanela ukuzitlhogomela unyaka woke. Njeke, kungatlhogeka bona ufuduse imihlambi uyise eentjalweni ezifaneleko lokha nazihlumako. Lokhu kungakulrthela inzuzo abalimi abanebhonasi yabafuyi beenyosi.
Ngesikhathi soke bawa iimvume emnikazini wendawo ngaphambi kokobana ubeke izindlwezo endaweni yakhe.
Ihlangano ye-South African Bee Industry Organisation (SABIO) ejamele abafuyi beenyosi eSewula Africa yeluleka nabafuyi bazo bona batlolise izindlu zazo nomnyango we-Department of Agriculture, Forestry and Fisheries (DAFF).
Ungawutholaphi Umhlambi Weenyosi
Ukuthoma ibubulo lokufuya iinyosi utlhoga umhlambi weenyosi kanye nezindlu zazo. Kunendlela ezimbalwa ongathola ngazo umhlambi loyo:
Ungawuthenga ebafuyini bazo esele banelwazi.
Ungathiya umhlambi weenyosi. Ungazithiya kuhle etwasahlobo.
Ungafudusela indlu esele ikhona enomhlambi weenyosi. Kodwana kufanele ube nelwazi.
Ungarherha umhlambi weenyosi ngokuhlikihla iliju ngaphasi kwezindlu zazo, ngokusebenzisa iliju oplithengileko, nanyana ngokuhlikihla i-lemon grass ngaphasi kwezindlu zazo.
Iinyosi zihlala emadwaleni, emigodini, embobeni zemithi kanye nemabhokisini wesikhuni. Ukuhlalisa umhlambi weenyosi uzokutlhoga izindlu zazo. Zingathengwa ebubulweni elenza iinsetjenziswa zeenyosi. Kunamabubulo ambalwa athenjwako athengisa izindlu zeenyosu kodwana utlhoga ukutlhogomela abathengisi ngombana abanye abathengisi ezihle. Ukobana ziyathengeka akutjho bona zihle.
Ngesinye isikhathi, abafuyi beebyosi bathengisa izindlu zazo, kodwana kufanele zisterilayiziwe ngaphambi kokusetjenziswa ukukhandela ukutheleleka ngamalwelwe. Izindlu zeenyosi ezisebenzileko zingasetjenziselwa ukuthiya umhlambi omutjha weenyosi.
Amathulusi Wokufuya Iinyosi
Uzokutlhoga amathulusi alungileko ukusebenza eemhlambini weenyosi. Nange izindlu zazo zingatlhogonyelwa kuhle, zizokukhamba ezindlunwezo zizifunele indawo ephephileko zihlale khona.
Kuphakanyiswa bona uthenge i-ovoroli izijwa ifike phezulu kanye neveyili yokuvikela ubuso bakho kanye nentambo ekuthengi zingalunywa. Kutlhogeka namahasikune weskhumba nanyana enziwe nge-PVC, kanye nama-gaiter wokuvikela amadolwakho kanye namabhudzu. Uzokutlhoga ne-smoker, nethulusi lezindlu zeenyosi kanye nebratjhi yeenyosi. Lada, nacelle uthapha iinyosi,uzokutlhoga isimbi yokulidosa.
Translated by Lizzy Shongwe | isiNdebele |
Nota: Stai modificando un prerequisito per la guida che stavi visualizzando. Tutte le modifiche avranno effetto su tutte 3le guide che includono questo passo.
Traduzione in corso passo 17
-
Vikela ipetjhe yegadi phezu kwesihlanganisi ukuvikela amanzi bona arhatjheke na innhlanganisi zehlukanisiweko.
-
Usebenzisa isikrufu sepompo, gedlisa isikhuphukeli sephayiphu edlulisa amanzi fikela amanzi athome ukuthulukela ngaphakathi kwepetjhe yegadi. | isiNdebele |
Irhono eliqinileko lokufuya liya ngokomsebenzi owenzako. Utlhoga ukuthwasiswa ukwenza umsebenzi othize. Irhono eliqinileko lenziwa eplasini, begodu nawenza umsebenzi weplasini ukwenza isibonelo, ukushayela isithuthi nanyana ukutlola ngomtjhiningcondo, ukugoma iinlwane nokuqeda umsebenzi weplasini. Irhono eliqinilekozizinto ozifunda emsebenzini kanye nerhono onalo okhuluma ngalo lokha nawufuna umsebenzi othize eplasini.
Irhono elithambileko, kwesinye isandla lirhono onalo lokukhuluma nabantu nendlela owenza ngayo izinto.
Ngokuya ngokwakasomabubulo ophumelela khulu enarheni ye-UK, u-James Caan ‘abasebenzi bazokubambezeleka nabangalo irhono elithambileko - 'soft skill'.
Ubike bona into eqakathekileko lirhono lokukhuluma nabantu, ukusebenzisana nabantu, ukuthatha iimphetho kanye nerhono lokulawula ikusasa lakho. Irhono elithambileko lifaka hlangana iindlela zakho zokwenza izinto kanye nerhuluphelo onalo lokwenza izinto, irhono lakho lokutlhogomela iskhathi lokha nawenza izinto nokobana uzenzele ngaphandle kokulandelelwa. Naziya erhonweni lokukhuluma nabantu, lokha nawutlola i-email kanye ne-SMS Qiniseka bona utlola amabizo ngendlela engiyo, sebenzisa iimphumuzi nabongci lapha batlhogakala khona begodu uqedelele umlayezo wakho ngebizo lakho.
Irhono elithambileko/soft skills ingenza umehluko kobana uyawuthola umsebenzi na namkhana awa. Pheze boke abantu abafuna umsebenzi kunerhonakalo yokobana banelwazi lawo, kodwana kodwana bayingakhi abanerhono elithambileko lokwenza umsebenzi loyo, elibenza bona babencono kunabanye?
Irhono lakho elithambileko negelizokwenza bona uhluke kwabanengi bewukhetheke. Ukusingebanga lokuvuka wenze umsebenzi kwaphela, kodwana kungebanga lerhono lokugcugcuzela abantu ozabe usebenza nabo.
Translated by Busisiwe Skhosana | isiNdebele |
Igama
Tamboti [Spirostachys africana]
Ihlathululo
Mhlobo womuthi otjhugulula amakari qobe mnyaka begodu mkhulu ngesilinganiso esiphakathi, amaqolwawo amarhwarhwa begodu anzima ngombala. Amanzanawo alibisi abanga ukuvuvuka nokuhlohlona kwesikhumba kanye nemehlweni. Kunjalo nje akasetjenziswa njengencenye yokupheka ngombana ona inambitho lokudla.
Imihlobo le ikhula kamnandi lapho ivikeleke khona ekusetjenzisweni babantu ngobunengi. Amabhalabhala ayawudla, kodwana abazumi bayelela khulu nabambesa ingcuba eendaweni lapho kwande umhlobo lo we-Tamboti, ngokuthi bangawuvumeli bonyana wone ukudla abakutholileko. Ingaphakathi lesigodo linombala ozotho kanye nemida emide emnyama ehlobisa amatshwayo.
Sinemida kanye namabala, kesinye isikhathi abamakhula ngokubonakala khudlwana. Unesigodo esiqinileko, esirhanyazelako kanye nomnuko omnandi, onamandla nokarisako ukudlula lowo womhlobo obizwa nge-sandalwood. Umnuko omnandi lo ukghona ukuhlala isikhathi eside ngemva kobana isigodo siquntiwe. Ifinitjhara eyenziwe ngesiquntu sawo ingenza ilawu linuke njengawo isikhathi eside.
Amathuthumbo
Umuthi lo we-Tamboti utlhurha ngenyanga kaKhukhulamungu begodu imbewawo elingana nama-peas ikhula beyibe nencenye yesiphetho esineempenda ezintathu zamapilisi, avame ukuwela emakarini aphasi lokha nasele akhule ngokwaneleko ngenyanga kaSinyikhaba.
Nange umuntu angajama ngaphasi kwesigodo somuthi lo ngenyanga kaSinyikhaba nakutjhisako emini, angezwa itjhada hlangana namakari ahlangeneko begodu nange aqalisisa kuhle eduze angabona ukusikinyeka hlangana, ngebanga lokweqayeka kwembewu. Nange ungabutha imbewu eyeqako leyo uyifake ngaphakathi kwesitja uyibeke elangeni elitjhisa khudlwana, izokuthoma yeqe.
Nange ungavula eyodwa ngokukhulu ukuyelela ungathola isibungwana nekungiso esilawula ukweqa kwembewu le. Lesi sibungwana esincani somhlobo omlotha obizwa nge-Month Emporia melanobasis nekungiso esidla imbewu le nayisesehlaza.
Umsebenzawo
Usetjenziselwa khulu ukwenza amadondolo,ifinitjhara yakanokutjho, izipho kanye nezinto zokuhlobisa. Ngebanga lokutlhayela kwazo kanye nokuba mumuthi ohlulekako, kusigodo esiyindlala khulu begodu sifunelwa ukwenza ifinitjhara ephuma phambili kanye nama-article amancani athandekako.
Lapho itholakala khona
Umuthi lo utholakala eendaweni eziphasi zeSewula Afrika kanye ne-Swaziland.
Ibuthelelolwazi ngomangwawo
Isehlakalo esingakajayeleki esitholakela ekonakaleni kwawo ekunomthelela onobungozi wesimogo sesigodo somuthi lo i-Tamboti esona ukudla okutjhiswe mlilo wekampa. Amanzana ayitjhefu atholakala amumetheke ngaphasi kwamaqolo womuthi begodu asetjenziswa njengetjhefu yokubamba iimfesi kanye netjhufu efakwa ehlokweni yesungulu lokuzuma. | isiNdebele |
Ngomunye wenkutana ezithandwa khulu zeSewula Africa, uDesmond Tutu waziwa khulu ngokulwela amalungelo wabantu begodu ngonyaka ka-1984 wathumba unongorwana we-Nobel Peace Prize. Waziwa imizi le yoke nje njengombhitjhobhi wekerege le-Anglican ngonyaka ka-1970 kuya ngo-1980, lapha ekhabe angakhambelani norhulumende wegandelelo. Lada wathola iskhundla sokuba ngu-Archbishop eKapa, okwamenza umuntu we-Africa wokuthoma webala elinzima ukukhethelwa isikhundleso.
UTutu ujame rwe okuzinikeleni kwakhe ekubandakanyeni kanye nekuthandaneni, okwenza bona akhambe phambili emsebenzinakhe wepolotiki kanye nowobufundisi. Ithando lakhe labantu kanye nokulandelela iphasi elineqolo. Wadosa phambili wazibandakanya eendabeni zamalungelo wabantu kungasi eSewula Africa kwaphela, kodwana ephasini loke zombelele.
Translated by Busisiwe Skhosana
Nanyana igandelelo liqediwe, uArchbishop Desmond Tutu gade azi bona umsebenzakhe wawukude nokuphela. Gade asesenebhudango lokobana iphasi libe nokuthula begodu gade...more
Ngonyaka ka-1990 uFW de Klerk wamemezela ukobana ukudingiswa kwehlangano ye-ANC kuyaphela kanye nokobana nezinye iimbotjhwa zepolotiki zitjhatjhululwile, hlangana kwazo...more
Lokha uDesmond Tutu nakathoma ukufunda iimfundo zebhayibheli azibandakanya ekeregeni gade sevele azibandakanye kwezepolotiki. Umsebenzinakhe woke, walinga ukobana ahlale...more
Ngezi 7 zakaSewula ngonyaka ka-1931, kwabelethwa uDesmond Mpilo Tutu, owabelethwa ngutitjhere uZacharia kanye no Aletta (okhabe angunomakhwijhi) endaweni yeKlerksdorp...more
UDesmond Tutu utlhadlhulwe njengendoda enkhumba ezinengi. Abantu ahlangana nabo lokha nakafundako e-England ngonyaka ka-1960 abathuswe kuba nobuntu beAfrica kwakhe....more
Ngonyaka ka-1984 uTutu wathumba ungongorwana we-Nobel Prize for Peace, waba mumuntu we Sewula Africa wokuthoma ukwenza njalo. Wahlonitjhwa ngemizamo yakhe...more
UDesmond Tutu wayefuna ukuba ngudorhodere, kodwana lokha nakatlhaga ukuthola umfundaze wokubhadalela iskolo sezepilo wakhetha bona athathe ibizelo lokuba ngutitjhere...more
Ngonyaka ka-1980 hlangana kweminye imizamo yami abanye abadosiphambili be-South African Council of Churches kanye namalunga amanye wekerege sayokubona...more | isiNdebele |
“Yenza msinya Neo, asinasikhathi!” kutjho uHope abeka isikhwama sakhe esibudisi phasi. UHope banoJosh bebalindele uNeo. Boke bebaya ephageni njengokweqhinga likaHope!
UHope besele athome ukutlama iqhinga ngemva kokufunda incwadi etja ayithengelwe ngunina. Beyiphathelene nomntazana obenesibindi sokuphephisa indawo yekhabo esilwaneni esithusako. UHope wayithabela incwadi le kangangoba waqeda ukuyifunda ngelanga linye, wabe wabhudanga ngesilwana esithusako leso ebusuku lobo!
“Ngiyathemba bona lokho osihlelele khona kuzosithabisa. Kubayini urhabe kangaka?”kubuza uNeo kuHope lokha nakavala umnyango wangaphambili. UNeo bekathwele ingwani yakhe yephayirethi ayithandako nepetjhi yokuvala ilihlo.
“Angazi litho njengawe, Neo. UHope sewangibawa bona ngize nekhayithi yami ephageni,” kutjho uJosh akhomba ikhayithi yakhe.“Ngithembani, nizokuthabela lokhu!” kutjho uHope asuka akhamba phambi kwabangani bakhe. UNeo noJosh balandela, bazama ukukhambisana naye.
Lokha nabafika ephageni, babona usodorobho abhodwe siqubuthu esikhulu sabantu. “Kwenzakalani?” UJosh wabuza umma ogade ajame eduze.
“Sekusikhathi eside usodorobho athola iinghonghoyilo ezinengi ngombana akunamthunzi owaneleko ephageni,” kwatjho umma loyo. “Ngalokho-ke, waqinisekisa bona imithi eminengi emitjha iyatjalwa, manje namhlanjesi ulapha kobana azokugidinga lokhu nomuntu woke.”
“Afeke! Iphaga izele khulu kobana iqhinga lami lingasebenza,” kwatjho uHope, adanile.“Qhinga bani?” kwabuza uNeo banoJosh ngasikhathi sinye, baqalane.
“Uyayikhumbula indatjana engiyifundileko emayelana nomntazana onesibindi owasindisa indawo yekhabo?” kubuza uHope. “Alo-ke, benginethemba lokobana singenza isilwana esithusako, sisibophelele ekhayithini kaJosh bese sisiphaphisa ngehla kwephaga. Kodwana manjesi qalani!” kutjho uHope akhomba abantu abathabileko abajame babhode usodorobho.
UNeo wabona bonyana uHope udane kangangani. “Liqhinga elihle, Hope!” watjho njalo. “Asikhambeni siyengehlapha ngemva kwehlathi elikhulu lela. Akekho ozasibona laphaya.” UJosh noHope bavumelana ngeenhloko bakhamba.
“Josh, khamba uyokufuna iingojwana. Neo, thula ingwanakho yephayirethi nepetjhakho yokuvala ilihlo leyo.” kulayela uHope lokha nakakhupha izambatho zakhe zekarati nebhamuza ngebhegeni yakhe.
UJosh wathola iingojwana ezidweni eduze nomgqomu weenzibi, abangani abathathu laba bahlala ngemuva kwehlathi basebenzisa intambo yebhege kaHope ukubopha iingojwana ngokuziphambanisa ukwenza isibumbeko somzimba wesilwana. UHope wavuthela ibhamuza wayibophelela esigojwaneni njengehloko yesilwana.
Bavunulisa isilwana lesi izambatho zikaHope zekarati nengwani kaNeo yephayirethi nepetjhi yokuvala ilihlo. UJosh wabophelela isilwana lesi kukhayithi yakhe. Bese bazilulungiselele!
Abantwana laba babhaca ngemuva kwehlatjhana base batjhaphulula intambo yekhayithi. Ummoya omkhulu waphephula isilwana saya phezulu emkayini. Saphakama, saphakama, saphakama saya phezulu, siphephuka emkayini kude nabo.
Ngesikhathi leso, uBella nonina besele bafikile ephageni bazokukhambisa uNoodle. Lokha uNoodle nakabona isilwana siphephezela emmoyeni, wathoma wakhonkotha adosa intambo abotjhwe ngayo. UBella wazama ukukakarela intambo ebophe uNoodle, kodwana wadosa ngamandla okwabangela bona uBella ayilise intambo. Nanguya uNoodle athuwelela aratha ephageni. UBella nonina bagijima ngemuva kwakhe.
Isilwana sathoma saphephukela phasi ngehla kwehloko kasodorobho lokha nakasathula ikulumo yakhe! UNoodle wagijimela ngenca kasodorobho akhonkotha isilwana – noBella banonina bebangasikude noNoodle.
UJosh wadosa intambo yekhayithi, azama ukusa isilwana phezulu emkayini, kodwana kwabe sele kulada. UNoodle weqela isilwana, watjhayisa usodorobho. Amaphetjhana anekulumo kasodorobho aphapha azala iphaga, abantu babaleka batjhinga emahlangothini woke.
UNeo, uJosh, uHope, uBella nonina bagijima bayokusiza. Bathola usodorobho awele phasi eduze nesilwana, uNoodle wabasolo akhonkotha isilwana. Abantwana basiza ukuthulisa uNoodle lokha unina kaBella asiza usodorobho ukuphakama.
UHope wase uhlathulula iqhinga lakhe nokobana batjhaphe nakuza kuphi. Usodorobho walalela, lokha uHope sele aqedile, wamane wamqala … wathoma wahleka. “Nje-ke, sewungatlola yakho indatjana emayelana nesilwana esithusako,” kwatjho usodorobho abeka umbono.
Nanoma iqhinga likaHope lingazange liphumelele kuhle, kwabalilanga abazalikhumbula boke! | isiNdebele |
Isitjhaba esiphila esikhathini sanamhlanje esihlala emadorobheni sithembele khulu ekudleni okuphekeka lula okuprosesiweko. Ukuhlala kude namaplasi nokuya emsebenzini ngokukhwela iinthuthi kutjhiya isikhathi esincani sokobana abantu bakwazi ukupheka nabafika emakhaya begodu nesikhathi esincani khulu sokobana bazitjalele ukudla kwabo.
Ukudla okuprosesiweko kubulunga isikhathi, kuyindlela elula yokungezelela izakhamzimba ekudleni begodu kurhelebha nabalimi, ingasi kobana bathengise imikhiqizo ehlukahlukeneko kodwana nokobana basebenzise umkhiqizo oseleko nokwenza bona imikhiqizo yabo ingaboli luma beyitholakale nangemva kobana isikhathi sokuvuna loyomkhiqizo sesidlulile.
Ukuprosesiwa kweenthako ezihlaza ezifana neenthelo kufaka hlangana ukomisa, ukurhadzisa, ukwenziwa kwejuzi, ukubilisela kunye nokuprosesiwa ukuya phambili kwama-preservatives, ama-pickles kunye nemikhiqozo ekuthiwa ma-value added products.
Ngokufanako, amametheriyali ahlaza afana nenyama, ibisi kunye neenthoro aprosesiwa ukuya phambili bekabulungwe kodwana imitlolweni ndaba emifitjhani ehlukahlukeneko lena izokuhlathulula amathekniki alula wokuprosesa iinthelo nemirorho.
Translated by Maletsatsi Sejake
Nanoma igama elithi ‘canning’ litjho ukusetjenziswa kwamakotikotana wesimbi, indlela yokwenza lena yenziwa nemakotikotini afana newerhalasi, iinkhwama ezilaminethiweko, amatreyi weemplastiki kunye nezitja....more
Ditholwana tse ngata tsa Afrika Borwa, jwalo ka morara, aporikhoto, diperekisi, diiapole, dipere, dipanana tsa mango di omisitswe. Ho omella ho tlosa mongobo, o kgothalletsang kgolo ya hlobo, tomoso le baktheria, ka hona, e ntlafatsa bophelo ba ditholwana...more
Ukubila njengoba kuyindlela yekambiso yokubulunga ukudla elawulwako kusetjenziselwa ukutjhugulula ukunambitheka kwemikhiqizo (e.g kusukela ejuzini yamadireyibe ukuya ewayinini), ukubulunga amametheriyali...more
Ukomisa ngokukghadzisa kuyithekniki yendlela ephezulu yokubulunga ukudla. Ngesikhathi sendlela yokwenza lena, ukudla okukghadzisiweko kuyonyiswa ngaphasi kwegandeleleko...more
Balemi ba ditholwana ba ka Kenya boleng hoy a ka mekgatlelo ya tshebetso. Tholwana e ka oma, ya kenywa ka makolokoting, ya etswa jeme, e butswitsweng, e tshetswe tswekere kapa lero....more
Ukwenza amajuzi, yindlela yokwenza lapho amanzi kunye nezakhamzimba kukhutjhwa kumetheriyali wesitjalo esifana neenthelo nemirorho ngokuphula ama-cell walls womkhiqizo ngamakhemikhali nofana ngemitjhini....more
Indlela yokubulala amaqhiwani ekudleni ngokukukokisa isikhatjhana bese kuyapholiswa ebizwa nge-pasteurisation ngesikhuwa yasungulwa ngu-Louis Pasteur, usosayentsi we-France....more
Ama-pickles kukudla okukhenwa ngokufakwa emanzini ene-esidi nofana itswayi ukuvikela ukonakala. Kubuye kurhelebhe ukubulunga kunye nokutjhugulula indlela ukudla enambitheka ngayo nofana ephatheka ngayo....more
Ukosiwa kokudla sisenzo semandulo; yindlela yokuthoma yokupheka nokubulunga ukudla okufana nenyama nefesi. Iindlela zanamhlanjezi zokosa ukudla njengendlela yoku-prosesa ukudla zifaka hlangana ukumarineytha inyama ngaphambili kobana yosiwe...more | isiNdebele |
Igama Lomndenazo Elijayelekileko
Clown damselfish
Elinye Igama Ebizwa Ngalo
Anemonefish
Igama Lesayensi
Amphiprioninae
Ubukhulu
Ingakhula beyibe masenthimitha alitjhumi nobunane, nokho zijayeleke ngokuba masenthimitha alitjhumi.
Ikambiso Yokufanisa
Inomzimba ononileko nofana odege, orondo onezitho zokuthaya ezikulu. Ivamise ukuba bukhali. Imibalazo ihluka ukusuka kosarulana, o-orentji, obovu nofana onzima kanye nemida emihlophe evundlako nofana amacatjhaza emzimbeni.
Ilwazi Elivamileko
Umndeni ongomncani wama-Amphiprioninae wakhiwe mikhakhawo emibili kanye nemihlobazo ematjhumi amabili nobunane. Zakha ubudlelwa bokuphilisana nemihlobo ebizwa ngama-anemones. Uthuvi bazo bunothisa bebuphe iimilwezi ipilo kuthi sona isimilwesi sisebenze ukuvikela iimfesezi. Zitholakala ngemindeni emihlambi emincani hlangana neemilo zemanzinezi ezibizwa ama-anemone. Zoke iimfesi zemibalezi zizalwa zingeziduna begodu zitjhugulule ubulili lokha esikazi nengekulu ephetheko ifako. Zibekela amaqandazo eduze kodwana ngaphasi kweemilo zemanzinezi ezinobudlelwano nazo. Eduna uwigada amaqanda ukufikela lapho aqoqoselwa khona.
Ukudla Kwazo
Ziphila ngokudla umhlobo weemilo zemanzini ezibizwa ngama-algae, neenlwanyana ezincani zangemanzini ezifaka hlangana i-plankton, mollusks and crustaceans.
Ukusabalala Kwazo
Zitholakala kiwo woke amalwandle womhlaba wobujamo obufuthumeleko nobupholileko.
Imihlobazo Ejayelekileko
Clown anemonefish - Amphiprion percula
Nosestripe clownfish - Amphiprion akallopisos
Twobar clownfish - Amphiprion allardi | isiNdebele |
Iinolwana ze-Afrika Gcina Mhlophe Ithugululwe nguJothan Mahlangu (isiNdebele)
Ibuthelelo leli leenolwani liletha ikareko lokufunda ebafundini abasesebancani. Isumi leendaba ezikarisako, elingenelele ngamagugu wokunotha kweenolwana ze-Afrika. Zavelaphi iindaba zokuthoma zephasini? Yakghona njani iKghurwana ukuhlonitjhwa ngizo zoke iimbandana ezinye? Khabe angubani uNanana bo Sele Sele begodu kwenzakalani bona akhe indlwakhe phakathi naphakathi kwendlela yeenlwani? Kubayini iNgwenyana yakuncamela kangaka ukuthola ihliziyo yeKgabhu?
Yadenjwa ngokuhlukileko nangestayela mudembi weenolwana owaziwako weSewule Afrika yafakwa imigwalo bagali abamajadu bezobukghwari baKwaZulu-Natal, Iinolwana ze-Afrika iyindlela esezingeni yokuthabisa abafundi abasathomako ngokuvanga woke amasiko.
Format Hardback
Pages 55
ISBN 9781869142964
We Also Recommend | isiNdebele |
UKUBELETHA NOKUMUNYISA
Ukumunyisa kujayelekile, kodwana kungathatha isikhathi bona wena nomntwanakho nikujayele.
TJHAPHULUKA.
Yenza bona ingaphambili lomzimba womntwanakho lithintane nomzimbakho.
Thintisa ingono yebele lakho ngaphasi kwepumulo yomntwana. Lokhu kusiza umntwana akhamise khulu. Utjhideze kuwe khulu umzimba womntwana ukwenzela bona ibele lingene ngokupheleleko ngemlonyenakhe.
Ukumunyisa akukafaneli kube buhlungu.
MUNYISA ZISUKA BEGODU UKWENZE KANENGI.
Emalangeni wokuthoma umzimbakho wenza “ibisi lokuthoma” elidege elibizwa nge-colostrum.
I-colostrum ivikela umntwana emagulweni begodu itholakala ngobuncani.
Lalisa umntwanakho atjhidele kuwe, nithintane ngesikhumba. Lokhu kusiza umntwana amunye kuhle.
Khuthaza umntwana bona amunye amahlandla ali-10 namkha ngaphezulu ema-awareni ama-24.
Ungamunyisa bulula nebusuku ngokutjhideza umntwanakho hlanu kwakho.
Njengombana umntwanakho asolo amunya, nawe uzokukhiqiza ibisi elinengi.
Ngokujayelekileko, umntwana uzokuqeda ibele lokuthoma bese alise ukumunya nasele asuthi.
Mnikele ibele lesibili. Uzokuraga nokumunya nangabe usalifuna.
KGHANI UMNTWANAKHO ULAMBILE?
Nangabe umntwana uthoma ukunyakaza khulu, azisongasonge amunye neemfeyisi, mmunyise.
Umntwana mmunyise ngaphambi kobana athome ukulila – nasekalila kutjho bona vane angasenabuyo.
Umntwana kufuze amunyiswe khulu ngeenkhathi ezihlukahlukeneko, khulukhulu ebusuku. Lokhu kungebanga lokuthi ukumunyisa akusi ngekokudla kwaphela. Kuvikela nomntwanakho emagulweni begodu kumenza azizwe aphephile.
Ngamanye amalanga umntwanakho uzokufuna ukumunya khulu. Lokhu kujayelekile – ilanga nelanga ngekhe lizokuhluka. Nabantu abadala badla bebasele ngeendlela ezihlukileko qobe sikhathi.
KGHANI UMNTWANA UTHOLA IBISI ELANELEKO NA?
Kufuze ukwazi ukubona nokuzwa umntwanakho agwinya lokha nakamunyako.
Ngemva kweveke yokuthoma, umntwana kufuze okungasenani abe namaleyira ama-3 anetjheko elitjheli begodu athambise amaleyira asi-6 ilanga ngalinye.
Umntwana kufuze abuyele ebudisini bakhe bokubelethwa emalangeni ali-7 ukuya kwali-14 ngemva kokubelethwa.
Abantwana abangalitholi ngokwaneleko ibisi, bangahle bangabi namandla aneleko, khulukhulu nangabe baphuthelwa khulu ngeengubo. Nangabe utshwenyekile, mkhiphe ngengutjeni umbambe athintane nawe ngesikhumba. Lokhu kuzomkhuthaza bona amunye khudlwana begodu abuye akhuluphale.
Nangabe umntwana akamunyi kuhle, ungamsengela ibele bese umseza ibisi lakhona ngesigobho namkha ikopi leplastiki.
KGHANI UMNTWANA UTLHOGA AMANZI NAMKHA OKUNYE UKUDLA?
Umntwana akawatlhogi amanzi namkha okunye ukudla bekube ziinyanga ezisi-6. Ukuseza umntwana omncani amanzi kungabangela bona umntwanakho angasamunya khulu. Kanti-ke umntwana nakangamunyi khulu, umzimbakho nawo uthoma ukukhiqiza ibisi elincani. | isiNdebele |
Via Afrika isiNdebele Home Language Grade 8 Learner’s Book
R198.90
Full colour A4 textbook.
Beautiful design and illustrations that enhance the content.
Written specifically for CAPS.
Easy to find what you are looking for.
Carefully written language level.
Key terms are highlighted in red.
New words are in blue with definitions.
Activities, exercises, FATs, sample exam papers with memos.
Description
Wamukelekile komunye unyaka okarisako wokufunda Ilimi lakho lekhaya. Lencwadi izakusiza ukuthuthukisa woke amakghono atlhogekako kuwe ukwenzela bona ubemthintanisi omuhle khulu. Izakusiza ukuqinisa irhelo lakho lamagama welimi, ukuthuthukisa amakghono wakho wokufunda nokutlola kanye nokuzithemba khulu lokha nawuzwakalisa imicabango nemikhumbulo yakho. Nangabe uyazilolonga, lalelisisa kuhle begodu usebenze ngamandla, akunamkhawulo ekuthini ungenzani. | isiNdebele |
IPILO NOMSEBENZI WOBUKRESTU—IHLELO LOMHLANGANO WEBANDLA Julayi 2018
Iintjumayelo ezimlandelande ezimalungana nokuthi iinkambisolawulo zeBhayibheli zingakuthuthukisa njani ukuphila komndeni.
AMAGUGU ASELIZWINI LAKAZIMU
Umuntu ophanako uphana ngezinto zakhe bona asize begodu akhuthaze abanye.
AMAGUGU ASELIZWINI LAKAZIMU
Khuyini okufuze sidzimelele kiyo nange sicabanga ngesikhathi singakabi boFakazi?
AMAGUGU ASELIZWINI LAKAZIMU
Abalandeli bakaJesu kufuze benze imizamo ekhethekileko bona bathande abanye, ngitjho nalabo okungenzeka bahluke khulu kibo.
IPILO YAMAKRESTU
Bona silingise uZimethu ongakhethiko, kufuze senze okuhle kibo boke.
AMAGUGU ASELIZWI LAKAZIMU
Singamlingisa njani uJehova ngokukhathalela labo abatjhutjhiswako? | isiNdebele |
Ubafunde kuhle na abomagazini bamva besiThala? Khewuzihlole-ke ukuthi ungayiphendula na imibuzo le:
UJesu bekakhuluma ngesono esinjani nakazakukhipha iseluleko encwadini kaMatewu 18:15-17?
Bekakhuluma ngokungazwani okungalungiswa babantu abalimazenekwabo kwaphela. Isonwesi sikhulu tle, kangangobana nange indaba le ingalungiswa kungakose ukuthi omunye wabantwabo aqothwe ebandleni. Ngokwesibonelo, isonwesi kungaba kukhuluma amala ngomunye umuntu namkha ukukhwabanisa.—w16.05 k. 7.
Yini ongayenza ukuthi nawufunda iBhayibheli uzuze kilokho okufundako?
Nakhu ongakwenza: Nawufundako vula umkhumbulwakho, bese ulinge ukuthola ukuthi yini wena oyifundako, ungazibuza imibuzo efana nalo ‘Engikufundakokhu ngingakusebenzisa njani bona ngisize abanye abantu?’; bese usebenzise namathulusi akhona wokurhubhulula ngendaba oyifundako.—w16.05 kk. 24-26.
Kumbi na ukuthi umKrestu alile namkha ezwe ubuhlungu nakahlongakalelweko, ngitjho nanyana akholelwa evukweni?
Ukukholelwa evukweni akubususi ubuhlungu bokufelwa mumuntu omthandako. Phela no-Abrahamu wezwa ubuhlungu khulu lokha nakuhlongakala uSara. (Gen. 23:2) Kuzokuthi isikhathi nasikhambako, bese ubuhlungobo bubohle.—wp16.3 k. 4.
Embonweni kaHezekiyeli indoda ephethe ipotomende yokutlola namadoda asithandathu aphethe iimbulawo afanekisela ini?
Afanekisa amabutho wezulwini egade akhona nakurhayilwa iJerusalema godu azobe akhona nakubhujiswa iphasi lakaSathana elonakelekweli nge-Arimagedoni. Indoda embethe ilineni, ifanekisela uJesu nakazokutshwaya abantu abazokusinda epini leyo.—w16.06 kk. 16-17.
IBhayibheli lasinda kikuphi ukusahlelwa?
Kokuthoma, lokha nalitlolwako kwasetjenziswa izinto ezonakala msinyana njenge-Papyrus nesikhumba; kwesibili lasinda kibosopolotiki nabefundisi, nabalinga ukulitjhabalalisa, kwesithathu lasinda lokha abanye balinga ukutjhugulula umlayezwalo.—wp16.4 kk. 4-7.
Ungayiphila njani ipilo elula?
Zazi wena ukuthi khuyini okutlhoga khulu, uphungule iindleko ezingatjho litho. Bala imali ozoyisebenzisela iindingo zakho. Khambisa koke ongasakusebenzisi ubhadale zoke iinkolodo zakho. Phungula isikhathi emsebenzinakho wokuziphilisa uhlele nokuthi ungayandisa njani ikonzwakho.—w16.07 k. 10.
IBhayibheli lithi yini eqakatheke ukudlula igolide namkha isiliva?
UJobho 28:12, 15 utjengisa ukuthi ukuhlakanipha okukhulu kuqakatheke ukudlula igolide namkha isiliva. Njengoba ulwela ukukufumana, lwela ukuthobeka begodu uqine ekukholweni.—w16.08 kk. 18-19.
Umraro ukhona na nange umzalwana angafuya itjebe namhlanjesi?
Kwezinye iindawo abe awukho nakancani umraro umzalwana nakafuye itjebe, begodu lokho akuwuthikamezi nomsebenzi wokutjhumayela. Nanyana kunjalo, abanye abazalwana bakhetha ukungayifuyi. (1 Kor. 8:9) Bese kuthi kwezinye iindawo, akusikuhle ngomKrestu ukuthi abe netjebe.—w16.09 k. 21.
Ipi kaDavida noGoliyadi yaba khona kwamambala na?
UGoliyadi bekamude tle, ubude bakhe bebumasenthimitha ali-15. Begodu namhlanjesi akekho umuntu omude ukufika lapho. UDavida naye bekamumuntu oneengazi, lokho sikubona ezintweni ebekanazo njengendlwakhe begodu neencwadi zakade ziyakufakazela lokho. Nalokho uJesu akutjho ngaye kubufakazi balokho. Nomlando nawo ufakazela lokho.—wp16.5 k. 13.
Ukuhlakanipha kuhluke njani nakumadaniswa nelwazi kunye nokuzwisisa?
Umuntu onelwazi ubuthelela woke amaphuzu. Umuntu ozwisisako uyakghona ukubona ukuthi izinto zihlobana njani. Kuthi umuntu ohlakaniphileko uyakghona ukuhlanganisa ilwazi nokuzwisisa akusebenzise kokubili njalo.—w16.10 k. 18. | isiNdebele |
Yini engakusiza uthande bewuzuze nawufunda iBhayibheli? Nazi iindlela ezihlanu ongazisebenzisa, ezisebenzele abanengi.
Khetha indawo ehle ongafundela kiyo. Fumana indawo ethulileko. Nciphisa izinto ezingakuphazamisa nawufundako. Ungazuza nawukhetha indawo enomkhanyo owaneleko nepholileko.
Lungisa umkhumbulwakho. Njengombana iBhayibheli ivela kuBabethu wezulwini, nawuyifunda unjengomntwana ozimisele ukufunda embelethinakhe onethando uzokuzuza khulu. Nakwenzeka ucabanga ngezinto ezingakhi akhuzibekele eqadi uvumela uZimu akufundise.—IRhubo 25:4.
Thandaza ngaphambi kobana ufunde. IBhayibheli inemicabango kaZimu, yeke akumangazi ukuthi sitlhoga isizo lakhe bona silizwisise. UZimu uthembise bona ‘uzakuphana ngommoya ocwengileko kilabo abamkhombelako.’ (Lukasi 11:13) Ummoya ocwengileko wona uzokusiza uzwisise imicabango kaZimu. Ngesikhathi esifaneleko uzokuvula umkhumbulwakho ukusize uzwisise “ngitjho nezinto zakaZimu ezidephileko.”—1 Korinte 2:10, NW.
Fundela ukuzwisisa. Ungafundeli ukuqeda. Cabanga ngofunda ngakho. Akhuzibuze: ‘Khuyini engiyifunda emuntwini engifunda ngaye lo? Ngingakusebenzisa njani engikufundako ekuphileni kwami?’
Iba nomgomo nawufundako. Nawuzokuzuza nawufunda iBhayibheli kufuze ufunde ngezinto ezizokuzuzisa ekuphileni. Ungazibekela imigomo enjengale: ‘Ngifuna ukufunda ngoZimu.’ ‘Ngifuna ukuba mumuntu ongcono, indoda namkha umma ongcono.’ Ngemva kokwenza njalo khetha iingcenye eBhayibhelini ezizokusiza ufikelele imigomwakho. *
Iimphakamiso ezihlanwezi zizokusiza uthome ukufunda iBhayibheli. Yini engakusiza ukuthande ukufunda khudlwana? Isihloko esilandelako sinezinye iimphakamiso.
^ isig. 8 Nawungaqiniseki bona ngiziphi iingcenye zeBhayibheli ezikhambisana nemigomwakho, aboFakazi bakaJehova bazokuthabela ukukusiza. | isiNdebele |
INDABA yokufa nokuphila inemibono eminengi khulu. Abanye banomuzwa wokuthi ngemva kokufa bazokuraga nokuphila endaweni engaziwako. Abanye bakholelwa ukuthi bazakubelethwa ngobutjha baphile enye ipilo. Khonapho abanye bacabanga ukuthi ukufa kuphela kwendaba.
Umbonwakho ngendaba le uzokuya ngendlela okhuliswe ngayo namkha amasiko wendabuko yakho. Alo, ukuhluka kwemibono le kuzakuphetha ngani? Njengombana imibono ikhamba ihlukahluka ngendaba yokuthi kwenzekani umuntu nakafa, singazitholaphi iimpendulo eziliqiniso malungana nombuzo orarejako lo?
Sekuphele amakhulu weminyaka, abafundisi bamasondo basolo bafundisa ngefundiso yokungafi komphefumulo womuntu. Pheze iinkolo ezinengi kusukela emaKrestwini, amaHindu, amaMuslim nezinye, zikholelwa ekungafini komphefumulo, ngokuthi batjho umphefumulo uyasinda umzimba nawufako, urage nokuphila endaweni engaziwako. Bekolo yobuBhuda, bona-ke bakholelwa bonyana imiqasa nayibuthelelwe yaba minengi, ingakghona ukuthwala ummoya namkha amandla womzimba womuntu akwazi ukuyokufika endaweni enokuthula ebizwa nge-Nirvana.
Ifundiso le ibangele ukuthi, inengi labantu ephasini likholelwe bona ukufa kuvula indlela eya kelinye iphasi. Yeke lokho kwenza ukufa kube ligadango eliqakatheke khulu ekuphileni komuntu. Ngikho-ke abantu baphetha ngokuthi ukufa kuyintando kaZimu. Kodwana iBhayibheli lona lithini ngendaba le? Sibawa ufunde indaba nasi. Kungenzeka ipendulo yakhona ikutjhiye ubambe ongenzasi. | isiNdebele |
Incwajana le izokusiza uthabele ukufunda ngokunqophileko eLizwini lakaZimu, iBhayibhili. Iinkhombo ezisemaphethelweni wesigaba ngasinye zitjengisa lapho ungafunda khona eBhayibhilini lakho ukufumana iimpendulo zeembuzo etlolwe ngokubonakalako.
Njengombana ufunda amavesi weBhayibhili, cabanga bona ayiphendula njani iimbuzo le. Omunye nomunye uFakazi KaJehova uzokuthabela ukukusiza uzwisise bona iMitlolo le itjho ukuthini.—Funda uLuka 24:32, 45.
Tjheja: Zoke iincwadi ezivezwe encwajaneni le zigadangiswa boFakazi BakaJehova. | isiNdebele |
Uyambona na umntazana osesithombenesi?— Ubabakhe nguJafta. IBhayibheli ayisitjeli ibizo lakhe, kodwana siyazi bona wathabisa ubabakhe noJehova. Akhe sifunde ngaye nangobabakhe.
UJafta bekuyindoda elungileko begodu bekasebenzisa isikhathi esinengi afundisa indodakazakhe ngoJehova. Bekayindoda enamandla begodu amrholi omuhle. Ngalokho ama-Israyeli ambawa bona awarhole epini ayokulwa namanabawo.
UJafta wathandazela isizo lakaZimu bona athumbe. Wathembisa bona nakangathumba, uzokunikela uJehova umuntu wokuthoma ozokuphumela ngaphandle kwendlwakhe nekabuyela ekhaya. Umuntu loyo bekazokuhlala begodu asebenze ethaberinakeli lakaZimu ukuphila kwakhe koke. Ithaberinakeli beliyindawo lapho abantu bakhulekela khona uZimu ngesikhatheso. UJafta wayithumba ipi leyo! Nekabuyela ekhaya, uyazi bona ngubani owaphuma qangi ngendlinakhe?—
Iye, yindodakazi kaJafta! Gade kukuphela komntwanakhe, begodu nje uJafta bekufuze amkhambise. Lokhu kwamenza wadana khulu. Kodwana khumbula bona wenza isithembiso. Khonokho, indodakazakhe yathi: ‘Baba, wenza isithembiso kuJehova, ngalokho kufuze usigcine.’
Indodakazi kaJafta nayo beyidanile. Ethaberinakeli, beyingekhe itjhade begodu ibe nabantwana. Kodwana beyifuna ngehliziywayo yoke ukuzalisa isithembiso sakababakhe nokuthabisa uJehova. Lokho bekuqakatheke khulu kuye ukudlula ukutjhada nofana ukuba nabantwana. Ngalokho wakhamba ekhabo wayokuhlala ethaberinakeli ipilwakhe yoke.
Ucabanga bona lokho akwenzako kwamthabisa ubabakhe no-Jehova?— Iye, kwabathabisa! Nawulalelako begodu uthanda uJehova, ungaba njengendodakazi kaJafta. Nawe ungabathabisa khulu ababelethi bakho noJehova.
FUNDA EBHAYIBHELINAKHO
Duteronomi 6:4-6
AbaKhokheli 11:30-40 | isiNdebele |
End of preview. Expand
in Dataset Viewer.
South African Nguni Languages Dataset
Dataset Overview
| Language | Training Documents | Training GPT2 Tokens | Avg Tokens/Doc | Max Tokens | Test Documents | Test GPT2 Tokens | Test Avg Tokens/Doc | Test Max Tokens |
|---|---|---|---|---|---|---|---|---|
| isiZulu | 116,693 | 192,622,799 | 1,650.68 | 335,530 | 687 | 1,080,961 | 1,573.45 | 15,691 |
| isiXhosa | 99,567 | 141,484,241 | 1,421.00 | 113,710 | 788 | 1,161,296 | 1,473.73 | 17,220 |
| isiNdebele | 21,922 | 17,533,799 | 799.83 | 42,701 | 222 | 170,111 | 766.27 | 6,615 |
| siSwati | 1,668 | 3,148,007 | 1,887.29 | 24,129 | 17 | 29,753 | 1,750.18 | 6,682 |
This dataset covers all four of South Africa's Nguni languages, which are part of the Southern Bantu language family.
Dataset Structure
Data Fields
text: The text content of the documentlanguage: The language of the text (one of: isiZulu, isiXhosa, isiNdebele, siSwati)
Data Splits
The dataset is divided into training and test splits as shown in the table above.
Data Source
This dataset was processed from the FineWeb-2 dataset available on HuggingFace: https://huggingface.co/datasets/HuggingFaceFW/fineweb-2
Additional Information
- License: Apache 2.0
- Version: 1.0.0
- Collection Date: January 2025
Language Information
The Nguni languages included in this dataset are:
- isiZulu: The most widely spoken language in South Africa
- isiXhosa: The second most spoken Nguni language
- isiNdebele: Also known as South Ndebele or Southern Ndebele
- siSwati: Also known as Swati or Swazi
- Downloads last month
- 9